天聚源 (已結業)

夜晚9點左右到，餐廳唔算多人，環境幾大又有得泊車，仲有好似85折(因9點後入座)叫左個2人同3-4人餐($398,$598好似係)再另外加多個德國豬手($198)，海鮮都算係新鮮嘅，個糯米飯都幾好食不過蒸完d野個粥底就比較鹹。服務質素有改善嘅空間，一張BB椅問左好多次到最後都係冇出現過(仲要每個員工都有不同講法😂) ，跟住叫左個枝豆都吹左幾次，最後都係冇黎到仲以為小食會快d到🤔食物質素係幾好嘅，不過服務就。。。

今日屯門朋友同我地去食好西，去到藍地。藍地感覺上係一個偏僻既地方，點知朋友介紹既蒸氣火鍋店，質素可以拍得住岀面，價錢又平岀面一大截。我地揸車黎，兜去餐廳後面，有得免費泊車。店員話只要喺餐廳消費，有幾多架車都可以免費泊，啱哂一大班Friend 一齊去食。餐廳有分室內同室外，室外就有feel啲 ，涼涼地。不過都唔怕，因為餐廳超貼心，有暖爐凍都唔怕！今日試咗炭爐燒，同鐵板燒，都幾有趣。炭爐燒係燒牛肉同牛舌。牛肉好正，除咗有牛味，仲要有少少炭爐味，認真唔錯！牛舌好大塊，厚度適中，咬落好有口感！見有朋友，順手仲試埋啤酒添。我地叫咗小麥啤酒、幾大杯，超級抵飲。小麥啤好好味，麥味好香，酒味淡淡地，唔會好苦好濃。連平日少飲啤酒既我都飲咗大半杯。燒完炭爐，就燒鐵板燒。燒豬仔骨、茄子、粟米，都幾有風味。店內仲提供燒汁添！重點係坐室外，唔會燒到成身味最令我滿意。

No next time!服務態度超差！有服務可言！$888餐俾左$598餐既肉我仲要話係我問題 ！問番佢仲要話兩樣一樣！又話因爲我冇要求！連圖都唔同明明就俾錯左！搵笨！

慶祝生日，一行7個人，一早book左依度因為有朋友介紹入到黎真係估佢唔到咁大間因為個晚都涼涼地，我地坐入面，出面既位4人位黎，下次可以黎試下坐出面應該幾好feel我地嗌左唔同既海鮮同板燒超大隻帶子，鮮甜多汁，肉質柔嫩好正重點係佢每隻嘅價錢都唔係貴聖子都唔差，好鮮味既大聖子，佢係牆上面有張紙寫哂所有海鮮嘅時間分鐘提示，跟足佢食落啱啱好！仲有鮑魚仔同白鱔，太心急無影到都唔錯，因為佢單價唔貴但係佢嘅牛肉同豬肉就麻麻地，下次可以skip左佢值得試嘅仲有佢嘅豬手，好正呀好食過好多德國餐廳好後悔無影底佢哦

之前聽朋友講話天聚圓間嘢幾好食，噚晚去開屯門，諗住返一返以前屋苑附近搵食，一下子去到藍地大街。8點40幾分入到去，個疑似老闆嘅男人只掛住斟酒，望咗兩眼都唔太想理我，企咗入去成分鐘佢先有意欲叫我坐低等，等了又等，成將近五分鐘先有個女侍應話執緊枱，好啦，應該好快嘅，咁多人應該都好食嘅！再等，我入嚟8點50都未夠，我9點10幾分先入到去，入到去先O咀，個場咁多位嘅！！好啦入到去梗係叫嘢食，所有侍應（除了一個紮辮嘅女侍應）都可以當見你唔到，唔落單唔擺枱唔理你，嗰下叫到人嚟都已經又五分幾鐘。叫咗條章紅刺身，3百幾都ok嘅。之後蒸鍋咯，兩個人，叫咗碟海中蝦（6隻）、大癩尿蝦（非特大尿，2隻）、鮑魚（4隻）同扇貝（2隻）先試下。等等等等等，海鮮都上咗，點知未落米做粥底，落咗又唔開爐，咁即係咩意思？海鮮食材係尚可嘅，價錢亦算ok，咁好啦，等個粥嚟食，叫D烤肉食下，d嘢都可以，但個烤蠔，點解唔畀個殼我？落個小錫紙蛋撻兜……都差唔多做完《致命復活》，食下個粥啦，一開個隔，點解D米嘅造型，比水泡飯更硬正立體？叫個侍應嚟加d水同等下先，佢一句車落嚟話我叫得少貝殼类海鮮，唉，唔同見你D蜆唔吐沙，食「沙鍋粥」（正

在屯門這裡住左幾年，好少在附近搵野食，但成日又聽的朋友話在藍地有的特色餐廳，於是今晚就去左藍地大街搵野食。大街上人唔多，遠遠見到好大個廣告牌寫著德國啤。行到裡面有個好大的露天餐廳，這的天在外面食好舒服但可惜今晚已經full booking，如果想坐外面一定要提前預訂。我們坐左入去，裡面的坐都好闊。Waiter介紹的海鮮十分新鮮，仲有走地雞一定要試。於是叫左個二人餐。首先在個石鍋裡加左點米，是等食完海鮮后米吸收了海鮮的精華變成粥食的。這間的服務真是好好，你唔想自己整佢的會幫妳弄，如果想親手做每種海鮮要蒸的時間都會好清楚的貼在枱的旁邊。先落鍋蒸的是釀三寶(茄子釀豚肉、節瓜釀蝦膠、冬菇釀蝦膠）所有食物都保留了原汁原味。茄子甜味加上豚肉的香好味。節瓜較清淡更加突出蝦的鮮甜味。臘味糯米飯糯米飯是我鍾意食的口感，較軟熟加左花生好香口。扇貝幾大只，原汁原味所以特別鮮甜多汁。海中蝦好大只，上枱時仲會郁，蝦肉爽口唔使用任何調味料都十分鮮味。紅蟹雖然唔大只但好肥，裡面有好多蟹膏。蟹膏香濃蟹肉鮮甜，仲有的海水的咸味，好食。貝殼類都有好多種，除左普通的花甲、北極貝，仲有貝貝蜆、蕃薯蜆、貴妃蚌等。其中最喜歡食貝

上網睇食評幾好，所以book左位去試食。 地點易搵，方便。環境格調不錯，感覺舒適，有大自然feel. 得3個-4個人做野，落單 唔寫單，永遠話得得得，但唔洗指意快。 海鮮夠鮮，想Encore都唔敢。小食 刺身 多數冇。 優惠價只供入座後計。飲品都要等一個鐘。 呢間野，我唔知開左幾耐，剩係知 佢地既工作範疇好亂，唔流暢。 可能今次 係個別例子.我會去多次 希望下次有好印象。

屯門南地近季季紅附近，從來都無留意過有間蒸氣火鍋。琴晚行過突然想試下蒸氣火鍋，可能時間比較早walkin竟然仲有少量位。一入到去比佢日式裝修吸引住 非常想座露天 可惜經理話要一早訂先可以有。兩個人叫左大盛已經夠飽，海鮮極度新鮮，糯米飯又夠香口，價錢都算合理。唯一美中不足 有位男店員只係識企係度 傻下傻下不失為可以再食既一間餐廳！

約朋友去屯門三聖食海鮮，朋友反而推薦去藍地的天聚源，話幫襯過一次，好想再去，貪D食物新鮮有質素，價錢又實惠，反正我沒去過，就試下。7點零去到藍地輕鐵站會合左朋友，行幾分鐘，原來正門是一間酒吧，穿過酒吧，才見到此食店，真是別有洞天，有室外和室內，室外浪漫，室內寧靜，地方相當寬敞舒服。要左大大杯生啤，入口柔和順口，又夠凍，酒吧的質素可能真的好點。二人海鮮套餐：大蜆, 中蜆，細蜆，海蝦，紅蟹，鮮帶子，還有雞，醸三寶，新鮮沙律，臘味飯蒸鍋裏面放了些米，開關安裝了響鬧timer，一響waiter即到，把已蒸熟的食物送到你的面前，然後再放第二輪，超好服務。當然亦可自己玩。蒸帶子好大只，飽滿鮮甜，濕潤嫩滑，新鮮的味道就是不一樣。紅蟹算是中size，但相當肥美，蟹膏好香，蟹肉鮮嫰甜美。大中小蜆各有味道，有的偏鮮甜，有的海水鹹味濃烈，有的肉質肥厚有嚼口，有的鮮甜偏爽脆，其實一直都沒有用調味料，新鮮的海鮮就是有那種天然的鮮甜。蒸雞看上去有點肥，但入口肥膩的口感不明顯，肉質結實卻滑嫰，雞香味濃郁。還有鐵板燒，叫了少少轉下口味，牛肩肉，牛小排，牛舌，牛舌爽口，牛小排相當濃郁的牛脂香，牛肩肉有嚼口，鐵板燒的味道

今次食蒸氣火鍋、陶板燒，食物新鮮高質 海鮮拼盤二人份先 199/1個人，抵食之選！我見隔離枱仲可以帶埋狗狗泥食飯😍星期日放完狗，再泥食飯～假期就應該係咁。雖然係屯門但都好方便 係兆康轉一個站到藍地就到

近日天氣涼涼地，想吃海鮮火鍋。友人提議吃下新嘢喎-蒸氣火鍋天聚源位於屯門藍地大街，鄰近輕䥫站，相當方便。餐廳本身設有停車場（免費）一入餐廳見到一個擺放啤酒櫃子，十分精緻店內別有洞天，有一個open area，好舒適。還有兩間獨立房間，可提供多人聚會餐廳食物多元化，有蒸氣火鍋、陶板燒及炭燒⋯⋯前菜有螺肉、枝豆、和風沙律及芝麻冷烏冬烏冬煙靱、好滑配芝麻醬，正扇貝大隻，蒸既時間啱啱好，新鮮多汁美味花蟹雖然細隻，但喺有蟹膏、蟹肉，好好吃最後吃埋用海鮮精華煮既粥，相當滿足

我係屯門人 以前番學係藍地附近 對呢個地方好有感情 今日適逢爸爸生日見到藍地有出新既海鮮蒸氣火鍋 諗都唔諗 即刻過黎食 入到去 有分室外同室內既 原本都係坐入面架 但當我地見到出面咁靚梗係坐出面啦 😬😬仲有個魚池 仲有錦鯉係入面小朋友黎到 （我🙈🙈） 表示非常興奮 後面獨立一間間房係獨立包廂 如果約埋一大班frd黎都幾正 😬主打蒸氣火鍋之外 仲有德國啤酒 都係主打唔同牌子 味道都有 感覺餐廳好有心做好我地樣樣海鮮都叫左試下 大細蜆 蟹 蝦 帶子 但今日冇蟶子 因為唔新鮮餐廳冇入貨😭😭😭蒸個陣都好簡單 好多人會黎幫手 將同一種類既野擺哂入去 侍應姐姐會幫你較好時間 等鐘響就食得海鮮幾分鐘就熟 所以食食下 會好忙個鐘不停響🙈🙈🙈黎到呢度 咩啤酒都可以唔試 但一定要試呢款 whisky beer 有whisky 木桶味架 好特別 出面一定搵唔到近排凍凍地 佢地都有生炒糯米飯 自家炒個啵 細細碗 用蒸氣鍋蒸番唔油膩 而且非常香口 蜆仔係粥底鮮味既靈魂 冇左佢粥底會唔夠味隻蟹唔算大隻 但勝在夠鮮 仲有蟹膏Tim 🙈🙈我唔食蝦既 但屋企人話都好鮮甜 又彈牙隻帶子 好大隻🙈🙈呢間蒸氣火鍋 地點係比較

藍地愈黎愈多高質店 又俾我見到間 係主打食蒸氣火鍋嘅一直覺得蒸氣火鍋依啲啅頭野 冇乜特別 點知 我認真覺得自己打唔返港式邊爐(._.) 蒸氣火鍋真係超正店面其實好大 有室內 有室外 但係都成日fully booked 唔想模門釘 記住打定電話先成日店都用哂木黎做傢具 超自然同relax 正正✨ 店內仲有秋千玩 超爽💁🏻一開頭店員就會蒸咗糯米飯先 不嬲對糯米飯麻麻地嘅我 一試真係唔講笑 超好食 又唔油 又香 好多料 蒸岀黎令糯米keep 住好鬆軟 正✨✨再之後就蒸帶子 大蜆 基本上你坐喺度等食就得 店員會幫你計時蒸野食 夠鐘又會整好落啲碟度 真係大爺咁淨坐淨食就得🙈蜆肉超甜 又新鮮 重點係我一粒沙都食唔到 真係處理得超好 帶子都好大粒 火侯拿捏得好好 唔會韌 仲好juicy 除左蒸海鮮 仲會蒸 雞！腿！蒸雞聽落好普通 但我唔知點解可以整到咁滑 料靚係我唯既解釋😂 因為蒸真係好大程度咁reflect 食材既新鮮度最後點少得粥底火煱 等咗成晚就係等佢 店員仲會落生菜落去 好正呀 又甜又有啲爽口 聽講店家仲諗住繼續發展 未來可能會有日本熟食 又多樣野揀 👍🏼

I've been a fan of these steamed seafood places for a while now. It's a much healthier option to normal hot pots in my opinion. What made this place better than the ones I've been to in the past was how fresh the food was. The pork, seafood and veggies were tastier than I've had elsewhere. However, my absolute favorite of the night was the cheese baked lobsters! The cheese sauce was the perfect combination of sweet and salty.

朋友带我来到这家蒸汽火锅店，穿过前厅到后堂，才发现别有一番天地！不仅用餐环境够宽敞，而且个个服务生都好热情，供应的海鲜、肉类均新鲜好味。尤其是香菇釀，太好吃了！朋友笑称她带来的朋友个个都赞好吃