大飯糖甜品小食屋 (已搬遷) 新店位置

踩單車日，途中停落嚟⋯梗係要搵食㗎啦😆😆揀左呢間大飯糖～佢出面有位泊單車而。同埋佢有小食又有甜品，啱曬！！入到去，Hubby Ordered咗咖喱魷魚拼盤$40 + 腸粉$12（必加混醬🤤🤤）+ 益力多沙冰$27。而我就Ordered咗紫霞仙子$36（裡面有：香芋雪糕、小丸子、紫米露、西米露）。咁熱嘅天氣食甜品，真心正☺️☺️價錢唔貴得嚟質素都唔錯啊，份量都好夠食。下次再踩車，都應該會再嚟食～❤️

本來過來買送，經過俾門口展示的甜品圖片吸引到，阿女一馬當先掀起門帘走入去😂😂可能啱落完雨，店內竟然無客，我地兩母女包場了，哈哈諗住晏D煮飯食，只叫了3樣，點知上來才知道份量都幾多…尤其份咖哩雜錦，估計錯誤添場內開住冷氣又開風扇，阿女食咗雪糕覺得凍，要食熱野暖下身，就再叫了個椰汁西米露……今晚真系唔使煮飯了

半夜三間去食宵夜有咩選擇？就係去呢一間大飯糖食糖水喇。。基本上每次去都一定要呢一個榴槤綿綿冰佢嘅冰有榴槤味。。榴槤波波球有榴槤肉。。。仲有啲丸子。。即係糯米粒。。。同埋有啲透明嘅啫喱粒。。成個配搭好好味這一個上面有3.6牛乳嘅雪糕。。真係好重牛奶味嘅雪糕。。。下一層係芒果粒粒。。芒果每一粒都好甜。。最低嗰層就係用椰皇整出嚟嘅所以好有椰味就算中間轉左西瓜都好好味因為佢嘅生果好甜一啲都唔酸最啱夏天食最啱夏天食可以解一解渴仲叫咗碟魚蛋。。魚蛋普普通通冇咩特別。。味道都OK啦。。。

食完晚飯口痕又想食野，友人提議到呢間大飯糖一試，話佢大份足料又有特色，一定要試下。剛好我地係附近搭輕鐵黎洪水橋試下呢間店，黎到門口見到門面坐無虛席，仲需要等位，不過我地兩個人好快就等到入座。我地本身都係芒果愛好者，坐低諗都唔諗就睇芒果專頁，不約而同都叫左芒果雪花冰配新鮮芒果肉、小丸子同牛乳雪糕。送到上枱果然無令人失望，份量都幾豐富，雪糕富有濃郁牛乳味，而且十分堅挺；小丸子好Q彈有咬口，配上新鮮香甜啖啖果肉，既滿足又透心涼。

住元朗嘅朋友同我講 真正元朗人唔會幫襯b仔涼粉喺未食過大飯糖之前我唔明呢句嘢箇中含義試過之後你就唔會再去b仔啦大飯糖喺洪水橋對於我哋呢啲冇揸車嘅人其實係有啲隔涉又要轉西鐵又要轉輕鐵不過一切都係值得嘅黑馬王子涼粉清甜 曲奇雪糕味道好濃厚 紅豆又甜又林 成件事加埋 三個字好 好 食 楊枝甘露配3.6雪糕楊枝甘露好食不在話下唔會太甜唔會太酸3.6雪糕有濃厚嘅牛奶味 仲好味過出邊食到嘅乜乜北海道軟雪糕 值得加分同場加映 燒賣 魚蛋 咖哩拼盤三樣都好出色 咖哩拼盤仲有豬皮蘿蔔炆得好林好入味 百五蚊食到咁高質素既糖水 再遠都值得

係元朗食糖水食到悶，於是轉場去到洪水橋食糖水，果然冇令我失望芒果涼粉size夠大份，芒果份量比出面鋪頭多好多，有成大半隻芒果，一入口又夠晒甜，同埋涼粉夠彈牙，唔會散開晒除左芒果涼粉，西瓜冰亦都係解暑良藥，西瓜又甜又凍又爽口又大粒，重要係冇乜核，又冇糖醬味至於小食方面就叫左腸粉，基本上都係配甜醬麻醬鼓油，味道不過不失，勝在價錢經濟實惠，又夠大份

話說家人介紹過呢間食甜品, 今晚食完飯後就一齊過黎試下!黎到大概9:00PM到, 都仲唔洗等位既! 不過我地有六大一B, 所以職員再為我地開左另一間房俾我地坐. 都幾自成一角。呢度好多選擇，最後我地叫左呢幾款：超級榴槤山 $75（綿綿冰+榴槤雪糕球+水晶+小丸子)呢個只有媽咪同弟婦最捧場，職員一拎黎既時候，D味真係勁到呢～～～家人話好香好好食！芒果爺爺 $60（芒果+3.6軟雪糕、鮮棷皇果凍) 家人推介！！！！果然冇介紹錯，真係好好食！上面係3.6軟雪糕，好滑，同埋好濃牛乳味！再配埋芒果肉，酸酸甜甜好夾其次就係個底下面既椰皇果凍，佢真係將椰皇入面既水製成果凍，好似啫喱狀咁，食落好彈牙，味道真係猶如你飲緊個椰皇咁既味。而且份量都唔細，抵食，值得試！超級三兄弟 $64(朱古力心太軟、朱古力奶凍、朱古力軟雪糕)緊記食既次序先食左奶凍，因為三個之中佢較淡，其次食軟雪糕，最後先食心太軟。心太軟即焗，所以外脆外熱且流心，味道超濃郁朱古力味道。奶凍好滑漏！焦糖燉蛋配3.6軟雪糕 $44呢個都做得好好，有些燉蛋凍食係可以好鞋，同散。呢個就高質素喇！入面整得好creamy，加埋上面脆脆既焦糖食，有兩種口

咁岩揸左車就去洪水橋，就去呢間糖水鋪試下。十點幾差唔多十一點都仲係幾多人，見好多人都食雪糕🍦，所以就叫個有雪糕既甜品試下—扭紋雪糕配奶凍，一黎到個奶凍上面有畫個公仔都幾得意，試下個雪糕都幾濃郁，但係個奶凍好似唔係奶做，因為個味係椰奶味，都無從稽考。又叫做個咖哩魷魚🦑拼盤，個蘿蔔幾甜幾好食，魷魚同其他都係正常，但個咖哩有d粉粉地。再叫左個雜果涼粉，估唔到個咁普通既甜品，個涼粉真係好足料，因為個涼粉有d甘，同埋個涼粉唔算好甜，味道適中。

母親節前夕，佢搵咗我個契仔喺Yoho食完飯之後,就送咗佢哋返屋企啦！因為時間都好早，所以呢就同我個朋友一齊去咗呢度食咗個甜品，其實我一早已經聽過呢間餐廳㗎啦，但係就冇來試過今次第一次，我哋一人叫咗一個甜品，我就食好似好出名嘅軟雪糕同埋奶凍，我朋友呢就食咗鮮果涼粉，咁我先講講嗰個軟雪糕先啦，雪糕嘅奶味真係好重，比M記嘅好食好多，但係奶凍方面呢我覺得奶味唔夠重啦，仲食食吓有一啲椰奶味添，比較起上嚟就唔係甘鍾意啦！另外我朋友嗰個鮮果涼粉呢，我就淨係食咗一粒西瓜，但係朋友嘅說法就係涼粉味好重，都好味㗎但係呢我覺得最驚喜嘅就係咖喱魷魚拼盤，裏面有魷魚、腸仔、蘿蔔、豬皮、魚蛋成為＄40，我覺得做得好過好多餐廳，我仲要食飽左先去㗎喎！都覺得佢好好味，所以呢個咖喱魷魚拼盤真係值得推介而呢間餐廳都有啲缺點嘅，真係好嘈呢間餐廳，可能係村屋改建啦，啲人講嘢呢仲嘈過街市

昨晚突然想吃甜品，於是搭幾個站輕鐵去洪水橋吃甜品，呢間大飯糖是朋友介紹，話軟雪糕超👍🏻，去到發現餐牌真係好多選擇，最後點咗楊支甘露配軟雪糕，軟雪糕超滑、楊支甘露唔太甜，感覺太幸福啦。

今晚，同女友係沙田食完飯揸車返去元朗屋企啦，女友話口淡想食糖水，咁我就問下佢意見啦，佢就建議我去洪水橋食糖水，佢話出面又泊到車又好食wor,咁就去試下啦！去到洪水橋大街，泊左車後，冷清嘅大街轉入去竟然有另一番景象，就係好多人係度等緊位，有d係一家大細，有d係十幾個後生仔係度等大枱，正當想放棄之際多口過去問有無二人枱，竟然有張單丁二人枱，重要即刻入，咁就當然懷著勝利嘅姿態入去食啦!睇完個餐牌都真係好多花款，有綿綿冰，爺皇為主嘅甜心爺爺，有中式甜品，布甸，心太軟，有左配右搭，款式多到我睇到眼花，我女友就選擇左個心太軟再加個扭紋雪糕，而我就選擇左個精選甜品嘅灰姑娘啦！落左單無耐就上菜啦，首先就係灰姑娘，灰姑娘裏面有曲奇雪糕，小丸子，西米露同埋芝麻糊，小丸子再加西米露原來口感都非常特別，有時候食到小丸子就好有咬口，食到西米露就較為林d，溝埋一齊就好特別，係口裏面一大一細咁樣，而曲奇味雪糕都好標準，好有味，跟住到芝麻糊果part啦，我稍為覺得芝麻糊份量係少左d，溝埋d西米露之後俾d椰汁溝淡晒，如果你只係食芝麻糊其實都好香口呀！唔錯!跟住到心太軟啦，賣相就絕對無問題，而食落去都好濃朱古力味，個皮都

第一次來朋友介紹必食腸粉真係不錯，上碟仍然係圓柱形實在難得醬油自己落無得彈其他店唔夠問人拿次次受氣糖水又大碗這間店員服務都可以店枱有大又細，連2⃣️人枱都有唔駛逼豬肉枱一間貼心客人的店

上星期日同老公仔囡去大飯糖食甜品，未入到鋪門口外面已經人山人海，要等成15分鐘先有位。入去坐底後，order左兩個甜品同仔囡share食～佢地揀左楊枝甘露配3.6軟雪糕及波波池等左3分鐘已經有得食，效率好高～雖然咁多人食，但質素無因爲忙而下降、賣相精緻

非常失望，糖水質素下降，芒果小丸子配西米冇味道，味道好淡，芒果太酸，小丸子得幾粒。蛋白杏仁茶配小丸子冇乜蛋白，加錢加小丸子得嗰10粒都冇，相比以前所有配料少一倍以上。價錢越嚟越貴質素越嚟越差，無辦法得佢一間糖水舖，希望有新嘅對手出現。

今晚去完朋友屋企食飯，好似仲差少少野咁，原來就係想食甜甜，朋友話不如開車去大飯糖，我自己未去過，朋友話一定去試下，咁就起行啦！去到好彩有位泊車，去到大飯糖又唔洗等，朋友話都好好彩！一坐底就睇餐牌，好多選擇^^魔鬼三兄弟，勁濃朱古力，布甸好滑，心太軟整得好出色！榴槤河粉，好濃烈的榴槤香味，河粉又有好香既椰汁香！紫霞仙子，雪糕係香芋味，超級香，好好食，加埋紫米西米露，超正！芒果之城，好多層次既芒果味，芒果好甜，雪糕就可以再香濃d !