大盛日本料理

营业中

休息中

今日天气又冻又落雨，搞到完全唔想起身返工，挨过左返工既路程仲要挨过lunch time去餐厅既路程🤦🏻‍♀️真系边行边震，系呢个甘寒冷既天气紧系要食返啲热野暖下身啦，立即谂起去大盛到食锅物，呢个餐厅每个星期都会食一次，原因系佢食物质素唔错价钱合理同凭单一星期内再去食系有九折优惠😂.寿喜烧定食 $64寿喜烧汤底偏甜够味，入面有大量白菜娃娃菜，少少豆腐金菇同一旧芋丝，牛肉份量适中不过就有少少煮得太老，无乜牛肉味，汤底配饭食都唔错.叉烧拉面 $63拉面有溏心蛋，粟米同木耳，味道中规中矩，面质尚算弹牙，不过叉烧偏咸同偏腍。