好佰佰

营业中

休息中

駿洋邨正式入伙都已經好一段時間，商場食肆交通🚏都運作了好一段日子，與之距離十多分鐘⏰步行路程的我其實一直都沒有來過這裡😅，這次就趁假日走來這邊吃🍽早餐，順手看看這個新屋邨🏙沙嗲牛肉出前一丁 配 自選兩款食材 及 牛油多士 連熱飲 $35 （+$3 冷飲）（+$3 轉奶油豬或蘿蔔糕）香港人愛吃出前一丁，但要在茶餐廳吃這個就要額外💸收費；可是這裡就有一個「出前一丁」系列，連自選兩款食材跟多士和熱飲不過$35，不配自選食材也只是$30，很便宜😆呢！麵身煮得不錯，出餐時偏硬一點直至送到客人口中就變得剛好👌🏻！湯底不算有太濃郁的沙嗲味，添加最重點✨的麻油包也好像沒有麻油香，始終前者味道較濃必然遮蓋後者，如果我點其他口味的會比較好☺️沙嗲牛肉份量多，不過味道跟肉質就中規中矩沒太驚喜💁🏻‍♀️；搭配的自選食材點選了太陽蛋🍳跟香腸，略嫌太陽蛋有點太生，香腸味道正常自問不是太愛吃茶餐廳🧈牛油多士的我（澳牛另計！），看到這裡可以加錢另配奶油豬或蘿蔔糕這個加配選項表示很可以🥳！加配了一件蘿蔔糕，一般只有快餐店有這個選項，這店的味道不錯，😋煎得香口～ 而熱奶茶就正常發揮，以這個價錢絕對滿足🥰！店家位於新落成公共屋

好喇~上次試完雞煲, 今次就試下小菜先!一共叫左五個小菜~首先想叫個<燒鴨拼燒腩仔>,點知燒腩仔已經賣哂...咁唯有淨食燒鴨喇~ 不過不失!跟住叫左<豉汁蒸鯧魚> 魚仔雖然細細條, 但食落好滑亦都無泥味!<回鍋肉>個賣相望落去就麻麻,  食落去都系偏啖味啲啲<---個人覺得系食肉獸既健康之選<沙爹粉絲肥牛> 雖然吾整到咁濃味系幾健康既一件事, 但系真系吾知點解可以連沙爹味都無埋最後叫左個<薑汁芥蘭>, 但一黎到系變左【薑粒芥蘭】,真系哭笑不得結果系食一條菜就啜一粒食到咁上下,全場突然爆滿, 仲好多人叫鐵板餐, 莫非尼到最好食既系鐵板餐?咁就可以有多一個理由再試多一次

見收工凍凍地又肚餓, 走上去駿洋邨睇下有咩食先見到尼間好佰佰有雞傃食,就同同事衝入去!叫左個二人套餐同兩份雞煲,一個辣一個吾辣~雞煲份量略嫌小左啲,好彩叫左兩份, 如果吾系6個人真系食吾飽!咪道尚可以接受, 比起平時食既淡味小小二人套餐揀左酸菜魚同咕嚕肉!酸菜魚望落去無其他餐廳果啲咁大兜, 但碗裡面系密密麻麻 ,好足料!亦都見到好多花椒, 味道吾錯!!!咕嚕肉份量正常, 味道都無咩分別, 不過不失!睇下下星期黎試下啲小菜先

今日🚶去完火炭揀傢私，經過駿洋村米入去行下，發覺原來入面都幾大，自成一閣，都幾多野食，行下行下去到1/F見到間叫（好佰佰）既茶餐廳，見仲有下午茶餐🍜食，就入去坐低試下。佢地下午茶價錢都幾抵食，同埋都有d出面冇，唯獨依度有既特色茶餐。最後叫左2個茶餐。✨豬扒冬蔭功湯飯🍲：好大碗，好足料，塊豬扒🥩大塊又入味不在話下，個冬蔭功湯飯🍲好好食，d飯索晒d冬蔭功湯，變埋泡飯，1味2食。✨燒鴨🍗瀨🍜：燒鴨🍗一食落去就知有料到，外皮香脆，跟住一層薄薄脂肪，再到肉，層次分明，問番師傅，原來依度燒味係自己燒，唔怪之得咁有水準，仲要係$25，邊度食到。✨+$10瑞士汁雞全翼🍖：隻雞全翼滷得好入味，又唔會太鹹同太甜，味道剛剛好。✨紅豆冰🍧：有三分之二杯係紅豆，我要粒粒都咁大粒，跟餐加五蚊就有，仲要大大杯。雖然我係食緊下午茶，但我留意到原來夜晚佢哋都有雞煲食，而且聽講仲係招牌菜，下次一定會再嚟試。

Chicken fillet has always been my favourite when it comes to hk-style breakfast. That’s why I didn’t hesitate to order this when I was chicken instant noodles on the menu. The chicken is really good, crispy on the outside, and tender inside. The meat is really juicy too. Goes really well with two eggs and one carrot cake!雞扒一丁餐 ($38)經開火炭想食個港式早餐，即刻諗到好佰佰呢度嘅雞扒好大塊，大過我隻手，食落皮脆肉嫩，肉汁飽滿，完全唔係出邊嗰啲細細塊一啖就食完，同埋呢度嘅公仔麵係要出前一丁，麵質特別爽口彈牙。另外仲可以自選兩個配料，我揀煎雙蛋，而牛油多士仲可以轉做蘿蔔糕或者奶油豬添，選擇都幾豐富！

早兩日係火炭行完山，落返去係新屋邨駿洋邨，肚餓到爆，一人叫左個下午茶，屋邨茶記黎講個西多士幾正😋🤣.佢有個下午茶「叉燒瀨粉$20」👊🏻👊🏻無錯 係$20 🤣🤣 平到我第一下都唔信，但原來熱飲係加$6，不過都真係抵食啦，有成4-5舊叉燒，叉燒質素都唔錯，瀨粉係幼身瀨，比較彈牙。.之後其他餐都係正路既下午茶款，比較特別係可以自己擇A配B咁，唔使規定一定要配薯條/沙律咁。叫左「吉列豬扒配薯條$38」吉列豬扒正，炸到夠晒脆唔過火，薯條粗薯。「金磚四國西多士$30」就係呢個西多覺得好好食，中間既花生醬幾足料。「生炸雞髀配奶油豬$38 」奶油豬脆卜卜都唔錯，雞髀生炸都係咁，不過不失。.跟餐轉特飲算抵飲，轉凍檸樂+5 👊🏻，屋邨茶記好滿意啦，平均每人$30左右👍🏻

好耐冇食過茶記，今日就試吓火炭駿洋邨嘅茶記啦🥰 裝修以藍色為主，比人嘅感覺好舒服！💙🥜沙爹牛肉包牛肉好嫩，沙爹醬食得出有花生味，唔怕太甜或者鹹，味道啱啱好。如果個包係脆嘅話就更加好了。🐮日本芥末醬牛扒三文治芥末醬甜甜地，後勁有少少wasabi嘅辣。個包夠脆同埋牛肉都好嫩，整體黎講好開胃。🍗生炸雞髀配薯條全部食物都係即炸🤩!雞脾脆得黎又保留到肉汁，唔會話炸到乾晒咁。調味非常之惹味，大概用左蒜粉、洋蔥粉、椒鹽粉。薯條都炸到好脆同埋有有椒鹽係上面，真係超級好食🥰！☕️凍咖啡比較少飲茶記嘅咖啡，個人覺得苦少少會更加好。🙈🫖熱奶茶茶底夠濃，奶嘅比例如果可以少啲就完美了！🥰📍好佰佰 (火炭)👣火炭桂地街16-22號駿洋商場1樓102號舖

收銀員(戴眼鏡 短頭髮女人)態度真係好差好聲好氣同佢講嘢都好似得罪佢咁😅提一提佢杯嘢要少甜都要比佢講說話比你聽自己冇聽清楚啲order仲要怪翻個客以後都唔會再幫襯👋🏻👋🏻👋🏻

好味茶記好佰佰，好多伯伯都鍾意👴🏻（笑）呢間茶記裝修靚，亦都新淨、整潔，位好闊落。店員見我得兩個去都肯畀卡位我，服務質素都幾好，有一瞬間懷疑自己係咪食茶餐廳😂今次去呢間食嘅嘢都係經典茶餐，包括菠蘿生炒骨同埋經典叉燒瀨粉。生炒骨夠鑊氣，夠足料；瀨粉軟硬適中有口感👍🏻叉燒不過不失啦兩個人夾埋112埋單，包曬熱飲同例湯😋呢個價係逆市呀！＊為咗呈現食物最真實嘅狀態，圖片都冇加effects、調色。=====================

去附近探朋友，見到呢間幾乾淨，就入去試下，點知有驚喜😋下午茶時間兩個人叫兩個set，食到飽飽😋吉列魚柳配沙律吉列魚柳勁大塊，炸到外脆內軟，金黃色😍配上沙律簡直勁邪惡🤣沙律有粟米、蘿蔔絲、菠蘿、桃😋金磚四國西多士呢個真係勁有驚喜！外表已經好靚，有一大塊牛油鋪喺上面，糖醬自己落，西多士係兩塊包夾埋一齊，中間查咗花生醬，勁好食😋😋👍呢度嘅特飲只係加五蚊🤣🤣所以叫咗兩個。凍檸七+韓國柚子蜜，味道都正常。呢個商場泊車頭半個鐘免費，之後都只係17蚊一個鐘，停車場仲有叉電位🤣tesla粉絲可以黎🤣

一直有堂食開 但已經愈食愈差 今次外賣燒鵝飯$45 以為比髀位好好啦 點知下面但幾乎冇肉 似係起左啲肉囉 再加多2塊皮 一開業果時係好既 真係冇下次 咁係近既話都真係唔會幫襯！！！!!!!!!!!!!!!!!!!!!!!!!!!!!!!!!

如果唔係去探朋友都真係應該唔會嚟到火炭呢個屋邨😀朋友話呢度嘅下午茶小炒抵食又好味，下午茶嘅價錢，但個份量係午餐/晚餐咁大碟😮我就order左炸魚柳配蒜蓉多士，炸豬扒配奶油豬，同埋一個叉燒瀨。真心叉燒瀨係一定要試，20蚊一碗完全係時光倒流價，仲要係好味又飽肚😜d叉燒肥瘦均勻，蜜汁味突出仲要燶邊，真係好抵食呀😙炸魚柳同埋炸豬扒炸粉都好薄而且好脆口🥰個蒜蓉多士都好正，蒜蓉加牛油香味好突出，仲睇到一粒粒嘅蒜蓉😍多士烘到黃金邊，超香脆😋 如果有機會再嚟駿洋邨都一定會嚟呢度食嘢😁

今日在火炭做完瑜珈後，於時到附近到駿洋商場搵野食。見到呢間茶餐廳價錢唔貴，賣相幾吸引。餐廳位置又寬落一於入去睇下食咩好。款式的種類選擇多，價錢仲要幾抵食。於是試下些邪惡，但我最愛的下午茶餐食物先。遲下先再做運動。1.金磚四國西多士（$30）上桌的時候，發現原來好大 份和好大件。外表與平時一塊面包的不同，佢有四大件。炸得金黃香脆，食落沒有一種油膩的感覺。面包軟熟和厚，且內有好多我中意的花生醬。2.燒鴨雲吞米粉（$39 ）在餐廳門外見到掛住好吸引的燒味，於是一心想食佢的特價燒鴨麵（＄25）。但見到有的我最愛的雲吞，於是叫左燒鴨雲吞米粉。燒鴨係鴨脾的肥瘦度適中，有好香的鴨味，皮脆肉嫩。雲吞皮薄餡靚，勁足料，內的蝦爽脆。3.經典原味紅豆冰（轉特飲+$5）勁多紅豆的紅豆冰，甜度岩岩好，紅豆煲得剛剛好，夠淋且仲原整一粒粒，唔會爛哂，有口感。好味道。員工的服務態度細心，因為我唔小心倒曬水，佢地即刻攞毛巾抹枱，無比面色我睇。👍🏻

去完火炭駿洋邨探朋友，就去駿洋商場食個午餐！好佰佰 係港式茶餐廳，食物選擇多元化，坐位寬敞舒適，環境整潔明亮！極上叉燒煎雙蛋飯 $48係黯然銷魂飯呀！叉燒肥瘦適中，軟嫩多汁，好味道！兩隻煎太陽蛋，煎得好靚，將蛋黃攪埋飯一齊食，好滋味！秘製咖哩豬扒飯 $48另外仲有牛腩及雞扒可以選擇！超大碗咖喱汁，內裡仲有薯仔，洋蔥等，份量十足！豬扒大大塊，口感鬆化，再加埋咖喱汁，yummy!凍檸檬茶 加$8熱檸檬茶 加$6

見今日有啲時間過左黎食下午茶，五點零鐘到無乜人，唔洗等位今日晏左食午餐，一點半先食午餐，唔係太餓無嗌炒粉麵飯食，最後揀左個多士黎食見呢期都無乜點食過西多士，所以嗌多左個西多士金磚四國西多士 $30呢個西多士同其他茶餐廳有少少唔同喎平時見開一開九嘅，呢度嘅西多士係一開四嘅，砌到好似四舊金磚頭咁樣厚多士製作嘅西多士更有口感油醬多 $23醬料份量適中唔太多，花生醬味香經典原味紅豆冰 下午茶餐加$5紅豆多，冰量唔太多