好湯好麵 (名店坊)

营业中

休息中

有次打算搵拉麵食，朋友推薦咗呢間麵店，話好過食拉麵，咁我緊係帶住expectations去食啦💭。週六夜晚8點幾嚟食個場都唔full，唔知係咪因為定價偏高呢？老實講一碗海鮮湯底嘅陽春麵值唔值$140以上呢？大家心中自有分數啦😌。⠀嗌咗個被推薦嘅“海龍皇湯”🍜，材料都幾豐富架，有藍蟹肉(好碎好少😅)、兩隻海蝦尾(幾大隻幾彈牙嘅👍🏻)、北海道魷魚(唔韌但冇味)、北海道刺身帶子(幾甜唔韌)、廣島蠔(幾鮮)、蝦頭油、皇湯同陽春麵。講吓湯底，係有新鮮嘅蝦油味，但你話係咪令你想飲晒成碗嗰種，似乎又唔係🤔，不過湯底都算唔錯嘅。講吓個陽春麵，煮得偏腍，份量多，細食嘅女士未必食得晒成碗，不過呢個價錢唔比返咁上吓真材實料你就唔抵食啦，所以份量嚟講絕對合格👍🏻。個人口味嚟講唔算好中意，但對於喜歡陽春麵或者喜歡海鮮蝦湯嘅你應該都會欣賞呢碗精緻嘅麵✨。

呢間喺銅鑼灣名店坊，Mono Mono對面， 門口招牌好大好易搵餐廳入面坐位大概有20幾個，枱同枱中間距離唔算好近 我哋禮拜四晚去都冇坐滿，我見到店員都會盡量將客人分散嚟坐唔係迫埋一齊 我哋兩個人一共嗌咗兩個麵同一個菜，見網上面啲人推薦海龍皇湯同埋棉花雞，所以就揀咗呢兩個 🍲🦐🦑🦪 海龍皇湯 $138 配料有魷魚，蝦，帶子同蠔蝦都爽口唔霉，帶子新鮮彈牙，蠔都唔腥 但係呢個價錢配料來講稍為嫌佢少咗啲上網睇人話佢個湯好濃郁但係我食落又覺得普通，係幾香蝦油味但係新鮮味差少少 但係整體嚟講都好味，陽春麵正常收貨 🍜🐔棉花雞 $100 至於棉花雞用咗高湯湯頭，加咗金華火腿令到個湯出色唔少配料主要係 雞髀肉同魚肚 雞肉肉質嫩口，魚肚用料都唔錯，呢個麵推薦可以試下 🥬油蔥燙青菜 $35至於個菜就係普通炒菜加小小蒜香無乜特別，下次可能會試下其他小食

拉麵價錢但味道一般。個海蜇頭成70蚊得10塊，唔通啲意大利黑醋係好貴嘅？個赤貝好似合理小小，但個柚子醋係偏酸，要65蚊。講返主角個麵啦，一個叫海鮮麵有大蝦，帶子，海鮮量都算多，個蝦油湯就真係一般，配陽春麵，個份量就夠大碗。另一碗係蠔蝦麵，第一啖湯係好香蝦子味，之後就好似普通咁，蠔夠大粒，雪藏蝦，大塊豬肉就有4，5塊，配扁陽春麵，其實唔夾囉。成間鋪都坐滿8成。啲侍應反應都快，但隻水杯係飲茶款，佢凌空倒水咁高難度。。。

朋友聚聚，選了這間麵店，心中有點猶豫，成百幾蚊個麵，但人一世物一世，姑且一試。我點了海龍皇湯面。麵質彈牙，都算足料，蝦，蠔，魷魚帶子，都新鮮，湯十分鮮味，喝完不會覺得很口渴。朋友點了迷你佛跳牆湯面，有飽魚，魚肚，海參，花菇等，好中式的湯味道，個人就不喜歡，但有友人覺得淡淡的ok。總括都覺得飽，但都真係有D貴，偶然犒賞自己都不錯。

同朋友叫左一碗海龍王湯，另一碗係好頭好味，再加一個小食。兩碗嘅湯底其實都偏淡，完全唔覺得係店舖招牌嘅湯底。最令人覺得差嘅係個麵，好似煮咗10分鐘無牙婆都咬到個種。一間自己主打湯底較優勝嘅店舖，個湯真係不知所謂。最差嘅就係服務，我哋食完1分鐘之內就即刻過嚟收嘢，店舖亦都唔係坐足九成人，結果倒到我朋友件白色衫全部都係湯。枱與枱之間其實已經好狹窄，完全唔明點解要即刻去執拾，結果搞到大家都唔開心。完全影響晒大家嘅心情。咁嘅價錢同食物質素同服務，絕對去譚仔食都好過呢度。

這家店帶一些中式餐館的格局，主打中式特色湯底的麵。餐牌一目了然，就是十二款麵及小食。迷你佛跳牆$145這迷你佛跳牆有鮑魚/海參/魚肚/日本雞肉/北海道刺身帶子/雲腿絲等等。湯底味道幾鮮美，帶有中式高湯的風味，完全不油膩。鮑魚、海參是迷你版，但質量不錯。魚肚爽口，日本雞肉爽彈，而北海道刺身帶子都算中等大小，加上甘香的雲腿絲，配上幾索湯的扁陽春麵，整體味道不錯。

第一次食「好湯好麵」係喺大圍食，我記得我係食《棉花雞》、《黑口黑面》，不過而家嘅菜單已經冇咗《黑口黑麵〉。喺銅鑼灣開咗分店之後就有食過《好頭好尾》、《 海龍皇湯》。今次就決定食《迷你佛跳牆》，呢碗麵都幾多材料：鮑魚、海參、素魚翅、魚肚、日本地雞肉、北海道刺生帶子、花菇、雲腿絲，好豐富！麵就係扁陽春麵，至於湯底就係用高湯，開頭會覺得唔夠鹹味，但係其實食食吓就會啱啱好，濃而不鹹。唔錯👏🏻最後我係成碗湯飲晒😋。

🥢意大利黑醋蒜香海蜇頭($60)海蜇頭幾大片，好爽口😍配上葱蒜、黑醋同芝麻等好醒胃😆🍜海龍皇($138)有藍蟹肉🦀，海蝦尾🦐，北海道魷魚🦑同刺身帶子，廣島蠔等配料，廣島蠔超鮮甜🥰湯底係超濃郁既海鮮海龍皇湯同蝦頭油🥣配埋幾有口感既陽春麵真係一分一錢一分貨😆會令人想飲哂所有湯😝🍜棉花雞($100)嗰感覺真係好似食緊飲茶點心棉花雞咁🐓🤣日本地雞肉好嫩滑😋，有魚肚，花菇，雲腿絲等配料🥢魚肚超級吸湯🤗雲腿絲咸香十足🫶🏻扁陽春麵淋身啲但較掛湯👍🏻

好耐之前就見到youtuber介紹大圍總店，不過對港島人黎講太遠，唔值得為左一碗麵攀山涉水😂得知好湯好麵係銅鑼灣名店坊開左分店，即刻同朋友仔試下，週末晏晝唔洗等位好快就入得去！🥢好頭好尾就咁睇個菜單一定好疑惑到底係咩黎🧐廚師用上牛既唔同部位製作呢碗麵，同樣亦都係最受歡迎最早售罄既菜式！湯頭以牛骨熬成，味道好濃稠，除左牛味重之餘，飲落仲有小小四川風味！選用左面頰肉，牛尾同牛舌作為配料，全部肉都炆至入口即化軟熟，尤其係和牛面頰肉好重膠質，骨膠原滿滿🥰法式燴牛尾炆到骨肉分離，全部變左一小片，係口感上略為扣左分！🥢棉花雞一上檯就傳黎一陣陣四寶棉花雞既味道🤤湯頭用上高湯，長時間熬煮令到入口濃郁黏口，感覺有好重既骨膠原，金華火腿味仲好突出添！配料有鹿兒島地雞，魚肚，花菇同雲腿絲，雞肉幾嫩滑，不過雞味就欠奉，魚肚索晒湯汁，好入味。至於扁陽春麵口感偏軟腍，掛汁能力唔錯，但會出現愈浸愈腍同變糊既問題🙈成碗麵質量係水平之上，奈何食材分量比較遜色，索價過百有啲進取！📍好湯好麵 銅鑼灣加寧街9-11號名店坊地下B號舖

喺大圍開嘅時候已經bookmark 咗呢間主打湯麵嘅舖頭，而家喺銅鑼灣都有分店，港島人表示終於有我份啦🫶🏻店主用逾廿年法菜經驗，融合西式和中式烹調手法，以優質食材設計出各款唔同嘅湯麵。一路都好受歡迎仲得到米芝芝推介今次挑戰咗「好頭好尾」🐮用咗牛骨湯配搭川味和牛面頰肉，法式燜牛尾同埋燉牛舌，湯味濃郁而唔會太鹹，牛肉燉得入口即化，好食~但個人心水必須係「棉花雞」🐣用上日本地雞肉，魚肚，花菇，雲腿絲，湯味鮮甜仲帶點微微膠，同時唔肥膩可以成碗飲曬吖。而且最正係個魚肚軟淋淋索曬湯~扁陽春麵麵質滑又索湯，整體配合得好好，希望下次嚟可以試埋其他款式🤤

⭐️綿花雞 $100湯底有鹹香味，主要係金華火腿味，唔算好濃好鮮。麵質反而有驚喜，係彈牙，火候控制剛剛好👍🏻魚肚吸晒d 湯同埋冬菇味，爆汁😗 至於雞肉，非常之滑同鮮嫩，好食！⭐️叉燒飽 $98個麵上面有一粒鮑魚仔同埋幾塊日式叉燒，麵質同綿花雞一樣。呢個組合食落去有d似中式拉麵，幾特別🤓叉燒雖然唔肥，但係都好淋😋鮑魚仔就正常，冇咩特別價錢偏貴，間中食一次就ok 😊記得以前要排下隊，不過而家已經唔洗lu🤓

星期日晚黎到銅鑼灣唔知食乜好，就行左黎食街後面搵下有乜食成條食街都無乜客，唔太吸引咁就行左黎呢間，見都多客，就入去試試。點了膠膠麵同海龍皇湯兩個湯底都好濃膠膠麵睇落好似好清淡，但食落個湯底好濃好鮮甜，塊花膠好大塊，料很多，食得好飽又滿足，食到尾都覺得好食。海龍皇湯就好似飲緊龍蝦湯，隻麵幼身d，好吸湯，好好味。連湯都飲哂先走

[ 好湯好麵 | 銅鑼灣 ]I went to their original Tai Wai store two days ago and have been thinking about their insanely delicious noodles soups ever since. I was in Causeway Bay tonight so decided to check out their new branch in Fashion Walk. There are clear differences between each store, this newer one is much more spacious and well-ventilated compared to the cramped and stuffy environment of their first store. However, it does come at a price of a 10% service charge as they also accept credit card pay

-1️⃣棉花雞（$100）店員話係店內最受歡迎口味之一，都飲到好大浸雞同金華火腿味熬製，飲落去雞味唔算好出，但都唔差。雞肉好超有雞味的，食落去都有超級多塊雞肉，就咁講肉質真係夠曬滑！配料仲有幾粒冬菇，正！2️⃣迷你佛跳牆（$178）網上見迷你佛跳牆都好高人氣，有豬肉、鮑魚仔、海參、雞粒、扇貝。配料其實都算有誠意，只係湯底有少少出事，海味味唔算濃郁，但落調味料落得重手得滯，搞到整體湯底偏苦。陽春麵同湯底幾夾，但份量唔算好多。性價比一啲都唔高，我覺得可以試其他。

大圍既好湯好麵有幾出色，我諗唔洗我再多講，自從好湯好麵係銅鑼灣開咗分店之後方便左咁多一直都想去試下同大圍有分別，終於有機會✌🏻🔸棉花雞依碗麵真係好好味，有日本雞肉、魚肚、北菇、雲腿絲就好似成籠棉花雞擺上枱咁。湯底好鮮甜好似住家湯一樣飲落有層膠咁樣，魚肚吸晒啲湯好正，雞肉又嫩又彈牙，陽春麵有咬口，成碗湯麵所有野都啱啱好，正呀👍🏻雖然好多人都話佢出左名之後hea左，但我覺得都還好呀，依然好食好滿足