大自然素食

营业中

休息中

平時大多數同屋企人一係就飲茶，一係就食西餐，餐餐都肉，得閒都想食吓齋中和一下。唔去到鑽石山/寺院食咁遠，就去大自然素食試吓。環境寬敞乾淨，仲有落地大玻璃可以望出去睇下景。口水雞凍素雞加麻辣，辣味入晒素雞嗰度，夠惹味砂鍋菜遠雲吞翅雲吞始終冇有肉嘅雲吞咁好食，湯底清，間唔中食下都OK蟹黃芙蓉翅炒蛋白炒得剛剛好，蛋黃整爛咗之後再加上醋酸酸地，夏天撈飯一齊食，簡直一流北京片皮鴨素鴨嘅肉硬左少少，但係都可以接受，加埋嗰醬甜甜哋，都真係有少少似食緊片皮鴨黑松露牛油果醬炒飯黑松露味濃，一上枱就成陣香味，係成餐飯最好食嘅一個主菜

其實以前食過好多次，一直印象，大碟好食，今次之後，我唔會再嚟。1）黑松露牛油果醬炒飯只有10% 黑松露，有少少味但完全無色，只有幾粒好凋零嘅粟米同埋蘿蔔粒，我問侍應係咪落少咗黑松露，因為根本似炒白飯，佢同我講相係唔同啲咖喇，但呢碟炒白飯價值$106 2）原隻菠蘿咕嚕肉只有3 粒菠蘿⋯⋯⋯ $1163）黃金豆，碟頭少得可憐⋯ 4）叫碟蓮藕餅，等左35分鐘，漏咗落單又唔同人，話取消又係咁同我講嚟緊⋯真係食到好失望

屋企人喜歡食素，於是黎試一試這間素食，叫了一雞絲粉皮，三色芙蓉蛋，雞絲，豆腐，炒飯，最令我意外的是雞絲竟然同真的雞絲口感差唔多，值得一試，另外，芙蓉蛋味道都好特別，整體黎講，喜歡食素一定要黎試下

疫情下好多食肆都冇開，有開就非常少人。同老公奶奶三人去食素，非常多位，三人坐六人位，用隔板隔住就okay。環境非常寬敞，光線充足，坐得舒服。黑松露炒飯，好好食因為我食齋連蛋都唔食得，侍應好細心，同我講聲呢個飯有蛋，問我得唔得。我直接叫佢走蛋😊蓮藕餅，一般般，只感覺到食齋肉，冇蓮藕一粒粒的爽口感覺斑腩豆腐煲，個汁好好食，但係個素魚同豆腐唔夠入味蛇羹，係侍應姐姐推薦，幾濃郁，其實有啲似碗仔翅。三人埋單$3xx，要收茶介。

放假日 月巴女馬話想出荃灣行下 食下野奴婢就要忍痛同張床講分手.... 陪太后娘娘出巡月巴女馬今日突然話要食素 好彩係荃灣廣場有啫🙈原來五點前下午茶埋單離座有半價可惜我地入座已經差不多五點好彩七點前離座都仲有個八折😂餐廳都幾多人 差唔多六點已經坐滿左九成幾乎冇咩點食過素既我 覺得個餐牌好神奇明明全部個名都係肉類 到底上枱會係一碟咩東東😂就等我叫來睇下咩料啦原黃耳素翅燉椰皇呢個係每日勁限量.....有幸叫到一個不過啲湯唔夠熱🙁令我對佢失去哂所有期望....原來隻木瓜蟹籽沙律個木瓜好甜 撈埋一齊食幾好味牛油果法式焗多士呢個每次最少要叫兩份比想像人大舊好多 食完都飽左....個包好脆 配上牛油果醬同芝士 個人覺得味道唔夠迷你招牌三色骨好睇又好食 三個口味都唔差 最好食係士多啤梨醬😋瑤柱金菇炆伊麵炒得幾香 唔會太油 不過唔係好見到瑤柱同金菇既存在🙈夏日限定：香酥花枝圈勁香口 入面有啲似豆腐 但又比豆腐硬身啲 醮埋個泰色辣醬食 👍🏻食到最後原來仲有糖水送😍雖然已姐飽到上心口 枱面都食剩左啲野但有糖水唔食 罪大惡極🙈類似咋喳既糖水 有好多款唔同既豆 仲有啲米係入面唔會太甜 又唔會太稀無味道 免費糖

好一段時間沒有到此素食店吃午餐了。今天中午經過荃灣廣場，再嚐經濟實惠的午市快餐，$48/位奉送例湯，茶介加一，三位埋單$178.2。先喝一口久違了的玄米茶，雖然沖得較淡，也覺好飲。潮式芋粒砂鍋炒飯：砂鍋上枱溫熱，炒飯粒粒分明好嚼口，芋頭粒夠粉再加上介蘭頭粒爽口，整體美味可口。乾炒叉燒河粉：素叉燒軟滑，配上椰菜絲、芽菜、三式椒，河粉炒得剛好不會太油或硬身，味道不錯。上海粗炒：叉燒河粉較上海粗炒更有鑊氣。素菜湯用料十足，很清甜。值得一提的是用了新的器皿使湯能夠保持熱度，非常好。

今日黎食左個素叉燒，好好味，有4個包好似人地包片皮鴨咁，好得意😎另外仲有素蛇羹，好足料！材料有木耳絲，腐竹，碎豆腐卜，味道清而有咬口。10蚊一盅☺️好抵，下次會帶朋友或屋企人黎食其他野。

本身阿媽生日 特登同佢食素其實d嘢食唔算太差但侍應服務態度就不敢恭維首先笑住口請佢加茶 同俾多壺水點知個侍應走埋嚟態度都唔太好 侍應上菜時落錯單 其實好小事但個侍應態度好差 唔應落錯之餘 仲要屈返我阿媽叫錯真係好過份而家搞到生日都過得好唔開心順帶一提 我想加嗰壺水 都埋單都未有

今晚三人晚餐點咗芋頭魚，好明顯係交貨來的，一啲都唔鬆脆；印度咖喱羊腩啲素肉好膠，薄餅唔新鮮，甘薯咖喱角味道亦非常一般。唯一比較有質素嘅係什菜燒汁鰻魚粒，外脆內軟。環境、服務亦有很大改進空間。

今日去開荃灣，就陪🌹老媽子去食下午菜，阿妹好鐘意食🌿大自然下午茶。🍵一行三人，🌸叫左2個下午菜餐加個多士（一個米炒、一個飯、一客多士）。其實我本身唔太鐘意食尼間野，志在佢環境幾好，🌷坐得幾舒服。食乜我都無所謂，而佢兩個就鐘意食尼間。今次唔叫小菜🌼，叫啲餐～🌻多士係老媽子鐘意食，有勁多芝士係面，糠到個多士好脆。我個人本身唔鐘意食熱氣野，都陪佢食一件🙂味道麻麻～唔香芝士～（唔知點解？）🌻芋蓉焗豬扒飯又係老媽子鐘意食🤣，個人覺得見到就唔開胃，個汁咁結撻撻，舊齋扮豬扒嘅味道，就係食緊一舊粉團。老人家話好鐘意食個芋蓉汁😅我就真係唔識欣賞。🌻粉米粉尼個唔記得乜名嘅炒米粉，係比較正常啲。味道鹹鹹地咁，其實都係齋炒米粉🤷🏼‍♀️無咩特別～係家常一啲。總體而言，係價錢便宜，坐得舒服，又有服務～食物味道比較一般。

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗雖然限聚令準備再次開始放寬，不過超過4個人嘅聚會都仍然攪唔掂，朋友聚會又係食外賣嘅時候啦！今次叫素食外賣，試下呢個素宴半席，外賣自取仲有6折，相當抵食夾大件！可能因為2人限聚嘅關係，呢段時間應該食客order素宴嘅機會好微，廚師專心處理我哋嘅訂單，煮得好味又相當大份！另外員工非常有禮貌又好熱心幫手，仲幫手攞落去搭的士，服務滿分一流！💯我哋揀咗素宴C，有10款食物+ 甜品，本身半席係$1,588，我哋外賣自取6折後只需要$952.8，份量足夠8個大人食有餘，非常滿足！勁抵食呀！👍🏼😋好味推界😋🍴招牌三色骨呢個真係好好食！炸得好香口！一款係沙拉醬，上面有少少粟米粒，邪惡肥死人又好好味！一款係士多啤梨，個汁酸酸甜甜有少少士多啤梨肉，好醒胃！一款佢寫係陳皮，不過唔係好食到陳皮味，反而似炸蒜粒🍴榆耳竹笙雞絲翅大大盒勁足料呀！湯羹底做得好好，濃度剛剛好，啖啖料，好味！🍴竹枝花菇肉絲筍殼魚呢個都好出色！炸得好香口，個汁酸酸甜甜咁，減輕咗炸物嘅油膩感！同埋好多時素食嘅魚都係炸芋頭魚，食到勁悶，呢個好有趣！🍴黑松露牛油果醬炒飯開頭睇唔清楚以為係有牛油果粒，

大自然素食吃了很多年，久不久就會來吃晚餐。▶️情迷脆豆腐吃時在猜那是什麼。估計是由豆卜反轉過，加調味後油炸。意想不到的好吃，香香脆脆，調味也很 適合，整體就是少少鹹多多脆。沾泰式醬汁吃也很適合。可惜不知道如何調味式，否則在家試做。▶️秘製蜜汁叉燒 配荷葉包四件這個素叉燒不是最一流的，接近一般街舖的質素，都是偏濕偏稔，吃得多很膩。尤記得有一間餐廳能做到外表燒香的效果，外皮焦香，與真叉燒非常的相似。可惜已結業。▶️魚香茄子煲有鑊氣！加了素肉碎作為魚香的效果。整體不錯，夠香濃。▶️黑松露牛油果炒飯看著樣子平平無奇 ，更顯得師傅功架十足 ，因為這個飯炒得非常香口 ，很有鑊氣。 雖然食材不算太多 ，牛油果味不濃 ，但入口有微微的黑松露香氣，配搭其他餸菜一起吃 ，剛剛好， 沒有什麼配料也沒所謂。

果朝早行完山好攰又已經差唔多3點就同朋友落左呢間素食餐廳食下午茶。一開始入去侍應就安排2個位俾我地坐，但左右兩邊都夾住有其他食客，基本上我哋連攝入去都攝唔到。眼見場內明明有幾張大枱都表明唔介意搭枱坐...都被招呼叫我地攝埋位。剛巧我倆後面有兩位熟客就立即安排坐到大枱，我們才可一拼跟著安排「特事特辦」，認真超級無奈！食物質素方面唔差，好耐以前有食過，最深刻印象係個羊腩農夫包，可惜菜單上見唔到啦。但依舊點左幾樣菜醫肚...沙拉骨，牛油果多士，意式芝士雲吞等。沙拉骨味道一流，空口食左半碟仲好想食😋 但最好食係牛油果多士，焗得唔燶又夠香脆，牛油果入口即融嘅感覺好難忘。一定會推薦食牛油果焗多士！

澳洲大火生靈塗炭😞除左post ig提大家保護地球，大家仲可以試下食素🥬減少食牛肉🐮作為食肉獸既我，完全茹素真係做唔到🙈但至少一星期盡量定1-2日食素日，清腸胃之餘為環保出一分力💪🏻·🥢椒鹽日本淮生片（$88）淮生有益又飽肚.椒鹽調味提升口感～🐟雜菜燒汁鰻魚粒（$98）落左燒汁食落超似鰻魚🤣🥢窩燒琵琶豆腐（$88）酸酸地.最後退左🙈🐟鬆化芋頭魚（$88）媽媽最愛.但我唔鍾意食芋頭😣🥟濃湯蘆筍浸雲吞（$108）好多粒！粒粒都爆餡👍🏻🍚農家燒焗竹筒飯（$38）味道一般.試下就好·📍大自然素食荃灣大壩街4-30號荃灣廣場4樓433號鋪

兩個人去試下呢間大自然素食，實在好抵食！1.食物味道：奉送車厘茄，好正，超市買都要15.9呀😭湯好濃椰子味，好香，藥材滋補，冬天飲超養生！木瓜蟹柳沙律好平、甜、新鮮又平！竹筒飯30幾蚊，其他餐廳做唔到食唔到甘有特色食物了。豆腐芥茶煲最貴，80幾蚊，個芥菜好味！牛酒果多士襯芝士，個芝士味道怪，唔太合得黎，換第二隻芝士好些。綠豆沙糖水，個日免費送，好足料架！2.員工服務：十問九唔應，兼行開了，希望員工態度改善下，做飲食態度都好重要，特別係好多食評都指出呢個問題。