大車特色小食

营业中

休息中

我好少去大排檔食嘢，因為怕熱，怕污糟。竟然因為鄰居話「大車」的吉列豬扒是全港數一數二的好吃聽了之後，心裏一直想來試，今天終於找到好時候。因為假期是休息的，星期六大約營業至下午4:30。通常星期六瞓到黃朝百晏也去不了試。「大車」的吉列豬扒，不是「梅林銀座」的那一種。是傳統香港茶餐廳的吉列豬扒，外層炸得鬆脆。由於他們是選用美國Farmland豬扒，肉質非常好，厚薄適中。曾經試過一些吉列豬扒，好似紙咁薄，試過都唔再想食。這裏的吉列豬扒是有厚度的，而且有肉汁。今次配上出前一丁，他們的出前一丁也一樣煮得出色，麵煮得軟硬適中，恰到好處。另外點了炒蛋煎豬扒多士。炒蛋就一般，不是炒滑蛋，也有點老。但煎豬扒卻很出色有肉汁，值得推介。很多中高價位的西餐廳也不及這裏。今日雖然有太陽，氣溫大約30度，他們有戶外冷氣，強力風扇，在這裏吃東西也不覺得熱。今日大約下午兩點到達，未到午茶時間，所以飲品是要另外收錢的。

轉左工...係正有線樓下......所以今朝早餐我揀左呢間黎食...一去到其實都已經好趕時間...所以是但食個包算一黎到眼睛會發光...本身以為佢就咁比好薄果D包包就算..點知係厚既包...加上佢烘到好脆身而不帶燶....【練】奶亦都唔會話多到令到人會係咁飲水...激讚...

就係工佢地方附近既柴灣角街有一排大排檔，位置隱蔽，唔係度反工都未必知道，最外面有一檔"大車"，好受附近打工仔歡迎架，吉列豬扒飯係鎮店之寶，皆因佢超級大件，一碟飯有兩大件豬扒，味道當然好味啦！醬汁仲有6款可自由配搭，通常過左lunch time就賣哂！今日我地2點幾先來到，例牌賣嗮，又無得食，所以友人叫左煎豬扒飯，都一樣係double兩大塊上架~佢仲加多隻太陽蛋添！香煎豬扒飯配香蔥豉油汁 $45送冷熱飲 (+$6煎蛋)移開太陽蛋，就見到兩大塊煎豬扒！豬扒很香夠入味，兩面煎得金黃，肉質嫩滑，肉汁豐富，最喜歡扒骨旁邊的油脂，既香脆又入口即溶 另外大車另一必吃既係西多士！大車西多士$35 (下午茶時間送凍飲)聽說要炸一件色水均勻既西多係好花工夫既，要用慢火，望實個火慢慢炸，先可以有咁靚既金黃色，如果貪快用大火，就會太深色，而且色水唔均勻！而大車既西多士，色水均勻，炸得金黃，麵包外層微脆很有蛋香，中間既麵包非常軟綿，中間既花生醬餡仲有流心效果架wor 我相信呢件絕對稱得上為完美西多士！雖然邪惡，但咁好味肥死都要食架喇!橫掂都肥開，索性加多杯華田爆脆。華田爆脆 $20 (跟餐+$6)雖然呢杯華

自從麗城美食廣場停業後,食肆本已選擇不多的麗城花園更加沒選擇,現在連吉吉家也結業,唯有轉移陣地到柴灣角街冬菇亭吃午飯,名字很特別的大車佔據邊陲位置,也是場內還有座位的食肆,只因其午餐價格真的比其他偏高。這部大車面向海盛路轉角處,店主有心地栽種一些花草圍繞著店舖,佔地更多的環境比旁邊咖啡店更舒適;大部份桌面上還有一朵玫瑰花,誰會想到在冬菇亭也有如斯浪漫小玩意吧??初來步到,看到大部份食客也是吃豬扒飯,我也來一份香煎豬扒飯($45)配香蔥豉油汁,其實還可以選吉列豬扒和其他醬汁,第一次還是選個最穩陣的配搭吧。盛惠$45看似好貴其實包含兩片大豬扒,看其樣子真的剛煎好,對辦!豬扒外圍有一圈脂肪,煎香後更不得了!豬扒厚切有咀嚼勁,沒有加入鬆肉粉令其變軟,豬扒本身調味很輕不至於淡而無味,只因所配醬汁大都濃味,跟醬汁配合後可算是好吃的煎豬扒。煮過的豉油甜甜的還有大量蔥油,只是這兩款東西已可下飯,此店果然是飯量偏少,難怪吸引不到體力勞動的一群客人,客路也跟其他的大不同,面對這麼美味的甜豉油及偏少白飯,問過店員可否加飯??答案是可以,不過也會提醒吃不完的話就要加錢,這種做法是有點不便但也可避免浪費食物,值

懶！不想走太遠，在屋企附近的大排檔填肚子，咁又一餐。咪以為呢個時候食大排檔會好熱，佢冷氣都OK，加上檔口是最邊邊，偶爾一陣風嘆來，蠻舒服的。點了餐蛋飯，要太陽蛋。就是那兩隻搖搖欲墜的蛋黃，已經夠吸引，食法當然是破穿來撈飯，讓蛋汁包裹著每粒米飯，是兒時的滋味。這裡的午餐肉亦煎得香口，不會欺場，加上有一小撮的蔥油，送飯一流。這裡的飯既份量不多，但可以添飯，主要是避免浪費。以一杯濃郁的凍咖啡作結，簡單而滿足。三十蚊埋單，凍飲唔使加錢，超值！

今日見到Open Rice介紹係荃灣柴灣角街熟食市場開左間新嘅大排檔, 嚫今日假期就一於去體驗一下呢個比較冷門嘅地點. 聽朋友講呢個熟食市場嘅野好抵食, 不過環境並不是太理想,呢度主要做附近工業區嘅生意.呢間大排檔位於熟食市場最開揚嘅位置, 它最接近馬路(海盛路), 亦即係最接近麗城花園海濱(海興路: 連接荃灣西鐵站). 用Google map 都容易搵到. 不過由荃灣西鐵站徒步需時20分鐘, 最方便就係荃灣地鐵站乘坐入麗城花園嘅綠色小巴.雖然今日有成攝氏33度, 但係佢地嘅強力冷風機及風扇營造左好似坐係海灘嘅感覺, 不過真係太大風啦, 搞到我成個頭亂哂.雖然叫大車特色小食, 但食物種類都只係平時係茶餐廳見到果D. 叫左個香煎豬扒飯配青咖哩汁, 熱檸茶雖然賣相不太討好, 不過青咖哩汁送飯都幾開胃, 最特別就係佢地好似用左珍珠米,每粒米都係分開, 唔會痴埋一齊, 唔似一般茶餐廳嘅飯通常都係一pat pat, 豬扒有香茅味, 但有點硬.熱檸茶 - 由於佢地用左塑膠杯, 感覺上有點失色, 餐具其實都好影響我對食物嘅觀感, 不過呢度係大排檔, 不能有太高要求. 而砂糖要好似茄汁咁"支"落杯茶度