天機棧 (已搬遷) 新店位置

食到悶gee旺角到底仲有咩好食呢??同朋友講開, 先知原來呢間天機盞口碑唔差好, 今日就同大人試試啦大約六點幾去到(早食飯一族) 唔駛等位直接就入得嚕不過waiter哥哥話因為今日樓上(?)包左場, 食1.5hrs就要走嚕ok無問題啦!入到去, 好wooden下worrrd meun都係木黎geed set大概~120左右包餐湯, 前菜, MAIN COURSE, DRINK同埋甜品唔,,, 價錢都幾抵喎!!一於就同大人一人一set 餐湯今日係南瓜/ 大蒜薯仔/ 雜菜我地就order左南瓜同雜菜南瓜湯好味道!! 好足料下, 食到有瓜肉雜菜湯大人都話唔差架到左前菜part, 我地叫左牛肉芝士卷, 同埋鴨胸salad(掛住食... 忘了影)SO FAR菜是新鮮的, 味道還可以!牛肉芝士卷幾特別, 可能係因為我好中意食芝士XD 好好食!!MAIN COURSE終於到!! 好期待HHAHA點解?! 因為我ORDER左藍芝士釀雞扒配薯菜溫馨提示, 藍芝士味道唔係個個人接受到點之前要think twice ahhh但我就好喜歡naaa, 因為係芝士嘛waiter 擺上台之時我己經聞到陣味嚕heeh

因為之前search到呢間好似幾好咁，好多笑臉，所以就同兩位生日嘅主角嚟呢度食。前一日就訂咗位，不過去到先知要上「樓上雅座」。樓上格局同裝修都是非常普通，只是燈光較暗枱面擺放蠟燭，好似好浪漫，但隔離張枱嘅嗰班人非常吵耳，嘈得很，完全無停過唔知是日係咪跑馬，廚房師傅心情唔多好，樣樣食物都麻麻，大多數都偏咸全晚最正就係呢碟田螺大蝦扒西冷, 我朋友叫係5成熟, 點知嚟到係8-9成熟大蝦意大利飯, 一般龍利扒大蝦, 條龍利好鬼死咸呢個朱古力心太軟, d食評講到非食不可, 但原來同出面d都係差唔多, 失望

今天避過人潮, 特意早些來一試, 事關以往經常見人龍, 早一點便不用排隊呢想不到跟餐的雞蓉忌湯竟然用料認真, 好幾塊的雞柳同在一小碗出現, 真是從未試過, 味道當然ok! 蒜蓉包香脆美味, 正!不過不失, 有不少鮑片呢!味道不錯, 份量剛好, ham不過搶了太重的味道, 意大利飯若然再軟一點會更好, 但味道是好的!兩大塊豬扒非常夠份量!! 肉質很鬆軟, 很難得! 田螺亦有很多隻, 令人滿意呢!雖然點的是七成熟, 但效果絕不比五成的差, 意想不到的嫩, 份量十足!聞名的心太軟竟然很失色, 內裡的朱古力漿太甜太稀, 外層太薄不夠質感亦不夠一般的堅固, 整體失望....... 相反焦糖燉蛋卻非常出色, 頂層的焦糖香脆, 下層的蛋味道豐富, 質地嫩滑, 讚!服務不錯, 上菜有序, 不用全部堆至食客前迫食, 相反給時間食客慢慢品嚐, 很抵讚! 職員有禮, 難得難得!

可能由於午餐時段既關係都唔算多人叫左一個 炭燒西冷牛扒配意粉同卡邦尼醬意粉另加配一個 朱古力心太軟先上既係餐湯一拎起個湯匙飲左第一啖湯已經覺得比出面既唔同一來料比較多二來味道都比較好跟住來既係牛扒意粉餐既前菜 (沙律)賣相都好好而且每樣菜既味道夾埋一齊都好match然後就係卡邦尼醬意粉睇落好少...但份量唔少同埋可能個醬既關係所以味道都特別好食之後就係冷意粉塊西冷都好厚切落有些少辛苦但都好食既食完呢d野其實都好飽不過...好野當然係後面先上枱啦就係「朱古力心太軟」即叫即整既上碟後仲係暖泣泣的切開....個心流出來既實在太吸引啦都好想食完再食但都有美中不足就係...兩杯餐飲稍為甜左少少分別係 洛神蜜 同 蔓月莓蜜不過以後一定會再來試更多既美食

是日去langham place 行街, 於是就試下呢間出名嘅心太軟點左2個set lunch , 佢地D set lunch 平均都係$3x~4x , 價錢都ok 當然加$10 要個朱古力心太軟 la XDDDD首先個忌廉湯, 個忌廉湯黃黃地色, 甜甜地都ok 之後到個意粉, 睇相可以用料ok, 焗得都好金黃 但唔點解好淡, 甚至係冇味 另外就叫左意大利飯, 睇相都見到份量有幾多la, 味道同上一樣, 冇味! 我覺得個chef 係唔落salt 架 個coffee 反而幾好飲wor, 幾香幾重coffee 味 , Good! 到最重要嘅心太軟la , 心太軟外表一流 焗得好靚, 朱古力味唔算重,但都ok , 以$10 黎講好抵食 總括以言, 食物味道一個字講哂 "淡"本人一向唔算濃味派,但真係覺得好淡~價錢都好合理,所以一試無妨 !

朋友原先推介另一間樓上cafe，看過眾多好評後更蠢蠢欲試，錯在我們沒有預先訂座，興緻勃勃到達後卻被拒諸門外。從沒想過在旺角即時找好的餐廳這麼難，去過另外三間cafe都已fully booked，鬼影無隻的我們又不敢試。兜兜轉轉，天機棧的招牌就在眼前出現。猶記得在openrice看過它有不少笑臉，而心太軟更是其成名作，於是就入內碰碰運氣。太好了，竟然有位！不過是「樓上雅座」，經過一條極殘舊的樓梯，看到門隙內極老土的環境，我倆對望一眼，有點想打退堂鼓。就在這時，另一敞門開啟。哦！原來這個單位才對。所謂的雅座其實不太舒適，因為座位擺放得十分擠逼，很有焗促的感覺。燈光頗暗，枱面有蠟燭，想營造浪漫氣氛吧！但這與簡陋的裝修不甚匹配。而且晚飯的後半時間來了一枱很嘈的客人，要傾偈也有困難。看看餐牌，因為想吃甜品的關係，柯打了兩個套餐，最平宜的也接近$100。今晚不想吃太多肉，但是選擇少得很，因為幾乎所有主菜都配扒。不需等很久，湯和包已來了。這個周打鮮蠔忌廉湯溫度不夠，杰度還算中規中矩，可惜幾乎找不到配料。蒜蓉包超級香，但放入口後即感失望，因為非常之韌，用盡牙力才撕得開前菜點了牛柳粒配蘋果沙律，牛柳粒十

好姊妹話好想食呢到D扒, 於是就黎左呢到開飯其實好耐之前已經留意到呢間野一直都有人話好有人話唔好以前住附近都無走黎試結果宜家搬到老遠先黎食佢DINNER SET有前菜, 有湯, 主菜, 甜品同飲品一共百幾蚊咁啦, 見同好姊妹促膝詳談, 俾多少少都抵O既~~見SET有幾樣都想揀, 咁好姊妹已經揀左鵝肝+豬扒, 咁我唯有選擇西冷牛啦西餐當然先上湯同前菜我叫左紅湯, 都夠料, 味道不過不失好姊妹本來叫左個魚湯, 但原來賣晒, 跟住就改左普通白湯前菜我地叫左兩款菜沙律, 皆因我地都係好菜之人, 所以食落感覺都幾FRESH, 起碼D菜唔會苦先跟住盲到我地O既主菜了~我份西冷扒, 叫左7成熟, 還OK, 口感唔太刃, 不過係少少燶, 屬中級作品配菜方面, 半個薯仔請你食, 可惜無咩味, 如果佢可以加少少鹽去焗就正了至於我好姊妹O既鵝肝+豬扒鵝盰有點乾, 味道一般; 豬扒還好, 鹹鹹的, 不俗來到最後就是甜品酷愛朱古力物的我當然要食心太軟好姊妹則叫了焦糖燉蛋心太軟, 正！裡面D朱古力堅熱流晒出黎咁, 好正不過個焦糖燉蛋就......我預期係熱O既, 不過原來係凍架WOR我都係覺得熱O既燉蛋好味D~~

因為朋友最近搬咗去旺角約好去探佢就即上OPENRICE睇下食咩,選址旺角見食評唔錯又唔貴仲好近個FD屋企就決定呢間.九點幾去到都好FULL,好彩近門仲有2個位唔使等.一睇餐牌頭嗰2頁已經覺得好抵，精選二人套餐包頭盤,餐湯，甜品，主菜全部可任擇2款，主菜最貴都係$188，再睇後面有啲正啲嘅扒，可加$轉餐，另有晚餐都唔過$100，最扺都係個二人餐唔使$200梗係呢個啦。餐湯可+$轉龍蝦湯,可惜買晒,其他有雜菜湯,蘑菇湯及周打魚~~周打魚比較淡,有啲魚肉.另有2片蒜茸多士(好硬)頭盤細細碟一人份剛好~~维珍尼火腿凱撒沙律有2片不薄火腿(比街市買到嘅火腿咸少少及結實啲)+2粒麵包粒+菜~~焗生蠔得1隻唔可以share就選咗蟹肉蟹子蘋果沙律~~唔知點`解沙律醬會甜咗但蘋果新鮮.薯茸焗田螺~~超正薯茸焗得剛好少少脆邊而且係有味,田螺都有6粒 $42主菜~~鵝肝西冷5成跟薯菜:初頭嚟錯跟飯同意粉,侍應即時換,鵝肝唔夠香口而且好像用鵝肝醬煎成(不過1$1分貨,餐牌內有得點已經吸引),鵝肝下一樣有多士呢件仲硬,西冷5成係超水準內部半生又唔會流血水,有好多高级餐廳都未必做到,估唔到係薯菜用原粒細薯仔一分二

朋友們突然話食晚飯聚聚，仲要求要我係旺角搵間滿意既餐廳，但我對旺角非常唔熟識喎，咁唯有要黎 openrice 參詳吓，最係搵左天機棧，見食評都幾好，又未試過，就一試啦，朋友們都滿意，但我就唔多接愛喇。天機棧，都唔知有咩盞，天機不可洩漏？質數遠低於預期，比佢五個差，環境同食物都唔多滿意，比較嘈又坐得唔舒服，服務就還可以啦 ~ 個人唔會試第二次。用木板做包裝，幾靚幾精緻。menu 裡面啲餡、佈置同 design 跟茶餐廳差不多，仲有啲花園餐廳既影子，只可以比個外觀奬。芝士焗生蠔，話就話係美國珍寶蠔，個殼就真係夠晒大夠晒厚喇，但舊蠔肉奀滋滋好似發育不良咁，瘦猛猛。味道不鮮又淡口，口感削，又有好靭又厚既裙邊，差。焗薯蓉田螺，一味做得幾好既前菜，用焗得香口既薯蓉包住田螺食係最美味既，滿意。蒜蓉包，對蒜蓉醬半點都唔會吝嗇，完全覆蓋及均勻搽滿麵包表面，香脆，不過口感帶點硬。個人口味愛外面軟棉棉，裡面嘆靭最好。淡水龍蝦湯，大家誤會左係龍蝦湯。當侍應攞到面前既時候我都有啲猶豫，龍蝦湯？﹗依個係龍蝦湯？﹗完全無任何香味，只聞到一股濃郁又混濁既氣味。啡紅血色既湯，上面劃了點忌廉。味道帶苦澀及死海鮮嗅味，質感

同男友的紀念日佢book了喱間可能太多人，我地又遲了少許要等幾分鐘先入去喔=]記住book位唔book見要等好耐裡面暗暗的蠻有情調不過鋪頭連小d位比較迫所以坐落都幾嘈咁我地決定叫2人餐頭盤(salad&soup+bread)+主菜+甜品+飲品隻扇貝上面有薯蓉食埋...幾得意扣了分喔~!太硬了><冇羶味一試愛上了個裝飾幾花心思流出黎既藍莓醬藍莓發燒友最愛二人餐$300左右啦都算ok既...不過嘈左少少...d waiter上菜太快...張台又迫...唔係好岩mood本來想叫龍蝦湯架=]但我諗可能下次book位要問定啦...因為佢話賣曬...應該幾好飲佢既心思同主菜真係ok如果服務方面唔好咁趕客執靚d d 餐具setting我會極like this ge

這天下午預約了到旺角朗豪坊取蛋糕，放工後先到女人街逛逛，睇吓有甚麼平貨執。會合埋老公後，一看腕錶，噢，原來早已過了午飯時間。每次一提到開餐，老公就很自然地將個波交番俾我，還洋洋得意地說：看你今天又有甚麼鬼主意。筆者大鄉里少出城，旺角又唔係自己地頭，認識的食肆不多，不過由於我每天都有瀏覽開飯食評的習慣，日子有功，故對一些人氣有番咁上下嘅食店亦略有印象。醒起朗豪坊附近有間口碑不俗的西餐廳，它的心太軟向來頗受一眾食家歡迎，於是提議來這兒吃下午茶。當然喇，醉翁之意不在酒。下午二時半，店內除了兩、三個年青的員工外，真係連鬼影都唔多隻。甫坐下後，先看看四周環境，原來這小小的餐廳，只有十多張桌子，不過由於店內沒有其他顧客，所以室內看起來空間感十足。至於店內裝潢，以藍白色為主調，牆上掛有一系列的食物圖畫，配上雪白的牆身，彷彿營造出一種在家的舒適感。先細閱餐牌，原來這裡的下午茶，價錢一律 $28， 而且無需加一，不過款式選擇唔多，只得 5 樣，全都是大路的烏冬、意粉和沙律等，幸而點這些茶餐，只需多加 $10， 便可選朱古力心太軟一客，睇嚟都幾經濟。另餐廳亦供應多款甜品套餐，心太軟、焦糖燉蛋、阿華田奶

本來難食既餐廳我真係懶得打食評但而家諗番覺得都幾嬲, 想唱衰佢-_-我同朋友2個女仔weekday lunch time 去店內幾乎全部都係附近上班既上班族, 好full一開始安排我地坐近廚房出菜位既 table張枱可以坐4個人, 本來已經有一對老夫婦坐緊, waiter 安排我地搭枱.我地都okay, 但同waiter講如果有2人枱空左, 唔該安排我地轉枱.始終對住另外2個陌生人食野, 講野好唔方便.但係之後有2人枱空左, 都唔識安排我地轉過去, 要我地問幾次先肯幫我地轉!店內有3, 4個waiter. 但都係十嗌九唔應, 好似唔想做你生意咁service 差之餘, 食物水準都好差!lunch分2種set一種平d, 係常見既焗飯/意粉一種貴d, 似係用料比較精緻既西餐於是我同朋友都嗌左後者原來份量比前者少好多以為重質不重量? no.我叫既海鮮意式飯. 海鮮少又唔鮮甜, 個飯無咩味.跟餐有個cream of broccoli. 無broccoli, 無味, texture唔creamy.附送餐飲都只係普通既檸水.本來對甜品好期待. 因為好多reviews話心太軟好好味等左好耐, 我地叫

再次來到天機棧，試食朋友多次推薦的黑豚豬鞍排前菜點了牛柳粒配蘋果沙律牛柳粒十分軟熟，蘋果酸酸的感覺開胃三文魚焗扇貝配香橙汁三文魚皮香脆，但肉味偏淡，個人又不太喜歡香橙汁的味道焗扇貝的份量太少，男生吃應該不太夠飽…黑豚豬鞍排是今晚的主角咬下去絕對有驚喜，肉身爽滑而且沒有渣，值得推介！份量十分足夠，幸好是晚有朋友跟我分享。朱古力心太軟，是不能錯過的甜品蛋糕焗得剛剛好，打開軟心朱古力立刻湧出來雖然少了雪糕配搭，反而讓自己吃得悠閒，不用怕雪糕被燙熱的朱古力軟心溶化。是晚超滿足^^*提議預早訂位

訂左位唔駛等！好耐無去，主要係想食朱古力心太軟，點知焦糖燉蛋仲好味。個洋葱完全唔掂呀！！牛扒不錯，不過唔夠飽的。唔知乜魚意大利飯個魚好醒。唔知點解好嘈，ｄ聲困住晒。

食兩個set dinner 超難食黑松露菌汁xx魚柳什扒餐都唔好食x_x兩個湯都冇味又浠個蒜容包超"un",差d咬唔開黑松露菌汁xx魚柳個魚係蒜汁，魚又腥什扒都可以衰，唔熱又鞋咖啡正常我見人地個心太軟冇雲呢拿雪榚就知衰，食心太軟有雲呢拿雪榚先可以中和朱古力漿太甜，同冷熱口感，係唔係個廚師唔知，點可以只得個cake上