太平飯店 (已結業)

經過門面就被吸引入去啦，例牌量體溫，入面座位間有隔板相隔，侍應亦有遵守阿聚令，細心安排座位給客人。講返食先，呢度除咗滷水嘢，仲有一般茶記既常餐，可以多個選擇。瑞士雞翼撈公仔麵拼火腿炒蛋奄列多士：估唔到潮州舖做西式嘢都ok喎，雞翼夠味但唔會好咸，公仔麵亦無煮到淋哂滷水鵝肉拼豬大腸飯：雖然鵝肉冇鵝片咁啖啖肉，但都叫肥瘦適中，大腸就肥咗小小，但出名滷水，當然滷得入味切雞熏蹄飯：雞肉好滑，啖啖肉，反而第一次食呢種熏蹄，佢係新鮮豬蹄燒咗切片，比平時既熏蹄有味呢間小店都告急，有時間會再黎幫襯！

聽朋友介紹嚟試這間小店，大概晚上6點到，不用等位。我叫了個滷水鵝片飯，朋友叫了個秘制貴妃雞飯，因為呢間小店主打潮州滷水，所以我們叫了個滷水墨魚試試。以滷水食品來說，食物偏香而不咸，啱我口味。鵝片完全唔刃。鹵水墨魚係驚喜，因為完全唔硬，食到墨魚味，又有鹵水味，味道調較得剛剛好。朋友話貴妃雞好滑，係有啲特別味，唔係hea俾個白切雞你。我們還叫了個上湯菜心，個上湯都唔係hea做，係真係有俾心機落去做的。兩個飯、加兩個餸，平均個人唔洗$150，算唔錯。

今日黎到呢間位於北角行新式風格既潮洲餐廳—太平飯店🥰🥰先叫左個冷盤：泡椒豬手，豬手好重泡椒味，好入味，好食，豬手又好爽，好味黎到潮洲菜店就梗係要叫滷味，叫左個滷水墨魚🦑，墨魚好爽好脆，好夠味呢個係我其中既最愛，焦糖溏心蛋，原本會諗住會怪怪地，但兩者出奇地岩key，焦糖甜甜地好香，唔會太甜，溏心蛋好食，唔知係咪錯覺，有淡淡既酒香，一流👍🏻之後到另一個推薦食物，芝士流心蝦棗😋😋，成舊好大舊既芝士係底，加埋蝦棗既熱力令到芝士好流心，而蝦棗本身又好足料，黎到一定要食😍😍到主食就叫左個叉燒飽魚汁撈麵，叉燒好食，肥瘦比例岩岩好，飽汁味又濃，麵身吸曬味好正👍🏻👍🏻最後就強力推介呢個反沙芋，反沙芋本身因為工序太煩複，唔係好多地方有得食，黎到就梗係要叫啦！ 而佢又唔會令你失望，好食👍🏻👍🏻

食具欠清潔，認真改善。我哋一行三人吃午餐，碗仔來來回回換咗5個，最後得一個係可以用。水杯也有差不多嘅情況。食物質素幾好。蝦棗啖啖蝦肉，值得一試。蠔仔粥都好鮮甜。希望餐廳可以改善食具同環境衛生，令我哋可以繼續支持。我會再臨，要支持黄店勿令失望。

🇭🇰#香港捐窿捐罅記 #打冷滷水排行榜Instagram: foodkiller_dk一直有支援手足，年輕人開既新派潮汕菜🙂掃黃店成為咗我唯一一個興趣😌但係我又好中意食打冷😗所以就又搵黃既打冷😂門口已經貼滿晒文宣😌 就知道佢地已經冇得返𨍭頭😂之前係網上見過老闆接受訪問話自己曾經入過獄，出到嚟好努力學習，最終就開咗間餐廳😌-🥃#花雕醉鵝肝🥃（$128）佢地既主打菜，鵝肝生熟啱啱好😛食落又滑又香😌而且有淡淡既酒味😗但又唔會太重酒味，我覺得啱啱好😆當做前菜係一流😗果然係主打😂.🥚#香煎鴨蛋蠔仔餅🥚（$118）係正統既做法，同出面既唔同😛係用煎既方法去做😌食落好重鴨香味😌係我童年食到既味道，口感就係煙韌😌同宜家脆口既唔同😆都幾好食😂.🦆#滷水鵝件🦆（$138）有少少失色，個滷水真係好淡，冇乜味🤨而且鵝件亦都偏老😌可能我食得多既關係😌就覺得唔太滿意🙂佢仲要都收得幾貴😅.🐖#滷水鵝腸🐖（$92）又係個滷水出咗事，太淡啦🤔搞到鵝腸冇乜味，得口感同鵝油香😌不過好在都尚算爽口，所以都可以接受😌不過滷水呢個主將出咗事，要搞搞佢😌總結來說 繼續努力做到更好😌-🎈 北角渣華道124號地下D舖平均傷害：$200

支持小店！三點零鐘下午茶時間見佢得兩枱客……照入無誤～平時入餐廳多數都會食炒蛋嗰類西式嘢，但見佢個鹵水湯麵餐寫住配金華火腿湯底，即刻要試吓！叫咗貴妃雞豬頸肉幼麵，個湯幾好飲，幼麵好彈牙係個雞唔夠滑雙拼麵$39，凍飲$3

撞正個日夜晚大家遊行完，都好多人係出面排隊。不過好快都有位，反而鋪頭入面只有2個侍應姨姨，所以要畀少少耐性佢地走勻成個場會有少少忙亂，落單同出菜都會慢少少。因為唔舒服嘅關係所以叫咗個方魚肉碎粥，而男朋友就豪叫咗個螺片燉水鴨湯 同海蜇 拼 墨魚。方魚肉碎粥算係正常野，方魚味道剛剛好唔會太咸，所以都幾好食。但個螺片燉水鴨湯本身成件事都好好飲，水鴨又夠嫩滑，但偏偏螺片太咸，咸到我喉嚨痛都覺得消到炎，係呢個位有D 失色。本身想叫鵝片，但去到時所有鵝都賣晒，唯有叫海蜇拼墨魚。墨魚同海蜇都好爽口，而海蜇更帶少少微辣，令人食唔停口。呢個下次都想黎Encore. 見好多人都有叫糖醋麵，等我感冒好返晒都一定要再去試過！(BTW 聽見2位侍應姨姨講做到腰骨好痛，希望大家去食飯時都要好好體諒每一位用心服侍我地嘅侍應啊~)

2019年11月9日。北角。晴。大家真係唔好睇少米豬連效應！呢區僅有獲得認證嘅幾間舖頭，星期六晚大排長龍！想食一定要訂位～等咗大約20分鐘左右就入得喇～鮮甜黃油凍烏頭食親潮州嘢都要食凍魚！但係！條魚只係其次，個醬先係重點！個醬最後當然一滴都冇剩低喇～好味！滷水鵝片配牛展唔食我嘅我無法評價呢一道滷水鵝片同牛展，但屋企人都話好味～金銀蛋上湯菠菜住家菜嘅感覺，不過不失，調味唔錯，唔會太鹹蠔仔肉碎粥蠔仔粥係另一樣打冷必食！一窩粥份量非常多！每人食咗兩、三碗先食得晒～芝士炸蝦棗呢個好味到黐線！！！！！！！！香濃軟滑嘅芝士同彈牙嘅蝦肉原來好夾～食完齒頰留香～大愛！！！

今晚同男朋友經過見到潮州野，打算試試，覺得頗有驚喜。 男朋友最愛鵝片飯，60幾蚊有10塊鵝片加飯，都算幾抵。鵝片片得薄，肥瘦均勻，入口好香，忍唔豬片都食埋。原本以為只係白飯，但原來有鹵水汁係面，好香八角味，睇得出係用心製作的鹵水汁，必試！ 另外，仲試左炒蜆同糖醋麵。雖然炒,蜆份量偏細，但炒得好香口，都可以一試。糖醋麵比較新式，相信係獨創既潮州菜，頗為有創意。可能因為鵝片飯實在太正，所以都係推薦鵝片飯，必食！！！！

之前睇過雜誌介紹，話幾位年青人頂左太平飯店呢間傳統老店黎做，重加入左創新元素，一直好期待好想試！今日終於有機會啦🤗呢客潮式蠔餅個presentation絕對值得一讚！會pizza既方式上，好創新好得意！蠔仔新鮮足料，餅底夠脆但唔多粉，非常惹味😋呢個芝士炸蝦棗真係無得輸！腐皮包住充滿芝士既蝦膠，一咬落去先似食緊「油炸鬼」，但又有芝心批既感覺！真係既好味又驚喜😊😊食左咁多炸野當然要保保！呢個「烏雞蟲草螺片湯」要早一日預訂，見圖就知足料到傻左😁 一向少有湯水既年輕人不停添飲！飲完清晒熱氣，溫暖既感覺暖在心頭❤️最後希望和平飯店愈做愈有，香港如其名，和平泛泛掂👍

位於北角的這間專食滷水食物的店都算是蠻有名氣本來以為一定好多人排隊等位但這晚卻出奇地超級少人8點左右亦幾乎只得兩檯客人少少靜靜地聊天食飯倒也不錯因為只得我與朋友二人沒有多叫什麼菜式只簡簡單單點了個三拼跟油麥菜這裡鵝肉最有名肥瘦比例均稱，不會太老，夠嫩滑尤魚都幾彈牙鹵水味道適中不會太淡豆豉鯪魚油麥菜味道夠香濃配飯食最好味整體來說是不錯的下次來的話想試一下他們的黃金糖醋麵及溏心蛋

去開北角，慕名黎試下，店內的座位密密麻麻，面績不大，在外面排隊等候。點知服務員做到應接不暇，差d俾人打尖直接走左入去坐，激氣😑晚上8:30左右，好多野食都賣晒，再一次受打擊，最後只點了2-3款食物，填左個肚小小位。醉香溏心蛋 $32有2隻，賣相唔錯，溏心黃也做得岩岩好，醉香味唔夠，可能浸得唔夠時間。乾蔥叉燒鮑魚汁撈面$68，大size，見係招牌推介諗住試下，份量ok，但炒得過左火喉偏乾。滷水墨魚$58，鹵得唔夠入味，較淡口味，而且墨魚偏硬。總括，只覺得溏心蛋係比較ok。

經過好多次就係無去過，但好記得喺IG 佢芝士蝦棗個樣。多數街坊客，服務好唔會推你叫貴餸，真心介紹是日推薦。為佢而黎就講佢先賣相超吸引，一切開有半溶芝士流出，之不過唔算名唔lava 的，但好可惜分數只停係賣相身上，蝦棗唔彈牙感覺有如硬少少嘅炸獅子狗卷放入芝士，相信俾相機食先多。滷物亦未見特別，用豆腐墊底，份量正常但價錢不平所以只是一分錢一份量。我們有仲有叫糖醋麵，太油我只可以食一少份，反沙芋亦在狀態外，兩樣都食唔曬。街坊食普通晚餐應該未會太多投訴，但如果特登過去食就期望高一啲如我喇…

個糖醋麵伏到呢。。。面頭係咁二脆，入面又淋又油，反轉個麵底成張吸油紙反光兼有層油！同侍應反映情況，仲好似唔識聽咁.叫左滷水鵝片三拼，味道唔錯，以呢個價錢我以為份量會多少少，點知每款得七至八片倒。但醉蛋幾好味既。仲有叫左個三味鴨舌，除左麻辣味比較有味道外，其餘麻油味同酒味既兩味都好一般。成晚都被一隻蚊吱加一隻烏蠅煩足全餐飯，趕極都唔走，好掃興.餐廳唔係多人，又唔係大排檔，點解咁多昆蟲.總括係無下次.

今次係第二次來到『太平』，同前次一樣，伙計依然係殷勤地招呼。我們今次就點特別點一啲上次沒有點過的菜。花雕糖心蛋，係一個冷盤食落好清涼，酒味適中，香而不濃。啲蛋黃流曬心，賣相亦都非常唔錯。可惜嘅係，蛋白偏向硬，而蛋黃就流曬心，睇落好似唔係好正常，有啲似將生蛋黃雪凍後放落熟蛋白面，再加酒和調味料。因為蛋白的邊夠熟嘅時候蛋黃邊應該都會有半熟，另外，花雕酒係入唔到蛋黃和蛋白裡，變成『各自各發揮所長』因為上次食過鵝片，今次則叫有骨的鵝肉，鵝片雖然啖啖肉，好有口感，但係大骨的鵝肉係另一種口感，而且相對比較肥美，可能因為系腩肉，點咗醋同辣椒油之後不單只唔覺得滯，反而更感到金香和鵝肉的嫩滑。白灼鵝腸夠曬新鮮爽口，食得辣嘅朋友強烈建議點潮州辣椒油。 蠔仔粥就夠晒正常， 沒有半點腥味，好有家的味道！