天聚源 (已結業)

今晚去左藍地搵野食，揀了食蒸氣火鍋的天聚源，因為比佢的$488 2人海鮮套餐優惠價吸引左。首先吃了鮮蝦，一上枱我是有點害怕的，因為隻蝦仲郁緊，所以都係叫待應姐姐代勞。在牆上是有一個表，教人每樣海鮮應該蒸幾耐。但我食帶子時見待應在忙，就自己蒸，點知過左時，帶子縮水了又不滑了！很可憐基本上這裡的海鮮都幾新鮮，除非好似我咁，唔記得睇時間.......hahaha* 食番隻鮮鮑魚，不算大隻，而味道很甜，肉質鮮嫩。始終要食少少肉，叫了牛肉和松板豬。松板豬吃起上來很似豬頸肉，但蒸出來吃原來好好味架。 諗都無諗過，鮮味，爽口，不會「穌」。連鼓油我都唔使點。而牛肉不過不失。話說朋友覺得唔夠肉，我地就問待應，有咩肉推介，原來這裡除了蒸氣火鍋，仲有得食德國野 點解我從來不知道？openrice都無講。而我朋友就話試下，叫了碟德國秘製咸豬手，同德國腸。我都唔知點解會咁大碟 2個女仔，點食得哂？好誇張耶。無記錯埋單是$268一碟，咁上下。係我們唔記得看價錢及份量 德國秘製咸豬手（$268）是有驚喜的！因為未試過吃到這種味道，有種小麥味，應該煮之前醃左好耐，我問店主是怎醃的，佢話是秘密（真的這麼神秘嗎？），只說

今天跟男友經過藍地一家火鍋店，外表環境真的很不錯。但是食物跟服務真的令人失望到極點。1. 我們叫的是他們的二人餐， 有蝦有大扇貝紅蟹和沙白蜆。可是只有蝦是新鮮的。扇貝和其他的都不是太新鮮。扇貝和蜆的準備工作也沒做好～ 一吃就整口沙。 我以往吃的蒸氣火鍋海鮮也沒這樣。2. 第一次蒸氣火鍋要全程自己計時跟動手。 店員看著你也直走假裝沒看到。 沒打算動手幫忙。 這家店真是可一不可再

未食過想試下個蒸氣火鍋，見9時後有85折一於去試。兩個人叫咗個$488海鮮餐，上枱啲海鮮好生猛新鮮，啲蝦同蜆仔仲郁緊。開始時都擔心自己蒸會唔會有難度，幸好全程都有個靚女侍應幫手蒸埋+計時+上碟，食得舒舒服服。就算你想自己整，牆上都貼有每款海鮮需蒸時間，可以自己計時，服務貼心。前菜有沙津和三文魚剌身，味道不錯，新鮮夠凍跟住侍應小姐開始幫我地蒸海鮮，每一款都蒸得剛剛好，有小小海鮮咸鮮味，海蝦新鮮彈牙，蟹雖然唔算好大隻，但好靚好實肉。其實海鮮新鮮就已經好味，但估唔到蒸肉類都好正，雞肉蒸完好鮮嫩，連平時唔多喜歡食雞嘅我都忍不住食多幾舊。最後唔可以錯過個粥底，好鮮甜，真係啲精華同味道都喺晒度，完全唔需要再加調味料。埋單時送兩張優惠卷下次再食減$100，大滿足

平時好少留意 原來藍地都有蒸海鮮食依家好多地方都有蒸海鮮 不過質素就好懷參半...呢間海鮮都幾新鮮 特別係蝦 夠大又爽口 其他都唔錯 而且地方好大 有露天同室內仲有燒肉可以叫 味道都Ok

今日公司放早..一早就BOOK左天聚源..又想食海鮮又未去過藍地大街又見有得泊車所以就去食...真係第一次去...到達後有人會上車帶去泊車地方..其實唔遠不過要佢帶路先得. 我地大約六點半到達...入面原來好大..經過室內後再到室外...再行仲有室內..我地就係坐個到..我地二人坐..卡位非常闊很舒服~~~又有電視機,,待應服務又好..唔錯~~經待應介紹下點了二人套餐...有菜, 有半隻雞, 有什錦海鮮..牆上有說明蒸時間唔怕蒸過火.另外我地揀左粥底係皮蛋瘦肉..其實你可以唔揀但就淡D囉沙律唔錯..蔬菜新鮮...D粟米好甜~帶子好鮮味...蟹雖然細隻但都多肉...我完全冇點任何醬汁...食原味係最好食.D雞超滑..真係唔知點解...確係有半隻...我地好似蒸左七分鐘...雞滑之餘仲有好香雞味唔知係咪新鮮雞~~一人一隻....超大蜆..好鮮味又有海水味..鮮到邊食邊讚蝦非常之彈牙....有2款唔同既蜆..食得出分別因為鮮味唔同...有肉又有菜...再加2隻鮑魚..係仲郁.........好新鮮~~~又再加牛肋肉..本身覺得好怪..冇LALA叫碟肉去清蒸....點知又幾好味WOO~~~~~

重陽節，無去登高，約咗一家人食海鮮蒸氣鍋，呢間餐廳係姐夫介紹，話朋友去完話好味，地點都幾隔涉，去到藍地站再行一段入村嘅路，有塊黑木紅字招牌好搶眼，入內格局似酒吧，吧枱及牆上木架放滿我唔識嘅啤酒！店員證實我有訂枱，就叫個職員帶我哋出去，原來柳暗花明又一村，出面有個大空地，放滿一張張竹製細枱，有秋千，有水車魚池！又有魚缸養海鮮！小朋友就最開心，店員帶我哋去一間有冷氣大房！枱上一個大鍋，一個煎鍋！不過有陣焗咗好多食物嘅味！明顯通風唔夠！加上無房門，黃昏時好多草蚊在房間飛！後來開始煎嘢有煙先好啲！坐定大家點菜，又問下店員比嘅意見！有時店員又會入來介紹啲餐牌無嘅食品！食物好快到，牆上已有指示每種食物嘅時間！唔明又可以問店員！鮑魚（$38）一啲都唔韌！已經清除內臟！草蝦（$98）：好新鮮，隻隻爽口！白蟹（$176兩隻）1隻蟹殻爆膏，一隻完全無膏！（乾淨到好似洗過咁）好在兩隻都好多肉！啲肉好嫩滑！正！特大扇貝：好厚肉，好鮮味！正！必食！唔係太飽嘅一定encore!大蟶子（$38）都係鮮，不過有啲啲腥味！無扇貝咁好味！花甲（$68）雖然細隻，但味道好甜！而且唔韌！所有海鮮我哋都蒸！肉類就燒！地下唔會纏

慶祝同事退休，到藍地這間出名食一品鍋的店。十六個同事，點了八份二人餐，其實每碟上菜都很驚喜的，花甲／蟹／雞／蜆／用十六人的份量一煲蒸，賣相真的不錯。只是最後吃那煲萬眾期待的粥，發覺比鹹蛋更鹹，後來發現問題所在了，吃八個二人餐，理論上應該提供八個蒸籠，才可以分勻每隻花甲／蜆裡的海水，粥才能調味得剛剛巧，只是因為店家提供不了八個煲，到要結帳時候提起：其實現在只提供兩個煲，成本慳了那麼多，應該便宜點吧？店家卻說：這是公司的營商規則，所以一樣要收足八個二人餐的價錢。不能說是店的問題，只是我們沒有好好注意。店家那日提供了我們一間房，裡面有兩個蒸籠，一個鐵板，電燈，冷氣，但電壓什麼的頻出問題，十五分鐘內就跳電一次，真的要好好改善呢。

屯門藍地大街是我其中一個間唔時會去食野既地方。係OP發現呢到有間蒸氣火鍋，所以同友人黎食。室外的坐位有魚缸，可見生猛海鮮。點個蒸氣火鍋二人餐(HK$388)包沙律前菜、半隻雞、時菜及海解拼盤(特大扇貝、紅蟹、花甲、貝貝蜆、海中蝦及桂花蚌)。沙律份量大，而且味道不錯，沙律帶少酸，帶起我的食慾。蒸氣火鍋的份量不少。同時間，服務員會加米到火鍋中，再加蒸架!一開始我們都覺得奇怪，為什麼沒有加水的?原來檯底下有水樽的，水會自動在火鍋中間的位置出來的，好奇待。坐位旁貼有時間表，清楚例明每樣食物要蒸多久。急不及待想一次過把整碟海鮮倒到鍋中。蒸的過程，濃濃的海水味撲入我鼻。海中蝦果然不同，蝦殼超橙的，而且大隻，肉質彈牙鮮美。(PS: 未蒸之前，蝦是活生生的，好生猛!)桂花蚌只有兩隻，很大隻，肉質彈牙。貝貝蜆不太咸，但入口有爆水的口感，很有趣。花甲帶有濃濃的海水，所以比較咸，但很新鮮。沒想到會蒸雞，我們原碟蒸，結果蒸不熟，要再蒸，建議大家將雞件分散一下才蒸，這樣傳熱較快。沒想到蒸雞這麼好吃!雞肉嫰口，而且味道很鮮，是驚喜之作。花蟹2個人隻，感覺不夠皮。但蟹很新鮮，而且多膏，想要encore一隻呢!扇貝是

近日的蒸氣火鍋熱潮簡直是多不勝數，在太陽報發現了在屯門已經有所蒸氣火鍋店。還是小妹舊時住的地方附近，找路自然很方便。小妹跟友人兩位也不知點些甚麼吃，店員推介新推出的二人套餐，那兩位吃個二人餐也差不多夠吧！蒸氣火鍋二人套餐$388包了一碟時令蔬菜，沙律前菜兩小碗，海鮮拼盤(特大扇貝，紅蟹，花甲，貝貝蜆，海中蝦，桂花蚌)及雞件半隻。材料感覺經頗豐盛，兩個人也夠分著吃的。沙律的蔬菜清甜，車厘茄微酸，粟米粒多水份，加點沙律醋醋酸味開胃。友人先放上貝殼類蒸焗大約數分鐘，海鮮的腥臊味很大，若不喜歡的，應該頂不下去！特大蜆頗鮮甜多汁，貝貝蜆體型較少，肉也不算多汁，肉也為乾。元貝加上點椒鹽，為了除去點元貝腥臊味，元貝經蒸汽蒸焗入口還帶點嫩口，椒鹽味也帶出點海鮮鮮味，可以不用太多。海中海大隻鮮甜，紅通通的肉身就知海中蝦的真偽，入口肉質彈牙，蝦味的鮮味重。雞肉半隻也不算少，雞肉大概要蒸上八至十分鐘，雞肉調味加上了鹽巴，蒸過很肉汁鎖在雞肉中，雞皮微黃不油膩，雞肉嫩滑肉汁多。這道雞若可減點鹽巴，可吃出更多鮮味！時令蔬菜-菜心 菜心也能蒸？菜心蒸過後也保持翠綠，入口脆甜，不會太老。再單點了數隻大蟶子$38/隻，

蒸氣火鍋最近真係愈來愈hit，朋友知道我一直都想試，所以近近帶我到藍地一嘗蒸氣火鍋。呢間店鋪不難找，在季季紅再直入便找到，一進店鋪覺得很小，像居酒屋的樣子，完全不覺得是食火鍋的。之後店員帶我們走，才發現這家店是超大的，有室外跟室內，真的超大！蒸氣火鍋底會先放米跟少許搖柱，然後放上蒸架，就可以開始蒸氣啦～一開始我們先放上蜆&沙白蜆，放上蓋後，就開始計時啦～當然不是用自己手機啦，店家會提供計時器，然後牆上會有指示，每樣食品的蒸氣時間，第一次食蒸氣火鍋，好緊張呢。一路蒸一路嗅到好強烈既海鮮味道，三分鐘後可以開動啦，每一個蜆都好鮮，而且比平時更鹽味。之後到特大扇貝，扇貝上面灑左椒鹽，我想除左為了惹味之外，用椒鹽更可以僻腥味。哇～蒸完仲多水！大大粒扇貝連湯汁一大口喝下去，由於吃得有點狼，差點比椒鹽咽親，哈哈，但的確好鮮味既。接著，是牛小排囉！牛小排上的花紋配上椒鹽，未煮就已經好吸引．原來吃起來更嫩口多汁．再黎是半隻雞，蒸五分鐘。計時器嚮起了，但雞還有一部分未熟透，所以再蒸多一會兒。講真，我平常唔太喜歡吃雞（除了炸雞外），所以本身只諗住一舊起兩舊止，其他留返比朋友KO!! 點知食落口又幾嫩口多汁，

近來雜誌有報道此蒸氣火鍋，所以同幾位朋友一齊過來元朗試試。茶餐廳位置在元朗藍地，有室內、外用餐區哩!市區絕對做不到。蒸氣鍋底先放白米和小元貝絲。蒸完食完的海鮮鮮味就會回到此粥底。特大扇貝$38/隻特大扇貝落了些椒鹽，去了裙帶腥味，鮮味更出。一定要飲埋扇貝水，超鮮甜。大蟶子 $38/隻大蟶子堅大隻，彈牙又鮮甜。食1隻都想再encore 呢!鮑魚 $28/隻爽口彈牙鮑魚，零醬油已有鮮味。一口食，盡顯霸氣。白鱔 $98/例試試魚類吧!白鱔比較偏淡，可加點醬油提升。牛小排 $118/例想不到牛小排蒸1分鐘多點，已經非常滑嫩。還要又肥美，必點之選。蒸氣火鍋原來用在牛肉身上也非常棒。德國野豬黑麥啤酒 $58/支不是很多餐廳有德國啤酒，這裏也入了不少不同種類德國啤酒，來到當然要試。比一般啤酒貴，但比較好味、濃些!特別之選，配火鍋清熱氣一流。白粥粥有小元貝絲，加上海鮮鮮味、牛肉點點脂肪提味。清清地為是晚作結。總結，呢間蒸氣火鍋用靚料，調味料主要為鹽，海鮮比較有鮮味，價錢也合理。屯門人或北區人絕對好介紹。 

同事不乏居於大西北的人，有時跟他們談「食經」，總會有一點有趣的情報。記得這家「天聚源」曾經在同事口中談論過，說是吃蒸氣火鍋的，這玩意在香港仍未算十分流行。適逢今晚入天水圍探伯父，兩家親戚自然需要找個好地方聚聚頭吧！於是我便向他們提議到這裡來，一探蒸氣火鍋的秘密。天聚源的門面可謂平平無奇，沒有任何使人拍攝的衝動，大概就是一所村屋的樣子。不過原來屋後大有乾坤，偌大的環境充滿日式庭園的風情。竹木的陳設、滾動的水車、高掛的燈籠，都顯得別有一番心思。我們被安排到一間「廂房」中用餐，店家熱情地向我們介紹該店的各種出品。這裡主要是提供陶板燒和蒸氣火鍋的，主打各種新鮮食材，是由香港仔漁市場直接運送過來的，加上自家飼養，保證食客能吃到最新鮮活猛的海鮮。美酒除了配佳人外，也可以配海鮮。這裡提供了過百款德國啤酒，種類及其稀有程度均叫人嘖嘖稱奇。店家特別向我們推介這款德國啤酒，一個大玻璃杯可盛滿整支啤酒。啤酒麥味很重，沒有平時明顯的苦澀味。聽店家介紹陶板燒也挺吸引，不過我們仍是想先試試蒸氣火鍋！吃蒸氣火鍋有兩樣必備的道具，其一是可發放一百零二度蒸氣的高溫蒸鍋，其二是協助計算蒸煮時間的計時器。個人比較喜歡貝類的

呢日，同BB和朋友黎到屯門藍地嘗鮮，朋友話呢度裡面地方好大，人到去之後，簡直係後花園，有鞦韆，有吊椅，有魚池，很有特色，很Relex人未到齊，就叫左杯德國啤飲~好了，人齊後就開始，正所謂打邊爐，點都要有個爐，所以...好啦，介紹下呢晚既海鮮蜆，蟶子，東風螺，鮑魚蟶子，小小肉，但好有海鮮風味，是海水鮮味吧！蜆，肉厚彈牙，好口感東風螺，爽脆彈牙鮑魚，爽口彈牙，多汁鮮美。扇貝，大大隻帶子，好厚肉，好好趙。藍色既三點蟹，肉嫩，但唔多膏，平時唔食蟹既我都食左幾件了~冬菇釀蝦肉，有菇既香味，又有蝦既甜味，配合得好不錯

住了在屯門差不多一年了，真的什麼美食也算可以吃光光了當然一些是新店或者是比較遠的沒有試過要說屯門最有名的食店，必是說那個乳豬飯吧?不過記住那間的乳豬飯只有屯門藍地那家才是最好吃的呢不過某日我的飯腳突然想帶小妹去屯門找吃的我說有什麼是小妹仍沒有吃過呢,帶我去找好吃的? 他們說去吃藍地的我心想,難道吃那個出名的乳豬飯?在藍地的輕鐵站下車後跟住人流行的話,就可以到藍地大街囉! 而今次我們的目的地就係大街中的中段位置這間的【天聚源】其實這間的餐廳其實表面是好像是居酒屋,也像燒烤店實情今日我要介紹既就唔係表面既東西啦其實餐廳既入面有一個好日式既大花園仲有D 好似平時係酒樓會見到既魚缸仲諗緊唔同今日入黎食日本野? 怎知道一坐下的時候就發覺完來當天吃的就是近期超大熱的蒸氣鍋,或者大家在家也可能自家弄過了呢雖然那麼大熱，小妹也實在沒有空去買海鮮加上要慢慢清洗太浪費時間了,所以今次就跟朋友去吃海鮮吧由於今次是朋友發板的,所以我就看看那些海鮮需要多少時間去蒸熟不過要記住一個小問題,海鮮要好吃就要留意時間的問題唷!!!點好了我們想吃的海鮮後就有店員為大家準備好今次蒸氣鍋啦係今次既鍋上面是沒有任何的水份，所以