好好點心飲茶專門店•椰子雞煲專賣店

营业中

休息中

公司附近既餐廳已經食到唔知想食咩，就轉去飲茶啦。呢到具有中國特色既裝修枱面有傳統茶具比你自己泡茶（功夫茶）都幾特別雖然自泡功夫茶幾特別，但茶樓用黎裝清水既膠樽系循環再用（唔知用左幾耐先換一個😑)點心紙都幾多食物選擇，懷舊新式蒸點，飽點，香煎，甜點既都有鴛鴦燒賣$32白色燒賣皮加牛肉球，已經好多地方冇得食架喇唔知系咪太耐冇食，特別覺得好味鮮蝦菜苗餃$28餃皮晶營通透，菜苗同蝦肉都非常足料白灼油菜心$20菜芯翠綠份量土魷肉餅$29肉餅鬆軟，豉油還是甜甜的，撈飯非常好吃。所有食物都是即叫即蒸，等候時間需時。雖然食物好吃，但店員態度麻麻地，廚房師傅有些沒配戴口罩。希望得到改善

尖沙咀地鐵站一出本身想去銀行入錢 對面見到大大個招牌寫住椰子雞火鍋 本身諗住以為夜晚先有雞煲食點知佢話中午都有 咁就同兩個朋友一齊去試吓味道正宗 同深圳口味差唔多 應該係用新鮮椰子🥥 做湯底 因為睇到佢哋啲職員自己搬椰子 同埋煮完雞後每人都飲咗一碗湯行兩個朋友都話係堅野牛肉又叫咗二百幾蚊嗰隻夠大份 味道都可以 本身個椰子水湯底配埋嗰啲鮮甜味出晒嚟整體黎講 性價比高 地方夠大可以慢慢食埋單每人先200唔使下次會再試下d點心

这家店不仅点心好吃， 而且服务特别周到，服务员非常之有礼貌椰子鸡非常之好味，同海南椰子鸡一样，不同于平时的火锅，赞👍茶文化：功夫茶🫖之前都是喝熟普洱，这次想降降火，尝试了生普。口味有些清苦，但是回甘也不错。

當我第一次嚟到呢間店品嚐椰子雞鍋，就很滿意同喜歡食呢個套餐，因為個湯底真係好有椰子味，加上啲雞好新鮮，令到我食完第一次之後就經常嚟呢間店食椰子雞鍋啦，佢嘅煲仔飯又好香，所以食極都唔厭，加上所有服務員嘅服務態度又令到我有賓至如歸嘅感覺，尤其係喺2樓嘅四眼姐姐好殷勤咁服務住我哋，每一次佢嘅服務都令我十分滿意，計起來我每個星期都嚟足三次或以上，這足以證明這間店嘅服務同品質係我追求嘅標準，同時我介紹俾我的朋友佢哋嚟嘗試後都非常滿意，原來我的朋友食完後佢哋又再介紹佢嘅朋友來品嚐，我要俾呢一間店100分的評分👍👍👍

好味的椰子雞鍋，已經幫襯好幾次，湯底清甜，雞滑，飲完湯食完雞之後，再換豬骨湯底打邊爐，邊爐配料都不錯，另外套餐會配煲仔飯，正！而且服務姐姐非常親切，每次都好好招！

今日想介紹茶文化給外國朋友，所以來到這家，亦是我第一次入來食嘢，一班阿姐企係附近倾偈，雖舉手數十次卻無人理，後點了熟普爾，僅送來一支礦泉水和空的茶壺後，連茶葉都沒有，亦無任何解釋如何操作，更無提示我哋原來需要自己燒水泡茶，就全部走哂。之後我抱怨幾句未見茶葉等等，個阿姐仲同我嘈交，話難聽，且惡得不得了。呢種舖頭，服務質素咁差，仲同客人鬧交，我在朋友面前乜都冇哂，好心情被搞的極差。香港地，質素好服務好的舖咁多，真係奉勸唔值得去這家試！

第一次試椰子雞鍋！好好味！我們9個人，大人小朋友都吃得很高興！環境衛生、食物好味！最難得是服務十分好，服務員和老板都十分友好！多謝你地請小朋友吃芒果布甸，他們超喜愛！感謝！

餐廳有兩層，內裡裝潢回歸中國古典風，田園中的客棧設計令人感覺舒適，但又不像酒樓那般熱鬧，頓時脫離城市煩囂，可以靜心品嘗一杯熱茶。🍵茶葉可選生普洱、熟普洱、鐵觀音或武夷山水仙，提供一整套的茶具，包括茶壺、茶隔和茶海，旁邊有大瓶的蒸餾水和熱水壺，自行加熱再泡茶就可以了。據說蒸餾水比自來水更適合泡茶，不知道是不是有這一層的巧思呢?🌟好茶配點心，可以試試一些比較特色的點心，例如排骨陳村粉、鵪鶉蛋燒賣等等，當然也有糯米雞、牛肉球、奶皇包等的常見款式。點心即點即蒸，全部新鮮熱辣，用料充足，味道出色，價錢也很親民，下午兩點半後還有八折優惠呢！🥥另外餐廳還主打椰子雞，不吃點心也可以來吃火鍋！

係尖沙咀整完頭髮，諗住是但搵一間茶餐廳，無意中見到這間奇怪嘅點心店，有點心、炒牛河、煲仔飯，竟然仲有椰子雞鍋.......抱住一試嘅心態，叫了半隻嘅椰子雞鍋，椰子雞湯好清，只有幾塊椰子及幾粒杞子，好似清水一樣，賣相不吸引。未落雞之前，試了個椰子雞湯，竟然很清甜，椰子味很濃郁，不錯雞肉嘅顏色很白，食落口有少少雞味，當煲完雞後，再試過椰子湯，越煲越甜，竟然更好飲！值得一讚的是，當飲完個椰子湯，會有提供豬骨湯，這是你可以再order其他肉類，或者直接淥青菜🥬煲仔飯選擇了章魚肉餅，即叫即煲，很香，還有飯焦，感覺很大煲，章魚肉餅鋪滿了整個煲面。中午嘅椰子雞鍋（半隻雞）加個一個煲仔飯，再加一碟菜，都係$268 ，不用+1服務費，只是每人$15嘅醬料費包功夫茶錢。另外有一套功夫茶杯，枱上有熱水可以自己加水，感覺很有心思，見隔離枱食嘅點心也不錯，下次可以試吓點心。去的時候是下午4:30左右，店面也差不多坐了八成人。店面裝修比較中式，坐得很舒服，一間店入邊有這樣多食物上的選擇，也是比較驚喜的，感覺比連鎖店好得多。

初次在中午來吃。是一間誠意十足食店。食物送上時熱到出煙，紅色腸粉有特色，雞球大包好味。加上特色潮洲茶具好玩。其他食品正常，員工服務好。中等價錢中等質素。唯一是：最好除去蒸餾水上招纸，才循環再用此膠水瓶載“生水”。

香港難得好味的椰子雞😋椰子雞湯底清甜椰香十足，無味精，我地最後飲晒d湯⋯⋯雞係用海南文昌雞，兩個人叫左半隻，好滑，有雞味，正。宜家有新開張套餐包椰子雞半隻+一款青菜+一個煲仔飯，煲仔飯好足料丫好味自己沖功夫茶有野玩下，幾開心，叫左熟普洱，茶都幾香。茶位+火鍋調味料$15一位，好抵！米芝蓮級服務，耐心解釋所有野，仲會過黎問下d野食ok嗎好味嗎😊睇佢既點心紙都覺得好吸引，可惜今次已經好飽，下次要再黎試點心丫～～

今日嚟到尖沙咀區一間有功夫茶飲嘅點心店。店內設計頗有中國特色，點心應該即叫即蒸，因為全部點心上枱都係熱辣辣，好好味店員服務態度非常好，好helpful ,而且不時都會同食客有講有笑，感覺好親切

經過見到有煲仔飯食就入嚟試下。坐底就見到沖茶嘅茶具同水煲，自己煲水沖茶飲。我哋點咗水仙，一倒熱水入去就聞到茶香！我哋叫咗紅米脆皮蝦膠，鮮蝦菜苗餃同菜。紅米膠嘅脆皮勁脆，係剛炸起；菜苗餃都係即蒸。另外叫咗辣醬都好好味！ 叫咗土魷肉餅煲仔飯，個樣好靚，飯焦又剛剛好，肉餅又唔會蒸過火，好味過廟街個間！行過發現咗呢間性價比高嘅點心煲仔飯！下次可以試下佢個雞煲！

朋友說尖沙咀有所點心店以全新面貌新開業，想過去品嚐一番，便相約我午餐到此一同用膳，向來喜愛嘗試新餐廳、新菜式的我自然是不會拒絕，便跟隨朋友到這用膳。店舖以前是聘請粵廚的，主營點心，現時轉換了廚師同時亦重新裝修，成為新開張的餐廳，這裡晚間主營火鍋、椰子雞，午膳則仍然從事點心。香片 餐廳爲每枱客人提供一套沖茶用具、一瓶蒸餾水、電子熱水壺，以讓顧客自己沖泡茶葉。茶葉方面我們點選了香片，泡製後色澤淺黃明亮，飲用味道清甜幽香，醇厚濃郁，且帶有出眾的鮮花香氣。白灼油菜心白灼油菜心色澤碧綠，入口新鮮爽脆，柔嫩清甜，菜味濃郁，師傅只作簡單調味，沒有加入額外配料製作，以帶出食材原味，配搭醬料進食，整體更鮮味十足。原隻鮮蝦腸鮮蝦腸一碟有六件，其外型皮薄餡足，腸粉皮呈現半透明狀態，口感柔韌軟糯，黏度頗高，內餡每件均用上原隻鮮蝦，入口鮮甜濃郁，彈牙爽口，沾上豉油享用，味道惹味可口。奶黃流沙包奶黃流沙包一籠三件，外型雪白圓潤，包點外層製作薄身，入口酥鬆香軟，內餡流沙奶黃黏度甚高，帶有起沙口感，味道濃郁鹹香，綿密滑溜，富有奶香和蛋黃香氣。紅米脆皮腸色澤通紅的脆皮腸外層是使用紅米漿製作而成的，其口感軟糯嫩滑，中層酥

火鍋店外牆裝橫富有極重中國風，可惜街道視界窄，係對面馬道先可以睇晒外裝全景。鋪頭有兩層，空間理想，眼見多數為中型台，合4-8人聚餐。入座後，每台都有功夫茶套裝，即熱水壺、蒸餾水、茶壺、小茶杯....，用本用蒸餾水感覺幾好。場內通風不錯，眼見衛生情況良好；坐位就中式卡位部局 ，勉勉強強喇。嘢食方面就主打火鍋、雞煲、椰子雞，因為有朋友未到，點左幾樣點心食，味道都不錯，點心價格以晚市計算幾抵，野食都係熱上，炸野脆身。椰子雞方面，只有頭轉為椰子水，大約有半個邊爐甘滿，開鍋飲咗啖冇溝水，做得不錯（當然冇得同大陸石鍋椰子水不停補去比）。火鍋料只有一張款式大概50樣左右，偏少選擇。火鍋料價錢以尖沙咀計算尚算適中，整體材料良好，牛肉方面選料幾好，可惜切得比較薄食落口感欠奉。套餐跟煲仔飯一個，開鍋香氣十足，布邊有飯焦不算痴牙，排骨臘腸未入飯幾好食。值得讚醬料方面有橘子、砂礓。喺冇得返大陸食椰子雞下不錯嘅選擇。整體感覺唔錯，可惜火鍋料選擇唔多，部分配料價錢偏貴。