太興 (黃埔天地)

营业中

休息中

今晚唸住去太興買啲燒味啦, 嘩...估唔到燒味都咁鬼貴, 燒鵝半隻都$140, 燒腩仔半斤都$60, 買左呢兩樣餸都成$200啦, 今晚既晚餐真係貴呀!!!!燒鵝 - 好肥好厚肉, 亦都好油, 因為食完盒底全部都係油成尺高, 味道一般, 應該好重味精, 因為食完夜晚個口好乾好口喝燒腩仔 - 半肥瘦啦, 味道一般, 個皮就un左啲

I really need to control my sudden cravings for certain food. It is not an easy thing to do but I need to try harder! However, my craving for roasted pork had won the battle for the night, hence my visit to Tai Hing New Century (太興新世代).I always wondered about the meaning of "New Century" at this Chinese BBQ Meat joint, my first take on its meaning would be its selection of fusion dishes such a baked wasabi roasted pork with rice. When we talk about the origin of fusion cuisine, we often referenc

本人雖然很喜歡周圍食,但很多時也很大鄉里,因我從來也未試過"太興"的燒味,也未曾品嚐過冰鎮奶茶. 今次我首次來連鎖"太興燒味"店,當然要拍拍照及記錄一下啦!其實今天來的主要原因,就是我表姐前一個月結婚,給了我們兩張乳豬coupon,這張coupon是可以在各間太興分店擋50元使用,就是這樣,今天便來太興開飯.今天,是我和母親大人來光顧,由於早上我們的早餐吃得太飽了,所以今天兩個share一碟雙拼飯及order兩杯冰鎮奶茶.1)雙拼飯-燒鵝+白切雞燒鵝真的很好味,皮是香脆的,肉質也很重燒鵝味. 記得前一段日子吃過一間著名燒鵝出名的酒樓,可惜感覺上似鴨多一點,而且也很騷,但這一個完全不同,真的很香燒鵝味. 但可惜,白切雞比較差一點,可能廚房給我們這個雞的部位不是好食的部位(即是肉不多的部位),而且味道也不及我家樓下的$15雙拼飯的白切雞那麼好食,所以白切雞的部份我比較失望.2)冰鎮奶茶之前也一直聽過"冰鎮奶茶",但從未試過,也從未知道什樣形成的,今天終於試到了. 原來凍奶茶裏沒有加上冰,只是外面圍上冰是這麼好飲,最起碼沒有冰來沖淡它,是這麼香濃,今天我終於品嚐到這個香濃冰鎮奶茶了.由於今天

反正都是坐在家中, 接左囝囝放學就一起去吃一個下午茶. 餐蛋公仔麵, 首先佢地真係用出前一丁, 唔駛另外order, 仲有呢, 佢地棄用梅林牌午餐肉, 食落都唔同d, 好似自己屋企整咁.配檸檬茶 - 收得廿七蚊個餐, 呢杯茶鬼祟左d, 細杯得黎又有少少澀日式煎餃子, 煎就煎得好靚, 可惜食落就好一般, 下次一定唔會叫囉.配凍horlick, 呢個都好難唔好架喇. 丫, 唔通佢地d奶類飲品真係好d o既, 下次再試冰鎮奶茶呢.

上星期三放假，專程郅黃埔與「失散多年」的舊冋學午飯，由於只有個多小時，她又熟路，故由她發辦。坐下後，看看午餐，平均要 $48 一客午飯，消費頗高，要了欖菜馬蹄蒸肉餅，友人要了油鴨膶腸飯。肉餅吃得出是新鮮豬肉，但絕對不是手打，肉餅除了有馬蹄粒，還有冬菇粒，味道清清哋，有住家菜的感覺。偷試了友人一小粒膶腸，膶腸還是善歡吃起沙那種，油份不足，少了一份甘香。

蔡瀾美食坊內的太興燒味保持很高水準叉燒是我們吃過最好的買給朋友們吃,他們都大讚吃過這裡的八寶飯每一樣燒味都很好吃唯一不足是他們的鼓油飯鼓油得個色,而沒有味的瑞士汁炒河太油膩還是來碗燒鵝瀨比較好看到鄰枱來了兩客燒鵝脾免斬下次我們都要照辨煮碗!

點了一個有趣的焗飯 - 的骰蜜桃汁义燒焗飯. 义燒屬半肥瘦,咬落很鬆化,配合炒飯底和蜜桃片,又的確幾好食! 很少見到焗飯會用上义燒,實在有點驚喜. 飲品方面,加$3要了凍奶茶 - 是冰鎮奶茶那種; 味道偏甜一點, 應該是因為沒有冰的關係.太興下午茶的確不錯,不過$38($35+$3)以下午茶餐來說算是貴.

和媽媽到此吃下午茶, 看見餐牌有健怡下午茶, 包括生菜蕃茄免牛油三文治, 燕麥鮮奶, 心想這是真的健怡餐,對於吃得清淡的我, 這是最佳選擇, 但.....生菜蕃茄免牛油三文治是沒牛油, 但換來是塗了厚厚果jam 的麵包燕麥鮮奶.....更為恐怖! 是紙包燕麥鮮奶.....(內有xxx糖份)

好多人話太興D燒味好好食，但我就唔覺～而且好貴，一個雙拼飯要44蚊，而且又唔好味。不過環境真係幾好，D位好舒服又多卡位。一向都唔鐘意食太興既叉燒，因為好燶，我又唔鐘意食燶叉燒，試過落ORDER時叫侍應比D無咁燶既我，但出唻都係成碟燶叉燒。今次唯有試個香橙白蘭地汁焗燒鴨飯，都係$44。等左好耐先唻，應該係即焗既。個焗飯上面得一塊橙，塊橙焗完變到好苦，試左一啖就放棄左。D汁甜甜地都幾好味，有小小酒香。D燒鴨真係我食過最難食既燒鴨，好硬，D肉又韌，又多骨！都唔知乜鴨唻！以後死都唔叫哩個焗飯囉！奶茶都係好普通既貨色，出面茶餐廳都差唔多。

喱度D燒臘賣貴人地一般十幾廿蚊，但質素卻只係好一般無甚特別，同人地D真正出名燒臘飯店果的味道冇得比，但人地就都冇咁貴…諗住食物一般但收咁既價錢，服務一定會唔同D啦，點知真係畀倒我「驚喜」!話說尋日去幫襯，諗住D燒臘冇乜特別就試下其他野，於是叫左個賣$40既臘味糯米飯，味度唔算特別好又唔算好差，但就好油膩下，又唔想再飲甜野於是叫侍應加D茶，點知好戲就上演: 前後叫左3個不同侍應(其中一個兩次)總共4次，佢地全部個口會應你「好呀」但行動上完全可以做到"分離運作"唔會真係加畀你！睇住佢地漫不經心地做晒所有其他野但就偏偏完全記不起幫人客加茶…由此除左證明員工服務質素差之外，這亦大有可能是「公司政策」！無所不用其極咁迫D客人另叫飲品! 此等手法極其低莊嚴重惹人反感!就算街邊大掛檔問伙記拎多杯清茶都唔會話唔畀你。比一般貴既價錢，但服務比最低既更低!我同我D家人朋友絕對永遠唔會再幫襯!再睇番呢度原來仲有咁多各式各樣既劣質服務，一再證明絕對唔係個人既錯覺。太興新世代完全是蔡瀾美食坊的污點！

今晚家人突然好想食爉味, 就去了黃埔太興晚飯, 我們分別點了欖醬蒸肉餅、鮑魚茹斑塊煲、一個老火例湯、油菜、2條潤腸、一罐可樂及一杯寧樂。-欖醬蒸肉餅--個欖醬同肉餅一d都唔夾, 味道好怪!-鮑魚茹斑塊煲--斑塊炸到乾晒, 成個煲油淋淋,好怪食!-老火湯係木瓜煲豬骨, 唔錯,幾濃!-油菜、2條潤腸都ok-最離譜係罐可樂, 竟然一罐可樂要$16,檸樂就$18, 真係完全可以比美大酒店的收費!!! 其實一早已預左佢地d價錢係偏貴, 但都冇理咁貴成咁囉!$16一罐可樂, 真係太過份啦! 茶餐廳裝修, 小菜味道又真係好一般, 係d燒味同爉味比較好食小小,但完全唔值咁既收費囉!我決定以後都唔會再幫趁。是晚總銷費$202

我星期六9:xxpm左右到冇燒肉冇乳豬都算最衰係個經理嬸嬸樣衰之餘態度非常惡劣唔好意c都冇句落單的反應完全係唔想"撈"果隻@@"可能夜d燒味放左耐卦?一d都唔覺好食, 好普通但px一d都唔平(相比其他燒味)$43一個燒味反set

免不了要等位，好在不會太久，就有一張類似卡位的四人枱，桌子下方有齊刀叉匙著，既方便：）來得太興，都是燒味主打了，當然也會想試一試新出的創意fusion焗飯：）青芥末忌廉汁焗脆皮燒肉飯：完全沒有失望，飯底香滑，芥末味很足，不小心甚至有點嗆鼻，燒肉皮脆肉滑，與來自異邦的另一種芥末竟然也很登對：）化皮乳豬飯：一如既往的水准；涼瓜煎蛋餅：家常小菜，拿捏的火候很准，碟底無油，又不會過鹹，也不錯；另外加了碟油菜，跟餐有中湯和飲品，喜歡它用一個盅仔上湯，很久都可以保持熱力。奶茶都幾好。

4/11/2007 1:00PM下午要見工, 中午先同bf到“蔡瀾美食坊”食左lunch.一見到太興, 我就唸到好耐無食既fushion 焗飯. 一於試試!選了卡位, 坐得舒服. 一如所料, fushion焗飯仍然吸引, 有”野生蜂蜜蜜桃焗金牌叉燒飯”($42) , 青介末忌廉汁焗脆皮燒肉飯”..etc…5,6個選擇, 名字聽起黎都好想食咁.喜歡佢既叉燒, 便來一個野生蜂蜜蜜桃焗金牌叉燒飯. $42一個lunch set 黎講不算便宜, 但份量卻頗大,比一般茶記大. 一食之下, 食得出係即焗既, 飯是炒飯底, 略乾身. 上面鋪住既係大小同肥適中既叉燒, 而叉燒上面就有3片蜜桃片. 汁料微甜, 味道與蜜汁叉燒幾夾. 個人認為太興的叉燒做得不錯. 頗林身.Bf 要既係是西式午餐, 龍利柳意粉(蒜蓉汁).($42). 心唸o係太興食西餐?? 不如去西餐廳. 點知一上枱, 竟是驚喜! 份量一般, 卻估唔到塊龍利柳幾大! 煎得一d都唔會好乾, 而且新鮮, 無咩雪味, 讚~~汁料都係普通貨色, 反而意粉做得幾好, 用了香草略炒, 加上又做到al dente 口感, 好!

呢個集團有好耐，以燒臘起家，由賣燒臘飯到茶餐廳，再到而家走較高級路線，裝修靚。星期六中午與家人試幾樣，雞扒飯連飲品($38)、燒肉飯($28)及星洲米連飲品($40)。雞扒幾滑但係落唔少醃過所以無乜肉味，燒肉皮脆但肉幾「鞋」，星洲米炒得幾好又唔多油但係幾細碟，飲品就好普通。價錢比一般茶記貴，貴唔係問題，但係水準仍有待改善，希望可以再做好D，為茶記注入新動力。