好旺角茶餐廳 (已結業)

喺附近工作，是但揀一間試試，見一茶餐廳環境算ok，就試試tea下。下午茶普遍都算抵，$31有個麵餐加埋火腿蛋，出前一丁都係加$2，算係咁。五香肉丁出前一丁加火腿煎蛋五香肉丁算幾啖啖肉有咬口，份量都算足夠，出前一丁滾滾熱燙，味道不會過淡或過鹹，又唔會太冧都唔錯。火腿配煎太陽蛋，煎太陽蛋太陽蛋賣相不錯，味道OK，撈落個五香肉丁麵食一流! 火腿算合格，普普通通。凍奶茶加$2，茶奶味適中香滑，比預期好飲。環境算係舊式茶餐廳，幾懷舊feel，算開掦。

有時都有黎哩間餐廳食下，唔知係咪今日多外賣定點，今日既質素真係唔係好得😖 先講個生炒骨，唔熱，應該係炸左好耐，d色水勁差，食落完全唔似炸過，淋哂！🙁🙁 之後小炒王d花生唔脆既，又係淋既😢 係條鱞魚比較新鮮，d魚肉都仲係滑既😊 希望之後外賣既質素可以改善返好少少，之前食落都唔係咁差，但係今餐真係麻麻地😕

三月中旬星期六下午，美髮後。跟閨密弄完頭髮以後已經下午時段，想到有段時間沒有打麻將，於是到她土瓜灣的家裡跟她家人打牌。到達後我們都有點餓，吃晚餐又太早，她就帶我到一家她常去的茶餐廳來個下午茶。下午茶的價格不高，我就點了一份芝士火腿三明治，加2塊有烘底。三明治加了烘底後變成外脆內軟，芝士片融化得更均勻，吃三明治我還是比較喜歡熱的。飲料加了一杯熱杏仁霜，天氣不冷不熱的最好喝點美顏的，補補皮膚，雖然我是本來就不太接受得了杏仁味道的菜品。一份三明治加一杯熱的飲品，作為下午茶份量剛剛好。

因為想轉下口味，所以轉登試下呢間茶餐廳！ 11點後仲有早餐食，很開心，我點左個北菇時茶米粉，凍啡小甜！ 可惜北菇 煮得未夠淋，仲有乾乾地咁，時菜又得兩條咁！ 米粉發曬，好似浸左好耐咁🙁🙁🙁埋單$31蚊，不會再食

朋友話佢知一間羊腩煲好好食，好足料，話一定要帶我食，咁我得閒就跟左佢去食了😆😆估唔到呢間唔算好起眼既茶餐廳，裡面既羊腩煲咁好食，咁足料！！個湯底真係好鬼正，朋友真係無介紹錯！

睇返我2011年既食評, 當年加錢改出前一丁麵都只係$24.而家唔改出前一丁麵都已經$28... 如午餐時段加$4我依然喜歡食佢既雞全翼公仔麵 加 餐肉太陽蛋 ,大大隻雞全翼炸得剛剛好~ 好味, 餐肉都算幾厚身, 本身係火腿 但可以改餐肉. 奶茶奶重茶味夠濃 ,  其實茶餐廳環境來講, 我最喜歡佢兩面大窗夠哂光猛 ,  土瓜灣近期被中國旅行團包圍, 下午茶時段呢度真係旺中帶靜

途經此地,有小小肚餓走左入去.叫左:雞翼麵,火腿煎蛋,沙嗲牛肉包,涷檸茶,熱檸茶雞翼麵:雞翼炸得香口好入味,個麵雖然唔係一丁麵麵質都唔錯,個湯幾夠味食後唔會口渴.火腿煎蛋:火腿鹹香,蛋煎得幾香脆.沙嗲牛肉包:沙嗲味淡左小小同牛肉太小,好在肉質唔嚡,一般啦!涷檸茶,熱檸茶:有4片檸檬都算大方啦!整體:可試,但冇太大祈望.

有點事回土瓜灣辦，可以走得都七點幾，反正很久沒光顧附近的食肆，就順道緬懷一下吧!要說好旺角有多少年歷史，真的說不出，總之，怕有十多年了吧？土瓜灣畢竟是舊區，食店有不少以套餐形式經營，而晚飯只不過$40左右，已經包含飲品或油菜，合理。簡單一點，鮮菇扒雞柳是即叫即炒，一望見玻璃芡夠薄，已經收一半貨，置底還有小棠菜，夠健康，雞柳切絲，雖然份量偏少，但味道不錯，加上有一份油菜，已經不錯了。要了例湯是青紅蘿白湯，總好過要杯不知所謂的檸茶。

除了吃慣的港式ABC早餐之外，小弟很間中也會以雲吞粉麵一類的麵食來作早飯的。之前到紅磡時就試過一間晨早就有廣式粉麵供應的小店 (始終在這區要找舖頭有雲吞麵食的真是有點難度)，想不到在土記內亦有這樣的小店，而且還是平常吃慣吃熟的茶記來，親切感可更由此加了一層...只吃雲吞對我來說是較為單調，來個雙併似乎更適合個人之脾胃。牛腩是自己的摯愛，一口濃味可以刺激晨早的胃口及味蕾，何樂而不為 ?...這裡的雲吞餡內蝦肉及豬肉份量參半。蝦肉雖不特別鮮爽，但相反豬肉卻是能吃出一口甜鮮，很不俗；牛腩炆得極淰，牛筋更是入口即化；肉中透出很濃香的花椒及八角味，是意想不到的有極高水準....看來又找到了一個早餐的好選擇了....

土瓜灣返工好處係食市多,價格平.普通茶餐廳都有好多間, 我頗喜歡”好旺角”午餐我多數叫茶餐-雞全翼(1隻)面配餐肉(半)太陽蛋,有餐飲餐牌係火腿蛋,但可轉餐肉蛋,我細佬試過轉雙蛋添.公仔面轉出前一丁加2蚊都只係24蚊,好抵食既茶餐...

於云云土記茶記之中，奶茶咖啡當以"白宮"為首，論整體質素又以上鄉道的"輝香園"較突出。但以晨早早餐款式選擇之多來計，就以這裡作為表表者了....除了普通的ABC餐之外，這兒還有雲吞牛腩粉麵可作挑選。吃得多味道極其標準"行貨"的沙嗲牛麵加火腿煎蛋，間唔中吃一碗雲吞豬手雙併河粉下肚，也是一個"另類"極豐富的早飯呢....縱然如此，今天早上吃的仍是例牌的ABC。奶茶味有點過澀，奶香不夠重，而且帶點酸有點失準了.....一向覺得這裡的通粉做得不差。她們有的不是普通只加上切條火腿而成的製品，而是加了不少椰菜及雞絲的健康版本。雞絲不嚡口，不過能預先醃一下固然更好；上湯湯底稍微鹹了一點，清淡一些當然更妙；通粉淥得爽身不淰，反而是最好....煎蛋色帶微黃，邊位帶焦，若然蛋黃可以溏心就正點，可惜是日吃到的是死死硬硬的；火腿只在滾水略略"拖"過便算，當然沒有用油煎過的香.....縱使東西味道不甚了了，但勝在花款配搭夠多。這已足可吸引小弟不時來光顧了...

來這裡的理由不是因為什麼美食, 只是自小學開始便一直幫襯它, 為的只是想一再體會那回憶中的味道而已.因此, 我經常也只是重覆Order幾款食物.全日供應的茶餐 - 雞翼麵便是例牌之一.奶茶時濃時淡, 水準不定, 雞翼麵也不過是預先炸好, 普通的炸雞翼配大光麵. 但就是因為吃慣了, 久不久仍會再想吃一次......

竟然要去土瓜灣辦公事，很罕有，亦唔慌係好野。完事後，跑到附件的茶記吃個中午飯。抬頭望快餐餐牌，沒什麼心水，隨便叫一碟干炒牛河，飲杯凍檸茶。同事也各自各叫，不作分享。牛河上檯，份量不少的，可是無厘鑊氣，味道淡口，就連我也要加少許辣椒油去調味。幸好，河粉不太油膩，吃到底不會是油光滿碟的。牛肉不會是上佳貨色，但總算夠稔身，質感不會太假，不能要求太多了。聽同事說其他的食物也可以收貨，相信水準跟我的牛河差不多吧！

已經變成每星期/ 隔星期落腳點是日午餐有窩蛋免牛飯.開頭見到有雜菜, 真係覺得麻麻. 免牛飯以為係茄汁免牛黎嘛.不過哩碟野食落又唔錯喎. 係就係冇茄汁, 但好香蛋黃味. 非常散發到出黎.可能隻蛋係生, 更加有o個個香味, 真係估你唔到.另一個午餐係魚香茄子炆米魚香鹹左d. 炆米都岩岩好, 唔會過林.但因為真係有d 過鹹所以都唔係食左好多豉椒炒蜆$28真係好抵食. 一碟炒蜆$28 竟然咁大碟. 味道同d 汁一般, 但真係多到食到咁想食既感覺起碼d 肉係連殼同冇坑渠味, 算係咁薑蒽雞$42 半隻, 好貴, o係街市買一隻冰雞都係$30食左舊雞胸後就冇食, 因為好鞋.總結: 中規中距既茶餐廳.

今日又去土瓜灣食lunch, 一行7人我自己就試左干炒牛河, 生炒雞絲飯, 鴨腿湯飯同西多. 試下凍奶茶凍奶茶麻麻地. 唔係好夠茶味.干炒牛河同生炒雞絲飯炒得夠乾身牛有少少韌. 炒飯夠味, 唔會太鹹太淡.鴨腿湯飯$24 麻麻地. 湯多味精, 偏鹹, 都係去返酒樓食比較入味.西多$16 好貴, 仲要冇咸, 但幾厚身. 口感似牛脷酥多過方包.