好味來正宗重慶美食 (已結業)

行完街到晚飯時間，就周圍搵下有咩食，見到新開左間重慶小店，睇落好似好平民既小店，又好似價錢幾平，就入左去食.1️⃣四川擔擔麵 $40⭐️⭐️⭐️份量超級大碗，鋪滿了蔥和花生和肉碎，我們叫了小辣，味道真的小辣，不是太能吃辣的人絕對吃到，但是有點過油，擔擔麵就很有口感2️⃣酸辣粉$48⭐️⭐️⭐️份量也是很多的，偏重口味，薯粉很有咬口，喜歡吃薯粉的人可以選擇這個.3️⃣辣椒炒大腸$68⭐️⭐️⭐️份量反而是最小的一道餸，用很多配料去炒，花椒很多，麻味很重，大腸有咬口，喜歡麻辣的人可以試試.環境：6/10服務：7/10好味指數：6/10回頭率：7/10

一直對於川菜、重慶酸辣粉等菜式嘅興趣一般，可能因為自己唔食得辣，不過老公想食就陪下佢啦呢間重慶嘅川菜鋪頭，係新開嘅，所以環境都好舒服，我哋一人叫咗一個粉我要左自製豬大腸紅薯粉，叫咗小小辣，冇諗過佢嘅辣到竟然真係啱啱好，係我可以接受嘅辣味，當然食完個嘴都有少少麻，但係味道係正嘅老公就叫咗一碗肥牛、豆卜同蓮藕嘅刀削麵，佢係可以好似車仔麵咁樣揀料，佢叫咗小辣，佢話味道都幾好，而且份量夠晒我哋仲叫咗手包嘅餃子，有兩種口味，一款係粟米香菇、另一款係韭菜，$48有10隻，每一隻都大大嚿，都幾抵食呀鍾意食川菜嘅朋友可以黎試吓啦❤️

由於工作關係，平日中午時份經常會响尖沙咀打躉，基本上呢區大部分嘅餐廳都試過。所以，今日終於下定決心响OpenRice度搵下有無啲新開嘅店，見呢間無乜食評，雖然唔係食辣嘢嘅超級fans，結果都同另一個唔食辣嘅朋友膽粗粗一齊去試吓。一如所料，齋睇過門面就知道係新開入面裝修簡約，有一種家庭式小店的味道我自己叫左個手撕雞麵(小辣), 朋友叫左個豬什麵(走辣), 再叫左一客紅油抄手(小小辣)大家share, 另加2個飲品。味道唔錯，可能係地道人處理嘅關係，同我之前响重慶食嘅味道基本上無分別，另外紅油抄手有好多隻，而且皮薄，扺食。老實講，埋單價錢一啲都唔貴，值得推介俾大家嘅一間家庭式小店。

今日嚟到尖沙咀漆咸道南81號，南海大廈地下B舖， 好未來正宗重慶美食， 入到店內老闆 很禮貌，安排咗我坐一個很優雅地方， 我叫咗一個餃子， 餃子十分鐘來到了，嘩！餃子裏面有很香的肉，同青豆很清甜的粟米， 麻辣蓮藕片， 超級爽口的蓮藕片， 有得選大中小辣， 同不辣， 還有一個 麻辣 豬什刀削麵， 豬雜刀削麵來到了， 有很多蔥花， 很香麻辣味，同豬雜的金香味， 豬雜 超級爽口， 刀削麵很彈牙，很有口感，超級好味， 下一次再嚟到尖沙咀，一定會幫襯多一次。

夜晚行街經過，口痕想食辣野，就入左去食，見到其實人客都多我地得兩個人，又唔係大食，所以就叫左個重慶小麵、幾個串串、萵荀絲同杯豆漿！佢同我平時食開既重慶小麵有D唔同，因為通常上面會有D花生，芫茜灑係上面。第一眼睇落以為個味會好淡啦，點知！好好食！！！！佢湯汁個味係輕鬆辣之餘係唔會過鹹，辣味同酸味亦平衡得好好。佢個麵質有D似車仔麵但滑身好多，成個FEEL係好LIGHT，係夏天岩食既辣另外叫左幾款串串，包括豬肝、海帶、豬肚絲同雞腎～整體味道都OKAY，叫做入味既！萵荀絲炒得好青綠爽脆，唔洗太複雜既調味，會想一淡接一淡食曬佢。口渴叫左杯豆漿，連個杯都係印左鋪頭名不過豆味較淡，可以再濃返少少呢～·

今日經過尖沙咀見到一間新開既重慶餐廳 無辣不歡既我當然要試下啦店內裝修好簡單 好家庭feel 但亮點黎啦 d櫈用左瑪麗蓮夢露既頭像 睇唔出老闆娘都有獨特既眼光 為普通既小店加左一份時尚感口水雞 $58(好味指數: 😋😋😋😋)口水雞好入味 差唔多啖啖肉 個底鋪滿青瓜條串串香 ($7~12 /串)(好味指數: 😋😋😋😋😋)我地點左中辣 但對我黎講一d都唔辣 中意食辣既朋友仔可以點再辣d 串串香我地就嗌左黑木耳 豆腐串 西蘭花 萵笋 豬耳 豬頭肉 海帶 每串都好入味 鹹度適中 麻香味好重加埋蒜蓉好夾自制牛肉麵 $48(好味指數: 😋😋😋😋)個湯底真係要讚 好濃味 仲有好多我最愛既芫荽 而個麵係担担麵 (仲有幾款麵底選擇 有米線 烏冬 公仔麵 紅薯粉同刀削麵) 個牛肉煮到好冧身 讚 而唔食辣既朋友仲可以點高湯tim(5分為最高)整體食物質素: 性價比: 推薦指數: