太興 (黃埔天地)

营业中

休息中

呢排公司日日OT，放工連食飯嘅動力都冇，更莫講話要自己煮啦，但想第二日繼續有力工作，點都要對自己個胃好啲，即刻打電話叫屋企人落樓一齊食個晚餐。可能就快八點，人唔算多，唔使等位好快就可以入去坐低，不過啲位好細、有啲迫。坐低之後，叫咗個涼瓜，為呢排捱夜清熱下，個苦瓜炒得一啲都唔苦，連平時唔鍾意食苦瓜嘅老公都食咗，越食越開胃之下，再叫多碟鴨，一啲油膩嘅感覺都冇，本身冇咩胃口嘅我都越食越開胃，本來諗住兩個人食一碗飯，最後都嗌咗一人一碗。以後開OT都唔使驚冇啖好食。

收工去太興燒味買叉燒燒肉各半斤回家，加埋都$125㗎。一心諗住加條菜就開餐，點知回家一打開盒燒肉，火都嚟，半斤燒肉全部瘦肉，都算，可能有啲人喜歡食好瘦嘅燒肉，但係只有三四舊帶皮嘅，d皮過曬氣又唔脆，冧咗又奀皮，同買舊豬肉白馺熟一樣，又鞋又奀，好彩仲有叉燒餸飯！激死人！以後唔幫襯😤😤相片係我打開盒個樣，我未食㗎！$60幾蚊買盒野唔好食嬲死我！

今日嚟試試太興(黃埔分店)嘅下午茶，價錢都算ok，四五十蚊包嘢飲，可以接受。我地先講下做得比較出色嘅嘢飲，冰鎮系列係指啲冰唔放落嘢飲裡面而係另外搵個碗座凍佢，咁就唔會因為融冰而沖淡杯嘢嘅味道。凍奶茶調得幾好飲，但凍咖啡就略嫌太甜，overall嘢飲都算幾好。至於嘢食方面，T14-大都牛肉麵嘅麵底太少，但牛肉就幾好，似係牛展(仲有痴住少少牛筋位)。唔知係咪個廚師重手咗，M17-欖菜肉鬆菜粒炒飯 同埋 M18-濃香星洲炒米粉 都係同一個問題，鹹得有啲離譜，而且都算係幾油，絕對配唔上少鹽食肆嘅稱號。

同朋友一人帶一個去黃埔玩，玩到下午3點幾都未食飯😅見到太興下午茶時段，岩晒👍 2大2小叫咗乾炒牛河$57，鵝絲雪菜炆米$55，西多士雞中翼$45,兩杯凍咖啡，一杯凍檸檬茶。乾炒牛河上枱賣相靚仔，色香味俱全，份量唔算大算合理，牛肉都足料鵝絲雪菜炆米上枱無咁好靚，因為本身個色嘅問題，份量比牛河多，味道同樣ok👍唔多覺鵝絲西多士雞中翼，$45呢個價唔算平，但得半塊西多士，而且整得麻麻哋... 雞翼正凍咖啡 好好味👍必飲，估唔到太興咖啡竟然好味過佢哋嘅皇牌奶茶😅*如果有埋bb椅提供就更好，話晒香港咁多BB🤗

記得細個以前都覺得太興好貴，都好少入去食。 但係大個咗，物價每一日都喺度升，慢慢發覺60蚊一個飯根本唔係貴。叫做一個海鮮星洲炒米。太興雖然係一間茶餐廳，但都算係行貴價少少嘅路線，所以啲材料都用得幾足夠。啲蝦都係太大粒，新鮮絕對講唔上，但係食落去感覺都係好滿足。 個星洲炒米整得幾好，唔會軟淋淋，一patpat咁。味道都好惹味，comfort food level，無得投訴。最難得嘅係，呢度啲員工態度真係好好，好過一般茶記好多。值得嘅！

說實話，太興真的太普通了，只能說是一般茶餐廳吧服務態度一般吧，茶餐廳也不能要求什麼優質服務。簡單的茶餐廳環境。 。「燒鵝叉燒雙拼飯」主打燒鵝，可是皮一點也不脆，也沒有溫度的鵝。 。 。叉燒還好，只是沒有特色，不出彩的餐廳，真心不推薦

第一次寫食評因為早餐實在太難食 唔寫唔得 宇宙最難食糯米雞炒蛋多士好乾身 難食樓面收銀 得一人 人手缺乏嚴重服務人員態度ok 嘅 但只係唔夠人手 什麼也等好耐😞😞⛺️⛺️⛺️

今次去係佢裝修完嘅第一次去食其實大至上差不多只係檯與擡之間啲牆矮咗所以服務快咗 可以一眼關七我叫咗個台式煎蛋肉燥飯啊媽叫咗個特搜叉燒飯兩個都幾好味嘅係個肉燥飯鹹咗啲同油咗啲個叉燒飯啲肉都算靚 唔會話好多肥膏唯獨是 對我同啊媽兩個女人黎講啲飯就太多 菜就得幾條一個飯可以兩人分 最多另外叫碟燒味🙈

今日去太興食下午茶見到依個新餐牌好奇望吓原來係新推出既係同一個營養師一齊制定出黎既’較低卡燒味飯系列’我好好奇想知同正常燒味飯有咩分別於是叫咗份招積雞胸飯個賣相就唔係靚㗎喇😅但係已經覺得好健康個飯份量同正常差唔多(雖然營養師建議女士可以叫少飯)啲菜真係健康既味道 - 菜有菜味 冇任何汁/油個雞聲稱係雞胸肉 但係好似同白切雞飯啲雞一樣 ?! 只不過健康在去咗啲雞皮成碟野得啲雞有味不過啲雞幾滑同好淋既👍🏻(太興啲燒味好似一向都唔錯)所以我評價唔到依個飯好唔好味同值唔值得試 (因為都$66㗎!)個人認為好似冇咩唔同或特別🤨

我最近試過過兩次在太興叫燒鵝但要瘦啲，點知兩次都俾咗燒鵝胸我，網絡個樣係好靚，但出奇地係西餐嘅煙鵝胸嘅味道，唔知係唔係用預先煙左的肉來做燒鵝。如果係真嘅就好失望。

睇完戲順便喺蔡瀾美食坊食晚飯，攞飛等8張枱，好快就叫到3個人食，總共叫左3道菜，2碗白飯，份量啱啱好一坐低就見到新餐牌，$28就有紅酒燴牛尾雖然個汁無乜紅酒味，食落似羅宋湯多啲，但牛尾都算多，整得好淋紅蘿蔔同薯仔都軟身，令到道菜無咁單調另外嗌左梅菜蒸扣肉，茨汁好濃味扣肉好多肥膏，食完很重罪惡感，不過好惹味梅菜唔太鹹，食多幾啖都唔怕！最後係馬友鹹魚蒸肉餅。肉餅唔大份，但蒸得啱啱好，肉質彈牙鹹魚放上面蒸，吸埋啲汁，鹹鹹地襯飯食一流太興晚餐整體唔錯，一定會再嚟幫襯

平時黎食早餐就食得多，過黎食tea真係第一次! 見到下午茶茶餐原來有得食煙三文魚炒飯，仲要唔是好貴，四五十蚊就食到。聽落就好吸引，但係食落呢。其實一般。好似無乜落鹽咁，好淡口。啲三文魚ok，撈埋啲蟹籽食唔錯。不過都要講一講，呢度抽氣唔知係咪咁岩壞壞地，成舖都有一陣油煙味，之前好似係無既。食完之後都隱若聞到自己頭髮沾左唔少，等左半日先散得走 除此之外，其實都舒服既。如果個抽風系統真係有問題，希望快啲整番好啦!

叫左普通港式早餐，炒蛋乾爭爭，多士叫好DD(叫做熱啦)。重點係早餐個粉麵湯底，味道又咸又味精，大人細佬食完都口渴到7彩，食完早餐仔仔口渴到爆，奉勸家庭健康客唔好去食早餐，適合重口味客。太興服務一流，味道九流。食過2,3次早餐都係咁，失望！！小朋友食完都反台重口味早餐湯粉

下午茶剛過, 六時左右, 少客, 此店座位設計, 好似寫字樓, 半高身的partition, 兩至三張二人檯為一間隔, 提高了私隱度. 餐牌設計, 愈來愈花巧, 與其他媒體廣告統一, 近十年商學院最愛講的甚麼... Integrated Marketing Communications... 但其實我覺得好廢吓... 哈哈...正當考慮叉雞...還是...叉鵝之時... 隔離檯來了兩位痴情男女..., 都好... 唔使咁悶..., 唔覺意聽到, 女說: "我要肥叉燒切雞飯, 健康一點, 記住走豉油...", 吓...! 健康一點??? 肥叉燒喎..., 呢位港女真識食...! 熱奶茶, 正常過正常, 茶味夠, 不澀, 奶味適中, 唯熱度不是最熱級數, 不過, 在夏季, 可以接受.自取食具, 經過十分細緻的檢查, 整潔程度滿意, 紙巾任攞, 而且質素好, 不是那些又軟又薄又易爛的平價貨, 要讚啦! 套餐, 送油菜, 二選一(生菜和菜心), 賣相頗奇異, 不似一般麵店的擺放形態 (菜葉下職, 菜莖放面), 而是用長碟, 全條菜, 切一半後, 打平放, 其實這款賣相無咁好睇. 無論如何, 菜

不知所謂的鰻魚炒飯！飯質一舊舊又唔夠熱！鰻魚少得可憐！仲賣$62蚊，簡直垃圾之作! 除咗燒味好D，基本上其他都唔好食！呢D價錢外面茶餐廳可有大把選擇！以後不敢再來！