天池日式放題 (已結業)

難得可以放低小朋友同朋友相聚，當然要大吃一餐。今次我地就選擇左日式放題，來個任飲任食大解放！到了位於油麻地的天池日式放題，可能因為新開期內做緊試業價$98/位，價錢咁平所以上到去已經有好多人等位，好彩之前一早打去訂位所以唔洗點等。食物方面款式非常多，有刺身丶壽司丶手卷丶麵食丶煱物丶炸物丶燒物等，如果要每款試晒應該就會飽到食唔落。本身$98呢個價錢已經係任飲任食，升級+$88仲可以試到更多款式嘅食物同埋麒麟啤酒任飲。非常推介佢嘅三文魚刺身，非常厚切又新鮮，燒玉子都好好味，仲有黃金大廈，賣相靚仔之餘食落都肉質鮮美。呢度點菜係用QR Code，既簡單又環保，亦冇咁容易出現漏單。呢個價錢來講食到放題，真心覺得超值！

行完山消耗了太多體力，大家決定食餐豐富的晚餐，所以就揀了日式放題，這間新開不久的放題，晚市都是每位$198，都非常經濟實惠。我們一行多人都是啤酒怪，所以另外再加$88升級任飲Kirin及黑啤，還有多款升級食物。外面有些自助的餐前小食及甜品，如拍青瓜、鳳爪等，味道不過不失。刺身方面三文魚不算肥美，反而吞拿魚腩油脂夠重，放題有此質素實屬驚喜，北寄貝及牡丹蝦等都很鮮甜，味道不錯。火炙系列亦都有驚喜，和牛及三文魚都幾重油脂，入口溶化。天婦羅蝦炸漿很薄，蝦肉爽口。牛舌燒得很香，入口彈牙。羊架就比較騷，但真係十分足料，一件有兩條骨，肉質尚算嫩腍。最後當然不少得甜品啦，款式真係唔多，只有些慕絲及雪糕。

等到頸都長都出唔到野食，中午得個零鐘食飯，刺身等到半個幾鐘都出唔到，叫侍應去追都係冇影，最後要自己走去廚房bar台度追，先出幾塊刺身你食下，仲要出唔齊order; 其他熟食都等到頸都長，甘樣既放題係要人放長雙眼，有得睇冇得食，痴線既！！！食到一肚氣，真係厄錢，一次冇回頭～味道係ok既，可惜食物選擇唔多，唔多選擇仲要黎唔齊，起碼有一半既order係冇黎，午飯時間完啦都冇黎度，甘食條鐵咩，真係吹到bear一聲！

之前呢個位置是食刺身丼，來到先知原來轉左新餐廳，換左做日式放題，雖然場地唔好大，但見啲位置都幾舒服，唔迫。所以就入去食飯。放題當然就先叫 刺身類，全手機MENU既，我自己鍾意食 貝類刺身，相中只係其中一盤，啲馬刀貝都幾爽、新鮮. 天池的壽司類 如果加$88可以有埋勁多款特色壽司， 同啤酒清酒任食任飲。 海膽甜蝦軍艦勁正。 食左好多。 朝日啤任飲。仲可以加埋冰泡。 唔會沖淡左啤酒味加又夠凍。 呢個油甘魚好乾身好爽滑， 加柚子汁食又得 ， 唔加都好好食。 呢碗三文魚唔記得咩名。但個芥末麻醬好帶起魚味同下面薯仔沙律一齊食，好正。傳說中既海膽甜蝦手卷， 個皮用芝麻皮筒來夾。 好夾。 食好多都得喜出望外，玉子燒好軟好有蛋味。 我一個人食左三條， 好好食仲焗蠔好食

難得平日晚上去旺角行下街，去到油麻地附近又見到間新開放題試業。價錢$198+1。即管又上去試下入到去地方唔算好大，由於試業中人唔多，另外座位都寛闊。細枱都唔會太迫上到去店員會比menu你望望，原來仲有升級menu,要加$88，升級餐單又會多d野同無限飲麒麟啤酒🍻。睇過menu後決定又試下啤酒機係出面bar 枱，另外會再有一部打冰機攪下野，不過我就唔多識玩，店員都會主動教用同幫忙打個冰另外值得一提天池係用手機app點餐，所以一開始要揀定係咪升級menu。升級入面有幾款都好好食😋柚子薄切紅鱆魚，柚子係柚子汁，不過汁味道比較濃覆蓋左紅鱆魚味道，但唔點汁都好有魚味煙三文魚紙米卷有特式，用左泰式做法海胆黑芝麻脆筒手卷，同一般手卷用紫菜唔同，天池用左脆筒保持到個形之外仲有脆筒口感，個 人超中意，而且可能時間早海胆都好新鮮另外有個奇怪係老婆同我都點左和牛壽司，我果舊就超好食，入口即融，即刻叫佢再單就比較差了（如上圖）點開可以試下。之後點下普通menu熟食類質素都好好就唔長提。最後講下飲品櫃，款式唔太多，另外都有兩款雪糕杯。

聽朋友說油麻地譽發大廈新開一間高質放題，正想這個星期日去試試這個日式Lunch放題。來到餐廳是新開業的，花藍放滿店面，店內人倒不少，生意很不錯，裝潢環境日式時尚，座位一排玻璃開楊可望到彌敦道街景。最欣賞餐廳已采用全電子化落單，只要用手機掃描QR Code就可落單，清晰又方便，省卻煩覆落後又不環保的人手填紙落單。省下店員不少功夫，可更專注服務客人。試業期內，餐廳午市$98，升級版+$88，任飲任食90分鐘。店員介紹升級後有更多選擇，我們當然要升級。自助區有冷盤沙律、前菜、水果、甜品、清酒、啤酒飲品等供應。還有日本雪糕添。刺身：柚子薄切鱆紅魚、藍鰭吞拿魚、北海道帆立貝、油甘魚、鮮松葉蟹棒，不得不說這個鱆紅魚，質素甚高，我們忍不住叫了3Round。壽司也有多款選擇，眼寬肚窄款款都想試，我們挑選有特色的：岩鹽檸檬皮三文魚壽司、醬漬三文魚壽司、芝士鰻魚壽司、鹽燒左口魚背壽司、岩鹽禾牛壽司、醬燒三文魚腩壽司，個人比較喜歡火炙系列的。特色食品：脆脆卷、蒜蓉蘆筍禾牛卷、燒汁雞肉棒、娘惹黑豚串伴芒果醬。這些也十分不錯：和風燴牛尾、焗海膽黃金蠔、芝麻雞翼、日本芝士年糕、櫻花蝦炒通菜。串燒：法式香草羊鞍、鹽

上網search過油麻地有咩好食呢 見到呢間天池放題新開ga wo 今晚係家樂坊附近行街就嚟試下啦 襯仲新個環境應該乾淨d靚d掛 呢度晚市$198 可以任何時段食2個鐘 加$88仲有得升級有多d野食揀 好多我想食嘅都係升級入面 唔爭再加多少少錢升級啦!其實未到餐廳地下已經有人派宣傳單張 睇下menu 有咩食先呢度間鋪唔算好大但好光猛 感覺好舒服 而枱同枱之間都好闊落 唔會坐得好逼 仲有呢度唔係傳統咁用紙落單 佢係用QR CODE然後電話落單ga 咁都幾環保wo我地主力都係點d 升級野食 第一round當然要食刺身啦 帆立貝刺身得升級先有ga 仲有大大隻赤蝦都好juicy海膽刺身甜蝦筒好似幾過癮咁 海膽係新鮮嘅 不過同個筒唔太夾吞拿魚脆脆個配搭好好 甜甜地脆脆配刺身好新潮 黃金魚生塔係D碎魚生擺面 入面原來係飯嚟 不過我食放題都盡量唔叫飯 廢事咁快飽焗黃金大虎蝦我地encore左2次 真係好好食焗蠔焗扇貝我地都有叫呢度甜品corner係門口位置 選擇唔算太多 有幾杯食完有d藥水味🙄不過仲有雪糕任食 佢D味道好特別 我試左玄米茶味同菠蘿椰子2個鐘頭都好似唔係好夠喉添 不過食到好飽好滿足呀

Wowowwow ~~今次搵到間平價放題啊🥳🥳放題價$178 + $88 升級 +10%服務費埋單每人$300左右炸！！⭐基本上應該食左30至40款野98%既野都好食架最重要係服務態度都幾好唔會走單之餘賣哂既野會同你講聲👩🏻‍🍳🥢吞拿魚脆米🍘🐟唔記得個名，吞拿魚下面有d脆米，甜甜地，幾特別 出面放題都未食過而樣野架 海膽刺身蝦甜筒🍦 呢個真係超級特別下面個底真係甜筒嚟㗎一開始大家都以為係紫菜咬落去先發現原來係甜筒 真係另有一番風味！壽司拼盤食日式放題壽司當然係必叫㗎啦 火炙壽司就係我既最愛啦 係咁易燒一燒可以另食物可以升上更高層次雞軟骨串 一咬落去好多汁 又有咬口 不過因為我唔太鍾意食黑椒嘅關係，所以如果可以無黑椒就更完美 哈哈焗黃金大虎蝦+焗海膽黃金蠔聽個名已經流晒口水啦 真心極力推介淡淡都充滿左芝士同蝦嘅味道而蠔都好正！！食得出超級新鮮食咗咁多嘢之後基本上已經冇咩位食雪糕啦 hahaha 😆 呢間野價錢唔貴，最正係服務好之餘野食又好味

今日同一班朋友黎到油麻地食呢間新開Janpance Buffet，環境乾淨舒適，好適合朋友聚餐一家大細黎食！今次我地加$88食呢個升級放題圍番都係二三百一位，抵到爛啊！好先進科技用QR CODE 落單，好環保♻值得讚揚！嘢食好快就黎到，和牛壽司，三文魚壽司，燒蝦壽司⋯⋯全部都係即叫即整😍😍😍我最鍾意食佢嘅和牛壽司，牛味十足，鍾意食和牛嘅一定要食！勁勁勁正啊！！仲有雞肉串燒，雞軟骨⋯⋯肉汁豐富嫩滑，雞軟骨爽口滋味！芝麻雞翼 ， 呢個係每次食放題都要必嗌架👅👅一上台超級熱辣辣， 最正係佢超級多芝麻🥰🥰 叮咚口感更高層次🥳🥳yummy 最後，食飽飽之後仲可以食埋甜品同雪糕啊🍦 呢度唔單止熟食高質！ 連甜品都一樣好正好好味😋 今日真系滿載而歸，食到咁高質素美食！下次我一定會再黎多次，希望都仲有咁多優惠折扣！大家快d去食啦推介推介

已經很久沒有約這個朋友吃晚飯，油麻地最近新開了一間日式放題-天池，價錢方便合理，地點非常方便，在油麻地港鐵站附近，我們5:30來到剛好開門，店內可望到彌敦道繁忙的街道，座位相當寬闊。價錢方面星期五、六、日7:30pm前離場只是$198，任飲任食120分鐘，還可以加$88升級套餐，食材更優質，我們也升級了，外面可自取Kirin生啤，Cocoberry雪糕、汽水啤酒、杯裝甜品、沙律、熟蝦、雲耳、鳳爪等等…….落單以二維碼手機落單，相當方便，而且可以看到自己點了什麼食物，確保沒有重覆落單，至於食物都不用多說，刺身，炸物，鍋物等都一應俱全。個人超推介以下食品：赤蝦、馬刀貝、油甘魚非常新鮮，甘甜可口。焗黃金大虎蝦 – 加了芝士及沙律醬去焗，蝦肉一挑就離殼，酸酸甜甜鮮味十足。燒牛舌 – 口感一流，燒的時間掌握得好好，略加了點海鹽，味道一流。流心蛋沙律 – 好特別，流心蛋王混到薯仔沙律，味道不錯，感覺創新。還有多款串燒都是上等貨，不是其它一般貨。

今日大好心情去行街，在旺角與油麻地之間在逛，因為出面的事，我們打算在油麻地附近找間餐廳，大吃一餐。我們邊行突然就看到有一間天池放題，上網一看，原來是間新放題，我們想一想，就不如過去試試新餐廳。我估計天池應該是剛剛開張不久，餐廳內是非常新淨，而且坐位闊落，跟其他放題店的裝潢大相逕庭。兩人座還可以有「卡位」，至起碼坐得很舒爽。至於食物方面，是以電話QR CODE 來下單，比常環保。餐廳有分基本餐和+$88 升級套餐，吃得放題，就一定要食好一點，加個$88 一看如何。既然加得錢，我們就當然要食多一點升級食品。我就精選幾款推薦：▢ 1. 刺身升級的選擇當中，柚子薄切鱆紅魚是較少食到的。鱆紅魚和油甘魚比較相似，但感覺上，我會認為鱆紅魚口感緊實彈壓，比起油甘魚更加韌，更有嚼勁。第二推的就是北海道帆立貝，食得出有鮮感。此兩款必定要Encore。▢ 2. 海膽刺身甜蝦筒這個並不是手卷，我相信是放題中獨有的產物。原本手卷中的紫菜，天池用上甜筒代替，所以海膽的味道就因而中和，容易入口。這麼特別，當然要試一下。▢ 3. 法式香草羊鞍從來羊架都是放題必食的，這裡的羊鞍卻弄得幾乎沒有羊騷味，而且非常大塊，食落去

旺角新開120分鐘放題小店，食物款式特別，服務周到，用手機落單，上菜速度快，唔會dum時間。唔想等，可以試下自助菜式，當中洋蔥黑椒牛柳，肉味濃郁，仲有Parma ham，麵豉湯等，前菜各式各樣，都係來自世界各地。每位+$88，可以任食升級菜式，下列菜式係我個人嘅推介，而當中1-6都係升級菜（排名不分先後，所以個人認為呢$88係值得加。1. 珍寶阿根廷赤蝦2. 袖子薄切鱆紅魚3. 海膽刺身甜蝦筒4. 法式香草羊鞍5. 焗黃金大虎蝦6. 焗海膽黃金蠔7. 娘惹黑豚串伴芒果醬

今日無地鐵，但一早約曬朋友食飯😢本來book左間餐廳都無開到最後去油麻地依間「天池」食放題餐廳裝修什有日式格調，座位舒適，部分更是卡位。Dinner放題$198 @ 位價錢睇落幾吸引，但佢有+$88升級食物我地見佢如果升級左，野食都吾野少，又岩岩出左糧，就試試佢啦。店內有4名店員，招呼都好快手，一申手好快就有人黎。點餐全是用上QR Code，感覺幾環保♻️同埋咁樣應該可以減低甩單的情況。我地食到一半先知道，原來依間餐廳是新開的，而且落單同黎都好精準。刺身有多款選擇，而且都好新鮮，我最鍾意嘅就係馬刀貝及油甘魚。另外不少得嘅，當然係大隻有頭甜蝦、無雪味，而且甘甜。#海膽甜蝦筒 - 海膽幾新鮮，而且無腥味，但同脆筒食落有少少格格不入。燒物同炸物真係好值得一讚，基本上全部都係即叫即整，上枱時依然熱辣辣推薦一定要食 #芝士焗扇貝、 #芝士焗蝦 - 扇貝好大隻，蝦肉🦐吾會梅口，而且焗得好香口，又勁香芝士味。#牛舌 - 勁彈牙，而且吾係薄薄個隻。#蟹棒天婦羅🍤 - 睇得出啲油全部都係新鮮嘅，沒有燒到過黑👍🏻👍🏻🔸雖然飲品都有好多款選擇，但係全部飲品都係甜嘅，如果想飲茶類，建議就問店員拎熱茶。

有間日式放題新開張，係油麻地非常就腳所以去左試下。入去 d位好闊落，6人位就算坐多兩個都完全唔覺得逼。放題選擇非常多，有刺身，壽司，燒物，炸物，壽喜燒，焗野，仲有烏冬，加 88蚊升級仲有啤酒任斟同更多款式選擇，d野食係多到一次試唔曬。刺身壽司 : 最鐘意和牛壽司，個牛燒到半熟啱啱好，個飯又有火炙味。鱆紅魚刺身都值得一試，店員仲會好細心比另一碟醬你點，專係食呢隻魚用嘅。另外，仲有 d新派菜式，例如海膽刺身甜蝦筒，辣味吞拿魚脆脆等。燒物 : 鹽燒牛舌唔會燒到太硬，調味都啱啱好。仲有好多其他串燒，燒鯖魚等等可以 order飲品 : 升級放題可以任飲啤酒，啤酒係要斟七成滿，再去隔離斟泡泡。除左啤酒，都有其他嘅罐裝同細枝裝野飲。雪糕 : 隻雪糕唔係出面常見嗰 d大牌，但係個味好食，一次過試左玄米茶味，港式奶茶味同沖繩海鹽味。呢度係 QR code用電話落單，成枱人可以各自揀自己鐘意食嘅野。新開業一至日 lunch都係 98蚊，咁多野食嚟講，性價比高，下次會再試。

由於而家港鐵隨時都會關站嘅關係，今朝一早我就來左油麻地平日去開嘅美容中心做facial💕 做完見肚餓，就係同一幢樓揀左間新開張嘅日式放題店同寶寶食lunch❣️新張試業期內，午市放題做緊$98/位😍 超抵呀！點菜種類有：串燒🍢、焗類🍲、炒爐一品料理🥘、麵/烏冬類🍜、鐵板類、炸物、天婦羅🍤、鍋物🍥、刺身、壽司🍣、火炙壽司、手卷/卷物❗️每個種類有二至六個選擇不等～自助吧仲有甜品同埋前菜提供❣️另外提提大家⚠️呢度係以手機掃QR code嘅形式落單，係冇落單紙提供的～.我地今日豪少少加左$88 食升級版☺️ 即刻又多左唔少選擇😍 以下係升級版食物➡️🔽.珍寶阿根廷赤蝦油甘魚柚子薄切鱆紅魚北海道帆立貝黃金螺藍鰭吞拿魚鮮松葉蟹棒黃金魚生塔海膽刺身甜蝦筒柚子油甘魚壽司黑松露帶子壽司海膽赤蝦壽司辣味吞拿魚脆脆醬燒三文魚腩壽司蒜蓉蘆筍禾牛卷拖羅天蝦卷墨汁蜘蛛卷脆脆卷煙三文魚米紙卷法式香草羊鞍焗黃金大虎蝦焗海膽黃金蠔和風燴牛尾日式胡麻檸檬燒三文魚.除咗以上呢啲菜式，升級版仲可以任飲KIRIN麒麟啤酒🤩 飲得之人，淨係飲酒都應該可以飲到回本🤣話說我哋今日都係得兩個人黎，食到嘅食物好有限，就介紹下我哋食咗而又特別有印