太興新世代 (已結業)

這天晚上，我們在太興燒味餐廳晚膳，我對這天Emily點的兩個小菜特別滿意，一個是邊滾邊吃的“熱鍋胡椒濃湯魚肚路邊雞”份量十足，大大粒胡椒勁辣開胃，配上鮮味濃湯、滑雞、雲耳和花菇，味美非常。另一道菜就是“柱候鮮菌牛筋腩煲”，牛筋炆得十分入味香軟，用熱煲上十分惹味。還有這裏的例湯十分鮮甜。沒有太多人的環境靜靜地享用一頓味美的晚餐，實是滿足。

一直都不多來太興吃飯,最主要原因是太貴.有一次lunch,來太興吃了香矛豬扒飯,$28,連飲品,都幾有水準.今晚又想不到去邊食晚飯,所以便來了這裏.可惜,質素插水式下降.今次吃了坑燒雞扒配意粉+中湯,沙爹牛肉鍋+冰鎮奶茶,紅燒豆腐班腩煲+中湯.坑燒雞扒配意粉,好差,雞扒太鹹,意粉太諗,意粉上碟時竟然冷的,impossible!中湯,味精湯,望落好大碗,其實用d煲湯料塞滿既,d煲湯料又冇味,又不滑,沙爹牛肉鍋七成係菇,得三成牛肉,仲要係碎既,沙爹味欠奉.冰鎮奶茶夠茶味,夠奶味.紅燒豆腐班腩煲,惹味,豆腐班腩都夠滑,都入味.

Jul 11, 2009 (Sat) – Breakfast好耐無嚟過 lu！因為都幾貴，嘻嘻！今早因為想食嗰間又又又遲開門，所以入嚟呢度食，雖然貴，不過快、靚、正，服務仲幾好添！睇吓個餐牌，原來轉哂 lu！無咩雞蛋食，亦無咗雪菜肉絲米粉，我最愛的早餐配搭呀！不過發現火腿通粉早餐而家有3種選擇 …… 不過地方還是好乾淨，餐具都好衛生，非一般茶餐廳咁！CK order 一份火腿通粉早餐北歐火腿、多士拼生菜火腿通粉配凍檸茶 $27我都 order 另一 款火腿通粉早餐德國香草腸、多士拼生菜火腿通粉配凍檸茶 $27每款 $24 凍飲 + $3多士依然夠燶！北歐火腿只係比一般咸好多！德國香草腸 ~ 大家當係一條普通咸 D 嘅早餐腸都 OK 啦！通粉依舊係生招牌嘅豬骨湯，幾鮮味，但還是飲不出係豬骨湯！哈哈！不過兩碗差別都幾大，我嗰碗舖了滿滿的生菜絲及火腿，另一碗就每樣得4~5條！成 $24 個早餐，舖滿成本都唔駛 $1，咁樣令客人食得唔開心，幾無謂！上通粉嘅同事要注意注意喇！我在此就試過幾次呢種唔愉快嘅經歷！以前我哋經常嚟，除咗略貴之外，呢個就係唔再嚟嘅另一個主要原因 la ！餐飲也是，CK嗰杯

唉~~~~飲開咖啡好少會飲左3分1就好有衝動想放棄唔飲,哩間野既咖啡由羅到黎一睇,心諗 :【咁多泡咁淡色既???係唔係咖啡黎架?】一試...........嘩~~~~~水黎既???又唔甜又無咖啡味,仲淡!!妳唔同我講係咖啡,話係茶我都信最終.......影比大家睇,妳分唔分到邊杯係茶邊杯係咖啡???一模一樣色,一模一樣味,妳估我唔到我估妳唔到!!!!要我形容我會話似係【一杯平時飲既咖啡飲到最後一啖,之後加番d茶落去溝埋】唔係誇,真係咁味,哩間野d咖啡都算係我飲咁多咖啡之中最難飲又搵笨既一間

因為組屠龍團, 所以早上10時許已到達屯門由於bf想早點開始, 惟有到露天吃早餐~熱, 熱, 熱只點了個餐, 炒蛋烘麵包, 火腿通粉, 加$2轉凍飲火腿通粉先來, 湯很咸, 通粉很"淋", 火腿無味炒蛋不錯, 烘麵包沒吃, 但相信不會好吃因為bf太笨, 不知道太興出名冰鎮奶茶, 結果來了杯沒味的少甜凍檸茶~露天人手太少, 叫天不應, 叫地不聞, 我甚至懷疑如果我偷偷吃後不付錢是沒有店員知道~不過, 我始終覺得出外早餐太貴, 留在家中吃會較相宜

２００８／４／２０下午茶見下午茶轉哂款，雖然對這間分店印象麻麻地，但免得行太遠(+腳痛)就照入來吃。坐的是二人檯，和上次一樣，有痕到R腳的情況出現，不過今次輕微些，忍住忍住就過得去。即叫即整，五分鐘就上檯了，外型巨﹑顏色靚。餡料十分豐富，有蕃茄片﹑炒蛋﹑生菜絲﹑卡夫芝士以及煙厚火腿；多士向來是太興的”拿手菜”，烘得剛好又夠哂脆，每層也塗了牛油，增添味道。平時飲凍奶茶我的只會咕嚕咕嚕飲下去，今次給我飲得出這杯的奶味重手了。帶著餓肚子來，吃了兩件已經飽，努力吃才吃得哂﹗

２００８／３／２３下午茶本來想去二宜樓飲茶，去到不見飲茶價錢牌，怕假期會無啦啦加價，沒什麼心水下，就去太興食下午茶。想了很久，要了法式潛艇。這隻艇的外表大就是大，不過材料只有一條司華力腸和些少生菜絲吧了，潛艇只裝得下這麼少﹖麵包烘得外脆內軟，本身味道有些甜甜地，不錯；司華力腸也是外脆內軟的，肉汁多，可惜面頭那些黃芥辣異常難食，味道又怪；啖啖的酸瓜醬，去了油膩感外，又令人開胃。一個少潛艇又怎能夠我吃﹖再來果占多士，不用多說，太興出品的多士一直也很捧﹗包身四周也是脆﹑脆﹑脆，裡面軟熟無比，就算＄１２一件，都是付得甘心命抵！凍檸茶的茶味帶些苦澀，令今餐失色了少少。吃了＄３９，其實也不太飽啊>.<光顧過幾次，已知這間沒什麼服務可言：大搖大擺行入去，坐埋睇緊餐牌，如有侍應行過才會知道你的‘存在’。和卓爾居分店成了很大對比呢！註：坐了無耐，成身痕癢到不得了，全程在R痕。食完出門口就沒有了，肯定是位子不清潔﹗

離今晚的飲宴還有幾個鐘，估計九時才有晚飯吃，費事留肚了，依飽肚子最實際﹗下午茶餐：越式扎肉米配凍檸茶少甜：穿洞扎肉，真的夠怪相！侍應說''由於這條扎肉中間質素不太好，廚師將它切走，又因為這，所以給多一塊你，本來得兩塊的...''，真是多謝哂。收$24一碗，就看看有什麼巴閉？吃過後就知，扎肉只是來貨，又沒有煎過，從雪櫃中取出後切片再鋪在湯米上，仍保持著凍．．．唉；主菜兩﹑三口就吃掉，向來太興的米粉是超滑，配著成劈肉碎﹑惹味粒粒那些吃，又幾好味，不過覺得似吃港式粉麵多過越式啊（哈），一來味道濃二來芽菜都無一條，何來‘越式’？凍檸茶沖得不好渴，茶味太重，好澀口。未夠飽就散叫多件果占厚多士，厚多士也太興招牌小食丫，名乎其實外脆內軟，食完兩大件還是覺得不夠喉呢！這間分店的服務對比卓爾居的差好遠了：知客較為‘串’﹑舉手幾十秒都沒人招呼你﹑要杯清水難過登天？幸好碼頭呢邊太把餐廳選擇，今次吃飽就算了。

老公一向愛太興燒味, 無論元朗店還是屯門店我o地都常幫襯!點知, 今日不幸食到虫虫....話說叫o左一個海鮮冬蔭公飯,冬蔭公淡而無味, 完全冇落到泰式香料去煮,已叫人大失所望! 不過, 係我唔o岩, 明明係燒臘店, 叫咩泰國菜o丫...食到一半, 見到西蘭花, 忽然間諗起上次o係屋企煮西蘭花有好多虫, 多到浸o左三盆水都仲有虫,擔心之下, 就望清楚碗冬蔭公OH MY GODDDDDDDDDDDDDDDDDDDDDDDDDDD!碗冬蔭公上有多隻虫虫在浮O下浮o下, 頭先.... 已唔敢再諗落去.....叫侍應o黎, 佢話換過第二樣俾我, 最後換o左碟叉燒今日的侍應服務非常之差, 又落錯單, 落o左單十幾分鐘先話有一個餐賣晒要轉,所有食物等o左成半個鐘先到得齊呀.....真係等到火滾!!!!我o地以後都唔會再o黎呢間太興了!簡直貼錢買難受!

August 7, 2007 (Tue) –Breakfast呀姨佢哋話嚟食早餐，咁又去食下喇！幾份早餐……個人認為都屬於貴嗰種。不過地方好乾淨，餐具都好衛生，非一般茶餐廳咁！Uncle order 一份火腿反蛋多士拼雪菜肉絲米粉配齋啡$24呀姨order 一份煉奶粗粒花生醬厚多士配咖啡$18我就order 一份炒蛋多士拼火腿通粉配凍檸茶$24我係同呀姨share嘅，我就覺得佢哋嘅炒蛋好滑, 仲有少少蛋漿，點多士好好味！厚多士配粗粒花生醬有超水準的表現！通粉用上豬骨湯底用作生招牌，幾鮮味，不過唔係好覺係豬骨湯！餐飲就不過不失，檸茶唔夠茶味，呀姨佢哋話咖啡都幾好飲喎！

說真的...不是朋友說吃這間食店，我一定不會選擇，因為一向我都覺得太興只有一個字可以形容..."貴"，不過今次吃過晚飯之後，我對此有所改觀！我們一行四人，點了四個菜...咕嚕肉燒味四種金菇牛肉粉絲煲紅燒豆腐煲整體上所有食物都好好，特別咕嚕肉真的不錯，值得一試！

不是難食到喊, 而是wasabi惹的禍.人家供應下午茶的時候, 才與友人吃午飯, 大家都覺得餓, 於是點了兩個較飽肚的tea set分享.好久沒吃過公司三文治了, 看見鄰桌顧客吃得津津有味, 突然也想吃, 就來了一客. 餡料都是來來去去那些, 不過單看炒蛋, 就知不是行貨, 自己稍嫌方包烘得不夠燶.原來大家不約而同都想試餐牌上的wasabi焗燒肉飯, 第二個餐就敲定了它. 可能是tea set之故, 飯的份量較少, 相對之下醬汁和燒肉就很多. 那醬汁果然嗆喉攻鼻, 再加上飯少汁多, 我吃了兩口已開始流淚, 受得芥辣的友人, 吃了大半之後也劫數難逃. 燒肉也不差, 但可能配上醬汁吃, 感覺過鹹.奶茶與咖啡是我們整頓飯最欣賞的一環, 連鎖式茶餐廳來說, 水準不錯也穩定, 怪不得店方要大量生產.

星期天，去太興食下午茶，食物方面冇謂講都係普通茶餐廳一味落味精既食物，依樣都冇咩問題。問題在於服務態度好差，每個待應個個一副不想服務我們的態度，足以令我以後不去再去食它們的分店…而他們鎮店之寶冰鎮奶茶，一來唔可以少甜，二來我與我的女朋友喝完之後同樣出現肚痛情況。(大約食完之後15分鐘左右就出現這樣的情況)我發誓保證以後都唔去太興食野。

太興出名做燒味，見這裡是新裝修，又是全場禁煙，唔想食二手煙的我，對禁煙食市又著一份親切感，就算食物品質一段，都會多點幫襯。加上第一次來時有個青春美麗好好笑容的靚女高妹作知客...這裡的食物質素一如其他分店般水準，不會太高，但總不會失望。來過兩次吃晚飯，分別點過小菜如生炒骨、XO醬涼瓜牛肉、茄子班腩煲和青介燒肉焗飯等，都算美味，不會覺得落很多味精，例湯也不錯。凍奶茶的特色不作多介紹，不覺不太夠香滑。不過第二次去的時候，服務態度令我會多加考慮再幫襯的可能性。事源在埋單的時候，我拿張單去櫃檯付款，遞給那位收銀員說「唔該埋單」時，她愛理不理，繼續做佢自己野；那時我就把單放在檯面上然後拿銀包時，她亦未即時拿起打單。好！我等你！又無句「唔好意思，阻你一陣」等既說話要個客等你做好你既野至幫我埋單都算，我等得。好啦！佢終於拿起打單，我此時開聲：「唔該俾張單我來做免費泊車唔該……」我自問好有禮貌，又無特別要佢做張單，因我食了過百元，俾番本身張單我就ok！嘩，佢應都唔應，就咁放番底張單在櫃檯面，多謝都無聲！仲有張單立時被風扇風差點吹落地下，要我去捉住，她都無句唔好意思，仲要黑起塊面！我當時越想越激氣！出左

聰明商人睇準屯門碼頭即將成為跨境口岸, 早於年前已著手豪裝, 近來重開, 並命名為海趣坊. 會否成為新界中港城拭目以待, 但人流已經重新聚焦. 當晚當然就係參觀參觀, 搵食搵食. 不過食肆唔算多, 行到呢度, 南昌分店試過, 亦好自然試埋呢度會又有乜新景象. 覺得太興佢近年, 形象年輕清新大玩fusion 燒味菜式, 好似圖中叉燒焗芝士茄汁飯. 入口西式, 材料中式. 稍稍不慣叉燒帶茄汁味. 但欣賞當中改革. 另外冰鎮奶茶必試, 濃濃滑滑, 冰鎮效果一個好證明. 呢次試唔到八寶鹵味拼盤餐. 留待下回再去.