太和麵食

营业中

休息中

呢次去柴灣，再幫襯呢間麵店。叫咗個筋腩撈幼麵，跟麵有碗湯， 湯鋪滿韭黃同埋葱，啱晒我，湯亦十分濃郁，可能會有落咗少少師傅。撈麵個賣相唔錯，幼麵爽，有嚼頭，有條菜，麵上鋪滿牛腩同埋牛筋，份量十分之足夠。牛腩十分之淋冇渣，牛筋亦都係十分淋。柱侯味道十分濃厚，但係亦都唔會太鹹。呢啲味道似係傳統的柱候牛筋腩味道，好少地方可以食得倒。三十八蚊一碟撈麵，都算得上係平民化，現在其他店舖叫一個撈麵，起碼都要＄40幾$50甚至$60。而且份量大，味道好，讚！

之前喺柴灣住，都經常幫襯呢間麵店。今日經過，個肚有啲餓，於是走入嚟搵啲嘢食。一入到去，我見到有兩位師傅響度包緊雲吞同埋水餃，我覺得啲水餃都唔錯，於是叫咗碗水餃麵。一碗水餃麵，有四隻大水餃，同埋較爽口的幼麵，雖然唔係銀絲世面，但係入口10分爽口。至於水餃，真係有水餃味，而且鮮蝦亦都10分新鮮及爽口。一碗水餃麵， $30 ，已經有少少滿足，可以暫時頂住個肚。好似意猶未足，見到啲雲吞都幾靚，於是買咗一打生雲吞返屋企慢慢嘆，一打都係$42。雲吞都唔錯，可媲美水餃。

這間街坊小店，店內只有4張圓檯，只可容納十多名食客。午餐叫了牛腩撈面，份量幾多下。面底不過不失，軟硬度適中，但仍聞到少許鹼水味。而牛腩就醃得幾入味，同埋肥瘦適中。以$38價錢來講，無可挑剔，性價比好高。

第一次經過見到京都炸醬麵30元諗住試吓！叫了外賣份量好少仲要沒有清湯跟！門口個啊嬋態度又差！附近啲牛腩粉麵都會用高身嘅外賣碗，第一次見係用矮嘅！又唔係好食！不會再幫襯

Dinner ，平時見好多人食，無乜機會試，今日得閑試試，真係比一般麵店高質，牛丸牛味好濃，肉質好厚實有彈性，好有第一次食牛丸的感覺，雲吞大大粒，內裡的蝦都好新鮮彈牙啖啖肉，很有第一次食雲吞的感覺，傳統高質麵店

今日中午去咗呢間麵店食麵，見到門口都有幾個人排咁就去試吓啦，搬咗黎咁耐都未試過。午市時間有人流但係都唔需要等位幾好。入到去坐低環境都算乾淨座位唔會話好迫，店舖兩邊都有大嘅落地玻璃，陽光十足，坐低食面都有街景睇，你都咪話唔寫意，正。叫左碗雲吞墨丸河粉，雲吞比較硬唔太爽口，墨丸就不過不失啦。不過整體嚟講都算失望，因為街坊麵店雲吞應該都幾好食㗎嘛？係咪我要求太高呢？😂最後埋單$35碗合理喇。但奇怪嘅事佢張單寫住永利茶餐廳😨唔知道係咪兩間餐廳有關係嘅呢？

星期五夜收工，求其搵間麵舖食個麵就算，只求飽肚。見到間舖係柴灣10點鐘都坐滿人就估且入去一試。而且見佢寫加菜5蚊咁抵，無菜不歡嘅我更加不用考慮。一碗水餃河加腩汁加生菜。原來加菜只係碗粉加幾片菜，我以為係一碟油菜，我自己無問清楚不能怪人。湯底明顯有味精。河粉普通貨色。水餃嘅蝦唔算大隻但有少許彈性正常，有菇味，整體偏實身。本身唔係特別想寫食評，但食到中途先後兩次搵到毛髮嘅物體⋯⋯真係好倒胃口。食到最後味精感覺更加強烈，加上衛生一般，結論係唔會再幫襯。

柴灣開左新戲院,第一次入去睇戲買即場睇前一小時尚有門票購買了門票尚有大半小時,還可以先食一個下午茶小食故此,到了附近的麵鋪來一個快食快走入到去都算幾多人,有7成滿...坐住諗下ORDER食什麼就四處望下其他食咩,都算好多人食南乳豬手麵,鳳城水餃麵見到咁多人食,咁我們又叫了南乳豬手麵,鳳城水餃麵南乳豬手麵--真係男人的浪漫除左豆腐火腩飯外就係豬手.豬手都算唔錯,不過麵個湯就淡口左少少鳳城水餃麵--水餃非常足料,隻蝦好爽夠彈牙..難怪食麵途中都好多街坊外賣水餃拎走

這間店經常光顧，因為主要原因平靚正，位置不太顯眼的小麵店，從來都唔會怎樣起眼，都係朋友想食，我勉為其難便入去試試。食後感覺唔錯，便做了常客。店舖不是很大，而且不是什麼名牌麵店。但這店原來都有好吃東西，是我每次都點選同一款東西的。那看看餐牌先我必點就是那個柱候牛腩麵和柴魚花生豬骨粥。這店雖然店舖小小，但它的柱候牛腩真好食，夠入味，夠淋身，牛筋也是炆淋晒，牛腩完全不會太韌，牛根腩完全入味，所以每次柱候牛根腩麵多腩汁。而最特別就是諗都諗唔到會有粥食，最重要個粥不是馬馬虎虎去煲出來，完全足料煲，花生，柴魚，豬骨， 淡菜，簡直一流，所以每次在店舖進食時，都看到不斷外賣柴魚花生豬骨粥同樣我朋友一樣唔執輸，緊有叫啦。佢隨左食粥，就是叫了一碗水餃湯河，還再加腩汁， 可想然之腩汁是超濃郁。水餃自己包制一定足料好食，配上吸左腩汁的河粉，更加美味。個粥20蚊大大碗足料，去邊搵，還要有水準。兩個人食一百蚊都唔洗，算是滿足了。

媽媽之前外賣過水餃同雲吞番屋企自己煮，試過之後都keep 住幫襯，因為真係幾好味。不過兩者相比下，大家都鍾意食水餃多啲大大粒好足料，東菇，荀，本耳，豬肉，蝦， 食落爽口彈牙，味道岩岩好另外都試過墨丸， 幾大粒，有墨魚肉同馬蹄，柴灣黎講呢個質素算唔錯。

五月中旬‧晴本來在隔離金和吃的，但在這裡的database標示執左。不想花時間叫這裡的編輯開番佢了（實在有不少的新店要求也未開...），唯有寫在這邊。又實在，在這邊也可以吃到金禾的食物，二店相通。下午茶時間，要了炸雲吞沙律。等了一等才有得吃，炸得熱辣辣的，很脆口。可惜蝦很多，我喜歡吃豬肉餡多一點的雲吞。配上的沙律清新不錯，不過如果可以再來一碟甜酸醬就更好。熱咖啡有點酸味，不過還不錯。

這裡最出名是柱候牛腩，有時收工經過都會特意幫襯醫醫肚。牛腩炆得夠淋而且牛腩汁香而濃郁，加上河粉及蔥花簡直係絕配，牛腩河湯底濃度剛剛好，不會太淡。大大碗$18蚊便可當一餐。令人回味無窮，食完再食！！！

2009年05月24日, 20:30太座推介，這店有好粥，但是限量版。新翠買褲后和太座電聯，結果晚飯自由發揮，便趁機一試。粥底：綿和糯，米粒圓潤，可惜師傅太重手配料：帶肉咸骨大大件、柴魚甘香、花生松軟、蠔仕鮮美整體對辦，可惜好有水準的一碗粥，白白被味精弄壞了。為何總要畫蛇添足呢

七月廿七‧悶熱！開夜，無啖好食，近半夜來能吃東西。隨便選一間，來了這裡，勝在有空調又不用坐街邊。附近選擇也不多，怪不得舖子小小的，也差不多坐滿人。 在餐牌上也沒有什麼好選擇，就要了碗冬菇麵加紫菜。這裡的冬菇不算厚身，但用蠔油及醬油，都炆得幾入味。伴湯麵來吃有點怪怪的，配飯吃應該更對味。紫菜爽脆，但沙多，吃得敗興。 埋單22蚊，便宜的宵夜之選。 見煮麵師傅閒來無事也在吃麵，看見他吃的是炸醬撈，如果有機會下次再來，也要試試。

我和同事經常來，中午來食，叫了牛腩米線，才心，淨水餃，牛腩很硬，米線也硬過人，水餃又不熱，不用錢？之後本來都打算不來，但有位親戚想吃就晚上跟她來，叫的是同一樣，晚上就好吃得多了，原來是不同了師傅，我以後也會晚上才來