大雞食堂

营业中

休息中

今日我嚟到銅鑼灣嘅大雞食堂，今時今日專門做燒雞扒一味既餐廳真係好少見，佢哋就係咁樣專精做出咗極高質既風味同口感，仲有勁親民嘅價錢同埋完美嘅味道，超抵食今次試咗佢幾樣嘢，首先就係佢哋嘅招牌蔥油燒雞扒飯。一睇就知啲雞扒煎得外脆內嫩，蔥油嘅香氣全部融入咗雞肉入面，好食到無野講🥹跟住就係馬拉咖哩燒雞扒飯。咖哩醬用咗好多種香料，味道好濃，有一種淡淡嘅椰香同埋一點辣味，真係好開胃。雞扒照樣烤得外脆內軟，加埋咖哩醬，真係食到停唔到口。最後，當然唔少得嘅就係珍珠奶茶。奶茶味道好濃，甜度啱啱好，唔錯👍🏻

💜 招牌蔥油雞扒撈丁蔥油好香，一上碟就聞到香噴噴嘅蔥香，唔會有油溢味，雞扒都算大塊，分到四塊，而且外面係乾脆嘅狀態，有啲似日式燒鳥嘅嗰款皮，唔會油淋淋，入面啲肉質都幾多汁。🧡 難得見到有燒雞扒刈包當然要試吓啦，原來刈包係有啲類似饅頭咁，都幾軟熟，夾上餐廳超出名嘅雞扒勁正，又夠厚身，味道十分唔錯，建議大家要食得快啲，如果唔係雞扒汁就流入包，影響質感。✅ 份量超大✅ 性價比高✅ 環境乾淨✅ 坐得舒服✅ 唔趕人走✅ 員工友善

終於有機會到訪呢間隱世燒雞扒小店，地點位於銅鑼灣同灣仔之間，地方唔算大，但裝修modern簡約，坐得舒服。餐牌有十多款全日特惠餐選擇，入面包咗熱飲，凍飲+$3，亦有珍珠奶茶及百香果紅茶選擇。據聞「蔥油燒雞扒飯」、「蔥油燒雞扒撈丁」、「咖喱雞扒飯」係小店嘅鎮店之寶，今次點咗其中兩款試吓先。蔥油燒雞扒飯（$65）- 不愧為雞扒專門店，雞扒表面燒得非常香脆，帶微微焦香，雞肉入口好嫩滑，果然非常高質好味。蔥油燒雞扒撈丁（$65）- 雞扒質素一樣咁高，無論係雞扒飯或者撈丁，餐廳亦有提供蔥油，撈埋麵或者飯一齊食，味道特別正。飲品分別點咗凍奶茶及凍檸檬茶，奶茶茶味夠晒濃，入口亦香滑，下次要試吓佢嘅珍珠奶茶。除咗堂食，餐廳亦有提供外賣，食物質素好高，價錢亦相當合理，要推介俾鍾意食雞扒嘅朋友。

銅鑼灣呢間新開冇耐既小店吸引左我既眼光。店舖環境舒服，座位都闊落。野飲方面比較簡約，清甜解渴已足夠。餐點選擇也有不少，主打雞扒。於是就叫左雞扒飯啦，一於試試先。個個雞扒大大塊，外表香脆又多肉汁​，超級超級邪惡呀。肉質都好嫩滑，飯粒亦相水分明同有咬口。成個飯都好足料呀，蔥油勁香，令人回味無窮。食完之後真係一個令人滿足既味道呀，有幾款下次都想試下。下次路過呢邊再試下其他先，佢個份量真係幾足料，而且環境真係夠哂舒服呀。

去開灣仔個邊開會，同事介紹食呢間燒雞飯，話雞皮好脆又惹味，果然無介紹錯。——熱門菜式蔥油燒雞扒飯 $66蔥油控無法抵擋嘅蔥油送飯呀加上生燒雞扒外脆內juicy ，全日食幾時食都又飽肚又fulfilling! 餐廳幾貼心，app上點餐可揀少飯或多飯！馬拉咖哩牛肋條飯 $73馬來西亞咖喱用椰漿減低辛辣和提升香味，味道比較平和，啱哂我唔太食得辣而且用月桂葉、羅望子、香芋等多種香料，辣中帶甜。牛肋條軟熟，索哂醬汁好入味！

平時去到銅鑼灣比較少去銅鑼灣街市後邊覓食，今日就試吓去嗰度食一間好味嘅燒雞扒啦。去到餐廳嘅時候都已經係下午茶啦，但係老闆知道我想食雞扒撈丁都特登煮俾我食。呢啲人情味一定加分啦。而且好少餐廳會再咁樣照顧顧客嘅感受㗎啦。我就叫咗雞扒撈丁啦，朋友因為食咗午餐，所以佢叫個下午茶雞扒刈包就夠啦。雞扒撈丁嚟到啦。雞扒好香煎到皮脆肉嫩，肉質好滑，而且咬落去嘅仲會唧晒啲肉汁出嚟添。面底一定係出前一丁，煮得熟到啱啱好，煙煙韌韌絕對唔會過淋。靈魂醬汁一定係蔥油，蔥油放到落去公仔麵上邊撈埋一齊令到公仔麵分開而且咬落去油香滿面，香味十足。餐廳細細餐飲竟然可以選擇珍珠奶茶超正。朋友諗住食雞扒刈包細細份啦，點知塊雞扒勁大塊，上面亦都都係鋪滿咗蔥油。淡淡咬落去都好香。原來蔥油雞扒係咁夾㗎，就算你係食麵包食公仔麵都一樣好食。果然燒雞扒喺呢度嘅招牌。滿足嘅一個下午茶啊。

前排經過灣仔見到呢間大雞食堂，見到餐牌超級吸引，有好多撈麵嘅選擇，於是今日有經過就去食埋個lunch☺️叫咗個蔥油煎雞扒撈丁簡直係驚艷，自問平時都係少食撈麵嘅人，但今次撈丁簡直係令我眼前一亮，首先鹹香嘅程度捉得恰到好處，唔會有過鹹嘅問題，而且值得一讚嘅係啲面都仲好爽唔會過淋😎 最值得讚賞嘅就係個雞扒，外脆內嫩，食落勁Juice，而且啲雞味好重，食到我舔舔脷，簡直係舌尖上嘅享受，超正🤩另外仲叫咗個蔥油豬頸肉撈丁一樣咁正，豬頸肉爽身又咬口，而且配搭埋啲醬油更惹味，但個人都係更加鍾意雞扒😍另外食撈丁㗎唔少得叫番杯凍鴦或者係凍奶茶啦，正常發揮，少甜而且凍冰冰，夏天飲一流🤩環境都算舒服，而且唔會趕人，上菜速度都快🥳

間鋪頭個名感覺特別,所以想試吓今日過咗一點半先到,裡面唔多位但都仲有位,枱與枱之間少少迫咁,職員都nice用QR code 落order, 不過選擇唔算多,除咗雞扒,都有吉列豬扒同豬頸肉等,不過去呢個時段好多都售完,連常餐都冇哂😅我地都叫雞扒,燒得幾靚連皮食都冇乜肥膏呢個幾好☺️肉質都算嫩滑,咦~皮燒得好脆我以為食緊炸雞😆聽飯脚講飯係珍珠米,口感不錯如果多啲豉油餸飯仲好,葱油份量都ok,飯腳覺得今次幾好味（佢食過幾次）,我覺得田園蕃茄味調得幾好,餸飯好夾,有蕃茄肉不過加啲綠色菜會更好😆杯奶茶對我黎講幾好飲,唔加糖都啱啱好😊

發現咗銅鑼灣一間專食雞扒嘅餐廳。大雞食堂好明顯主打就係食雞㗎啦，出名嘅蔥油雞扒飯仲有馬拉咖喱雞扒飯。馬拉咖喱雞扒飯重點都係喺個雞扒嗰度，雞扒經過精心醃製，真係做到外皮酥脆，肉質鮮嫩多汁。配以濃郁的咖喱醬，散發出誘人的香氣。這款咖喱的香料層次豐富，辛香四溢，適中嘅辣度使整體味道更添深度。米飯則選用優質米，散發著淡淡的米香，與咖喱的濃厚滋味相得益彰。每一口都是完美的搭配，讓人忍不住想多吃幾口。最緊要就係新鮮整出嚟成碟飯熱辣辣。其實都想試埋蔥油雞扒飯，不過一餐裏面真係食唔落下次先至再嚟。

生燒雞扒外脆裏面好juicy好爆汁，外層的金黃酥脆與內部的鮮嫩多汁形成鮮明對比，令人垂涎欲滴。搭配咖喱汁～ 勁香好惹味😍😍和一杯珍珠奶茶，絕對是完美的組合。此外，蔥油雞扒撈丁👀蔥油超香😍😍連埋撈公仔麵🍜好好吃🤤#大雞食堂 #dachicanteen #雞扒 #珍珠奶茶 #下午茶必選 #香港美食 #香港探店 #香港雞扒飯 #100家探店計劃 #跟住jj去搵食 【銅鑼灣🐔大雞食堂】地址: 銅鑼灣摩理臣山道10號地鋪

喺銅鑼灣附近比我搵到一間超好味嘅餐廳😋一入到去環境好舒適，裝潢簡約又大方，柔和嘅燈光真係放完工之後真正覺得放鬆🫶🏻 餐廳位置寬敞，座位擺放得好合理，不會覺得擁擠。環境非常乾淨！喺嗰度食完都冇趕人走嘢食方面我揀咗💗招牌蔥油燒雞扒撈丁 （$65）雞扒外皮香脆，燒到變金黃色吖🫨食落脆卜卜，但內裡保持着多汁口感，肉質嫩滑。特別係加埋好多嘅蔥油，令香氣可以完美地滲透進雞扒，搭配爽口撈丁一齊吃，滿足感大但又不會顯得過油膩。呢道菜份量好足，食完真係飽💗馬拉咖哩燒雞扒飯 （$68）馬拉咖哩雞扒飯賣相好吸引🤩咖哩味道濃郁，濃稠度做得啱啱好😋辛香四溢，但係又唔辣～雞扒配埋咖喱汁。食得出啲飯用咗珍珠米，飯粒粒分明，煮得啱啱好，吸滿咖哩汁配埋紅蘿蔔真係絕配😋飲品方面選擇咗凍奶茶少甜😘少甜的奶茶喝起來不會過於甜膩，茶味濃郁且奶香十足，冰涼口感令人在炎炎夏日感到無比清爽😋真係充滿香港特色凍鴛鴦🥸我一直都最鍾意飲鴛鴦！！😎係咖啡與奶茶的完美結合，既有咖啡的醇香，又有奶茶的柔和

係港島覓食兜兜轉轉見到呢間餐廳幾多選擇 港式早餐/下午茶多士包羅萬有 一於探索下！入面位置唔太多 勝在裝飾行簡約整潔風 坐得都幾舒服 出奇地每款菜式都好有HK style💯仲有得望住廚房燒雞扒~ 。。。🦔✢ 招牌蔥油雞扒飯 $65蔥油控入得黎就係迫不及待地想試佢招牌(≧ω≦)幾鍾意雞扒啲皮乾身夠脆 肉質唔會太hi 再加埋啲蔥油飯好幸福🤤不過重口味嘅小妹偏好再多點蔥油hehee ✢ 蔥油燒慢煮豬頸肉撈丁 $70豬頸肉都唔差!! 有別於平時嘅炭燒做法 慢煮質感會更腍身 鎖住水分亦唔會咁乾 最佳享受方式就係配埋撈丁😝麵質剛好又唔糊 加埋蔥油整體都唔會偏咸 一般人都可以輕鬆ko成份嘅程度！ ✢ 凍奶茶呢個天氣+蔥油飯 真係要杯港式奶茶gur下 perfect match! ✢ 凍百香果綠茶比想像中高質又好飲! 唔係淨加調味料 綠茶味香濃 配上淡淡百香果味 又一杯解熱茶飲

今日去開銅鑼灣，入左間小店食野雖然店面唔大，但好有日系風✌🏻小店主打生燒雞扒😝環境仲好舒適，唔趕人走🙌🏻🍚蔥油燒雞扒飯 $65係人手生燒雞扒，雞扒外皮煎得好香脆，內裡多汁嫩滑，食落去無雪藏味🤙🏻啲飯索哂蔥油汁既香味，撈飯一流。飯仲可以揀少飯或多飯👍🏻🧋珍珠奶茶 +$9有得揀走冰幾好！雞扒要配奶茶先正✌🏻奶茶底好滑好濃郁，珍珠口感好彈牙👍🏻大雞食堂 (銅鑼灣)📍銅鑼灣摩理臣山道10號地舖

曾經在灣仔工作，對我而言，雖然路程有點遠，但卻相當懷念灣仔、銅鑼灣一帶的美食，這裡有不少小店選擇，而且勝在種類多，當中更有不少味美之選！  最近，難得來到銅鑼灣，當然要揀選一下附近的美食。最後，在摩理臣山道選了這間《大雞食堂》。除了因為門前大大的招牌相當搶眼，更重要的是，雖然午市已過，但窺探店內卻發現店子已座無虛席，正當考慮是否等待時，幸好剛巧有食客離座，這麼幸運，當然一試。 店子雖小，也擺放了約十張桌子，裝潢以木系為主調，搭配黑色，溫暖中帶點神秘。廚房是開放式設計，幸好沒有油煙問題！  在《大雞食堂》又怎可不叫雞？我們點選了一客馬拉咖哩雞扒飯，咖哩味濃郁，還帶有椰香味，醬汁份量蠻多，用來拌飯，相當不錯！米飯選用了珍珠米，粒粒分明又有咬口，而主角 - 雞扒，大大塊切件而上，更是皮脆肉嫩，十分味美！  另外，點選了一客蔥油燒慢煮豬頸肉撈丁，蔥油香氣十足，與麵拌勻後，更添滋味！慢煮豬頸肉肉質軟嫩爽口，外皮燒得脆脆的，卻又保持到豐盈肉汁，令人回味！   午餐還包飲品，簡簡單單一杯奶茶、一杯咖啡，用鋁杯盛載，令凍飲溫度保持，在炎炎夏日更為消暑解渴！

🐓 招牌蔥油燒雞扒撈丁（$65）雞扒燒到外脆內juicy；蔥油份量多之餘味道適中，平時出去食蔥油多數都係好咸，但呢度就唔會；出前一丁麵煮得啱啱好，口感彈牙唔會腍🍛 馬拉咖喱燒雞扒飯（$68）咖哩辣得嚟之餘又夠香，用嚟送飯一流；飯係用左珍珠米，食落口比較黏；唯一美中不足係咖喱汁唔夠多，撈唔哂成個飯，如果d汁份量再多啲就完美喇🧋 珍珠鮮奶茶套餐只需要加$9就可以飲到，奶茶入口順滑不苦澀，茶底有醇厚感；珍珠質地唔會過於軟糯，有少少嚼口，整體來講就算無叫少甜，奶茶同珍珠味道都唔會過甜