太平飯店 (已結業)

打冷呢家野，之前係男人既浪漫。但到左今日，好食既打冷已經係男女通殺。食好西，重分咩男男女女咁煩呀！係北角，我終於又搵到間唔錯既打冷啦！第一道打響頭炮既就係醉香糖心蛋。用紹興酒加上老抽蜜糖等浸泡，蛋黃流心嘅濃度非常吸引😆再係切半嘅蛋上面撒上砂糖，以火糖輕輕燒過砂糖形成脆身嘅感覺😍😍一放入口，先感受到砂糖嘅脆身和甜，再感受到濃郁嘅流心蛋黃香，最後就係微微嘅酒香味☺️☺️最攞命就係個種濃濃嘅蛋黃味同口感，真係食一啖就上癮，真心好食👍味玉呢家野，原來唔只日本菜可以食手拍青瓜，可以見到廚師既刀藝唔錯，切得幾靚。鵝片丶墨魚丶豬蹄同埋鵝翼 ，加碟花生，麻甩得黎又好正🙈🙈 老實講，呢度嘅鵝翼最正，鵝片又好軟好香，的確幾正😋鵝翼呢樣野真係唔夠麻甩一定唔會食！冇雞翼食得咁方便，真係忍唔住會用手拎住黎食。如果唔計方唔方便進食既話，鵝翼比較鵝片更加好食。我既至愛之一。食完D濃味既菜，就當然要食番D菜啦娃娃菜夠哂甜，清一清味蕾，舒服哂。XO醬蝦子撈麵，麵質夠乾身，XO醬味道有少許辣味，夠哂惹味。加上白芝麻既獨特香味，唔錯唔錯！炸蝦棗真係第一次食，成條咁上台真係嚇我一嚇。夠夠有我前手臂咁長。蝦棗入面竟然有芝士。雖然芝

太平飯店主打潮州菜廚師會不定期出一啲創新嘅菜式 與時並進前菜帶咗一個手拍青瓜青瓜非常爽脆 超級消暑！店舖裏掛滿字畫非常有中國風情焦糖糖心蛋 超級好食！蛋黃流心軟滑 加入左燒到好脆既焦糖成件事好magical !! 令人回味要煮成咁樣都幾考功力真係好食到不得了滷味拼盤 分別有豬蹄、豬頸肉、鵝片、魷魚同埋豆腐豆腐好香滑 點上醬油味道清香鵝片滷得非常入味 豬頸肉同豬蹄亦都肉味香濃魷魚爽口彈牙 打冷必食！芝士蝦棗全晚嘅亮點就係呢一個菜式腐皮炸得金黃香脆 而且毫無油膩感蝦棗口感彈牙而且蝦味好香濃令我仲加入左芝士真係好惹味醬汁方面配上左泰式辣醬同埋特調嘅沙律醬 滿足晒貪心嘅我

潮州菜一向比人傳統的感覺，菜式好多時都會有呢個感覺 : "老是常出現"。不過就係"老是常出現"都依然咁多人去食就知道它的吸引力。所以我今晚又去"潮"下。位於北角的餐廳享盡地理，地鐵站出口一出就到。門外廚窗跟其他潮州老店一樣掛有各式滷味，但餐廳整潔得多。除了常見的食物，亦都見到有新面孔。焦糖流心蛋 $45流心蛋同滷蛋就食得多，用焦糖制作的流心蛋卻從未吃過。夠創新，但和潮菜的感覺又不會格格不入。在蛋黃的上面鋪有一層焦糖，入口除了流心蛋滑溜的口感，還有焦糖的脆口和焦糖香，令整個感覺有點似甜品。芝士蝦棗 $118一卷長身的炸物放到枱上。先用餐廳提供既金屬碌將芝士蝦棗切開，夾起蝦棗會發現中間部分是"芝心"，有芝士流出。每一球蝦棗都好大件，在香脆的腐皮外層之下是啖啖蝦肉，蘸過泰式辣醬，更見惹味。鮮甜黃油凍烏頭 $128用上既烏頭都算幾大條，還看到魚身有黃油流出。開邊烏頭兩邊都好多魚肉，而且魚肉口感討好。而另一靈魂之一當然是惹味豆醬，更能突出魚的鮮味。凍烏頭和豆醬果然是相輔相成，缺一不可。滷水鵝片腩肉飯 $74見呢度既滷水出名，當然要試試呢度既滷水鵝片，揀左經濟又飽肚既滷水鵝片腩肉飯。這裡的滷水味不

有朋友同草根講太平飯店嘅廚房係米芝蓮阿鴻小吃嘅班底，沿用阿鴻嘅做法，推介我地去試下。聽落好似係信心保證🤗晚夜兩姊妹就相約係北角來一晚潮州之夜地鐵站出口一出右手邊就係，路都唔洗搵，好方便。滷水三拼（$188）Marinated Main Dish (Goose slices, Cuttlefish, Beef Shank)滷水三拼中可以自由選擇三款滷味。草根揀咗牛展、鵝片同墨魚，另外送埋炸水豆腐，份量十足👏，原全冇偷工減料👍。好一段時間草根都冇食過滷水，所以今次食番，特別有感而發🍴💭。令草根最有驚喜嘅係墨魚 🐙，意想不到墨魚質感好柔軟嫩滑💯，所以要同草根姐姐👧爭食😂🐂牛展薄切，但依然掩蓋唔到濃郁嘅牛味，牛肉肉質軟腍，十分入味，也是一個不錯嘅選擇。鵝片帶有少許嘅脂肪同鵝皮，令草根食落感覺到十足嘅鵝香！大部分係鵝肉都好軟身好嫰滑。旁邊有個好酸嘅醬料😋食咁多肉點下好解膩！p.s. 如果大家三心兩意想食幾款滷水，草根會提議揀滷水三拼，抵食！焦糖溏心蛋（$32）Soft-boiled Eggs with Caramel 🐣溏心蛋就食得多，crossover咗焦糖嘅溏心蛋你又試過未❔🐣草根都係第一次

好耐都冇黎食，叫左個鹵水雙拼飯同一杯凍檸茶~小甜~個飯屬普通一般啦但問題到喇！杯凍檸茶~小甜~竟變左做多甜！咁我叫個呀姐換啦…個呀姐叫左成2分鐘都唔q應我！視若無睹我好大聲全場聽到佢先黎！佢攞去水吧叫個師傅做過杯等左7~8分鐘佢重唔同我整！咁我一肚火唔q要走去埋單重要收我凍飲果3蚊咁差服務既餐廳唔洗望我e d街坊會再入！不知所謂個日6月25日賽馬日！個d師傅應該係掛住賭馬！做錯重要問人乜有寫小甜咩！

星期日放假 諗唔到食乜 ，本身想食 近碼頭嘅 日本餐廳， 不過成三點幾鐘 ，餐廳已經落場 ，天氣又熱，所以都唔 想再周圍行 ，就去隔離嗰間 太平飯店坐低， 睇下有乜食。見到有個午餐餐牌 ，有 潮州鹵味飯，亦可以轉米粉 ，咁我就嗌咗個 豬頸肉雙拼腩肉米粉 。等食之際 ，我同老公見到 有個下午茶餐牌 ，當時已經三點幾鐘啦， 而且個下午茶餐牌仲有 我頭先叫嘅嘢食 （一模一樣），下午茶餐比午餐平咗十蚊， 於是我就問個阿姐 可唔可以轉。 行到過去收銀處 ，未問佢已經將佢自己嗰張單， 達賴我個餐牌度， 仲好粗魯咁講咗一句 ：「落咗喇喎 」，我心諗：落左唔可以改？？？？其實佢落單嗰陣時都知道有下午茶餐 ，但係冇諗住提我哋 ，過到去問佢 ，仲咁鬼冇禮貌 ！其實啲嘢幾好食都假！！ 服務態度差成咁 ，真係食到一肚氣！！成間鋪頭 啲職員全部都喺度掛住賭馬 ，呢啲餐廳真係影衰曬香港人 佢哋老闆請著呢啲人 ，真係多得佢地唔少！

又到午餐時間！最鍾意同新同事去周圍食試試唔同既餐廳見到呢間食滷水既好似唔錯，就呢間啦！我叫左四寶滷水餐，滷水可以自己選，我選了牛展同豬啼，跟餐有滷水豆腐同滷水蛋飯好多食唔晒，牛展味道唔錯，但好似唔多夠滷水味，豬啼比較肥同事既豬頸肉幾入味，佢話大腸都夠晒腍，幾好食。不過我就覺得成個飯d滷水味道唔夠，偏淡最後兩個人埋單都幾貴下，個人覺得個飯$55有少少貴，而且餐廳內環境一般，坐得唔太舒服,下次就，應該唔會黎了

朋友生日，地膽帶路食呢間。係北角做左咁耐野，都唔知有間咁嘅餐廳，朋友話係米芝連阿鴻小吃班底開。小妹以前係阿鴻粉絲，自從阿鴻離開北角就冇好潮州菜食，得返和富對面果間，冇咩得揀。朋友訂左位，又訂埋瀨尿蝦同烏頭。另外叫埋溏心蛋、鴨舌、滷水雙拼、糖醋麵同反沙紫薯。 溏心蛋有酒香但冇咩味，個人覺得加少少鹽更好味。鴨舌有三隻味，送啤酒幾好。滷水拼盤叫左鵝片同墨魚，鵝片超滑！仲有最愛嘅底脾肉，賣相同味道都同阿鴻一樣，竟然冇失望喎！ 掛住食，唔記得影全相烏頭有黃油，都好食，但唔特別。同九龍城海老四差唔多，但呢度平啲囉。 瀨尿蝦用椒鹽炒，好惹味！ 雖然細細隻蝦，但都有膏都多肉，幾好！ 特別叫左糖醋麵，一上碟大家就嘩嘩聲，因為竟然用木板上碟，又幾盞鬼。最後叫埋反沙紫薯做甜品，賣相100分，味道70分啦，因為真係太甜，食一舊就夠，但生日朋友竟然成碟食哂，勁！ 請埋朋友食，5個人每人二百蚊都唔洗，超抵啦！

晚餐和家人兩個去食晚飯 今日佢又興起想食潮州野 就去左試呢間太平飯店本身見到門口無咩人已經覺得有伏 但都係入左去 入到去睇個餐牌都唔平 就簡左個二人餐 貪佢樣樣都有D甘我地簡左前菜:醉香溏心蛋小食:口水雞鵝片拼盤粥:蠔仔肉碎粥菜金蒜高湯娃娃菜本身個Set係跟老火湯既到我地落單既時候 竟然話個爐壞左一定係甘啦🙄🙄🙄🙄之後就話轉兩杯野飲我地甘我簡左熱飲 家人簡左凍檸水佢仲要收多我地三蚊 無湯已經好不爽 仲要另外收Charge😡仲要有大半杯係冰😡😡😡😡😡D野食 overall來說係合格既1.溏心蛋好重花雕味 蛋香亦係道 可惜熟左D..2.口水雞無咩味3.個拼盤就真係幾好食 好入味 肉質亦好嫩滑4.個蠔仔粥好少蠔 得幾隻 份量亦好細 5.菜 一D蒜味都無 同白淖無咩分別總括黎講都無下次 貼錢買難受

Decided to give this place a go during lunch as it was evidently popular with the locals and students. As we got our Chiu chow sets, the people around were ordering huge pasta sets with generous slabs of pork chops. Perhaps that was the more tasty choice in retrospect?The Chiu chow section was nothing to shout home about. The rice portions were too big, while the meats were given sparingly. We got three sets, firstly, the salted chicken with rice. We got another plate of the oily spring onion sa

隔了一排冇去太平飯店食嘢，心思思想再品嚐佢地既美食，於是星期五晚放工後一於去食過夠！真係無失望，水準依舊一流！三個人叫左四樣送，先點了口水雞，雞肉嫩滑、多汁，調味恰到好處，齒頰留香。仲有我最喜歡既糖醋麵，外面香脆裏面彈牙!最驚喜既係原來可以配搭義大利黑醋～ 勁香口！另外還有一樣嘢食好抵讚，就係個炒鵝腸！完全唔係平時食個種急凍貨，非常新鮮爽口，而且碟鵝腸炒香後配搭佢地既辣椒醬簡直係人生一大享受！叫埋佢地推介既凍烏頭，魚肉鮮美一點泥味腥味都無，正啊！最後加單叫左個胡椒豬肚湯，夠曬火候，胡椒味仲可以選擇要多定少，非常細心！佢地宜家仲推出好抵食既賀年大餐，一於同屋企人一齊來再食餐好既！

經朋友大力推介，於是這個星期天就同幾條友一齊到左依間太平飯店食個晚飯。我地幾個最後都係變左我一個揀食啲咩，咁我當然係當仁不讓地揀合自己眼緣嘅食物啦！一個就係個溏心蛋，因為佢講到又酒又花雕好似好勁咁，咁一定要試下。跟住就係個胡椒豬肚，算係正氣野，個個都食得。然後就係黃金糖醋麵，都係一個望落好似好勁嘅菜式。溏心蛋黎先，一開始有少少失望，因為個份量並唔係話好大，但食落都覺得係物有所值嘅，好溏心之餘，有種幾特別嘅蛋香同酒香嘅味道，算係一個唔錯嘅體驗。胡椒豬肚出乎意料地大份，入面嘅豬肚真係幾足料，腍軟味濃。每人一碗胡椒豬肚湯，放在這個轉秋微涼的天氣中，格外地暖胃，我自己本身是特別鍾意飲湯嘅人，所以飲左兩碗添。最後嘅黃金糖醋麵，上碟個賣相金黃脆熱，望上去係幾好食，試落真的好脆，味道係很開胃的酸甜味道，不像是外來加上的甜脆，而是一點一點在麵中滲出來的。大家將糖醋麵敲成一片片來食，就好像食一道香脆的小食一樣，好快就食哂

小時候，在家，媽媽有時會弄一味魚凍來吃，除了冰涼鮮美的魚肉之外，把魚凍往醬油一點，入口滑膩融化，更是一絕，在外吃飯多年，從來沒有吃過此等味道。這次在這裡吃一道凍烏頭，可以稍稍解慰。聽說是用上本地魚，這裡值得一讚，並不是說本地就要讚，而是本地出品的魚種可能和其他地方不同，但是新鮮度就絕對不會輸。堅持採用新鮮食材，而不追求"名牌食材"，也是一種取捨，對我來說，還是相當值得讚賞的。大條烏頭魚，魚肉雪白。烏頭的肉質並不以嫩滑見稱，相反就較為結實，但是富有彈性，魚味也幾濃，趁新鮮宰殺，煮好，冰凍，其鮮味得到最大保存，而且冰涼口感格外突顯鮮味，是一道很不錯的佳肴。附有醬汁，包括一味豆醬，和醋。豆醬味道較濃，醋則較提味，都係不錯的選擇，可以說得上是一魚兩食。除了烏頭魚之外，都食左例如鵝片，等等菜式，也不錯，只是最令我印象深刻的，還是這一味烏頭魚。

星期四放左工翻屋企樓下食飯，去左太平飯店到食，兩個人叫左三個餸到,其實都幾夠食醉香溏心蛋同溏心蛋唔同嘅地方就係佢係用酒浸嘅，食落特別香，好入味，咬落去蛋黃流心嘅，好正,蠔仔粥呢個成個啲湯同料好平均 唔會話太少湯定太少料 不錯不錯凍烏頭呢條烏頭好肥美好滑 點埋個醬更加鮮,好好食👍🏻👍🏻

難得放假，訓到三四點，見有d肚餓就落左樓下太平飯食個下午茶 又吾想食甘飽就叫左我公司三文治黎食加杯凍檸茶 都係大概$40蚊到就搞店個公司三文治好厚 都好足料 佢d生菜同蕃茄好新鮮 啲蛋就煮得岩岩好 唔會話老哂一個下午茶好滿足