大記攦粉糕點專門店 (已搬遷) 新店位置

30.6.2009黎呢度食攦粉一定係夜晚練完波食今次要了鮮牛肉攦粉加杯凍檸茶 $20攦粉依然有咬口,真係一試就愛上牛肉都好嫩入味,再加埋配菜,一碗加飲品份量剛剛好

外賣左6件糕點 $20蘿蔔糕 x 2 : 幾挺身, 唔會一夾就散, 可惜冇咩蘿蔔絲, 粉多芋頭糕: 芋頭比較硬 (食落去sok sok 聲), 唔係粉既, 所以唔夠香芝麻糕: 好香芝麻味, 食落有d芝麻碎薑汁蕃薯糕: 好似食緊蕃薯糖水咁, 好有薑汁味, 有少少辣椰汁芋頭糕: 有淺淺既椰汁味, 芋頭都係唔係粉既賣野個呀姐態度認真麻麻, 成日吹人快d講要咩, $10 3件都唔係好平咋,好似想你買完即刻走咁, 試過就算, 下次唔買lu

韮菜餃攦粉$18曾經經過佢間舖，本來想買佢嗰啲糕，但門口有陣臭味，頂唔順走頭今次冇陣味，入去食碗攦粉，真係好食過瀨粉，滑啲有米味，其實係咪即係米線呢？韮菜餃個皮唔厚，韮菜味濃配咩都唔會難食湯夠甜冇落味精，配菜多，有豆角、芽菜，幾慷慨吓

同事曾買過一些這裡的糕點, 試過覺得不錯, 有一次就特地去買多些。糕點款式超多, 應有上廿款之多, 簡直眼花撩亂; $4 一件, $10 有三件, 件頭不小呢。胃納有限, 只買了 6 件。買的時候也得到其他食家遭到的待遇, 大家請注意跟店員落柯打的速度, 雖然我也很佩服他們的短期記憶力。六件糕由上至下, 左至右排列:雪耳紅棗糕 - 紅棗只有很少, 雪耳沒什麼味道, 取其爽爽的口感鮮奶南瓜糕 - 那時時近萬聖節, 應下節都好, 黃黃的很 creamy 的一件糕, 入有少量南瓜肉, 我覺得幾好吃桂花糕 - 是它裡面有點點桂花碎才把它認出來, 但其實桂花味是非常的淡桂花桂圓糕 - 沒有吃, 但家人認為杏仁糕最好吃杏仁糕 - 雪白的糕內有杏仁片, 個人認為本身的杏味卻不濃薑汁蕃薯糕 - 也給家人吃了, 也是認為不及杏仁糕好吃另外買了一樽桂花茶 ($8), 哎, 很難喝啊, 一來顏色不討好, 二來沒有桂花味, 只是一味的甜!

睇完電視覺得好似幾好味咁...就同媽咪爹地黎試下啦...我覺得d粉食落都幾得意...好好味~而我媽咪就比較鍾意佢地既糕點喇....點知食飽出去諗住買d糕點番去試下既時候就真係體會到各位網友講到佢地既服務態度真係差到冇人有呀出面賣糕點果位人兄會首先會問你買幾多件...但係你唔可以講得太快...但係太慢佢又會唔like bor...咁我都明白既...有咁多人可能真係未必兼顧到既...但係我地買完一盒之後再排過去買多兩盒...咁我地見佢話唔好講咁快...咪講完呢盒先話下一盒要d咩lor...點知佢係度大叫"咁你究竟係買幾多盒嫁...要買幾多一次過講曬啦...唔好一d一d咁講出黎!!!"我聽完真係火到黎....人地講得快你又叫人地唔好講咁快...慢你話慢...d態度真係好難頂呀...我地只不過係黎食野者...唔係要受你氣嫁...同埋打開門做生意...顧客係好緊要嫁...d態度咁惡劣...如果大家真係想試既真係要諗清楚呀!!

我以前每個月都會幫襯攦粉同糕點,但現在我覺得呢間舖一開始比我地D網友讚得多就質數下降,攦粉加價我覺得唔緊要,好似現在去食墨魚卷攦粉唔會比佢以前會比既甜辣醤比你,鯪魚球攦粉會問下你要唔要蜆芥醤,糕點最過份,每款糕都收人$4元一件,每年縮水三份一,每次都買$10三件,我覺得呢間舖好慳,keep唔到水準唔會再幫襯

一間食店好與壞，食物質素及服務態度都好重要，大記係一個例子，首先講食物我個人覺得佢地個'墨魚卷'比較好味上枱時重熱，果個' 攦粉'就好普通囉。再講返服務態度就非常差，我同肥老公一去到見到張四人枱好自然就打對面坐，但'D'店員不停咁叫我同肥老公要平排坐（當時店內不很full），不過我睬佢都傻無理佢。

終於有機會去試下啦~~間野門面好似普通茶餐廳咁, 細細間, 唔太多位, 唔講唔知佢有咩咁出名。我地點左一個好多人讚既墨魚卷"麗"粉$25, 墨魚卷好食, 應該係即炸既, 熱騰騰, 同埋要等得比較耐先有得食~ 墨魚卷個樣似腐皮卷, 入面有D 墨魚肉+蝦肉~另外點左個豬頸肉"麗"粉 $18, D 豬頸肉好食, 一D 都唔肥~呢到最出名既"麗"粉, 其實好似粗身既米線, 都幾滑。一個粉當中會有D 炒什菜, D 湯底又好味~~呢到D 野食都唔貴呀, 一碗粉平均由$15-$25, 都幾大碗呀! 抵食~叫一碗粉, 野飲仲半價~呢到另外出名既係D 糕點, 不過可能我地係夜晚黎食, 個樣好似擺左好耐咁, 一D 都唔吸引~唯有下次有機會再買~

我同同事專程去試架，因為我地講左好耐都未食過~佢既地點都唔易搵，可能太熱我冇心機記路~一去到，入去搵位坐時，人數都唔算多，冷氣都ok~我地岩岩坐低，佢已經問我地食乜野，寫左單後，我地都等左一陣先有野食~但我地碗粉，佢放o係檯邊，似係路過放低咁，係幾秒既事，有欠禮貌~墨魚卷攦粉($25)︰個卷ok，真係熱既，食落唔似翻炸，碗粉都算大碗~ 攦粉食落去有d似「淋」左既米線，滑滑既~ 佢似米線咁有芽菜o係面~ 加埋辣椒醬就好正！鮮奶椰汁糕($4)︰好滑，好香既椰味，我鍾意！芝麻糕($4)︰都係滑，呢個個味濃d，所以放o係鮮奶椰汁糕之後食係正確既！為左呢兩款糕，我會再去的~

今天來到了太子，和女友一起去拜會這間人氣麵店，究竟有什麼咁吸引呢？來到了門口，也只是一間平常不過的小店，也先坐下及研究吃什麼。想了一會，也點東西吃了，首先當然要點它們最有名的攦粉吧，怎知店員說賣光了，說暫時沒有攦粉，勸我們要米粉及公仔麵等，但既然來到，當然要試其看家的食物吧，所以決定等，先點一些茶果、糕點及小食，邊吃邊等。茶果十元三件，有紅豆、眉豆及花生，茶果端上來是熱到燙手的，用叉加手撕開包着的葉來吃也沒大困難，可能是有點油在面之故吧，但這也是無可厚非的，先吃眉豆茶果，一咬下去，茶果的皮超級黏糯香軟，既煙韌但又不黏着牙齒，而其餡是鹹的，而且非常之熱及香，眉豆蓉內有胡椒粉、油、鹽、糖及五香粉吧，所以沒有肉，也是非常之香，聽說有些地方會加爆香了的蝦米，但今天我吃不出，但已經夠好味了；再來的是花生餡，也是鹹的茶果，皮也是不用多說，而餡也吃得出粒粒花生，但反沒有眉豆的香，若變為甜的花生餡可能會好一點；最後吃是甜的紅豆，紅豆餡多，充滿紅豆香及豆沙，吃起來滑滑的沒太多豆殼，甜度也是剛好，這個也是很好。糕點要了蘿蔔糕及芋頭糕各一，蘿蔔糕也挺身，咬起來是較硬了，而內裡有蘿蔔絲，但吃起來的蘿蔔味是不足

出發前一日突然想開個美食團 取代 沙灘日同朋友仔係openrice睇左好多唔同區既食店結果揀左去 油麻地 ~ 太子大記不嬲都係我心水因為真係平靚正!5個人相約係太子等 之後就出發lu~lunch時間大記都唔係太多人 叫左墨魚丸攦粉($15)墨魚丸有墨魚味xd唔會話食左一粒麵粉多個墨魚質感既丸今次我醒目啦冇揀酸辣湯==清湯好好多!攦粉依然都好爽滑叫左2舊糕 分別係芝麻同紅豆大家一齊share~我覺得依然好味呀 好香芝麻味 紅豆糕都紅豆又ok但某一個話朋友話佢食慣左坤記間芝麻糕覺得果間好食d.....

炸墨魚卷 - 好香口,不過好油.d油仲要係黑黑地.唔識點講.好味.但個感覺唔係幾好.雞酒攦粉 - 好多薑.薑味十足.酒味就冇乜.而雞就淋哂.又冇雞味.桂花茶 - 好普通,唔係太香.又好甜.係咪耐左,好似岩岩開舖時好食得多.

本來想買三件, 因為十蚊三件, 但係唔知好唔好食, 而且一件都係四蚊, 所以就只係買左一件椰汁糕食件糕揸上手已經覺得好得意, 好有彈性, 好似揸住個義乳咁咬落, 幾好食, 雖然椰汁味唔係太重, 但係件糕好滑, 仲唔會食到成口粉下次一定會再嚟買的! 好想試吓個桂花糕

來這裡有兩個目的,一是煎蘿蔔糕,二是客家茶果湯底的手打烏冬!晚上七點來到原來己經售罄!樓面哥哥告知通常三、四點就賣晒,想食就明天請早!兩人點了:一碗鮮牛肉及一碗牛丸加鮮雞攦粉大麻辣湯底----這碗粉對我的吸引力不大!湯底味道不麻不辣(可原諒因不是標榜賣麻辣)配料亦是一般質素,而攦粉的質地就像發漲了的米線一樣軟淋淋,可能有人覺得這叫滑,但個人認為這叫爛.炸鯪魚球----蜆芥汁像樽裝貨咸而不鮮,鯪魚球質地偏軟腥味不重,比某些小菜館做得好!炸墨魚卷----表皮香脆,墨魚膠彈牙咬落仲有墨魚粒粒!好味!馬荳糕、椰汁糕----味道相近,馬荳糕的質感較豐富,甜度兩款同樣適中!芝麻糕、馬蹄糕----芝麻味道頗濃,食完沒有嚡口感覺.馬蹄粒都幾多,如果加蛋煎仲正!看來這店吸引到我的是配角而不是主角!

well i ate cabbage dumplings rice noodle the other nite and found it totally AVERAGE.i think ppl has been exaggerating for the texture of its rice noodles which is claimed to be its specialty.yay its chewy but im so sorry to say def not in a good way though.i dunno if its cos of its cheap price which draws the diner to tht much overrated comments.no harm done to satisfy that little curiosity ONCE though.id prefer the NORMAL rice noodles is all i wanna say lastly.:|on top of tht,the services from