好彩海鮮酒家

营业中

休息中

今日趕時間返學唔可以慢慢嘆茶食點心於是叫左個雙拼飯$35 o既叉雞飯唔算平....點解咁貴??有原因!比起尋日o係帝廷食o既叉燒呢到o既叉燒明顯係好食d首先呢到o既肉質比帝廷o既有口感而且味道甜得比較自然唔係帝廷o個隻過於人工化蜜糖味而且今日o係呢到食到烤爐味...~至於雞肉更係頂呱呱!肉質鮮嫩~唔肥唔瘦o岩o岩好~總之就係正啦!!~~

次次黎呢到食都係食同一樣o既野今次黎到一轉口味~唔食點心~~>原盅北菰滑雞飯第一次o係到叫煲仔飯上菜勁慢...等左起碼有半個鐘不過味道好好~飯o岩o岩好夠3個人食d飯都有埋雞味~雞都有ok多舊~~唔錯唔錯~~上檯o個時好香~~>時菜牛筋腩味道ok~但係牛筋腩份量太少~時菜都係生菜...平價野..唔係太抵食~另外叫左油菜、乳鴿、馬拉糕埋單$180唔係平...~都唔係貴...ok啦

下午黎呢到食個午餐先返學今日唔想食得咁清淡一黎到就開始叫煎炸野食~>煎蘿蔔絲魚餅味道ok~不過食唔到蘿蔔絲....嫌麵粉太多...>煎上素腐皮卷唉...似食油多d...唔掂..食一啖已經成口油....唔o岩口味....>椒腐銀芽豆卜幾唔抵o既一碟送...$25...食成本都唔知駛唔駛$3 o既野咁都算...仲要d汁一pea野...好核突~~!!!>煎蘿蔔糕因為唔飽先叫的確可以達到飽肚o既目的因為件蘿蔔糕又係幾多粉咁耐都冇改善....= =服務....唔駛講都知傳統好彩集團o既作風...唔掂....

11點黎到呢到開始飲茶叫左糯米卷同蒸芋頭糕每樣都係$7~食完之前已經飽飽見佢有新點心~於是叫左一個黎試~香煎蕃薯餅好好味~又甜又脆!!!好高水準呀!!下次黎一定再叫~另外仲叫左蠔王油菜~er..呢碟野唔知點解好多油...真係「油」菜!!~上素餃~次次黎都有叫~今次隻餃偏白色~因為俾多左馬蹄~仲有一碗燒鵝瀨~食到好飽飽!咁樣都係$110~抵食到爛!

返學上marketing之前黎呢到飲個茶食飽飽!!真係食得飽!受氣都受飽!>家鄉蘿蔔糕可以改名做「粉粉蘿蔔糕」勁多粉..!蘿蔔幾乎絕跡!食完兩件飲啖水...感到蘿蔔糕o係胃部發大足以食飽!>沙嗲金錢肚呢個點心唔錯!多金錢肚~味道都好好!~>蠔王油菜$25一碟~無菜不歡o既我幾鐘意~因為夠多菜~而且唔會灼到好老~菜都幾青綠~ok!>鮮蝦豆苗餃皮太厚...蝦得一小隻汁太濃烈...有3隻~但係今次上檯其中一隻爆左d料走左差唔多一半出黎唔掂!!!服務再次被我給予「劣」唔只我!就連今日隔離張檯o既師奶都當面鬧個侍應可見呢到o既服務真係好大問題如果唔係近學校我都唔會黎呢到....黎呢到食要睇人面色...有時仲要俾說話你聽「今時今日咁o既服務態度收檔啦」

每次對呢到不滿都係服務態度只想同好彩o既老闆講:雖然呢間野每日lunch都滿哂座但係唔代表呢到冇野要改善食物係好...但係侍應o既服務態度真係好好好好好好差連街邊檔都不如...再係咁落去真係唔多掂....希望可以快d改善...

新年流流, 要好彩攞返個"彩" 啦.奶皇水晶飽好吃.不過, 傳菜員真係應該要註意下衛生.果個傳菜阿姐對住我地叫果碗粥咳左兩聲. 最後好彩都有得換返.另外, 唔知係唔係西環既文化係咁.還是, 佢地既員工培訓唔夠啦...果個訂位阿姐既態度都幾"一絕".

天氣凍...想食野入到黎唔理3721係咁o係張點心紙到畫畫畫...叫左好多野食!>鮮蝦腸(頂點) 蝦唔多~勝在隻隻都夠大隻同彈牙~ 唔夠美心好味!>紅燒乳鴒($26) 上碟之時發現個鴒頭唔見左 唔知係佢特登唔俾定係捧野黎o個時跌左落地 太細隻...唔夠食..唔抵食>蒜蓉魷魚(大點) 今次份量夠哂多~唔錯~>鮮蝦豆苗餃(大點) 層皮今日好薄..不過呢到水準唔穩定.. 唔可以作準~今次芡汁太勁..好杰... 唔夠清淡...太濃~>馬拉糕(小點) 依然係有特色o既黑色....= =>北菰米粉($30) 偏貴的米粉...$30好細碗..唔夠食 菰只有4隻...2條菜心仔.....唔抵食!>燒鵝檬粉($30) 因為食完米粉唔夠飽 叫多個檬粉食 呢個反而好抵食 成碟鵝肉~肥瘦o岩o岩好~又夠多料~正!2個人食左咁多野...飽哂..~又係時間返學校上psy.!!!

今日day-off黎呢到飲茶唔係好多人一入黎就有位開餐唔經唔覺呢到都加左價平均每樣野加左$2~3不等通脹呢個問題真係好值得我地呢d星斗市民關注一下!>紅燒乳鴒 跟隨市場..都係加左價... 水準唔好唔壞 炸得脆~ok!>馬拉糕 依然係唔明白o既黑色 真係得呢到先見過呢種colour o既馬拉糕 >馬蹄糕 唔錯~唔會太甜~ o岩我口味!>鮮蝦豆苗餃 今次又幾好wor~層皮唔太厚 料多~蝦肉彈牙~good!>蒜蓉魷魚 今次俾多左魷魚~ 終於夠食喇!!>柴魚花生粥 味道偏淡.. 從另一方面睇~即係冇加味精~ 清清淡淡唔錯~

今日再黎飲茶真係食到噴哂火上點心慢到餓死都未有得食咁都算...d點心加哂價..但係質素反而下降蘿蔔糕煎到黑哂...鮮竹牛肉硬到好似食緊膠咁蒜蓉魷魚依然勁少....馬拉糕拎到出黎已經凍左...埋單共用時間:10分鐘收錢都咁慢??唔知呢間野想點愈黎愈唔掂...睇住佢愈黎愈衰...退步...就快俾我black listed...!

和家人親戚共7人, 2點黎呢度飲茶翠瓜魷魚鬚: 好多翠玉瓜, 魷魚鬚較少, 不過好味蒜蓉蒸鮮魷: 蒜蓉香, 鮮魷也好味燒鵝湯檬粉: 燒鵝很一般, 檬粉不夠熱, 又無酸梅醬, 比富臨的差很多紅油抄手: 最好食的一個點心! 有5粒, 味道夠酸, 再辣d會更好, 不過已經好好食!魚皮腸粉: 幾得意, 魚皮脆卜卜的, 不過一定要襯熱食春卷: 太多肉, 不太喜歡牛什: 好多舊, 又彈牙, 都幾好味叉燒包: 中規中矩錦鹵雲吞: 幾脆椰王燉花膠: 好滑好香, 正!食物味道ok, 不過服務就真係九流, 叫極唔應, 態度惡劣...

有一段時間轉戰美心而遺忘了好彩今日再次光臨無乜大改變只係加多左一個粥套餐不過唔抵食所以冇叫到>馬拉糕一般水準比美心差>鮮蝦豆苗餃唔掂皮太厚似粉果多d而且d汁太濃淹左蝦的味道>馬蹄糕呢個最好比美心還要好係到目前為止最好的馬蹄糕!!>蘿蔔糕抵食而且唔粉真係食到蘿蔔絲o岩o岩好煎到脆皮唔會燶~>翠瓜魷魚蘇魷魚蘇太少只見翠瓜不見魷魚...>蒜蓉魷魚夠哂香o既蒜蓉味不過都係有同一問題魷魚太少少得可憐....仲要收成16蚊...唔抵>燒鵝瀨very good!~$12~抵食抵食!!!~~~

今日黎呢到真係「大開眼界」星期六多人就預左架啦拎飛排隊呢d例行動係一定o既事~之不過...叫位o個位侍應o既態度就真係第一次見!態度令人側目!!!!!佢唔係叫位...係以一種呼喝的語氣黎叫位!仲要用一種兇惡的眼神黎招呼客人!真係過份到爆...唔單止我有呢種感覺!連企o係我隔離o個位師奶都o係到話「唔駛咁呀o麻」今日真係學到野呢間好彩侍應服務態度問題已經唔係第一次除左部長級人物外...其餘好多侍應都有問題真係「鄧」個廚師唔抵...煮得好食都冇用...樓面d人咁o既樣...真係趕客!!

今次黎試新野食~1.安蝦咸水角(小點)炸得有d過火外層變黑左~賣相唔係太好而且裡面冇涵...似食麵粉多過食咸水角2.蘋果叉燒酥(中點)呢個唔錯金黃色的外表咬落口鬆脆夾埋d蘋果一齊食有意想不到o既效果~有諗頭又好味!!~呢個推薦!!!其他點心都係之前食過的冇乜特別~2個人食~$105~唯一要改善係侍應o既態度...其中有一位女侍應極惡劣!!好冇禮貌....最衰冇編號..如果唔係一定投訴!!

前日冇食lunch...十分肚餓...同屋企人黎呢到嘆個下午茶!估唔到咁抵食!$12一個燒鵝檬粉~而且燒鵝係啖啖肉~~!!抵過去大xx美x食快餐呀!!叫多碟蝦餃~$23有4隻....size雖小....但係裡面有多多涵~~2隻蝦~彈牙!!而且d汁好好味~好似比美x酒樓的更好!仲叫左香煎薯餅~甜味o岩o岩好~皮脆~煎到金黃色~賣相吸引!!!~~~good!!~~今次係唔錯~唔錯~~埋單3個食都係$142幾抵食~~~