影片
以上资料只供参考，请与餐厅确认详情
招牌菜
午餐同同事食，呢度午餐係套餐形式，有7-8樣餸揀,，一飯加一湯無餐飲，我地一齊叫share黎食，整體感覺真係好似屋企開飯。入去差唔多未坐低先奉上每人湯一盅，是曰餐湯青紅蘿蔔煲唐排，呢挺家庭湯都幾正，清清地。唸真啲個店名改得勁貼切，菜都未點就有湯飲，仲唔係＂頭啖湯＂！環境端莊實在,沒半點浮跨, OK乾淨,座位不算多, 我地5人通常要稍等位套餐啲餸主打都係家庭餸，睇下你就知水蛋蒸得幾滑，肉碎較少，屋企煮嘅話實會落多啲，唔係嘅話梗係嗰個月唔記得俾家用牛肉炒白菜仔，呢味菜呀媽最鍾意整，南瓜芋頭排骨，賣相一般，但汁香甜，有南瓜味（呢句評語由我唯一FANS， NESTA87提供）炸菜蒸排骨，不過不失，如果屋企整啲炸菜會切碎啲鹽焗龍江雞，算有雞味整體黎講，家庭餸得黎水準幾穩陣，唯一最大問題係份量偏小，連細食小妹同事，平曰一定食唔曬自己碟飯，係呢道都要食晒碗白飯先夠，大家要就住就住咁挾餸，好似屋企經濟欠佳，唔太夠錢買餸咁！其實呢幾次大家考慮食唔食呢間嘅時候,主要考慮點都係驚唔夠食......如我上一篇食評, 唔介意加價幾蚊,加大D餸份量, 咁樣會多D去食呢度.
继续阅读
位於佐敦的頭啖湯，看見其名，固之然聯想到他是一間以湯會友的餐廳，今次一於要試試他能否做到以前阿二靚湯的質數。今日的例湯是西洋菜煲唐排，餸方面我選了清蒸鯇魚。不消一會湯便來了。湯是原盅上的，教我萬二分期待。我拿起湯匙，把熱窩窩的湯送入口中細意品嚐。從我三十多年喝湯經驗，這湯只可算是不過不失。這湯是否真的原盅煲的我有點保留，整體來說這湯不像坊間的老火湯一樣味濃。鯇魚方面，味道是十分好的，魚肉也蒸到恰到好處，魚肉也很彈牙。只可是店員姐姐給了我一碟接近魚頭的部份。換了是我嫲嫲的話一定開心到見牙唔見眼，但我這些八十後又怎懂食骨的樂趣，食了兩啖後我已無肉可食，看來要買定多點乾糧留代三点三食。
继续阅读
佐敦都係其中一個美食天堂，價錢大部份都好相宜，食物種類更加包羅萬有，呢間舖頭係位處佐敦近尖沙咀方向既，主要食家常小菜同老火湯，名字叫頭啖湯，呢個名字係我好細個個時成日聽，因為以前有一間連鎖店都係叫頭啖湯的，仲有好多分店架.，不過這間當然同以前個間一D關係都無啦。由於去到時都已經九時半有多，所以好多靚湯同燉湯都賣哂，只餘下老火湯，湯以原盅紫砂壺上，保溫之餘，又顯得專業。湯味鮮甜，用料豐富。一行六人叫了七個餸，有肉有菜又有蝦啦，先來一個惹味既梅子蒸排骨，排骨有少許肥膏，食落唔會咁靱，梅子汁酸酸甜甜好開胃。馬蹄蒸肉餅，蒸得好好，唔會實，一夾就可以散開，呢到蒸餸既能力好高。最後一個蒸餸就係銅盤杞子蒸雞，時間火喉較得好，蒸出黎既雞肉肉嫩鮮甜，而且感覺上用上藥材同蒸，成了一道好滋補既餸。呢到既黃金鮮魷雖則味道幾好，可是嫌佢唔夠脆口，而且唔夠起沙，膽固醇高，所以只是少嚐為妙。咕嚕肉是另一味甜甜酸酸既好餸，既可以用來送飯，也可以就咁食，反而呢味排骨炸得脆口，再以山楂汁同煮，味道清新。豆豉雞係待應推介的，這個我覺得好普通，或者說成豉椒炒雞球好D，因為基本上係同一樣菜式。最後，碟菜反而好好味，鮮綠爽口，無渣的，銀魚仔咸咸既味道更加襯托出一份甜味。整體食物質素唔錯，價錢並不是太便宜，不過都算合理既。間唔中黎食一次都幾好既。更多資料：http://hk.myblog.yahoo.com/zysk-c/article?mid=1042
继续阅读
叫了一個$18x 的二人set 每人一盅湯, 我飲了白菜煲豬肺 不錯, 足料沙拉骨 好肥! 得七八塊 激死! 蝦張銀魚炒介蘭 十條都冇呀! 咩d 菜好貴嗎! 激死! 因為個set 只係包 $48 的小菜, 沙拉骨要補錢, 加埋荼錢, 埋單成 $22x! 好貴呀! 貴不在價值, 係物非所值! 勸大家想食住家菜, 可以去tst 食 " 住家菜" ! 千其不要說這裏! 服務 本來ok的, 但係個阿姐一見我冇比到貼士, 便黑面走咗, 一句野都冇講 使唔使咁 ?
继续阅读
中午有35元的套餐, 包一盅湯一碟主菜一碗白飯, 不用加一試了 金針雲耳蒸雞, 雞肉很滑又大塊, 有多片雲耳, 還有甜甜的杞子一起蒸, 味道ok,可惜蒸到出晒油, 需要快手拿出所有料放在白飯上, 不敢放回那碟油上, 之後才能安心影食物.當日例湯是玉竹紅蘿蔔煲猪展, 猪肉近軟骨部份很嫩, 用盅盛載, 比較碗上的份量多,抵飲, 味道尚可.環境沒有特別裝修, 桌與桌之間很密集的, 坐得有點拘謹. 待應們很cool的,不會自動招待客, 只會無表面無出聲地工作.
继续阅读