大盛日本料理 (已結業)

六點幾去到，唔算多人，但係坐落就覺得好迫，凳與凳中間其實都無位，坐得唔係好舒服。叫左一個中華冷麵，比想像中多料咁撈埋最愛嘅胡麻汁 幾好叫左個芝士鰻魚卷，有啲失望，青瓜超大舊，但個饅魚細到不得了仲有個蒜香三文魚腩，尼個幾好，好香脆，份量都好夠

新蒲崗地區發展平平，而且大型商場只得mikiki一個，商場內既食肆又是大集團款式，故是日晚上到了越秀廣場地下的大盛壽司，看看質素是否與觀塘本店一致，可惜驚多於喜，而且店內黑衫店經理及職員態度麻麻，只能讚賞收銀既老闆哥哥待人友善。1. 泡菜牛肉鍋眼見火鍋上已放有煮熟既牛肉片、粟米、魚蛋、豆腐及泡菜，心想味道應該不會太差，可惜事與願違，泡菜未煮熟前醃製味道經高溫煮過後，變得很苦，而且只得辣味，完全不是正常泡菜味，非常難食2. 三文魚子軍艦及火灸特長三文魚壽司大盛店內既食品似乎愈不用怎麼煮味道反而會更好，這使我在三文魚子軍艦上體會到，三文魚子粒粒油香滿溢，入口咬開爽甜，絕對感覺到天然食材既重要性。反而特長三文魚壽司味道普通，而且長而簿，毫無口感可言。3. 軟殼蟹卷賣相是正路既軟殼蟹卷，口感一般，感覺軟殼蟹一早已炸起，不太推薦。 特別要提及落單時的男經理態度麻麻，其他職員只會在你吃完每一碟食物後迅速收碟，感覺很趕客，但店老闆誠懇埋單態度讓我保留不給予負評。🤦🏻‍♂️🤦🏻‍♂️

Lunch time黎到新蒲崗越秀廣場附近，搵到呢間食日本菜嘅大盛，見menu價錢同菜式都幾吸引，就同朋友坐低左😛呢度上菜速度頗快，友人叫左刺身飯，唔使五分鐘就黎左。我今次叫左洋蔥牛柳粒蛋飯。碗入面舖左滿滿嘅牛肉，仲有一隻蛋，完全蓋住d飯，十分足料。牛柳粒肥瘦適中，好有咬口，但又唔會太韌，冇overcook。隻蛋比較實心，如果可以做到更加流心嘅效果就好了😛 呢個飯嘅飯量都唔小，如果細食嘅可以考慮提出少飯。午餐仲奉送野飲，可以揀唔同罐裝野飲，例如檸檬茶，忌廉鮮奶，蘆薈樂等，可樂同波子汽水好似要加錢。如果想飲熱野可以轉麵豉湯，唔使加錢。麵豉湯味道ok，鹹度適中，如果可以多點海帶就好了。呢度整體唔錯，坐得舒服，價錢都幾親民，難怪lunch time吸引咁多學生黎幫襯😛

大盛一向都有食開，因為午餐時段唔算好貴。次次黎親我都唔駛諗，我都一定係叫長蔥三文魚碎丼🤤🤤，因為我真係好劃意食三文魚🍣😁😆😆以前食果陣碗飯好大碗😱😱，成碗飯都充滿住三文魚😱😱，食哂一碗一定係超級飽🤫🤫不過唔知由幾時開始細碗左好多，就算連飯都少左好多。連我老婆食完都唔覺得夠飽。野飲可以揀麵鼓湯或者汽水🥤。我揀左飲麵鼓湯，個湯好香好濃麵鼓味👍🏾👍🏾👍🏾三文魚雖然都係厚切，但份量少左好多

店員服務態度極差 非常表面 同佢講2位 店員只係用手指指向枱 應都唔應 茶要叫先比你 都算 吞拿魚刺身非常吾新鮮好雪 口感好似牛舌咁 真係好誇張 完全擺唔到入口 我係無食到叫佢取消 跟住d廚房師傅就用恐嚇既眼神望住你食 牛肉鍋得個甜字 d牛肉好碎 甜蝦壽司嗰塊紫菜滅唔開 好難頂總之所有既食材都比到個種感覺係用緊最差既材料最後結帳時某店員仲要懶到係收銀櫃比信用卡你 搞到整跌張信用卡落地 係咪真係懶成咁呀 過黎張枱比都係2步姐 不知所謂 各位唔信真係可以試下有幾差 食到成肚氣🤬

最後一次 #尋味新蒲崗我地選擇咗食 #大盛り 海膽刺身成板上$88、燒三文魚腩$25、燒牛舌35都好好味燒物做得好，真係要讚下個廚sukiyaki$55、雜錦魚生沙律$22大大份又足料！鰻魚壽司成條上$35燒雞皮兩串先$15仲試埋劍魚腩壽司$23/兩件油甘魚腩壽司$27/兩件最重要有夜蒲價，埋單每人只係$140😱#太飽了 #滿足😋 #食玩焗煮遊世界 #gotravelwithandie #foodblogger

呢間出名抵食，同埋餐牌上見都有唔少選擇，好多附近嘅住客幫襯，食飯時間好多時都有人係門外等位，今晚我吔八點半嚟到都要等幾張枱。可能因為話晚上九點後有特價(夜蒲價)，近九點時就越來越多人嚟等，最後我吔都要等到九點先有位。先揀啲刺身試下，叫咗北寄貝同赤蝦，雖然係小店，啲刺身都算新鮮，蝦亦好有口感。另外叫咗三款壽司，三文魚，吞拿魚，同埋劍魚，三文魚嘅最吸睛，亦都因為咁而冇夜蒲價。整體嚟講三款都唔錯，以十幾至二十幾蚊兩件嚟講算抵食。除咗餐牌，牆身仲有個黑板寫住啲餐牌冇嘅菜式，我吔就睇中咗呢個什錦魚生沙律，仲可以揀凱撒沙律汁或者和風沙律汁，日式餐館當然揀和風啦。汁係另上，可以依自己口味加幾多。有唔少沙律菜，但刺身就唔夠鮮喇，有別於散叫刺身同壽司嘅質素。呢度都有三款炸物，另有吉列嘅，我吔鐘意吉列嘅脆口啲，揀咗吉列炸蠔，唔可以話好高水準，蠔比較細隻，唔夠口感，但就好在炸粉唔係好厚，以夜蒲價$37.8(原價$44)四隻嚟講就唔係好抵。吉列炸物中仲見到有少見嘅吉列榴槤球，完全吸引咗我呢個榴槤粉絲。有三粒，炸得好夠脆同熱，中間仲係流心嘅，應該係用榴槤漿整，外層包咗一層薄薄嘅糯米粉。好味！最後，本來想食燒三文

依間日本菜好高質 平時好多人排隊 少則排半個鐘，多則排一個鐘**最好揀啲非繁忙時段過嚟♡軟殼蟹手卷：-份量好大-超多蟹子-軟殼蟹都ok甘香♡醬燒三文魚壽司：（必食）超級高質 油甘香非常非常重 滿溢口腔🤤🤤肉質嫩滑 半生半熟醬汁香濃 同個魚勁夾非常高質嘅壽司 可以媲美昂貴正宗日本餐廳一定一定要試！♡激長燒三文魚壽司（必食）同醬燒三文魚壽司一樣油香非常重個三文魚好長可以兜一個圈 成舊放入口超滿足不過冇用嗰個燒汁 靠生洋蔥吊味但仍然非常好食 都一定係必食！♡燒青魚：燒到金黃色 油香幾好最特別係佢跟嗰個醬 好特別肉質軟不過整體未去到驚豔♡豆乳豚肉鍋：入面有生菜、芋絲、冬菇、鳴門卷、粟米粒、譚仔腩肉片、豆腐比較清嘅湯底 唔䶢 個奶味好重 有啲作嘔啲腩肉都冇咩味 而且有啲過熟同埋最遺憾係佢個鍋係冇跟麵得湯同啲餸佢有另一個係牛肉鍋嗰個係超級好味 個湯底係壽喜燒湯 非常香甜濃郁 而且會跟一個蛋味好濃嘅雞蛋 嗰個係勁好味 牛肉好味 一定要叫嗰個食（冇相）♡燒羊架：正常 有羊騷味燒得鬆化 但係過熟 有啲韌$78 有3件 抵食

同區都比較少日式食店，今日午膳點了最普通的吉列豬扒拉麵看賣相也相當吸引，怎知一咬豬扒⋯⋯點解會凍成咁真心好難明塊豬扒放咗幾耐？點解可以凍成咁...拉麵就相當熱，但湯底完全無味個set包一罐飲品個餐$57，唔使加一，唔算平，但質素麻麻，絕對唔抵食

星期一至五6點幾後就有夜蒲價，幾抵食。壽司方面，三文魚同鰻魚切到好大塊有拖尾，抵食，質素同價錢成正比。三文魚鮫煎得好香，日本小蕃薯有炸過，新鮮滾熱辣上來，好好食！牛舌都好唔錯，佢燒物有驚喜，好食。會再來

今日來到新蒲崗食午餐，見好耐冇食大盛, 於是一行2人就決定今日午餐就係哩度解決。入到去求其搵左個位坐低，突然之間好想食鰻魚，於是同朋友就叫咗一個鰻魚飯和一個炸雞芝士烏冬，烏冬都算ok啦，而鰻魚飯就大失所望、雖然我唔多食鰻魚， 印象自己咁多年食鰻魚嘅次數十雙手指都可以數曬，有平有貴，但今次嘅鳗魚就太差了，超級多骨，鰻魚質感好似食緊塑膠嘅，真係一啲都無夸，我記得以前食晚市時質素係唔錯嘅，再加上侍應鞋口鞋面，今次食完真係唔會想再來食

來到越秀樓下位置不算太佳但勝有位停下車停車後等了5分鐘有位了4人入座落地玻璃方便望出去睇車不入錶都可望住車都係店鋪優勢再講食物魚生新鮮，分量正常，價錢適中再講熟食推介蝦天婦羅🍤，好味甜薯好味👍🏻最後再加個豬軟骨拉面仔細比過價錢叉燒拉麵反而比起豬軟骨拉面貴加上本人為食肉獸當然要叫豬軟骨拉面試試但肉偏肥，要小食👍🏻

新蒲崗好多野都食過，但就係未試過呢間大盛。估唔到價錢唔貴，選擇都幾多。魚生飯，丼飯，烏冬，蛋包飯，撈麵乜都有。午市有輕食特撰，最平一個牛肉飯35蚊咋！呢間餐廳都算幾旺，枱與枱之間距離非常窄，就算你生得瘦，行入去果下都有難度。餐廳燈光亦比較昏暗。跟餐可以揀麵豉湯又或者飲品一罐。飲品係韓國款式，有芒果汁，蘆薈汁，忌廉奶等等，都叫比較特別。我就㨂左麵豉湯，個湯都幾好飲，雖然無咩料，但味道幾清甜。今次試左蒲燒鰻魚飯（$60), 第一下食落去，個汁好奇怪，好似有d 酒味，又有d梅酸味既感覺。佢個汁感覺太嗆，又太甜。鰻魚質素一般般，感覺唔太肥美，味道有點腥，同埋有d 骨。不過個飯都算大既，但同同事食完大家都好似有點不是味兒。同事食左個68蚊魚生飯，賣相也不太吸引同新鮮。論好食，附近有間日本餐廳更加正，價錢相若既魚生飯，仲包前菜，沙律，蒸蛋。我寧願貴多少少但食得個胃更加盡興。

因為附近的餐廳都基本上食過，今次就發掘下新店品嚐下。之前見到呢間舖頭都想入去試但總是欠缺一個機會😏今日見到門口有MENU見到有迷你餐，😜好多都係＄3X起，價錢好吸引。入到去店內黑麻麻，😟我仲要背住光坐，有幾下連MENU寫咩都睇唔到😐～我叫左個燒雞扒配手打烏冬，😈可以選擇麵鼓湯或者罐裝飲品（跟餐送）＄55，免加一。😍雞扒一共有4件，但皮有少少燒焦但完全是凍的而且肉質好”鞋”比較乾😥，雞扒真係麻麻✨烏冬亦配有栗米粒，木耳絲及半隻流心蛋✨烏冬感覺不是手打烏冬，☠️質感唔似手打，似某超市出品的烏冬～😞烏冬少了一份煙韌感而湯底沒有特別的味道，所以小妹加了大量七味粉🤡午市時段，店內達8成入坐率，上菜速度快，但收銀職員收錯錢😟，好彩睇多次咋～～

來到新蒲崗既大盛，親佢下午茶嘅時間去試吓先。大概35-50左右，有飲料同甜品，都幾抵食。𥚃面環景都唔錯，地方都幾大。一入到去有人安排座位⋯⋯迷你刺生丼配野菜沙律 $48好味既，刺生份量都多，海膽鮮甜，唯獨份量比較小⋯⋯不過畢竟是下午茶。沙律多汁，菜新鮮吾苦。滑蛋吉列豬扒$38味道吾錯，豬扒熱辡辡。芝士年糕$12下午茶可以加小食，另外亦有10款左右。剛剛好炸出來，超正。下午茶時段1:30-3:30星期日及公眾假期2:00-3:30下午茶都幾多款式免費飲料不用加錢。整體感覺不錯，下次可以試下晚餐。