好彩海鮮酒家

营业中

休息中

今日黎呢到飲茶~發覺呢到飲茶真係好過食dinner每樣點心都唔錯芝麻卷:好有芝麻味~幾有咬口~雞包仔:好味~唔太大舊~份量o岩o岩好~雞中翼:一樣係咁大隻...皮好脆~美味!金錢肚:爽口彈牙~雜菜煲:多料抵食!冇味精~健康!!馬拉糕:甜味適中~軟軟地~口感唔錯~上素餃:皮薄料靚~裡面有馬蹄~榆耳~爽口~埋單都係$200~3個人食~抵啦~

尋晚黎左呢到食左餐美好的dinner今日再黎飲茶唔掂唔掂!!!!!!!!!!先講食物蘿蔔糕:冇乜味太粉食唔到蘿蔔.....蒜蓉魷魚:煮到一pea野d汁太「杰」魚露雞中翼:煮得有d過火層皮偏黑...馬粒糕:呢碟唔錯~味道幾好~而且好軟身~~good!服務!!!!爆爆爆爆爆唔掂!!強烈不滿!!!!因為叫多左...於是問佢拎個盒打包走點知...「唔該俾個盒」「你等等...我想去廁所」我同mama即刻o哂嘴囉!!!有冇搞錯呀...人地仲食緊野架...唔駛對住個客講你想去廁所丫ma??!?!!?好冇禮貌囉..好嘔心...食物幾好都冇用啦乜都嘔返哂出黎....

今晚入左黎食飯整體黎講唔錯唔錯>清蒸東星斑仔($168) 冇叫錯名 真係「仔」 好細條三個人食係一定唔夠食 但係勝在新鮮 肉質好滑蒸得o岩o岩好 好味!!>竹笙雜菜「bow」($58) 抵食之選! 好大兜夠多料 不過唔食得味精o既朋友就唔好叫 因為落左唔少味精....>栗子滑雞「bow」($55) 雞肉好滑 而且上菜o個時聽到「喳喳」聲 o係呢個咁涼o既天氣聽到咁o既聲 未食都已經曖笠笠~~飯後仲有紫米露同生果送~埋單= $4003個人食差唔多啦~下次再黎呀!

1. 海鮮選擇多，炸蠔十分肥美新鮮，不油膩，因最少order兩隻，故兩人食都可以吃到。欣賞其服務態度。

星期六- 4點幾冇啦啦想飲茶，於是去左<<好彩>>！上到去得返3、4枱客，幾驚佢話下午茶時間已經過左！好采，部長都好好禮貌開位比我地仲話我地知因為太晏好多點心都冇晒！部長好細心係點心紙上劃左邊幾款點心係冇既！結果我地叫左4個點心，等左好耐先有食呀~ 我諗係因為得我地叫點心，所以突"燈"蒸比我地！馬拉糕- 好好味！絶對係我以前細細個食既味道！唔似面個D酒樓，哩到既馬拉糕真係好味！正！燒賣- 好多肥肉蝦飽- SOLD OUT金錢肚- 我冇食呀~ 男友食晒~ 味道- 好味呀~服務- 部長好細心！好少酒樓可以做到咁！讚讚讚！抵食- 3個點心連茶$50有找乾淨- 都OK乾淨總體- 就係因為佢既服務，我會再去！

環境幾好.午餐好多時叫套餐+點心. 晚餐試過幾次.午餐,晚餐食物算幾好.服務幾好, 但不及以前的水準. 以前勁好服務.但價錢幾貴. 同區午市飲茶的話, 這裡最貴了.

其實我鐘意行遠d去明星, 因為人地真係有好多野食...不過daddy又話呢度d野好味d bor...3個人都岩岩起身, 食唔得多野...叫左鮮竹牛肉-3大粒, 好味,牛肉腸-我daddy至愛... 佢話好彩o既腸粉特別滑口bor, 食落又好似真係滑d bor,咸水角-勁細舊... 味道一般,x燒餐包-呢個係點心紙上面冇ga, 係d姐姐周圍兜售ga, 4個勁迷你, 味道一般, 因為個餡得好少肉...糯米蒸雞飯-daddy初頭以為係糯米雞, 原來係好似盅飯咁, 佢覺得好好味, 我就覺得冇味啦... 豉油都冇碟,排骨-成碟肥膏... ewww...好似係咁多啦, 埋單$140...ps:冷氣好凍, 帶件外套去呀

琴日同媽咪2個人0係度飲下午茶,3點去到,人唔算多,好快搵到位.我地叫0左d 點心食,冇炒小菜,埋單都要98蚊,唔算好平.原本叫個叉燒腸粉,但賣哂食唔到.結果叫0左蝦餃,叉燒包,雞包仔,小籠包,mango pancake同埋豬肉雲吞.蝦餃皮厚0左好多,以前糸彩d蝦餃好好食,雖然而家d蝦都好大隻好新鮮,但塊皮做得冇以前咁好了.叉燒包ok,d叉燒係自己整,色素唔重,味道都好食~雞包仔係媽咪至愛,佢話而家好多酒樓d雞包仔都係大陸入貨,蒸好就俾客人食,並非酒樓自己整,但佢話好彩0既雞包仔都仲係自己整,新鮮好食用料足咁話.小籠包唔得,肉太多,汁唔夠,皮太腍,有待改善.mango pancake係3小塊,都ok好食.豬肉雲吞有5粒,都几好食,粒粒雲吞都好大粒~好彩服務都唔錯,點心上得快,埋單又快,好多酒樓都應該向佢地學習下~

星期日請daddy mommy公公婆婆auntie飲茶, 共6人!我o地全部都係食點心, 冇炒野食!!!都夠晒飽!!! 味道唔錯, 馬拉奶黃卷值得推介!!!不過好似唔夠人手咁bor呢度!!! 老人亦教多!!埋單$268

20041116 1.15pmlunch meeting, 同個客.2人吃- ( 其實無乜點食, 一路食一路講點食jet)蝦餃x 1, 燒賣x 1, 牛肉球x 1, 叉燒腸x 1, 腐皮卷x 1 (呢個最好食), 鳳爪x 1, 干扁四季豆x 1西環o黎講環境唔錯. 乾乾凈淨. 點心水準就附近幾間o黎講算幾好, 食個客既, 唔駛我比, 食得幾碟仔點心150埋單, 算貴.

尋晚同屋企人去食晚飯，七個人叫了六味菜：白灼蝦——新鮮，豉油又好味，正！金銀蛋莧菜——冇乜特別，過得去。紫羅牛肉——同上。白花釀豆腐——豆腐夠滑，蒸得剛剛好！清蒸東星斑——同樣蒸得剛剛好，豉油又好味，簡直係極品！薑蔥炒蟹——炒得好香，蟹亦夠新鮮，掂！由於我係八點半後至去，部份海鮮有特價，因此埋單只需八百幾，魚蝦蟹食齊，得別係條魚兩斤幾重只賣三百幾，抵到爛！

我星期日都會同屋企人去好彩飲茶,但會勁多人,等位等好耐....我好鐘意食好彩d點心,尤其係蝦餃,d蝦好大隻好新鮮.不過星期日其實都几貴,反而平日食午餐,d價錢公道好多,星期日好似搶錢咁話雖如此,佢既環境同食物質素係好過好多中式酒樓0既~

蝦餃大粒, 其他點心也好味, 等位較耐, 最好訂位先, 價格中上, 未有明星酒樓時成日去, 依家小左.<br>呢間好彩比上環間好彩平d, 屬中上酒樓.