好好運快餐店 (已結業)

‼️ 沙嗲牛肉關注組‼️•① ［ 沙 嗲 牛 肉 麵 餐 （配 餐 肉 、紅 腸 ）］ ｜可以任選2款。真的很好吃！不過佢花生味就冇咁濃，最主要係沙嗲個種辣味。而家佢哋搬咗新鋪就冇之前要排得咁誇張。大家快啲去試啦～|𓋪 8/10•Very Good Luck Fast Food Shop (Lai Chi Kok)Shop 3, G/F, Peninsula Tower, 538 Castle Peak Road, Lai Chi Kok

猪队友话带我去一间人气沙嗲牛肉面试试喔来到发现正门门面是封住了的 旁边有指示在旁边的半岛大堂地下右侧进去店里进入大堂右侧的门（没指示有点不显眼）特意错开午餐高峰期 2点多才到还是几乎满座的点餐清单🧾✔️沙嗲牛肉面餐 50¥面条选了公仔面！还可以选米粉米通米线意粉➕任选两款配料（煎蛋·炒蛋·餐肉·肠仔·红肠·火腿·烟肉·雪菜肉丝·榨菜肉丝）饮料➡️咖啡或奶茶✔️沙嗲牛肉公仔面 35¥单点不是套餐～沙嗲味道很香，有点点甜～牛肉是新鲜牛肉，很大一片片～嫩滑唔会太烂公仔面很爽滑，搅拌后十分吸味～冻奶茶好大一杯！茶味很浓，还挺好喝的～✔️多士 15¥要了奶酱多～表皮烤得焦脆！！！炼奶➕花生酱就有一点点甜甜的～喜欢甜食估计会很爱啦🔍好好运快餐店📍荔枝角青山道538号半岛大厦地下G3铺🈺️周一到六 07:00-17:00 周日/公众假期休息💰100¥

睇完關注組就去試一試，都冇失望既😍配料方面都好足料🤩🤩飲品揀咗菠蘿冰同檸檬茶，菠蘿冰比較遜色，似罐頭糖水，檸檬茶就不過不失。除咗沙嗲牛肉麵之外，都想試其他野，可以再去😋

一直都有聽講呢間茶餐廳既沙嗲牛肉非常出色, 之前知道佢結業不知幾傷心, 好彩而家揾到新地方開返先有機會一試餐廳入口好隱蔽, 要經過商廈先去到. 星期六中午時分大約等十分鐘就可以入座, 兩個人索性叫哂佢既飯餐同麵餐試下邊樣好食啲沙嗲牛肉飯配雙蛋本來就係一個不敗既組合, 再加上呢度既沙嗲醬有好濃既花生香同香料味而又唔會得個辣字, 一食就明白點解會咁受關注組推祟👍🏻沙嗲牛肉麵當然都係非常高水準, 而且個醬配麵食又好似比起配飯更加夾, 成件事又再提升左😂除咗沙嗲牛肉之外呢度既紅腸亦都好出名, 肉質札實彈牙之餘大大舊食落好滿足, 難怪晏啲去都未必食到呀

沙嗲牛肉麵係普遍香港人的例牌早餐，但一間食店能把一個早餐賣足全日，仲要咁多人排晒隊等位真係唔講得笑。今日慕名而來親嚐出晒名嘅沙嗲牛肉麵，下午4點嚟到唔駛等位，餐廳枱唔多但坐得都舒服，雖然餐廳都有其他食物，但眼見個個都係食沙牛麵，一個麵餐另加兩款餸包冷熱飲品$50。我點了沙嗲牛肉麵+榨菜肉絲+炒蛋及凍檸茶。麵煮出來嘅時間剛好，煙韌彈呀麵質爽口，雖然佢只係一個普通嘅大光麵，但控制到個時間剛剛好。先飲啖湯，湯底比一般茶餐廳嘅湯底要濃，再食一件沙嗲牛肉，嘩！好味到呢！濃厚的沙嗲醬食得出好香的花生醬味，牛肉淋且掛上沙嗲醬的香味，真係好好味；再試下個榨菜肉絲，呢個榨菜肉絲係自己炒，肉絲份量唔多，有淡淡的辣椒及蒜香味而榨菜更加係無得頂，完全無鹹味，榨菜爽口仲要有蒜香，呢個榨菜肉絲整得好好味，炒蛋無乜特別加左奶落去炒好滑。成碗麵真係無得挑剔，唔怪之得咁多人排隊都要食啦。

終於試到沙爹牛關注組嘅熱店！😍🌟 沙爹牛雪菜肉絲滑蛋米通佢哋嘅沙爹牛果然係好食，味道超濃，花生醬味重，仲食到有花生粒，牛肉都唔會韌～另外想讚下佢哋個滑蛋真係炒得好滑，雪菜肉絲都好食，啲肉絲唔會柴，雪菜唔會死鹹～😍同埋好鍾意佢哋個米通，滑嘟嘟的，同埋好少茶記有得食😆份量都足呀！🌟 奶醬多我想講呢個真係好有驚喜！麵包烘得超脆😍裡面啲奶醬多到漏出黎，同埋上枱嗰陣仲係熱嘅，真心好食！🌟 奶茶茶味夠濃，夠曬細滑！正呀😍

姐係咁, 味道呢啲野真係好主觀, 我鍾意唔代表其他人鍾意😛 但係佢個味正正就係我一直追求嘅沙嗲牛味!!!!佢個味夠濃, 濃得黎又唔會話好咸, 而牛肉嘅份量極之慷慨, 比起出面啲茶記多20%個麵質做到岩岩好, 唔會太淋或者成餅野要浸下先食得$50沙嗲牛+兩個餸+飲品真係抵到爛, 我唔知荔枝角食野咩價錢, 但係生活喺港島嘅我絕對覺得抵到爛!!

終於食到傳說中最好既沙嗲牛肉麵之一，果然不負所望，首先沙嗲醬係偏花生醬，I like it🤩，而且小店一d都唔吝嗇，所以連湯底都變成濃濃既沙嗲湯底。沙嗲醬係靈魂，咁牛肉一定係肉身，肉質新鮮，而且片得好薄身，好咬口。今次係一早去食，百搭麵餐重可以簡三款餸，其次揀左煎蛋同紅腸，煎蛋係脆邊太陽蛋👍🏻紅腸就勁厚切，太厚身偏多左肥肉，而公仔麵質都好食。另外朋友揀左炒蛋，望落都好出色，重好嫩滑。另外重加配左奶醬多，都好足醬。淨麵已經超飽，食埋份多士真心飽到傻😂其次就要講下杯凍奶茶，茶底香，無茶澀味。所以除左沙嗲牛外，其他野食有返咁水準。📌好好運快餐店 (荔枝角)📍荔枝角青山道538號半島大廈地下3號舖

呢間沙爹牛已經係荔枝角的名店, 唔需要求多介紹的.位置係半島中心的停車場入面, 去過一次就搵到.中午十二點半去到, 已經要排隊等位  還好我一個人, 加上全場係要搭枱的, 所以等了几分鐘就入得.餐廳的方枱或圓枱都唔算細, 用板卡間了一個人的位出來 夠放一碗面, 一杯飲品, 仲有地方可以放手機, 叫了個沙爹牛米通配炒蛋紅腸.牛肉的份量超多 (應該係其他茶記的一倍份量),  食到底都仲食到牛肉.沙爹汁夠濃, 係濃唔係咸, 食了之後亦唔會太口渴的感覺.炒蛋也叫粉得滑, 唔係變成蛋皮個種.紅腸兩件, 但厚切, 一件可以當兩件, 厚度應該亦係茶記之冠了.招呼正常, 去茶記基本就係要求快靚正,   點了餐之後飲品同麵都好快送到的.但也有要改善的地方 因為餐廳唔算大, 人亦多,  所以冷氣偏凍, 預左你食了就立即走人那種.奶茶的茶底唔得, 好澀, 沒有紅茶的香味及回甘, 比一般的茶記要差.只收現金,  連八達通都無但單以沙爹牛來講, 確實真係好出色的.

荔枝角依間嘅沙嗲牛肉麵長期被人追捧，難得平日off，一於去試吓，平日下午三點左右，餐廳內有不少食客，但好彩也不用等位就可以食，食物同飲品都好快上枱，沙嗲牛有花生🥜香，肉質鮮嫩淋身，沙嗲醬夠濃，掛麵，紅腸大大舊，好有咬口，啖啖肉，但比較鹹咗少少🤏，炒蛋夠滑，公仔麵🍜軟硬程度剛好，$50連飲品，份量不少，整體來講係幾ok.#沙嗲牛肉#公仔麵#炒蛋#egg#🥚#下午茶#tea#荔枝角#人氣#關注

No. 2 ate) 港式作為一名關注各大「關注組」的人士，對沙嗲牛肉的關注早係此店搬鋪前已出現。對於遲遲未能探店的回應，最好的回應就係搵一個星期日的假日，探個究竟。還以為星期日的工廠區人流會變少，但於約下午1點到店後仍有不少人排隊，證明此店吸引不少人慕名而來!排隊時已有職員派餐牌及點菜，拎起餐牌基本上毫無懸念，直接來個沙嗲牛肉三餸餐，配上外面餐廳較少有嘅米通。沙嗲牛肉：大大件，淋身!雞蛋：特意叫上半生熟，蛋汁撈埋米通食!紅腸：認真抵食又大件，厚厚紅腸口感好正!米通&湯底：湯底好濃味，雖然食完有D口渴，但食米通就係要撈埋湯一定食先好味道凍檸茶走甜：正常，沒特別喜歡係沙嗲牛肉的人應該最少都要黎試一次

世一沙爹牛。。。非他莫屬👑沙爹牛關注組，經已多年，由舊舖搬到新舖🗣沙爹牛肉米通配午餐肉 腸仔，凍0T 冷熱同價$50本身想要紅腸，可惜賣晒😢😢唯有午餐肉，午餐肉都偏厚，口感茶記感覺🤓米通我反而覺得偏淋身，之前試過揀公仔麵系爽口架🗣入正題。。。。沙爹牛極多牛肉，牛肉淋身，而且冇食到梳打粉牛(最怕有時食到cheap cheap梳打粉嗱啲牛肉淋身，啲梳打味)沙爹味勁濃身，有好濃香花生味，而且唔會湯底杰撻撻，食完我又唔覺勁頸渴喎，一啖米通配埋沙嗲湯一流👍🏻份量十足，惹味食得曬椒鹽墨魚丸配飲品 $38個人覺得冇特別，而且得六粒，下午茶黎講都算貴🤭大家都系食番招牌沙嗲牛就可以了🤤🤤🤤

港式茶餐廳又點會少得沙爹牛肉🐂作為半個荔枝角人,一定要推介長居@沙爹牛肉關注組 榜首既@好好運快餐店嘅沙爹牛. 之前因租約期滿而餐廳光榮結業,後來另覓舖位,原區重開.人潮依然,味道依然,人情味依然,重開後更加吸引外區既人來潮聖呀！平日lunch繁忙時間真係好多人排隊,所以依家新舖出面有個專屬位置俾客人排隊的 @好好運賣的不是華麗既裝修（小店坐落什至乎坐得逼逼地）,亦不是食物精緻既擺盤 ,賣的是食物既味道,港式快餐美食傳統既風味,真材實料,用味道來KO你.餐廳冠切一貫茶記作風, 快趣又有效率.未坐低,係門口等緊位嗰時,伙計已經俾定個餐牌你幫你落定單,坐低無耐唔洗3分鐘就即刻有得食,勁快！ 🔮沙爹牛肉麵 + 自選兩餸  連飲品食完就會知道點解會係關注組第一位.沙爹牛個汁好香濃花生醬味和沙爹味,又唔會太鹹,而且係用鮮牛肉,牛肉質地軟腍有肉味,而且每片肉也不會切得太薄 ,所以咬落有口感,又好入味！真係好正！我點咗紅腸和太陽蛋做兩餸,兩片紅腸勁厚勁大塊,仲煎到好香,外面脆脆地！正！ 🔮沙爹牛肉包  推介推介推介👍！好嘅嘢係要講3次的！爆餡沙爹牛包,牛肉份量至少有成10大片,又勁多source,咬

咁啱去開呢頭我見到呢間都幾出名嘅茶記，就決定試吓佢。星期五2:00嚟到都算多人，但又未去到要等位。我見到呢度好似出名食沙嗲牛肉麵梗係揀返個沙嗲牛肉麵餐 （其實即係沙嗲牛肉麵再加兩個自選嘅餸），我就揀咗餐蛋，將佢變成沙嗲牛肉餐蛋麵，一次過食晒我最鍾意食嘅兩個茶餐廳麵🤣餐蛋就唔特別講啦，都係平時咁樣，但係啲沙嗲牛肉真係好正！感覺就好似你去食串燒啲沙嗲醬直接放咗落碗麵度咁樣，好香嘅花生味。配合埋牛肉一齊真係perfect match 。公仔麵佢個硬度亦都控制得非常好，都好啱我嘅口味。$50蚊連野飲價錢都算係咁，值得推介！

好好運系荔枝角美食名物之一😋 喺沙嗲牛肉麵關注組一直備受推薦👍沙嗲牛肉麵餐 ($50)除咗沙嗲牛肉麵，仲包兩個餸連冷/熱飲品，真系超抵食🤭 牛肉嘅份量係超級多，食晒啲麵都仲有大量牛肉，沙嗲汁味道濃郁，絕對推薦大家一試👍