太興 (黃埔天地)

营业中

休息中

Order了兩個套餐:青紅蘿蔔粟米湯: 好甜! 感覺似糖水, 飲了幾啖冇飲...燒肉切雞雙拼飯: 燒肉塊皮好脆, 切雞好滑!香橙白蘭地汁焗燒鵝飯: 個汁好香橙味! 但燒鵝唔掂, 全部頭頭尾尾, 食骨多過肉...蠔油生菜: 生菜擺左好耐, 全部變黃.冰鎮奶茶: OK! 好滑好香~服務一般! 唔多主動加茶...

3/9 (星期日)最近經常飲茶想轉口味,所以提意去蔡瀾美食廣場,來到差不多2:30pm,唯獨太興見還有人要拿籌等位,而且在店舖外還擺放三四張枱,妹妹同弟弟去巡視其他食店時,媽媽建意不如先拿籌,待他們回來還是決定不了吃什麼,我說媽媽都喜歡吃燒味不如就這間,好在很快就有位了.我們四人點了以下幾款套餐:燒味雙併(燒肉/叉燒)$40 ~ 原本想要乳豬可惜已沽清,叉燒雖然是全瘦,但都好腍,弟弟說好味因他不喜歡吃有肥肉的部份,燒肉就一般,媽媽覺得好貴,沒辦法這裡的裝修及名牌反應怎能同一般大排檔,茶餐廳相比,何況坐得舒服又食得安樂.的式焗密桃汁叉燒飯$32 ~ 第一次食燒味焗飯,估唔到都可以這麼好味,酸酸甜甜的醬汁好醒胃,再加上我喜愛的半肥瘦叉燒(這個焗飯的叉燒全部是半肥瘦),我個人就已經吃掉三份之二的叉燒.公司三文治(下午茶餐)$28 ~ 材料有芝士,蕃茄,生菜,炒蛋,火腿,味道ok.妹妹想吃菜,就叫了一碟菜心$12,菜心好爽又不會老,好久沒有吃到這麼靚的菜心了.

見佢新開，尋晚諗住去試下．．．叫左個蒜蓉雞扒意粉餐（都唔平，要成４４蚊！）碟野來到，點知切開不是雞扒來的，係龍利柳．．．我叫左個阿姐過來，話：我要雞扒WOR．．．阿姐拎起碟野，懷疑我呃佢咁：你．．．唔食魚GA？！我拎起張單指比佢睇，係雞扒！佢拎住碟野企左係度一陣，個勢係想要我照食咁．．．但我真係叫雞扒GA MA，我又唔鍾意食龍利柳．．．之後佢唔好意思同SORRY都冇聲就拎返入去換．．．我已經嬲嬲地，呢間野D人都幾冇禮貌．．．等等等．．．等左成半個鐘．．．期間，有個仲黑口黑面過我，類似店長既女人行來行去．．．佢明明見到我勁不滿，都視而不見！個意粉終於到，點知．．．．D粉有陣怪味！好難頂，EXACTLY洗地用果D消毒水味咁！！我初初以為係咪自己心理作用，可能係D牛油加埋D粉D味呢．．．食多兩啖．．．真係頂唔順！！最後只敢食左少少雞扒D肉，成碟野係返度．．．唔想SIDE氣，就算佢肯換比我我都唔敢再食！算，當係我自己唔好彩．．．之後個口好苦，仲有D想嘔，個肚唔舒服左成晚．．．我以後都唔會再去！！