大苑子 (K11購物藝術館)

营业中

休息中

去K11行街街時發現左大苑子， 原來大苑子黎左香港🇭🇰，之前睇台灣foodie Ig見過佢地介紹，係以100％天然水果鮮搾的水果茶飲店果時睇到都好想飲🤤好開心呢家香港都有啦～～🔸台灣爱文芒果沙冰 $48面頭佈滿曬滿滿的愛文芒果🥭果肉，呢杯雖然係冰沙，但係飲落既時候唔會冰到打冷震👍🏽冬天都好岩食呀！每一啖都食到粒粒芒果果肉😍😍 好似食左一個芒果落肚咁😆🔸莓好相遇 $48如果你係士多啤梨控🍓呢杯莓好相遇好適合你的🤤上面果層係士多啤梨冰沙，下面果層就係牛奶🥛飲一啖濃濃既士多啤梨🍓既甜味，好正呀~ 飲多幾啖發現咁濃縮既士多啤梨味係因為杯飲品入面有好多粒士多啤梨🤤 係大大粒🍓，仲要係1開2的😍🔸草莓奶酪 $28草莓奶酪既士多啤梨就切到一粒粒，好香既士多啤梨味~仲有粒青檸，食之前滴既滴先，令味道更出。

喺尖沙咀等朋友之際，預期企住等，倒不如搵個地方坐低。舊K11商場内開咗間新嘅飲料店，名叫「大苑子」，原來大有來頭，係嚟自台灣嘅過江龍店🇹🇼。由於係新開，小店現時做緊唔少推廣優惠活動，當中包括購買指定飲品有九折，又或者可以喺網上買Coupon，即買即用，幾方便👍。小店設有少量堂食座位，感覺寫意，行到攰坐低歇下腳都幾舒服😘。台灣金桔粒脆纖果($36/大杯)，呢杯採用台灣水果嘅特飲正啊喂！🍊鮮搾金桔，香味撲鼻，酸度無檸檬咁強，嗌三分糖啱啱好。同時，飲品配料同樣出色，包括有脆脆嘅脆纖果(奇亞籽？)、軟QQ嘅愛玉啫喱以及蘆薈等，咀嚼口感豐富，而且更富有膳食纖維，健康之選。黃金珍珠紅茶拿鐵($31/中杯)，拿鐵帶有自家特色，茶味唔算好香，但勝在唔會太甜🌿️，而且口感亦都幾順滑。珍珠晶凝通透，質感煙韌，啜極都仲有☺️。芒果鮮奶酪($28)，甜品同想像中有啲出入，因為「奶酪」一詞令我諗起乳酪或酸奶🥛，但佢實際上係奶凍，或者用英文Panna Cotta形容更貼切。不過最值得讚係台灣愛文芒真係好甜啊🥭！總括嚟講，呢間飲料店唔錯，用水果做主題，有賣點，殺出條血路🤣！但可能由於係新開，小店暫時有唔少產品都未能提供

如果講起台式飲料，比起珍珠奶茶，我會更偏向茶類或者果茶。最近台灣果茶專賣店【大苑子】黎香港開左店，所以迫不及待去試下！ 繽紛水果茶：用超級多唔同水果搭配香濃茶底整成。百香果同橙味比較突出。有得食既果茶，非常refreshing。莓好花樣：12月限定草莓季，所以就叫左一個季節限定。清甜既草莓加上綠茶，重要加左愛玉。增加唔同口感，而且成杯都好少女！百香芒果雪糕：特濃牛奶雪糕加上百香芒果糖漿，微酸，但有食到水果既清香！ P.S.不過佢地D果茶整體偏甜，會建議至少半糖或者微糖！

今日尖沙咀K11 shopping，行得有少少攰就去左大苑子坐底嘆生果茶。大苑子係台灣嚟嘅果荼店，主打100%天然水果榨汁。今次order左台灣百香芒果新地，軟雪糕上有甜甜酸酸嘅百香果汁及濃濃芒果肉粒，味道好夾，配上軟雪糕食感覺一流。繽紛水果茶有不同時令水果喺入面，橙、芒果、小檸檬、熱情果、蘋果、菠蘿等等，好fresh好有生果味，而且加左金珍珠，份外好飲。仲點左莓好相遇，即士多啤梨milk smoothie，有濃濃牛奶味道加上甜甜士多啤梨汁，最緊要有多粒原粒士多啤梨可以拮嚟食，正！

河內道K11越來越多年輕、有活力嘅餐廳進駐，最近B1樓層就新開左一間主打台灣直送新鮮水果嘅飲料店，主打愛民芒果飲品，二話不說同朋友來朝聖。🥭台灣愛文翡翠🍵（ $38 ）由於天氣凍，朋友話唔想飲冰沙，於是揀咗呢款「台灣愛文翡翠」，係綠茶底。愛文芒果果然名不虛傳，味道濃郁，非常香甜，食到啖啖果肉，好正！🧋黃金珍珠觀音拿鐵🍼（ $36 ）我比較鍾意飲珍珠奶茶，同樣冇失望，淡淡甜香，尾韻感受到濃厚嘅鐵觀音茶香，珍珠口感細緻，正評。🍓莓好花漾新地🍦（$28）雪糕都好好食，幼滑香濃嘅雲呢拿雪糕，配以新鮮士多啤梨果肉，淡淡都係幸福感！唯一缺點係溶化得好快，都影唔切相😂

今日去咗K11行街，行行吓想坐底飲嘢傾吓計，於是俾我哋搵到一間充滿台灣風味的水果茶店。繽紛水果茶水果茶入面有五種水果，全部都係時令水果，所以味道非常鮮甜。水果茶除咗可以飲用之外，入面嘅水果都可以食埋。至於糖分同冰嘅份量都可以自由選擇，追求健康嘅當然首選無糖啦！台灣春熙柳橙翡翠以橙味為主，用綠茶做底。所有橙都係來自台灣直送，包保新鮮。味道好清新同鮮甜，大大杯性價比不錯。芋見泥新地一見到芋泥就心心眼啦😍！本身想飲芋見泥料超多的冬季飲品，但又怕自己飲完會太飽，所以呢杯芋見泥新地就啱晒我。雪糕綿滑幼細，芋頭味好香，底部仲有一粒粒的芋泥小丸子，食完真係大滿足！

呢間大苑子位於尖沙咀嘅店舖，係一間台灣飲品店，而佢嘅飲品款式都有多款選擇🤔!.台灣果粒多金鳳梨 $36 +$4愛玉呢杯金鳳梨賣相都唔錯🤔，佢嘅配料份量十足🤔，用嘅材料新鮮原塊菠蘿😲同埋D菠蘿果粒，愛玉軟綿綿都好滑口，飲到入口味道都好好味😋，甜甜酸酸菠蘿味道都好香甜😙😋!.黃金珍珠紅茶拿鐵 $36呢杯黄金拿鐵望著好似好好飲🤔，紅茶味好香😙飲入口都好濃郁😋，佢嘅珍珠好有口感煙煙韌韌相當之唔錯，甜度恰恰好🤔!.莓好花漾新地 $28呢杯係店舖新推出草莓甜品，賣相都好吸引🤔，面頭有幾粒士多啤梨大大粒😮，味道酸酸甜甜😋，同時下層仲有大大嚿滑叨叨嘅啫喱，雪糕味道又唔會太甜🤔我覺得味道都唔錯!.

台灣人氣水果茶大苑子喺K11 Art Mall開咗分店🥳主打使用100%台灣時令水果 手工鮮榨成各款飲品🍹又健康又原汁原味 梗係要黎朝聖喇😛-🍊繽紛水果茶 $38選用時令水果而製成嘅水果茶✨所以唔同季節去飲到嘅都會唔同😗我今次有橙、芒草、檸檬、熱情果等等🍋🥭每啖都飲到水果嘅鮮果 仲食到果肉添😛個人認為微糖嘅甜度就最perfect喇~-🍵台灣松柏嶺青茶 $22Bellofood為咗減肥 成日都會嗌原茶🍵😳真心 呢杯松柏嶺青茶我會俾幾高分😼除咗回甘 重點係我搭完成個鐘車返到屋企都飲都完完唔澀!!-🥭芒果鮮奶酪 $28香甜嘅芒果粒同果醬配上奶酪 有啲似奶凍咁!好味而且口感滑溜 唔錯😝

鋪頭原來係台灣過江龍，主打用台灣新鮮水果誤打誤撞試好野。想試芋頭類，但賣晒，轉飲繽紛水果茶。水果茶果汁會因季節調整用唔同生果。就咁用飲筒已經食到愛文芒果肉，好甜。其他水果-橙，菠蘿，蘋果都好新鮮，會提供叉俾你食入面水果，一啲都唔酸。茶濃度剛好，唔會好澀。下次想試芋泥😋

台灣過江龍大苑子終於開到香港啦😍佢用嘅材料係由台灣直接運到香港，保證原汁原味台灣味台灣外文芒果沙冰$48嚴選台灣屏東枋山枋寮既愛文芒，成杯芒果味超濃芒果味，淡淡的新鮮芒果汁再配埋粒粒嘅果肉，仲有愛玉係入面，真係口感夠晒豐富繽紛水果茶$38呢杯水果茶應該係我飲咁多間水果茶最足料，入邊有嘅水果種類仲好多，包括有菠蘿、芒果、橙、蘋果、百香果、金橘，水果茶甜酸度適中，茶底清香，又解渴又食得芒果鮮奶酪$28奶酪嘅牛奶味好重，配合埋上面好甜嘅芒果一齊食感覺有少少甜到漏，但係佢上面有一小塊金桔，配合埋金桔汁一齊食成個味道昇華左，中和咗芒果嘅太甜仲多咗份金桔清香添

又一間台灣過江龍！佢地主要sell台灣直送水果整既飲品～星期日經過見到好多人 唔執輸都試試佢🤣台灣愛文芒果沙冰 ($48)好好飲 🤤🤤 feel到甜味真係來自芒果本身 個式仲有好多芒果同埋啫喱 好好飲 夏天飲一定好正🥰-繽紛水果茶 ($38)本身店員話因為有橙 檸檬 青檸等較酸既水果 建議微糖 但我地懶健康叫無糖 結果有d酸🤣🤣 下次都係聽人建議🤣🤣 -士多啤梨雪糕 ($28)本身見幾平就求其叫 以為個雪糕會好普通 點知好有驚喜 ！雪糕個牛奶味好出😍 面頭有士多啤梨醬 撈埋一齊食好正！個底仲有d啫喱比人咬下🤣其實本身想試其他 但係想試既野飲全部都賣哂/未供應🥺🥺 下次要去試試芋泥飲品！

經過幾次今次終於試試啦由於評價不一都抱住可能中伏既心態😅反而覺得還好🤣門面擺放多款新鮮水果而水果茶都會入定杯呢個方法反而係預備定既情況下都可保持水果水準🧐又方便快捷🤨左㨂右㨂都係試左水果茶 微甜味道……茶味完全被橙汁遮蓋但又唔會係果糖死甜既味道但係追果茶味🍵有點水果香味既話呢杯唔推薦生果種類多蘋果。菠蘿。橙。百香果？ 等等？試過就好😜*味道唔知係咪受到收工時間影響*大家可以其他時間去試試不過呢度都有少少開放式座位可以同朋友坐低傾下計都算唔錯既

來自台灣的大苑子據稱獲得全台票選第一名之餘更曾創下年賣四百萬杯的紀錄，久仰大名但倒是來港開店後才首次一試，選址尖沙咀K11商場內而前身正是百味堂。台灣愛文芒果沙冰 ($48) 用上新鮮台灣愛文芒果，口感細滑而當中更有粒粒芒果果肉及啫喱，由於芒果本身天然甜度較高，個人認為下次改選少甜已經足夠，但全糖依然無損芒果果香，作為招牌飲品絕對當之無愧。台灣金桔粒脆纖果 ($36) 甜中帶酸味道清新自然，脆纖果其實亦即羅勒籽（basil seeds），雖然與啫喱一樣本身不帶任何味道，但兩者均令整體口感層次更加豐富。芒果鮮奶酪 ($28) 質感軟滑水嫩並富陣陣奶香，配上芒果醬及芒果粒甜而不膩。百香芒果新地 ($28) 為香港限定產品，雪糕用上北海道牛奶製成，亦不出所料奶香份外醇厚，百香果與芒果一酸一甜拉上補下恰到好處，另外更有荔枝玫瑰、莓好花漾及芋見泥三款口味。

大苑子 (尖沙咀).係k11多左間台灣飲品比大家選擇🥰🥰 好正呀買完可以係隔離好似cafe咁坐下，飲住野食雪糕傾下計，啱曬行街行至攰/唔飲咖啡嘅你地!!!.▪️繽紛水果茶▪️.以台灣鮮果第一品牌，水果茶係必試項目(⁎⁍̴̛ᴗ⁍̴̛⁎) 水果茶好大杯，有橙，百香果，青檸，蘋果，超fresh，男朋友飲七分甜覺得啱啱好.▪️台灣百香芒果新地 ▪️.呢個我好推薦大家!!! 本身個新地濃郁牛奶香，夠軟滑。雪糕面淋有百香果醬，酸甜仲有百香果粒可以咬，脆卜卜又爆酸。食到中後段，底部好多芒果粒，好甜(˶‾᷄ ⁻̫ ‾᷅˵).▪️ 黄金珍珠觀音拿鐵▪️.男朋友試水果茶，我就緊係飲另外嘅，就係珍奶🧋(⁎⁍̴̛ᴗ⁍̴̛⁎) 黃金珍珠透明，茶底好香！.📌 大苑子 (尖沙咀)尖沙咀河內道18號K11購物藝術館B1樓B101A號舖環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

這間來自台灣的過江龍飲品店，他們主打鮮榨水果茶飲和沙冰，亦有雪糕、甜品可以食到！這間飲品店也設有座位給客人坐!繽紛水果茶，水果茶用上多款水果，包括菠蘿、蘋果、青檸、熱情果等，茶底好香水果的味道，鮮甜得黎又酸酸味味，加上茶的澀味，令水果茶十分開胃!台灣春熙柳橙翡翠，這杯茶飲有香濃的橙味，飲落酸甜，加上有綠茶的甘香，味道不錯!芒果鮮奶酪，這裡的奶酪好像奶凍，口感好滑，而且用上愛文芒，非常鮮甜，十分美味!莓好花漾新地，雪糕是牛奶味的，口感幼滑，上面再加上新鮮草莓和草莓醬，酸酸味味幾惹味!