太興 (已結業)

前几日放半日假，趁好天去了葵涌运动场做下，好认真地喺运动场跑了10个圈(想死咁制🤣)跑完步消耗唔少体力，个人又攰又饿~梗系要揾个地方舒舒服服，加冷气充足嘅地方滩抖下食番个悠闲下午茶啦！ 行过对面商场"新都会"望下有乜嘢啱食，我就拣咗系6楼嘅太兴餐厅， 本来想懒系健康叫一啲唔肥嘅嘢食，但系敌不过心魔，我实在太为食了😂见到隔离枱个个都系食炒牛河，好似好好味咁㖞，于是我又叫左碟"瑞士汁牛柳炒湿河" (连热饮 $52)正所谓……食完先有气力减肥㗎嘛🤪 碟河粉嚟到大碟到我惊， 实在太大碟，我四点几食完饱到夜晚都唔识得饿! 讲返碟嘢嘅味道先， 佢用咗瑞士汁嚟炒有啲甜甜地所以食得好开胃! 牛柳丝亦唔会话因为系下午茶所以畀得好少，拒绝对系畀足料你👍👍 如果可以畀多少少牙菜涌𠮶类可以中和返饱漏嘅口感，咁就好嘞! 饮埋杯热饮，我所跑嘅10个圈还返晒比运动场了😂😂😂😂太兴，瑞士汁牛柳炒湿河 $52