太興 (已結業)

咪以為太興淨係做燒味，佢個下午茶包羅萬有，女仔細食可以嚟個輕量版茶餐，食件西多或者奶油豬仔飽，想飽的可以食碗湯麵，上次我食過牛肉麵都ok呀。 今日我就俾茶餐價食個 early dinner, 哈哈，當然係食招牌燒味啦! 我叫咗個特瘦义燒飯，肉質幼嫩，個蜜汁仲好惹味! 阿爸叫個叁拼燒味飯，跟足餐牌咁，三拼要燒肉切雞义燒，份量好足呀! 所有茶餐都包杯飲品，如果唔想飲茶啡，可以試吓佢嗰羅宋湯，超足料，有齊蕃茄椰菜紅蘿蔔…，高纖夠健康! 、湯粉麵組

老公突然話午餐想食太興，我又冇乜特別想食，就順他意吧！本來以為求其一餐，點知有小小驚喜！其實平時我都去開這間太興，吃過的早餐、晚餐都不錯的。而今次我叫了以為普通的牛丸米粉，原來好好味的！米粉是爽口的新竹米粉，我覺得已經好正；另外，牛丸有新鮮的牛肉香味，亦吃到有牛筋，估計是手打的牛丸，亦十分彈牙！連我老公都搶了兩粒來吃。我叫侍應給我辣椒油，這裡的辣椒油不太辣的，但很香，所以加起來很好食。冰鎮奶茶是我的最愛，基本上每次都叫它！水準保持！

其實大埔都好多選擇 只不過放工近地鐵就起食餐好少少。叫左個個肥牛煲係同張圖差咁遠....圖片只供參考姐，都唔使差到咁遠下話...？ 定係不符商品說明先。就算你係叮出黎都好，可以落番小小水冇咁乾， 乾到痴埋一舊夾又夾唔到，啲沙嗲醬都未溶咸到完全食唔到。啲菜又好老。咁簡單兩個菜式都做唔好， 可唔可以唔好浪費食物？ 仲話係咪蹝野食店，如果係煮得好相信都唔會出現咁多浪費既情況，啲野咁難食咪嘥野食店真係浪得虛名，貼錢買難受了！

冰鎮凍奶茶，個個都話自己係原創，快餐店、茶餐廳、士多仔異口同聲地道，不過關我鬼事咩，哈哈。質能幼滑致極，茶味突出、奶味強烈，各有千秋，香甜濃郁又夠凍，堅透心涼 ﹗不過份量真係有點少，飲兩杯先夠喉呢。炒滑蛋厚切極上午餐肉出前一丁，每日一丁基本野，我的留住青春靈丹妙藥。侍應阿姐話只可以依足 menu 去 order，不準轉煎蛋、不準轉火腿、不準轉腸仔 ﹗加錢都不準轉，真的嗎？極上午餐肉？形容的有點浮誇，只不過是火腿午餐肉罷了。沒怎麼煎過，不香口；沒怎麼烚過，不軟塾。實質偏硬帶油，麻麻地。菜芯不甜帶草青味，老而不嫩，照食可也。預早煮定的麵條，泡湯出貨，粉口又無味又唔夠熱，非常討厭 ﹗微暖的炒滑蛋，強勁的牛油味道，西炒蛋來的，滑得黎有點硬實喎。完成港西合壁的早餐，行山前食飽飽，行動開始 go go go ﹗

好少幫襯太興，因為覺得食燒味不用那麼貴吧！去完郊遊，在火車站附近覓食，尼度好像比較快有位又可以坐一陣。等左約10分鐘就有位了。同兩位朋友坐下，各自叫了燒味飯、豬軟骨拉麵，午餐包餐飲。個豬軟骨都好味、淋又不致於散。麵就standard啦，無驚喜也不覺差。奶茶就真係好飲嘅，有茶味！怪唔得ｄ人成日話來太興飲奶茶啦！我們坐在卡位，傾左約1個多小時，都無人趕我地走。我覺得地點算方便、又幾好坐。服務態度可以啦，環境又唔會好嘈！ok!

經過大埔探親下午三點幾探完親戚個小朋友，食個太興再返屋企，平時上網睇人講太興食物有正有反，今次食完等我又試下評價。下午茶時間冇乜客人，入門口都係叫我隨便坐，但冇比到水杯我，於是我嗌完三餸燒味飯叫落單阿姐比隻杯我，結果都係冇左回事。5分鐘左右就有得食，賣相味道都唔錯，如果服務可以好啲就最好喇。

難得去一次太興，三個人好肚餓，叫左欖菜肉鬆四季豆、金菇肥牛煲、蒸肉餅，同埋燒肉一碟。點之，真係估你唔到咁難食，以太興嚟講真係大失水準。蒸肉餅同肥牛金菇尚算不過不失，正常味道。欖菜四季豆又油又濕，一啲鑊氣都無。燒肉真係唔掂，睇圖都見到，皮燒到黑哂，食落去一陣燶味，啲肉又鞋，仲衰過落樓下街市燒臘檔廿蚊一條頭頭尾尾的貨色，仲好意思話自己做燒味。仲有，啲樓面阿姐無啦啦就黑面，唔知做乜。收檔啦，以後都唔會幫趁。

早餐時段，多數是 7:30左右，樓面管理常常失控，今天我等了 8 分鈡，仍未有員工落單，同枱的人客已喝完奶茶但還在招手找人吹趕他的食物，眼見樓面只有三個員工，又怎能應付全院滿座呢！員工的服務態度又怎可有水準！這種情況常常出現，有時候樓面與厨房員更有爭執，把不滿情緒轉到客人身上！ 今天看形勢不妙，快快離開！ 😵😵

大埔墟火車站出閘一上電梯就見到。大玻璃窗，夠晒光猛。香辣雞下脾拼惹味薯角餐$35- 薯角熱辣辣，雞鎚將啲肉推晒落一下面，變食一個球狀，揸住支骨黎食，感覺幾得意，肉質亦好幼嫩炒牛河餐$50- 叫左幾分鐘就上枱，速度奇快。唔係一早炒定呀？好大碟，一上枱就好香。啲牛肉又滑又大片，個河粉好香，好足鑊氣，好肯定係即炒。今年食過最好味既牛河鯪魚粉葛赤小豆-活動優惠劵免費送的。好大盅，好多料，好味道！有鯪魚味，但又唔見唔到有鯪魚！飲左一碗先記得影相，原本好多的埋單時用優惠劵，收銀員都耐心入code（啲code成日過唔到）！俾錢後仲報以微笑，再加一句：「多謝晒！歡迎下次再黎呀！」感覺好窩心，呢樣最抵讚，久遺了既態度，好耐冇見過有收銀員係咁好態度，一般都係面無表情。 作為食客，聽到呢句，心情的確唔同晒！我會為呢句說話再幫襯，就係咁簡單！

因為有活動送餐蛋麵，所以就黎食返個下午茶。因為最近食得好密太興，先知道原來間間價錢唔同，新達呢間，平少少。啲位密啲，冷氣唔夠，但好旺場，閒日下午茶都要等位。叫左個輕盈义燒飯餐$30，轉冷鎮奶茶加$3。义燒夠霖，肥瘦適中，燒得亦幾香口。好啱下午餐時段輕食。呢個就係送既頂級午餐肉滑蛋公仔麵：兩塊午餐肉有筷子咁厚，裏面仲有一抽抽既火腿，真係好高級咁，好味，賣相亦好吸引。滑蛋好軟滑，仲見到啲蛋汁。個湯底就咸左啲，但好香麻油味。因為個餐蛋麵免費，減左$37，盛惠$33埋單。好抵食！埋單時個e-coupon 嘟來嘟去都嘟唔到，收銀哥哥好有耐性咁努力嘗試嘟，好服務

今日有點事來了久違的大埔墟，在未前往朋友住所前，先去了新達廣場覓食去。因為我家寶貝想吃叉燒飯，見到太興，就直接進去了。時間尚早，馬上可以入座。店面算整潔，每桌都有一壺滾水讓客人自酙，熱度足以漉熟人，攜同幼童家長請小心。餐具都放在桌邊櫃桶，但最驚異的，是名乎其實的「冇叉用」，鄰座食客要多次呼喚侍應才可拿取。侍應態度，真的很一般。太興的乳豬，好像只吃過一至兩次，然後很多時候，都是一早賣完。抱著姑且一博的心態叫了個乳豬叉燒雙拚，連凍飲$68。食物上桌，所見即所得。飯的份量對女生是稍多，二人分享是剛好的。乳豬皮香脆，醃味算充足的，算是合格，不過呢，整件事的問題就是出於叉燒上面....奉上的叉燒竟然是瘦叉。雖然叉燒的醃味算是香甜，但真的是極瘦，完全沒有半肥瘦柔潤香滑的口感。好，基於我家寶貝要吃，太肥也不好的考慮，也就算了。如果只是我一人享用，如果這是單拚的叉燒飯又要收取某程度算是頗貴的價錢，我一定給喊臉。

今天年初三，我和男友去這間餐廳吃午餐，由於新春關係，今天需要加一服務費。我們叫了燒腩飯和鰻魚粟米炒飯，飲品叫了凍檸茶少冰和咸檸水。燒腩飯味道方面，燒腩是凍的，而且十分細件，有一大半都是肥膏和骨頭，燒腩肉只得很少。不過肉質十分軟熟，又很入味，味道不錯。另外，白飯加了豉油十分美味。鰻魚粟米飯方面，炒飯太濕，飯有太多水份，味道一般。鰻魚只得很少，不太抵吃。凍檸茶方面，凍檸茶十分大杯，味道不錯。咸檸水方面，檸水味道太淡，味道一般。價錢方面，燒腩飯$76，鰻魚粟米炒飯$63，另收加一服務費，總共$152.9，十分昂貴！總結來說，燒腩飯味道不錯，不過燒腩太少和凍，而且價錢偏貴。

魚湯魚肚龍躉球鍋，套餐要 HKD120 都幾貴啊 ﹗有紅棗、杞子、芹菜、豆腐、娃娃菜作配菜，浸滾熱辣魚湯食，索晒湯汁，正呀！湯底夠顧香甜帶魚味，雖知唔係鮮魚餚成既魚湯，不過味道還好。美味，尤其是魚肚，又棉滑又吸湯力特強，比起龍躉球更好味。龍躉即深魚大石斑，肥大肉厚啖啖肉，煮熟後質感始終較鞋，但好有咬口，我一向對龍躉麻麻地，食細條斑更可口！切雞例牌，搞錯呀又係雞翼﹗上次又係！早知 order 半隻，只係差幾十蚊之麻。Over cook 過熟雞肉有點乾有點鞋，毫毛嫩滑多汁感覺，唔難食但好普通。

大砂鍋黑椒豬手、蝦皇醬啫啫芥蘭苗、胡椒豬肚湯，兩個人三味餸都要二百幾埋單，依家出街食飯閒閒地要過百蚊，真係有點貴呢﹗冰鎮奶茶，鎮店之寶，冰鎮奶茶既始祖！質感滑溜溜，茶及奶既比例剛剛好，各有各精采，相互融和又唔會蓋過對方，先黎奶香，再有茶香隨之而來，味道香濃而細膩，好滿意！蝦皇醬啫啫芥蘭苗煲，蝦醬一炒起真係好香好香﹗熱騰騰一個大砂煲放上枱面，侍應即時係人面前兜兜撈撈，吱吱喳喳作響，勁有氣氛﹗芥蘭鮮嫩爽脆又多汁，裡面帶著天然菜蔬甜味，黏上蝦醬獨特既海鮮味，好食啊﹗可以添食。緊記要趁熱食，凍左有點咸呢，越凍越咸。砂鍋黑椒豬手，同樣要趁熱食，凍左會好鞋，會變硬添，仲會好咸添。熱食可口，在砂鍋中打滾，質感唔算太硬，黑椒微辣帶香，濃一點會更開心，欠了點蒜香。豬皮夠膠口，肉質堅挺啖啖肉，豬肉味道似現成咸豬手，並不是自家醃製而成，總括一試無妨，大中華最出色。我覺得都係德國食既正宗脆皮咸豬手最好食，外脆內嫩勁 Juicy，肉質滑溜似炆豬肉，豬肉味香濃，但暫時係香港未遇到 ﹗胡椒魚肚湯雞煲，新品種。天氣冷滾住食最正，好鬼暖笠笠﹗滾一滾神仙企唔穩。啜啖靚湯，雞件滑魚肚棉餚出香甜濃郁湯底，Good ﹗當然連吞

今日去探人，貪就腳就去左呢間食下午茶一打開餐牌，樣樣都好貴，40～50一個茶餐結果，揀左最平既下午茶-三十雞既輕盈叉燒飯，飲咸檸水食物上台時，一見，我同朋友都o左咀，真係輕盈迷你！ 飯仲有d一舊舊，又硬太興不嬲出名燒味，但d叉燒又瘦又干早知去大x樂仲好～ 廿幾蚊叉燒飯下午茶仲好過佢咸檸水真係好咸, 但幾好飲，夏天清熱岩哂