影片
港铁黃埔站 A 出口, 步行约8分钟
继续阅读
付款方式
座位数目
5
其他资料
Wi-Fi
外卖服务
加一服务费
当面支付
以上资料只供参考，请与餐厅确认详情
眼前炒粉麵打仗後的屍體山一樣，其貌可怕！擔遮就行出去啦史福佳，塞夠住晒簷蓬條路！我無遮濕夠晒喇，您滷味！排除萬難十點前返到公司，無論如何無論幾點早餐梗要食既！想食咸牛肉雞蛋三文治，但剛剛最後一份比我前面位阿姐搶掉，問問嬸嬸稱即刻做，要等等。還以為做一份，原來一次過做 6 份，所以要等較長時間啊！第一次親眼睇住煮，真係大開眼界，原來係咁架？又學到野喇。先炒熟咸牛肉，再鋪平長方形的扒爐，慢慢倒上蛋漿，熄火用餘溫煎熟，連反都唔洗反，薄薄一層蛋皮，上麵包一開二，禮成！豉油皇炒麵，浪費我寶貴限額極咸啊！不過質地嚥韌硬淨乾爽很喜歡！如果配上燒豬骨粥或瑤柱皮蛋瘦肉粥撈埋一齊食，味道就更平衡剛剛好。豉油皇炒米粉，前面位小姐要多菜，我係要走菜架！唯有全部掉棄。討厭米粉的我都膽粗粗試一試但無下次，濃咸濃油重口味。餐蛋治，餐肉薄衣衣，大風一點都吹走！兩塊疊埋依舊存在感微弱，微暖薄薄蛋皮不算老。水蒸氣已使到毛巾麵包變濕變腍不軟塾。堅平抵食但我要色香味質素，如果夠高質我貴貴都幫襯！好掛住燦記巨形厚厚即造熱到燙手充滿鑊氣三文治。蛋牛治，薄衣衣的跟餐蛋一模一樣，靜蠅蠅微暖完全唔燙手，好懷念燦記猛火鑊氣巨形三文治！食一塊方包夠晒，就算夾埋兩塊蛋牛都係覺得非常單薄。入口嚇親，無蛋味亦無牛味既？口感好乾，無肉汁無蛋汁，求其咬三啖消滅算數。雙併 $10 蚊一分錢一分貨！腿蛋治，真係做到 0.02 極薄好刀功！刀功細膩薄切！唯有掉棄兩塊毛巾麵包，將所兩片火腿兩片炒蛋集合增加存在感，味道好多了！餐蛋治，餐肉跟火腿同樣超薄，外觀十分相似，餐腿莫辨。將毛巾麵包壓薄跟餐蛋一樣厚，大啖大啖地狂噬心裡好過一點。凍冰冰麵包，摸落軟塾食落似紙皮，欠缺肥美可口的薄薄炒蛋及餐肉，沒有蛋香沒有肉香更沒有油香，充饑過過口癮罷了！蛋牛治，蛋牛薄衣衣咸牛少牛油少。23rd March 2018 ( 大發餐廳 ) ~ 腿蛋治，技藝利害 0.02 超薄炒蛋，拼埋微溫火腿無鑊氣可言，室溫未到冰冷，一分錢一分貨入得口。餐蛋治，乾麵包乾餐肉微暖。餐蛋治，虧本超薄 0.02 餐蛋，比 $10 蚊就是 $10 蚊的厚度。熱奶茶，味道不錯，濃濃茶味，淡淡奶香，微滑順喉。硬覺得隻紙杯係比其他食肆細少少。一包糖落晒已經好甜，一啖可以飲晒，熱燙燙飲得到茶香飲得到奶滑。戒奶太耐近排飲返奶茶都肚瀉，不愛甜只加一包糖足夠。凍檸茶走甜，幾乎無冰真奇怪，紙杯特別細，檸檬就有三四片，杯凍檸茶都好濁下，酸酸澀澀散發濃濃茶味。豉油皇炒上海麵，好奇試試超難食！頂左一半都要放棄，粗炒好似無烚過十分硬掘掘，食完勁勁勁頸渴要連飲兩杯水！聞就香噴噴，依舊硬掘掘，食落感覺未熟透一樣，油感十足食到嘴脣立立令，重口味食完勁頸渴。嬸嬸夾勁多比我，食唔晒啊！豉油皇炒河，合格滿意！我要前面靚熱新鮮河粉，阿嬸係要夾後面凍冰冰不知閒置多久的河粉！彈滑完整不散碎，可以一氣呵成大大啖砌！生老抽味香濃，回味再回味，強而有力地揪擊我的味蕾，食完係有點渴，但好味道好食好食，辣椒醬都不用了！豉油皇炒腸粉，已經變得凍冰冰，半分暖意也沒有，當食冷盤吧！厚厚滑嘟嘟油油的，不乾不粉不硬，豉油清爽得宜味道不濁，不需添加任何調味，真心食得過。蛋牛治，超薄炒蛋包著零星的咸牛碎，剛剛做起熱辣辣。腿蛋治，凍冰冰都放了段時間，炒蛋跟火腿一樣薄衣衣，大風少少都吹走，一分錢一分貨 $10 蚊份。餐蛋牛治，沒有三餸提供，唯有自製三餸三文治，不過似乎有點貴又浪費，試一次便夠，罪過罪過。凍的腿蛋，熱的餐蛋，一塊白麵包夾著，雖然麵包口感似毛巾，但起碼啖啖肉已舒服很多了。自製三餸三文治，成本極高$20 蚊。豉油皇炒即食麵，不吃不吃還需吃，心裡叫住停不要再食，但身體非常誠實，停不了地塞入嘴仔，雖然沒半點暖意，冷冰冰的麵條，除味道寡少少外都炒得可以。微腍帶黏乾身嚥韌，搭著爽甜多汁椰菜同吃格外美味。初時還想走菜，好采心血來潮無出聲。一乾一濕，一咸一甜，兩者味道夾到不得了，不過嘆完有點口渴。餐腿蛋治，自掏銀包買兩份腿蛋治餐蛋治合體，自製餐腿蛋治！餐腿蛋蛋治，造價高昂，質量平平，薄切乾乾餐肉，沒煎過的火腿，鞋鞋老蛋，水氣濕腍毛巾麵包，跟外賣即造茶記三寶治價錢差不多。餐蛋治，點解要比包皮我？鞋烚烚而且本身麵包不是高級軟塾類。一分錢一分貨，$10 蚊就是給 $10 質素，分常合理公平。睇住大媽們剛做起都只係微溫，手腳慢吞吞合乎國情。
继续阅读
係紅磡想速食真係好多選擇仲要好高質素，想外賣又想食住家飯既味道$28三餸飯岩哂我啦蕃茄炒蛋+甜酸豬扒+魚頭，仲送無味精湯簡直想買埋今晚飯叫牙媽唔洗煮（一定比人鬧死）個魚頭好大個，仲要有少少酸菜係上面，一個人食個魚眼，獨樂樂食哂成個魚頭蕃茄炒蛋好簡單既一味家常菜，但煮得好味卻不簡單，蛋滑一滑唔會太熟，蕃茄好新鮮酸酸甜甜，而且食多d又健康甜酸豬扒哩味餸真係好開胃，食落去唔腍又唔鞋口，佢切好哂唔會一大塊，咁樣易入味又易入口😋
继续阅读