天馬快餐 (已結業)

亞佬今日帶左我返去佢小時候住既地方，仲一去舊老舖天馬食番舊時佢放學去食既漢堡薯條加汽水。漢堡飽係即叫即煎架，熱辣辣香噴噴。薯條新鮮炸起夠熱脆口有口感，而且剩油時候足夠，薯條沒有過多炸油起面。

作為一間地區老店.... 名聲響噹噹 ~~ 但今日一試.... 有點名不副實喎.... 完完全全剝晒何文田街坊連同少年食神 michael O既牙 ~~~ !!!!!!!!!!!!!叫左個番茄牛利意粉........水準真係一般................ 我個口會覺得唔合格囉.... 意粉黐埋一舊, 只係微暖...... 究竟阿師傅有冇心煮過?!?! 放上牛利，淋些汁就吃得 .... 牛利 & 汁都 ok ge ... 鮮茄欠奉 ~~ 汽水有甜無氣全沒水準可言 失望.....只慨嘆出世遲左十幾年..... 無幸再親嚐大師傅O既手勢了 ~~~ 又一集體回憶自然流失了...........

我在愛民邨長大,食了天馬大大話話三十年,昨日到天馬食lunch..都知啲舊的師父走晒(唔知為何)而加換左一班後生仔向度做,都知啲食物味道一定會有唔同不過想唔到咁大鑊,叫咗個黑椒牛扒飯同羅宋湯,牛扒飯牛扒由原本兩片得番一片...黑椒汁又稀又淡冇晒以前嘅開胃香辣味,再試啖我覺得係終極好味嘅羅宋湯個樣好似一樣Bor,一試...大鑊..我飲緊薯仔湯定羅宋湯呀!!??點解冇晒啲蕃茄味嘅...點解會變咗薯仔湯咁味嫁!!其實一間老店食物味道一定要Keep到原有嘅味道先會長久,因為呢啲味道就係間店出名原因..之外重係好多人嘅回憶,睇來我同天馬三十多年嘅緣分都係時候講聲Bye bye!!太可惜啦

平常中午的時候也會到何文田這間港式快餐店食LUNCH, 因價錢較外頭的連鎖快餐店便宜, 大慨$20~30. 可是現在食物的水準每況愈下, 不知道是否與廚房的師傅轉掉有關, 現在的全都是較年輕的一輩. 最過份的是, 在我排隊等候師傅整飯盒的期間, 比我見到內裡的師傅們b]直接用手去拎塊漢堡扒放入我個飯盒 係客人面前都可以咁做?! 唔係呀嘛...以後要我再幫襯呢間食肆真係要再諗諗~!

今日行開食LUNCH,諗住食盒咖哩豬扒意粉,買之前都知佢轉左師父,而且知道比以前差咗,不過冇諗住咁差。一開盒意粉,D汁唔知去咗邊,只見到黃色粉末,食落仲成口粉,塊豬扒都還可以。食完今次,我以後一定不會再去。

不同人對一件人和事，也會有不同的感覺。在愛民邨長大的朋友，對天馬快餐是成長的印記。在附近讀書的學生，對天馬快餐是等同飯堂。在愛民邨居住的街坊，對天馬快餐是老朋友。相信在愛民邨長大，或在伽密等學校讀過書的人，沒有邊個未到過天馬快餐，由1977年開業到今天，也有三十多年，可說是與愛民邨唇齒相依。我算是區外人，是第一次來。個人對這一類飲食文化遺產，是帶有一定的感情。人人也開口說集體回憶，像我們在八十年代長大的七十後，港式快餐店是其中一個成長印記，到九十年代中葉，這類快餐店日漸式微，取而代之是一眾連鎖快餐店。小時候家在太子近旺角球場，附近有兩間港式快餐店，是我在當時最喜歡的食店，吃個肉醬意粉，炸魚薯條，樂得上半天。而這間天馬，近年因為由少年食神推介，令到一眾人再次關注此快餐店。情況與年前貴網，眾網民把時新重新出土，成為廣為人知的食店相似。有時候，時勢的確做英雄。用自己的名氣來幫助童年時最愛的食店，也是飲水思源的一種吧。店子很小，以做外賣為主，連杯碟也是全用飯盒膠杯，在現代人的眼光來看，絕不環保。至於內裡供應的食品，也是那些東西，飯或意粉，漢堡包，薯條等小吃之類。學生哥前來，可選擇更便宜的學生餐

星期六懶得煮，理所當然又去天馬打包～ 啱啱起身未肚餓，家人買飯我要羅宋湯。細佬跑腿，一返黎就話天馬轉左師傅心諗：吓！唔係卦……唔同師傅手勢好唔同喎……阿爸同細佬一食就話味道唔同左；又話份量少左我都不以為然，覺得招牌羅宋湯應該keep到既點知一飲！嘩！做乜鬼？好好好鹹 繼續飲……唔掂呀要溝滾水！但都仲係好鹹！本身唔想浪費食物，但真係太鹹……最後淨係食哂D料，D湯倒左！呢個新．羅宋湯想點先？外觀一模一樣，但係個味除左辣就係鹹，鹹鹹鹹 我個舊．羅宋湯呢？！俾返個辣辣地充滿蕃茄雜菜香味既羅宋湯我呀 p.s. 師傅你地係咪放假行開下咋？快D返！

所謂江山良才輩出, 長江後浪推前浪近日鬧得熱騰騰既最低工資立左法, 時薪廿八蚊可能因為咁, 天馬快餐既廚師全部換哂班, 年青化 !!!講返食物, 叫左三個飯盒:1. 咖喱豬扒飯2. 粟米班塊飯3. 茄汁雞肶意叫既原因主要想試哂d炸野同醬汁!咖啯汁真係淡左好多, 無咁香口, 塊豬扒就太燶了,黑左...,粟米班塊飯, 塊班ok脆口, 但白汁都係太稀了, 應該加多d 生粉做獻汁茄汁雞肶意, 茄汁太淡口, 似水......連羅宋湯都傑過佢., 隻肶好似無腌過咁, 無乜味..下次要叫炸肶了.........整體來講真係無以前咁好食, 但新師傅上場, 味道真係變左希望佢地會改進下, 我相信 事頭婆應該都成日會試下味..不斷改 進, 比下機會d 年青人吧...........仍然有進步空間呀!

唔知係嘛轉左手~D師傅個樣唔同晒~個個都好年青....食物方便..都唔同左....岩岩LUNCH叫左個免治牛飯..完全唔同晒...難食左多....以前既免治牛有雜豆的..宜家就得牛....失望.....

過往週末很多時都會幫襯叫茶餐同羅宋湯醫下肚，今日如是。不過近日發現舊的師父全部不見了，難道佢地也受最低時薪比人剷走左，換左一班後生仔向度做煮，雖然多左人手，但係質素真係差到無人有首先我最愛的沙牛米，衰過自己屋企煮囉，牛肉唔係過熟，就係半手熟。個湯底無乜水仲要唔夠味! 但點都好過個漢堡飽，個牛係未熟。諗住羅宋湯唔會出事啦~ 點知一D都唔熱，凍冰冰感覺，就好似天馬依家咁，人目全非(包括食物)，除左收銀姐姐外~ 希望個班後生仔只係黎代班一陣，否則好難有興趣再幫襯落去~ 仲有一事要提，就係價錢又再調整左~ 貴左, 食物差左, 唉~

沒甚麼想說的，我是在愛民讀書的學生，吃天馬也吃了七年，一直都已經因他們的態度而敬而遠之，而食物質素當然不高，初吃還會覺得好吃，但快餐店中的難聽點其實只是垃圾食物吧，但我要說的與食物無關。（羅宋湯的確挺好吃的）近來這快餐店不斷的在媒體下廣告，也都算了，反正是花了錢的。不過有一次看三色台訪問所謂的廉價食店，那收銀姐姐卻說老闆想「keep住個份情」，一直顧慮著學生的經濟能力，所以學生餐一直都沒加價——而事實上在訪問的那刻，這幾年來學生餐已經由十五加到十八，還特意重印價錢牌，當訪問完了不久，還加到齊頭二十。我想說的是，原來所謂老牌快餐店，竟然也是謊話連篇，比那些開宗明義㩒住搶的大集團更令人側目。大集團剋扣飯鐘錢，一會兒已傳遍全港，可這些唔憂做食住學生的地道快餐店說一套做一套，又有多少人知道？最後只想說，免得過，我永遠都不會再光顧這家店。

天馬快餐店 - 一間陪着愛民邨居民成長的港式快餐店!來到2011年的今天，其食物水準又到了那一個地步呢? 而其價錢又是否合理呢? 就讓我們試試從『漢堡餐』去探討一下吧!天馬『漢堡餐』是其中一個我喜歡吃的餐，價值廿三元；當中包括漢堡包、炸薯條及汽水一杯。漢堡包的包質素應不用懷疑，因為供應麵包予天馬理應是其關連商店 ─ 新雄雞麵包店; 包身尚算香軟, 只是包面的芝蔴抺得多了一點, 但可接後受！打開漢堡包後，看到手做的漢堡牛肉、牛油和沙律醤 ─ 多年來其製作方法均沒有改變；充滿香濃的牛肉味，帶點肉汁 ─ 一流；只可惜牛肉跟多年前的比較，實在變小了！而薯條炸的時間似乎不太足夠，有少許硬；薯條本身亦沒有薯仔味, 看來這些薯條於雪的時間稍長一點了！其實過去數年已發覺其薯條掣作漸走下坡；不知是否跟其炸煱太繁忙有關？至於汽水則多年沒有改變 – 小杯走冰!二十三元一個餐 ─ 其實已加了多次價；個人覺還可接受 ─ 可能帶點情義結吧！實際上值不值得就見人見智了！

這快餐店聞名已久,當日在何文田/土瓜灣一帶跑完步同太座到上址一試, 太座要了: 炸雞脾下午茶餐,相當普通的賣相,底墊粗口徑即炸薯條,不過有一處相當特別的是這裡的罐裝汽水只有室溫的??!本人要了: 本來想叫炒飯試下但星期日炒鑊的人可能休息了,沒有得供應,唯有叫漢堡飽下午茶餐,酸瓜片欠奉,白汁(MAYO)只得好少, 請注意係從膠樽唧出來完全不加工的MAYO使唔使咁呀?唔係一般都會係咁意加些少自我本店的味道落去令到它某程度上起死回生的嗎? 漢堡肉扒底係一筆牛油, 牛油就咁捨得,更莫說有否燒汁了, 漢堡肉扒內有很多牛筋之類的物體, 證明是國貨?其實寫這段食評並不是為了彈這類型的舊式快餐店的這個不是,那個不足, 只係有點感慨這類型的舊式快餐店未能隨着時代步伐加以進步,儘管一個”漢堡飽”十多年前的學生哥滿意於這種結構簡單的漢堡飽,隨着時代不同學生哥亦在多元文化的香港到外地感受過正宗的漢堡飽, 各個大牌子的漢堡飽店亦在港登錄過徹退過, 大家亦見識過各種不同類型以不同手法去演繹的一個"漢堡飽",這個店的長期固步自封等同滿清未期,堅決不變的營運方式難免被時代巨輛輾過淘汰之期不遠矣, 更諻論拓展業務守住間

這間陪伴我長大的快餐店,我在這裡要跟你說聲:永別了,我今生也不會再來光顧!!!!!本來臉長長那位師父換了別人,我都算,本來肉質美味不會一吉就散的漢堡生肉變了,我都算,但是連服務準則也改了?????不能算(以下對話全屬實話,沒有半句加多減少)我:唔該我要下午茶餐,沙爹牛肉麵.(時間為下午5點40分,$21)收銀:無囉,不如你叫粉麵餐($25)我:係無麵定係沙爹牛肉呢?收銀:兩種都有.我:咁係咪夠鐘所以無?你話比我聽我下次可以早d黎食.收銀:唔係夠鐘個問題,係師父話唔做就唔做.我:哦,你咁講就得啦,咁我走先.臉長的師父~你交給他們之後就變成這樣了,希望你看到這篇文章,唔係你一生心血就咁比佢地搞掂!!!

散步經過愛民邨商場，就傻傻地走入商場取暖。行行下見到天馬及其門外貼滿食評的玻璃窗，就突然記得三色台的某個節目介紹過。見到雜誌的照片咁靚就試下。同友人叫了以下。。。1 古法漢堡包2 茄汁牛肉意粉3 乾炒牛河4 羅宋湯Overall, 除了乾炒牛河，每碟都唔夠熱。古法漢堡賣相不討好，一個乾乾的hamburger比個包細一半有多，乜配料都無，味道一般。茄汁牛意普通到不願多講。羅宋湯料多但略為過甜。最吸引的是乾炒牛河 - 新鮮熱辣辣又夠味，油不過份多，牛肉夠諗，唯有進步空間是賣相，一碟河粉除了豉油顏色乜都冇，同雜誌相片冇樣似！第一次去天馬亦都是最後一次，因我唔識欣賞。