大自然素食

营业中

休息中

訂咗枱七點，我地一行六人6:55分入座，7:10落單，7:55個侍應話出邊好多人等位見我哋食晒野，佢居然比張單我地叫我地埋單，都未試過食餐晚餐45分鐘就叫我埋單走，離晒譜😤個場好嘈，座位又迫，加枱加到背貼背食飯，仲衰過坐大排檔!

已經去大自然素食各家分店食過無限咁多次，但第一次叫酸辣湯，出事啦！ 個酸辣湯似係用茄膏做，酸得好假，做都好差， 好彩呢個係我朋友點嘅，我就叫返每一次嚟都會飲嘅竹生羹，呢個竹生羹無論飲幾多次都係咁好味，但要提提大家，如果多過四五個人，最好係叫一大碗，咁樣會比較化算！仲有每次嚟呢一度一定要叫牛油果法包， 但大家千祈唔好以為係外面西餐廳嗰種的式法包，呢度嘅法包係長過一個手板， 每人一件真係夠㗎，食多一件就會食唔到其他嘢。。。 上次食過黃金蝦好好食，今次再叫，但又要提提大家，兩個人嚟食飯唔好叫呢個餸，因為會好滯。。。 另外仲有一碟炒菜同埋炒飯，飯炒得夠乾身但唔油，做得非常之好， ( 怕油嘅朋友可以叫南瓜飯，上次試過都非常唔錯) 如果喜歡食榴槤嘅話，食完飯可以嚟多個炸榴槤卷當係飯後甜品， 內脆外軟，榴槤味十足，而且性價比高，非常推介！

餐廳門口幾靚，入到去竟然嘈過酒樓。今日係拍拖紀念日 可惜我on diet中 唯有揀食素。點左4款食物，第一款：三文魚刺身賣相同真既刺身有9成似！仲有wasibi添 不過入到喉嚨定有陣甜味 好似羅漢果甜咁...我同男朋友都唔是太喜歡。做左大晒鬼第二款：冬蔭功雜菜煲甜⋯一個好甜既湯。第三款：麻婆豆腐不過不失，但係冇辣味，內有冬菇碎粒帶出少少香 但係豆腐偏硬。第四款：素瑤柱蛋白炒飯全晚我倆喪爬飯，4款食物當中，算係想像中既味道了。蛋白真係做到相當神似，唔錯。總括係，食素應該點些清淡的比較穩陣。

從來覺得香港不是一個素食者友善的地方，尤其價錢是十分不友善，在一般選擇少用料不精冇乜創意的情况下亦夠胆收一個中上上的價錢！都是去台灣好！這店正價也是嚇一跳，閒閒地成百蚊碟菜，我以為用有機。Sorry 冇機啦。但平日午市套餐價卻出奇地貼地，只是四五十蚊快餐價加一茶錢咁，忽然變身成素食大家樂，是吃個vegan fast lunch 好地方。叫左一個乾炒牛河，炒得比好多真牛河還香，有鑊氣，而假牛肉 諷刺地比很多雪藏牛肉有味， 有種素鹹魚的鹹鮮味， 真係食素好過食肉。另一個係煲仔飯， 大大煲， 完全冇諗過， 素食煲仔飯味道一啲都唔寡， 真係有煲仔飯嘅風味。 如果有飯焦更好。再來是揚州炒飯， 不過不失，雖然冇乜材料炒，但假叉燒的味吊起成個飯， 幾好食， 假肉萬歲！所有套餐都送燉湯， 牛蒡紅蘿蔔粟米加雜豆， 飲起味道清甜， 冇肉卻有豆補底，湯起沙，飲起上嚟口感一樣厚身， 但一啲都唔肥膩， 十分健康。素食午餐平平哋值得推介， 但留意初一十五號冇呢支歌仔唱。

健康養生之道地球上最大的三種陸地哺乳動物都不吃肉。大象、犀牛、河馬都是只通過以植物為主的飲食（而且是吃很多植物！）達到了他們如此巨大的體格尺寸。而他們不只是體積龐大，他們也非常的強壯。 有時候一餐半餐都要食素餐廳中心主旨瑤柱福建炒飯 #68hkd炒得好香，好食， 唔係話好油膩， 茶芥一人#12蚊， 再要加一， 加埋都只係#88蚊 除咗有好多唔同種類嘅蔬菜之外，仲非常之夠鑊氣。茶芥#12hkd食飯仲要送埋紅豆沙 #0 hkd，好綿，不會太甜

門口長期冇接待員，訂定枱仲要大人細路等半個鐘，其間仲可以不斷入客，夠膽死話客人訂左六點半，等到八點先入，咁好耐性？唔係有大肚婆，想食清淡啲，一早走人。唔識接訂枱，不如唔好接啦

我地呢啲城市人，成日食肉又食垃圾食物，間鐘都要俾身體抖下食下素食，清下腸胃都係好，食過其他素食店，味道一般！款式又唔多，而呢間係我同屋企人唯一一間，食極都未厭既素食餐廳！地點方便～我！因為係屋企附近，雖然座位有啲逼，但還可以接受！最緊要係啲野好食！又多選擇！雖然覺得價錢有啲貴⋯仲有食完野唔好趕住走，因為仲有糖水食！Good! 如果唔怕羞問下間餐廳可唔可以俾張95折卡！都係好，雖然係少到幾乎⋯⋯但都好過冇啦～

星期五晚飯黃金時段，本來想吃大魚大肉放縱一下，經過這間素食店，好奇望一望門口的菜單一下，竟然發現有三文魚刺身，覺得好驚奇，於是進去了，坐下才想起魚生應該是肉，不是素，那應該是仿製的，不叫了。再仔細看完菜單，發覺「肉」類菜式很吸引，所以點了一客九製陳皮骨，琵琶豆腐，馬拉盞炒雜菜。陳皮骨賣相頗似，炸得鬆脆，外面有陳皮味，咬下去的質感是麵筋加豆腐，有點像炸鮮奶中的餡料，味道不錯。琵琶豆腐的樣子和菜單卻完全不似，像一個圓滑的大雷沙湯丸，表面沒有凹凸感，裡面當然是豆腐，比較淡口，配一個像埋芡用的醬汁，味道反而很怪。馬拉盞炒雜菜用的馬拉盞調味不夠，近乎沒有馬拉盞味，沒有大排檔或一般酒樓做得出色，但如果真的要禁肉，菜單上的什麼生炒骨，京都骨的名字都可以暫時止喝吧！

定位自己要跟下， 好搞笑架幾日簽訂嘅， 跟住我打去家人佢話我冇訂過， 跟住改完我朋友去都搵唔到我訂位張枱， 又打去又話我冇訂過， 跟住坐低咗但佢又話我有訂過不過就冇加到人，奇!好彩食物不過不失， 不好食不難食每年小迪嘅壽星月，會揀一餐齊為我最愛嘅宇宙茶煲，同家嚴，報答到慶世之恩🙏🏻當然仲有為我嘅甜親蜜友，積小小福德🙇🏼‍♂️有你地嘅相伴，實在開心，今年仲有因為去旅行相識咗七年嘅好友相伴， 零舍友光彩中嘅有光彩，親親親😘等本宮，“皇貴迪“ 殿下 ：我每人錫一啖💋皇貴迪嚟自“高山畢完 “延禧~~攻睇策略“

這裏是食素的，原來有午餐，環境似中式酒樓，午餐有六款選擇，也唔少的，價錢大眾化。有茶有前菜青瓜。例湯好多料，有紅蘿蔔，有粟米，十分清甜，好味又大盅。豉汁排骨豆卜蒸煲仔飯，好大窩，砂鍋上，賣相討好，有菜，面筋素火腿整的排骨，豆卜，勁多飯，不過就飯同餸的味道係分開的，都好味又唔肥。雪菜火鴨絲炆米粉，好大碟呀，配料也不少，幾香又好食，也不是好油，好多唔同的疏菜。薑米菜粒魚蓉炒飯，又是好大碟，炒得好靚，好多料，顏色鮮艷，味道也是很好，係食到薑味的，乾身唔油。另外叫了一份芫荽皮蛋，係黃金色又好透明的皮蛋，有8小件，好靚，麻麻地的，不是好勁，但入口即溶，好正。 整體感覺良好

先講環境，其實都叫做 OK ，由於當日食午飯，佢既天幕令店鋪既室温 好焗熱，我坐左10分鐘唔夠已經要走入商場 抖氣！而 食物方面，茶記味道，但因為佢係素食，要追得到茶記级数，变左 再用多D 油鹽糖！以為食素會健康D既朋友，就小心喇！價錢貴，呢個價，無需食茶記级数既素食，要食呢仲级数既，荃灣仲有好多平過佢，健康過佢既！佢唯一好既，係有商場免費泊車囉！

話說我其實每到初一十五都會食齋，但因為我住青衣，而青衣又只得一間素食店，如果我咁啱個2日會出街冇煮飯就多數會近近地去荃灣搵素食店。之前對呢間齋舖已經有興趣，睇過個餐牌有好多令人意想不到嘅的素食，但每次經過，特別係初一十五都十分多人，我又拖住三個女所以好多時都不得不放棄.....難得今日我地一早已經到左荃灣廣場行街，咁老公就話不如今日食個early dinner，一黎可以唔洗怕等好耐位，二黎又可以享用佢個7點前埋單嘅8折優惠。咁我地好早5點15已入座，一打開個餐牌已經被好多好特別嘅素菜所吸引，咕嚕肉，片皮鴨，炸蝦沙律等等。但話哂我地只得2個大人3個小朋友，我地只好叫4個餸。芋頭魚：我老公最愛，雖然其實佢係食肉獸，唔多喜歡食齋，不過呢道菜係佢每次都要點嘅菜。 炸得算脆嘅，但唔夠熱，五香味亦唔太夠，要靠甜酸汁調味。炸魚香芒沙律：個炸魚好好味，熱辣香脆，味道亦都同真魚差不多，加埋凍嘅沙律食一流。咖哩羊肉農夫包：個包夠哂脆，仲好大個好夠飽，咖哩汁都幾香但唔夠辣，入面有椰菜，蘆荀同青紅椒，加上素羊肉，素羊肉有好強嘅五香味，但有點硬，小朋友咬唔開，不過小朋友就好強咁差不多食哂成個包。芝士焗海鮮飯：熱

放假兩天，與幾個朋友報了美食團，吃了十一餐。回港的晚上，大家都打算refresh一下，坐直通車一路南下，來到了荃灣這間大自然素食。晚上六點正，六個人都到齊餐廳便開始點餐。其中一個朋友之前吃過這餐廳幾次，由她拍板就再好不過了。吃了多餐中菜，今餐偏向西餐的感覺。農夫包邊剪邊吃，既美味又好玩，當中蔬菜新鮮，扮「牛肉」像真度高，是一道會回頭吃的菜。大自然的名品少不了這個偽三文魚，看上去已經十分像真，想不到吃下去的質感居然如此相像，實在令人佩服。其他食物包括扮雞串燒、牛油果多士和手指沙律。扮雞串質素一般，不會回頭。牛油果多士，因為我是牛油果的fans，所以會加一點分數，加上牛油果成熟度剛好。綿軟的牛油果醬與芝士互相融合，多士新鮮熱辣，外脆內軟，給它十個like。手指沙律中規中矩，沒有記憶點。最後還是忍不住點了經典菜色，芋頭魚。正常味道，但芋頭魚吃的是情懷，所以只要不太差便不要緊。其實，還點了一個假鰻魚飯，汁很少魚太硬，不好吃也沒有影相。吃畢晚飯，有免費的木瓜雪耳糖水。雖然不及家裡的好，但免費的又有甚麼好要求呢。一行人都是快食一族，吃畢晚飯才七點。七點前離座，可獲得全單八折，這樣下來人均消費不到1

We went there for lunch so my colleague and I took one of the lunch sets and shared the dishes then. As the lunch set menu only exists in Chinese and the staff is not able to speak English at all...we ordered randomly - set B and E.The tea we had to take (and pay) wasn't a good one - actually the quality of the tea was really bad. We got a soup and an appetizer at first which was okay: Set B - rice and vegetables with fake meat, we liked it, the size is okay, you will probably not be hungry any

今晚原本約了朋友食西餐點知無預訂無位，雖然有點失望不過算啦！錯有錯著結果幫襯了隔離一間大自然素食，素食我卻之不恭，非常贊成👍旺角分店我經常去，荃灣這間都是第一次感覺不錯，高雅潔淨還有落地玻璃窗位，非常開揚舒適！今晚我們點了二人餐，餐湯是黃耳蛋白燴翅，黃耳營養價值高又爽口，加了蛋白更添清香，最盞鬼係個湯幾有翅味喎生煎菜肉餃子煎餃不太多油不過餃子皮比較硬影響口感。幾可亂真的三文魚刺身，好很定不是多自挪威，但口感絕不遜色，凍食一流西檸素雞酸甜可口素肉口感都像真，這道菜我十分喜歡😘尖椒我朋友至愛，在下就小吃味道還不錯，尖椒不辣醒胃。