好日咖啡店 (已結業)

12下旬一個天晴的日子，下午休假，想找一個店子吃東西打卡同relax~唔想太旺的店(深明好難滿足咁多要求😂)，就揀左去Life@KCC，好似有幾間唔錯的Cafe。覺得Good Day的環境開揚，人不太多，加上清新的裝潢正合我意，便坐下點餐了。平日有set lunch，愛吃粗薯條加松露醬，就保守一試傳統手打漢堡+奉送的凍檸蜜。先送來的: 清徹的矮圓玻璃杯襯着金黃色的蜂蜜水，再加上一片簡單的檸檬和兩顆冰粒，視覺上已很討喜。質量很好的花蜜味道，刺激味蕾，將食慾提升。擺盤精緻主菜漢堡來了~為減少罪惡感，先吃些菜沙律。少少甜黑醋汁提起沙律菜的清新，而沙律菜本身也沒有外面有時人會吃到的草青味和藥味。配菜都講究要讚!鍾意粗薯條的多脆內軟，Good Day以高分完成，dip佢哋特製的黑松露醬，正呀喂～到漢堡包，厚蕃茄+Juicy厚漢堡牛肉😍，深知無法單以手駕馭鯨吞😆，唯有用刀叉分成每小口，芝麻包身焗脆左，手打牛肉沒有油膩感，誠意之作。隨意能找到好店，疫情下苦悶的生活增添趣味。Have a good day@Good Day!P.S. 後來才發現這店原來是銅鑼灣搬來的名氣漢堡店，名不虛傳!

-{黃店💛悠閒cafe😚}呢個係連接葵興站嘅KCC 入面都有好多餐廳 ~上到8樓就有依間咁chill嘅Cafe喇！🤤好日經典手打牛肉芝士漢堡配粗薯條🤤($108)極多薯條😂粗薯質地都脆身嘅☺️burger好高質🥳塊包烘到好脆 牛肉勁juicy!!!👖褲評: 8.7/10🤤脆炸棒棒雞翼🤤 ($48)炸雞膇配蜜糖芥茉醬😆外皮唔油膩 食落肉質嫩滑😙👖褲評: 8/10🤤是日蛋糕🤤 ($28)依個應該係tiramisu(?)但食落冇乜味 有layers但純粹cream加蛋糕 一般般👖褲評: 5.5/10環境唔錯 食物質素ok嘅！有機會去葵興可以黎支持下🥰性價比: 8.5/10服務: 7.8/10環境: 8.5/10🚩 好日咖啡店 🚩地址: 葵涌葵昌路72-76號活@KCC8樓801號舖 #fuudjai #fuudjai黃店 #fuudjai小食 #fuudjai漢堡 #fuudjai西餐 #fuudjai葵芳

#葵涌 繼續懷舊 post! 😎喺舊同事引誘下, 令我突然間想食 Burger🍔, 喺無理由食金拱門情況下, 試下呢間! .🤭點知同事叫錯咗, 以為價值 $98 的烤珍寶🍄蘑菇🥑牛油果🧀芝士漢堡會有牛肉漢堡扒🤣😂🤣😂, 所以是日唯有食素 Burger🍔! 🍟薯條好食, 新鮮熱辣且脆! 🍛🍳再來一客韓式豬肉伴飯配太陽蛋伴蒜香牛油多士 $79 ~ 🐖豬肉幾好, 唔羶肉質嫩滑! 配有大量醬菜, 不過🥕甘荀有點苦, 好難食! 🍳太陽蛋脆邊, 不過全無蛋味, 好明顯係平價蛋!  🙄成碗飯太濕, 太多汁! 最好味係個多士, 鬆軟又香! 🙄簡單來說, 性價比低, 短期內應該都唔會再去喇!

呢間位於葵興KCC的cafe, 環境食物好，非常推介大家👍🏻👍🏻👍🏻店內可揀室內或露台位(其實都係室內，不過可以睇到街景)😆，全部座位也十分寛敞，可以講係坐得非常舒服點左一份all day breakfast、一份classic beef and cheese burger & 一杯奶蓋黑糖薑母茶。All day breakfast 最特出係斑蘭多士，淡淡斑蘭的味道，好清新👍🏻Burger 亦非常多汁，賣相同味道都非常滿意👍🏻另外，暖暖既黑糖薑母茶令我印象最深刻，最適合冬天暖胃

 #葵興 同事話好耐無出街食午餐 要出去抖抖氣! 突然發現有間樓上餐廳新開張, 開業3個月, 一於試試! .🐥秘製無骨雞腿扒飯配自家製甜酸醬 $73 配檸檬蜂蜜 ~ 店員話係 Signature dish🤔! 個醬汁係好好味的, 飯亦軟熟, 唔係用 cheap 米! 雞扒軟滑, 雞皮香脆, 只係…未食過咁薄既雞扒! 🤣😂🤣😂.🍝香草茄醬未來芝士蘑菇肉醬意大利麵 $78 配黑糖薑母茶 ~ 未來肉, 比肉更好食的 “肉”! 店家好好用上新鮮蕃茄🍅, 但亦因為咁個汁太酸😖! 不過整體上係好味嘅, 超碼同事清碟吖! 黑糖薑茶好夠薑, 飲完全身都好暖! 

-好耐冇出過POST介紹美食🌀呢間係位於葵興 KCC 既其中一間Cafe，食物選擇唔多，但望住個menu都足以令我揀左一段時間😅店員安排左我地坐露台既位置，雖然望住高樓大廈，但成個感覺都好relax，因為全部人係度匆匆忙忙既時候，我正係度享受人生🤍😋食物方面，由於同朋友都好肚餓，我選擇左呢個韓式豬肉煎蛋伴飯，賣相好靚十分吸引，可惜煎蛋反過黎係燶到黑晒既煎蛋，食落去係勁苦☹️今次評分⭐️⭐️（2/5）除左食物之外，舖面環境設計都好適合打卡一族🌼

最近發現葵芳kcc 8樓新開食店立即約下朋友來試食來到見到環境好開揚枱桌之間間隔寛闊 不怕逼人加上牆上既花草裝牆紙真有文青cafe shop feel呢度係要即場排隊等入座 好似無飛拎入座後選好食物就要出去落order俾錢先所以要記得自己既枱號枱號下既句子都幾有意思😃叫完餐前菜及茶飲好快就送到第一次試食蕃茄海鮮長通粉汁餸份量剛好 少少辣幾野味兩位朋友食呢兩個餐都唔錯特別係手打牛肉加芝士 juicy 新鮮嘅味道薯條香脆 正雞扒飯性價比很不錯另一日再約朋友去食今次menu轉左前菜都轉左係多士叫左呢個日本南瓜雞肉意大利粉南瓜汁好綿密份量剛好雞肉多啲會好些另外兩位叫左韓式豬扒飯 同 無骨雞扒飯兩個都話好好食 羨慕朋友有大大塊雞扒食總評 食物高質 味道一流 對得起7x元既價錢回頭指數爆燈

二零二零年十一月二十二號一點九黎到KCC 8樓 好日 GoodDay Cafe葵興站行黎10 分鐘, 全程indoor.之前係銅鑼灣希雲街舊店一直都想試要大大力支持 因為lunch time 都唔算full水波蛋迪蛋羽衣甘藍沙律配牛油果醬貝果 煙三文魚 加埋蕃茄片大滿足 份量好足夠Salad 好新鮮, 但就有D 乾 唔夠濕潤 貝果好有口感 仲搽滿忌廉芝士 爽瓜瓜熔岩手打牛肉芝士漢堡$108 熱辣辣薯條好juicy 同好厚手打牛肉漢堡扒73% Dark Chocolate $54非常濃郁 Tiramisu Latte $50略嫌有d 淡

好耐無黎呢頭，知道呢邊有棟life@kcc，但一直未行過。係網上search先知成棟大多數都係食店，又唔係好肚餓，食個tea就算。電梯一上到黎面門係好吸引，好舒服，而且好開揚。放工時間又唔算好多人，但坐耐咗就開始多人啦。呢幅牆都夠吸引吧，而且直通去窗口位，都真係幾正。店員都好細心介紹有咩好嘢，可能都晏，蛋糕都無咩款淨。一件朱古力蛋糕加杯flat white，74元。flat white唔錯，夠濃，蛋糕都幾夾到。咁樣放空一下都幾好，呢日放假都值番哂。

知道呢間CAFE由銅鑼灣搬到葵興，我都嚇左一跳。之前試過都幾鍾意佢地的炸魚同burger今次約埋朋友星期6再試下。下午來到，幸運剛好有露台位，可以望住街景食漢堡成件事好Chill! 今次試試近期好hit的植物肉漢堡先。Burger都跟沙律同薯條，份量十足。呢份植物肉漢堡口感同真肉好似好似，加埋太陽蛋，口感豐富多汁。薯條脆身香口，食完個set好滿足。食物跟餐有飲品及加湯的，我點左latte，入口微酸帶小小果香，幾特別唔錯。不過當日係甘荀湯，我地就不了。朋友點左蟹肉egg benedict，佢表示好香蛋味，個醬做得唔錯，唔會搶左蛋味。(後來再睇menu，原來全店都用日本蛋，呢樣野對我黎講就加左分啦)另外加左份蓮藕片配牛油果醬，少見的cafe小食，咁特別一於試下先。牛油果醬好清新好食! 慢慢傾住計咁食。整體感覺極唔錯，環境舒適（比之前大好多），食物質素唔錯，而且份量足夠（好緊要！有d餐廳好似食左陣風咁）

All day breakfast賣相不過不失，擺盤睇得出花左點心思。塊烘底多士同薯餅幾好味但覺得價錢唔值，一來唔跟餐湯，又唔跟野飲。野飲係要另收費。二來無肉類，同埋如果有蕃茄會覺得豐富啲。此中覺得尼個地段尼講，佢嘅收費都幾貴，材料又唔夠豐富，份量都係每樣小小咁。係擺盤幾靚咁。我另外叫左杯咖啡☕️，覺得個味都酸酸地🤣地方係幾乾淨，環境開陽。人手都覺得充足，唔會搵唔到人幫你。但落單係要叫客人出去cashier落order 同俾錢，個人認為間餐廳收得尼個價錢，但又唔serve 個客落單，要客人去cashier落單，有點扣分。老公食後，都覺得好唔值。

銅鑼灣GoodDay Cafe草根妹妹食過一次，唔錯嫁👍🏻。而加佢哋細舖轉大舖，裝修同環境都令咗好多🤩，大家可以去打下卡📸，同支持下佢哋💛💪🏻，希望佢哋愈做愈旺場啦😆。.店員介紹咗2人餐俾草根妺妹同朋友👯‍♀️，🌟Dinner Set $338/2，主食可以6選2，加埋有前菜同包飲品，平均都係$169一個人，以晚餐價錢嚟講抵食👌🏻。可以坐係窗邊飲吓咖啡️睇吓書☕ 📖，好寫意😌。.前菜：是日鮮煮濃湯 Homemade Daily Soup.主食1：至尊珍寶蘑菇手打牛肉芝士漢堡配薯條Trucker Portobello & Beef Cheeseburger with Fries店員推薦嘅新鮮手打牛肉果然名不虛傳🤩，牛肉肉質鬆化👍🏻，而且富有肉汁🤤，比一般貴價漢堡店不遑多讓👏🏻，漢堡相當出色💯。珍寶蘑菇味道濃郁多汁🍄，配埋芝士🧀、番茄🍅同生菜🥬，完美！.主食2 ：特濃香烤芝士忌廉雞肉野菌意粉Chessey Spaghetti with Chicken & Mushroom in Cream Sauce另一份主食叫咗個意粉🍝，意粉聞落非常吸引🥳，廚師用火槍燒過意粉嘅表面🔥，令表面帶焦賣相亦尚可👌

GoodDay Cafe最初於銅鑼灣開店時以花生醬漢堡和芝心炸魚柳打出名堂，當時試過味道的確不錯👍🏻😋。最近於葵興重新開業， Cafe地方比之前大得多，設計優雅之餘同時具格調，窗邊位置更面對落地大玻璃，用餐氣氛和環境比以往更勝一籌。店主好nice🥰，又係低調嘅同路人💛💪🏻。草根私心推介大家去試吓！.📍Dinner for 2 ($338)今次食咗晚市2人餐，包沙律🥗/餐湯、主食同飲品。.是日鮮煮濃湯 Homemade Daily Soup: 蔬菜湯每朝新鮮煲製，以微酸的蕃茄味為主調🍅，清新帶微辣。.🍔至尊珍寶蘑菇手打牛肉芝士漢堡配粗薯條Trucker Portobello & Beef Cheeseburger with Fries除咗佢好出名嘅花生醬漢堡🥜，估唔到佢Classic漢堡都好出色。🍔Burger賣相好靚仔，中間加咗大啡菇🍄、手打漢堡🐃、芝士🧀、蔬菜🥬同蕃茄🍅，最後仲加咗沙律醬。一刀切落去已經爆曬汁，食到好簡菇味，同時漢堡鬆軟又富有肉汁，加上麵包烘到脆面，口感同味道都真係一流👍🏻。旁邊仲配有沙律🥗同薯條🍟，薯條炸得唔油膩之餘調味仲啱啱好，整個菜式嘅完整度好高。呢到嘅漢堡每日

Dinner for 2🍴 $328酥炸軟殼蟹鮮芒果莎莎漢堡🍔係軟殼蟹🤩估唔到同芒果莎莎醬都幾夾包烘到微脆 連軟殼蟹同芒果莎莎醬一齊咬微咸中帶啲甜 兩者都唔會蓋大家嘅味 好正蒜香白酒辣味蜆肉巴馬火腿意粉🍝意粉軟硬度適中 每條都沾到油光 但食落又唔會太油膩 不過都幾辣同蒜香唔重🔥蜆肉好多 好開心🤣桂花伯爵茶&洋甘菊薄荷茶🍵好精緻嘅花茶set💐飲完可以再添兩款茶各有各好 而且都好香🧡桂花伯爵唔理聞定飲嘅味道都偏濃見到桂花 但花香同味都唔重浸泡得耐會有啲澀 但用細壺就唔怕🤘🏻而洋甘菊薄荷就偏清 一直浸泡都唔會過濃薄荷味重 好清 飲完更加品味到野食嘅味😋好日豐盛全日早餐🥙 $118雖然成日會覺得all day breakfast好唔抵但又成日覺得好豐富吸引😂🤦🏻‍♀️佢嘅斑蘭多士幾香 好少見💚仲有好juicy嘅啡菇 喜歡食大啡菇嘅孩子🙆🏻‍♀️好想試個藕片 不過賣曬😭要再去先得啦🔥

原來呢間good day Cafe喺銅鑼灣有開過，今次竟然選址係冇乜人會嚟嘅葵興，真係嚇我一跳！-舖頭環境幽靜，坐得非常舒服，員工亦都好有禮貌，有機會坐窗口位嘅話就更加正！-今次食豪啲！雞肉bagel配薯條再加錢跟湯同cappuccino!-雞肉bagel食bagel最怕太硬，呢個就唔會啦！食落好飽肚但亦都唔會咬到你牙骹都軟！-裏面啲雞肉撕成咗雞絲，再加上啲紅椒同埋佢特製嘅醬汁！好惹味！-薯條係粗切，熱辣辣但就略嫌淡味咗啲！-今次嘅湯係南瓜湯！好thick好creamy!絕對足料呀！-Cappuccino 亦都配合一個好靚嘅拉花! 同埋餐廳好細心咁係你差唔多食完main嘅時候，先至上杯咖啡，咁佢啲奶泡就唔會冇曬！抵讚！