天鳥居酒屋

营业中

休息中

近排都食過幾次元朗d貴價居酒屋，今次一於試下天水圍既居酒屋，之前行過睇過d餐牌價錢都算平，今日一於同老友一試。晚飯黎食都驚多人要排隊，我地都6點鬆d就到，門口攞完飛等10分鐘就入得，門口有得拎個口罩袋好有型點餐係掃code的，而家好多餐廳都咁玩，感覺都幾好侍應無咁忙，客人又可以慢慢睇慢慢落單，叫左呢d食物櫻花星空係雞尾酒黎，太細杯串燒粟米好食，牛油少少咸粟米夠甜串燒雞腿根幾特別，雞肉嫩滑有汁帶少少筋，但唔鍾意食筋既朋友要留意下啦串燒雞肉棒價錢比出面居酒屋平，出面3十幾蚊枝，呢度33蚊有兩枝，味道都差唔多，幾抵食，免治雞肉帶點軟骨，好特別既口感黑松露玉子燒，味道都ok，係細粒左d，食左粒先記得影相鵝肝海鮮炒飯好足料，有d3文魚粒，章魚粒蝦粒，飯係珍珠米炒得都算粒粒分明，又係食左d先記得影相個牡丹蝦刺身就有d失色，師父做法係幫你起晒蝦頭起埋尾，蝦膏放上蝦度俾你一啖食晒，做法係唔錯，但隻蝦食落唔鮮唔甜，感覺唔多新鮮，扣分整體黎講食熟食無唔錯既，性價比算ok，無試壽司，刺身就剩係試左牡丹蝦（唔靚），其實他未試唔知，

下午3點轉下午茶，2點十個字就話無午市，轉下午茶。OK，無問題，第一次食咪試下。見間店都7成空，咁咪問可唔可以入去坐住等，大拿拿十分鍾企係門口等?反正都無得點午市MENU咪話想入去坐住等，入去坐喊定下午茶，點知個侍應又話收緊台，唔比入，有睇既人都知上面講左7成空，完全唔明唔比入既原因係乜，侍應懶做趕客? 咁學咩人收加一服務費。茶樓飲茶D侍應見你早喊左都叫你等一陣先落單，下午茶抵食D啦，跟住最好笑既係下午茶賣埋D垃圾烏冬，壽司鰻魚剌身都無，學咩人賣日本野。

去得食嘢，當然係想坐得舒適，食得合適。呢間喺大西北嘅居酒屋雖然喺街坊商場，但都空間感大，坐得幾舒服😌牆上面都有啲日系嘅掛飾同畫，係營造緊居酒屋嘅格調，都幾有意思。咁雖然係中午，但都想試下呢間居酒屋嘅日本嘢。係用手機掃收據嘅QR Code落單嘅，都幾方便。Menu上面嘅選擇都唔少，價錢實惠。未落完單，都已經送上咗一set前菜：沙律，茶碗蒸同小甜品。首先上嘅係鰻魚手卷，一個字，正！鰻魚好有味道同埋手卷大小都適中，食落覺得好滿足😏之後就係壽司拼盤，有成十種咁多！係鐘意樣樣都試下嘅好味之選😜花之戀，唔錯唔錯！海膽，都幾好食。仲有另外兩款壽司，都幾鮮同好食：等菜都唔算等好耐，同埋嘢食都ok，去開附近都可以一試㗎！

頌富啲餐廳一唔好食就會被out! 呢個位嘅上手好似係xx鴨子，人影都唔多個，開左居酒屋之後，即刻多左人幫襯.首先講，服務就無乜架啦，但我食飯主要膠質素，所以算啦，我又唔係特登黎食，當飯堂姐(´▽｀).次次都一定叫好多串燒食，必叫牛舌心，第二和牛粒，第三燒鰻魚，第四燒粟米～味道唔會差，但串燒係食唔飽架.叫澱粉類我會推薦咖喱烏冬，烏冬底好彈牙，唔似cheap雞烏冬，好高質架，咖哩烏冬嘅概念就係咖哩飯個飯轉烏冬，撈埋一齊又幾夾.壽司唔錯可以叫，鍋物都好正，有個腸鍋好好味，但今次無叫，4個人食左$7xx，有得吸埋4個鐘泊車

喺天水圍咁耐好多餐廳都食過啦所以今日就同小朋友嚟呢間未食過嘅天鳥居酒屋，嚟之前睇過食評全部都係舔舔脷好似好好食咁各種嘅好評都有，實測一下先，再嚟一個真實食評。平日晚上6:30都坐左差唔多一半人都算係好生意啦，落單就係用QR code自己落單嘅，我哋就嗌左三文魚刺身、蟹子手卷、黃金魷魚手卷、吉列豬扒定食、燒菠蘿、燒粟米，其實overall嚟講佢所有食物份量都係偏少，唔明有人話性價比高。比較欣賞佢嘅三文魚刺身下面係墊左冰底可以keep住個溫度而且都係比較新鮮嘅另外燒粟米亦都係比較特別嘅因為佢上面個醬汁係牛油加芝士Mix咗嘅醬，啱小朋友口味，而其他食物味道質素係算正常嘅但係份量就樣樣都真係少囉。最後仲有1段小插曲，就係呢度係出收銀埋單嘅，由於張紙已經整污糟左，我就就咁行出去講枱號埋單，然後佢話你要攞番張單出嚟，然後無理到我，之後佢再講無你講嗰個枱號，我話，但係張紙已經整污糟左，佢都係話要我攞番張紙出嚟，其實好小事，但點解一個小小嘅服務都唔俾我呢？我講錯枱號唔通你唔可以同同事確認番我坐邊張枱？為何要同客人糾結要攞番張單出嚟？自助落單唔緊要，出去收銀處埋單都唔緊要，但明明收咗加一，為何有問題唔可

天水圍T-Town 特色居酒屋，平日中午必定人山人海，今日就黎試一試。店外等候位置空曠，不太擠逼。店內設有卡位及吧枱，適合一家大小及朋友暢聚。💫東京灣 海鰻壽司🍣（一件）$28壽司飯迷你，不會有食飯飽的感覺，海鰻新鮮鋪上甜汁，一流。💫愛媛懸 八幡鯛 刺身（3片）$88刺身以冰底呈上，保持新鮮，刺身厚身，不錯。💫午市套餐-櫻花蝦炙燒三文魚手打烏冬$68套餐非常豐富，除了主菜手打烏冬外，還配以海鮮手卷及三文魚手卷。手卷紫菜脆口，即叫即包，份量適中。另配沙律🥗前菜，粟米🌽加沙律菜，清新可口。茶碗蒸蛋是Melody最愛，上湯配以蟹柳和冬菇，蒸蛋超滑。烏冬上鋪滿櫻花蝦，炙燒三文魚也蓋過了😛，加上昆布，湯底清，烏冬有咬口。以抹茶蕨餅作結，一口大小的甜品，剛好滿足了melody想食飯後甜品的欲望。✅免加一服務費✅門口有口罩😷袋，非常貼心

1個人唔知食咩好 行行下見到間望落唔錯嘅居酒屋🙈個舖面望落乾淨 入面又好寛躺 啱晒自己一個食下hea下 享受me time入到舖頭入面仲好有日本特色 裝修上好有心思 疫情下無得去日本可以係呢度平平地感受下呢間餐廳係用手機落單既 方便得泥又唔會落錯單呢~其實他們選擇超多 選擇困難症發作 自己一個有d難叫見到他們有時令壽司當然要點煙燻既味道同鲭魚好MATCH 鲭魚始終都會有小小魚腥味 但係配左煙燻就可以蓋過魚腥味 仲可以提鮮呢個壽司我極力推薦 海鰻既口感好軟滑~ 好正!!! 完全無任何魚腥味同魚骨 呢個價錢我真係覺得非常扺 烏冬份量多 入面仲有昆布同玉米粒 湯底就係清清地既Dashi (日式高湯) 配吉列豬排唔會膩雖然呢個價錢 但係唔好諗住佢地既豬排會好厚粉 佢地既炸粉上得好好 炸出泥又薄又脆 好食!!! 份量超多 幾個朋友share當小食食都無問題 雞軟骨炸得夠乾身 不會油淋淋 出面有好多炸雞軟骨會成舊都係粉 但係呢度就不會 呢度D炸野的確不錯 我坐個個位對正個放酒雪櫃 酒既種類好多 下次一定帶埋朋友

今日超大雨，落到黑雨唔洗番工，就係附近食下野先再番公司啦！咁岩天鳥係黑雨之下都開緊喎！就去試下！門口裝修都幾靚，有日本居酒屋既feel~ 燒油甘魚鮫$138個餐就包沙律、面豉湯、茶碗蒸。質素都唔差既！個油甘魚鮫係即叫即燒嫁！出到黎熱辣辣同個皮係脆卜卜既！超正！ 加左少少鹽落去，吊到啲魚鮮味出黎！最緊要就係油甘魚既魚油香！好味雖然燒到咁脆，但入面既魚肉仲係好嫩好好味呀！而家學生仲有9折同飲品送添都幾抵嫁！

本身book左位，諗住make sure可以有卡位，點知6:30pm去到，話冇卡位，但我明明book左話要卡位點解都冇留位？店員話好快有位，但問幾時有又答唔到，前言不對後語，店員係一個上左年紀嘅女人。如果要我等我同walk-in 有咩分別，我唔洗打電話book啦。我打得電話我預左可以有卡位，如果唔比book的話，麻煩一開始就講，唔係個店員係電話到話會留比我之後，去到冇位！

今天家裡沒飯吃，所以就自己去了吃個晚餐，這次就找了附近的一間日本料理店，看到價錢不錯，選擇又多，就進來吃一下！吉列豬扒手打烏冬（６３元）這個份量還不錯，烏冬挺大的一碗，豬扒很好地幫你分開來放！烏冬的湯底的昆布湯，味道比較清淡，帶點甜，配上滑嫩的手打烏冬，吃起來挺不錯！吉列豬扒就炸得非常香脆，而且又不油膩，還配了日式豬扒汁和沙律醬，我個人喜歡沙律醬多一點！串燒走地雞胸三角軟骨（３１元）這串燒比較特別，不是很常見，但因為我本身很喜歡吃軟骨的，所以就叫一份來試試，而且這價錢能有２串，真係挺便宜！送到來份量還真的可以，挺大串的，開頭覺得雞胸肉燒完以後會很乾柴的感覺，但吃起來還真沒有，雞味挺濃的，而且挺多汁，而主角三角軟骨也很好吃，爽脆的口感！這個用上汁燒的，所以味道都很夠了！火炙三文魚腩壽司（２５元）這是我最愛的火炙壽司！那肯定要點來試試！這個選了加沙律醬，所以吃起來會帶點酸，很好地中和魚腩的油膩感，吃起來入口即化，滿滿魚油的香味，中間還感受到三文魚的嫩，很不錯！火炙左口魚背壽司（２８元)這個也是我喜歡的，選了用汁燒的方法，吃起來入口即化，油香很足，鮮甜！地目鯛壽司（２０元）這個也挺不錯，吃起

好似好少食日本野的小編🍣🍣今次食左呢個自選2人餐 覺得好抵食😌前菜➡️揀左蟹籽沙律 🥗唔算細碟 好足料小食➡️揀左脆脆蝦角(4件) & 吉列蝦 (2件)🍤炸得十分香口 但唔會油膩配有沙律醬 更加yummy~主菜➡️揀左和風炒牛肉🍗好大碟 而且係炒得好入味 送飯一流可揀➡️白飯/烏冬個人比較唔中意食飯所以要左各一烏冬都唔會是是但但係有味噌湯底加紫菜的🍜🍣🍣自選4款🍣🍣我地揀左海鮮沙律 / 蟹籽 / 三文魚/ 芥辣🐙 三文魚都唔會柴 好新鮮仲有埋個是日甜品➡️係小泡芙🧁應該雪耐左 好硬🤣食咁多野👯‍♀️2人只係💲2️⃣3️⃣5️⃣ 加一 ❤️❤️好味又抵食天水圍都唔係咁悲情姐😂咁多平靚正既野食入場自己拎口罩套裝口罩個口罩套好搞笑的😌📌天鳥居酒屋📍天水圍天華路33號號T Town北翼2樓N212號舖

久唔久想食日本料理都會嚟呢間幫襯下，好多人都會推介牛肉火鍋，牛肉很薄，可能太薄也不要期望有什麼牛味，知道吃下去是牛肉就好，配菜也蠻算豐富的，有些菇類，秋葵，豆腐，粉絲等等，飽肚之選。極上壽司盛合，這裡壽司質素都算很不錯的，有三文魚、花之戀、海膽、飛魚子、玉子、油甘、帶子、希靈、八爪魚、北寄貝及吞拿魚蓉反卷等。還再散叫多些壽司，如熟蝦、蟹子、飛魚子、三文魚子等等。這裡還有鹽燒三文魚骹也很出色。還點了香蕉船作甜品，小朋友最愛，但雪糕質素不是什麼好貨色。

🏮天鳥居酒屋🏮是日午餐三色丼 （有海赤蝦、蟹膏、三文魚腩）$96 炙燒三文魚拉麵 （麻辣湯）$76 燒菠蘿🍍 $25兩個餐都附送野菜沙律、日式茶碗蒸、甜品、玄米綠茶，不過係飯先會有埋麵豉湯！另外午餐係免加一架三色丼有三隻大大嘅海赤蝦，好鮮甜，值得一讚嘅係啲蝦已經挑晒啲蝦腸出嚟，啖啖肉 三文魚腩有四塊，入口即溶建議蟹膏撈埋啲飯一齊食，就更加好味啦炙燒三文魚拉麵🍜 麻辣湯，炙燒三文魚燒得啱啱好，湯底我哋叫左少辣，而且仲好大碗添，包你食得飽飽出門口燒菠蘿🍍完全係我嘅至愛，有六舊菠蘿，黃金色得嚟燒得啱啱好，每一舊菠蘿都好甜 值得一試啊！另外，除咗玄米綠茶之外，我哋叫左凍奶茶同熱蜂蜜薑茶 整個店舖嘅裝修都好日本，地方又夠大，不妨試試呀

呢間係天水圍既居酒屋，之前去過未開，今次終於試到，佢個環境幾唔錯，幾feel，地方乾淨企理。價錢適中，坐得都幾舒服。因為想食串燒，就大部分都係叫左串燒。雞心$33雞心係出面都比較少可以食到，難得咁近就可以食到，食落幾香口，唔會un。燒菠蘿$25幾香甜多汁，配埋燒過幾香，而且份量都唔少。燒京蔥心$25呢個食落好多汁，好香蔥味，食完全冇蔥既大陣味。和牛粒$67份量幾足，d牛都好大塊，入口即溶 ，熟度適中 ，食落都幾冧身。牛油果軟殼蟹反卷$48軟殼蟹炸到好脆，個size一口就咬到，同時食到唔同食材，多重口感。牛酒果亦幾新鮮 時令刺身 活赤貝刺身$48呢個係全場最出色，食落好爽口 ，一d都唔un，唔會有腥味，滑滑地爽爽地，第一次食活赤貝，呢個真係要一試。火灸左口魚壽司食落入口即溶，燒得岩岩好，油脂好香，幾出色係天水圍呢區黎講都好少呢類型居酒屋，難得近近地都食到有水準又有日本感覺既日本菜，近近地都不妨試下。天鳥天水圍

今日黎到天水圍t town食呢間「天鳥」，其實都食過幾次，今日再encore！入面裝修得好日系好有feel，而家肺炎無得去旅行，黎呢到感受下都好呢到menu勁多選擇，睇到目不暇給，最後都係揀左啲推廌食物。先係呢個赤血引，唔好睇佢$68得三片，其實就一分錢一分貨，食落好彈牙、好鮮味，每一片厚度都岩岩好，入口唔會話好難咬，成個口好滿足黑松露火炙三文魚好重黑松露味，唔錯。左口魚依然係我既至愛，好彈牙、有咬口。鮮帶子牛油燒就一般，唔係好入味，而家價錢都比較貴。最正最有特色係呢到既脆脆飯！每次黎都一定會叫黎食。今次就叫左火炙三文魚腩左口魚背脆脆飯，啲飯夾雜住一粒粒脆脆，好有口感，魚亦燒得岩岩好，好軟身，調味亦非常出色，正呀！兩個人食埋單271，食日本野黎講都算唔錯！