好湯好麵 (名店坊)

营业中

休息中

朋友見到成日介紹又好想試，就約埋一齊去銅鑼灣新店，地方闊落咗裝修亦靚咗，不過始終都係鍾意大圍店嘅小店風格，親密嘅又有夠尊注🍜———————————————————————————🍜好頭好尾🐮💬朋友點咗呢款牛肉麵，有牛舌、牛面頰肉、牛尾，全部炆煮得好腍身又入味，配上牛骨濃湯 ，難怪永遠最早賣晒🍜.🍜棉花雞🐔💬呢款濃湯雞麵亦係經常叫嘅一款，棉花即係魚肚，索晒啲雞湯汁，超濃厚同鮮味，加上嫩滑嘅日本🇯🇵地雞，配有雲腿絲同花菇，非常出色🍜.🍜雙冬羊🐑💬呢款亦係經常「售罊」嘅款式，終於都試到，果然係有驚艷嘅感覺，喝一啖羊肉湯，十分濃郁，羊肉片加上配製過嘅辣腐乳，極度驚歎不已，加埋冬筍冬菇，係完美嘅組合🍜

好多人推介嘅米芝蓮得獎麵店，餐廳有十幾款湯麵，每款都配搭左唔同嘅餸、麵同湯底，各有特式。雖然要過百蚊一碗，但十分足料，大圍分店長期排隊。銅鑼灣開左分店，竟然唔洗點排。。海龍皇湯 $135海龍皇湯係其中一款人氣湯底，湯底用左魚、蝦、龍蝦頭唔同既海鮮熬足17個鐘，最後會淋上蝦油。湯底好濃郁，有海鮮嘅鮮甜但唔會油，仲有啲蟹肉碎，想飲完再飲。麵底配左陽春麵，原來係老字號粉麵廠張榮記，做到掛湯但口感淋左少少。配料有海蝦尾、北海道魷魚、日本刺身帶子、廣島蠔肉。帶子好甜，其他正常質素。。蠔皇豬豬 $104湯底有蠔味，加左龍蝦牛油，飲落好香好滑，有少少似拉麵湯底，比海龍皇湯稍微淡少少。麵底用左扁陽春麵，比較有煙韌，唔錯。配料有廣島蠔肉、鳳尾蝦、日本黑豚五花腩片、炒豬肉碎。蠔好鮮，蝦比海龍皇細，五花腩片好滑。。日本蘋果雪葩半個 $43有時蘋果味製品隻味好假，呢個好真，但比較甜，普通。湯底好飲，唔洗排隊可以試，未必encore.推介指數：8/10 📍 好湯好麵大圍積存街20號地舖銅鑼灣加寧街9-11號名店坊地下B號舖

久違了的出job🙈🙈🙈本身想去吃兒時常去的上海餐廳吃我愛的菜飯，以為自己記錯了地址在幾個舖位之間跑來跑去，誰料到原來是那間餐廳倒閉了，變成了一家吃陽春麵的餐廳😳😳😳，那就隨便點個有我愛的蠔的麵好了，這碗蠔皇豬豬不得了，水晶人生之中從來未試過食一碗麵會飲曬成碗湯🤤🤤🤤湯底堅係好濃好重蠔味，而且我最愛的蠔還要是大大的一顆，後來拍完照才發現原來這家餐廳大有來頭😱😱😱，是米芝蓮推介😳😳😳誤打誤撞有食神實在好神奇🤣🤣🤣推薦給去銅鑼灣吃飯的朋友😊😊😊

一直好想試呢間喺大圍起家嘅麵店，佢哋仲榮獲米芝蓮必比登推介🌟 2月初嘅時候就嚟咗佢哋喺銅鑼灣嘅分店，星期六晚好好彩地唔使排隊就可以入去食晚飯🤩我試咗招牌之一嘅棉花雞湯麵 ($100) ，配料有日本地雞肉、魚肚、北菇、雲腿絲，麵條係扁陽春麵～雞肉幾嫩滑，魚肚吸曬湯汁好正，扁陽春麵麵質煙韌仲特別掛湯🍜 湯底濃得嚟有膠質但唔會話好鹹，飲得出落足料熬製👍🏻 不過以一碗湯麵嚟講價錢就真係有少少貴🫣

哩間咁出名嘅麵店開左係公司附近😍😍😍一定要去試‼️聽講大圍果間大排長龍，哩間唔洗排，正😋😋😋第一次係食海龍皇湯✌🏻個湯底係冇味精嘅‼️👍🏻係好濃郁不過冇想像中好食，可能太高期望潤牛麵 - 個豬潤湯底真係好濃郁‼️‼️‼️‼️飲到啖啖真材實料～牛小排都唔錯啦👌🏻雖然佢定價係高，但用料有心，難怪咁多人幫襯👌🏻另外亦試過雙冬羊同棉花雞個人最推介就係棉花雞可惜冇影相😂🫠棉花雞無論湯底定配料都夾得好好👍🏻另外泡椒豬手都唔錯😋順帶一提，哩到既姐姐服務好好🌹

有聞這家麵店由前五星級酒店caprice 的sous chef 經營。這兒的面積適中，座位未算太密集，裝修整潔，帶中式風格的簡單裝修。湯麵有十二款，由$74-$160，每款的湯麵的名字很有特色。迷你佛跳牆$145這個迷你佛跳牆有鮑魚、海參、素翅、魚肚、日本地雞肉，日本刺身，帶子、北菇、雲腿絲、高湯扁陽春麵等，用料豐富。先呷－口湯，是味道濃厚的金華火腿翅湯的味道，味道十分鮮美！而且沒什麼油份，正！鮑魚唔會太韌，幾彈牙，仲有海參、素翅、魚肚，好似吃緊山珍海味，再吃－口順滑的陽春麵，好吃！推介！海龍皇湯這湯頭鮮甜，是濃厚的蝦湯海鮮風味。配料有藍蟹肉、海蝦尾、北海道魷魚、日本刺身、帶子、廣島蠔肉、蝦頭油皇湯和陽春麵。蟹肉太散，唔多感覺到，海蝦要自己去殼，蝦肉爽彈，魷魚有少少似擦子膠的口感、還有帶子、蠔肉等，全海鮮湯風味。雖然喝了不少湯底，過後沒有感到口渴，不錯吧。

👶🏼帶我食好西yay估唔到係fashion walk都有咁平靚正嘅米線，環境清靜，湯料豐富，我地一滴湯都無剩！👀1️⃣ 花膠佛跳牆 $178 ⭐️8.5/10花膠湯無味精味但比想像中濃郁，用料幾豪華，有花膠（正常味&咬口）鮑魚（入味煙靭）魚肚（爽口）海參（偏硬）帶子（無乜彈性），麵底係扁陽春麵，掛湯又有d彈性，美中不足係唔夠湯，飲晒都未食完啲麵😂 整體對得住價錢👍👍2️⃣ 海龍王湯 $135 ⭐️7.5/10龍蝦湯龍蝦味正常，用蕃茄味點綴，有幾多種海鮮🦞jeng!! 包括海蝦尾（有蝦味但唔夠爽）、北海道魷魚（缺味唔夠彈性）、日本刺身帶子（正常）、廣島蠔肉（正常）🤣份量足夠👩🏻佢呢個係配陽春麵，幼身d咬落去口感輕盈d，而且掛湯d，我鐘意d haha😙--Food: 8/10Environment: 7/10Service: 7/10Price: 7.5/10Overall: 7.5/10💸 ~130pp

好湯好麵喺大圍就好出名終於等到佢開設分店✌🏻位於銅鑼灣名店坊，十分方便 🚌餐廳以上等湯底加上新鮮食材為主打價錢略貴，不過都物有所值仍然推薦大家去試試🐙黑口黑麵從佢個名就可以估到呢個麵係用墨魚汁當做湯底🖤雖然望落去十分黑，但口感唔會好厚湯底飲起黎有清甜嘅海鮮味，唔會腥而且唔會過鹹配料方面有魷魚和墨魚滑墨魚滑好大塊，嫩滑多汁同特別彈牙魷魚就口感清脆🦑扁陽春麵充滿着麵粉香，口感柔軟加埋蔥、薑絲同芽菜絲，讓味道更加豐富，獨具風味🍜🦞 海龍王湯龍蝦湯令人驚豔，一嚟到已經香噴噴蝦油的香味更加讓人垂涎三尺🤤湯裹面有一絲絲滑嫩的蟹肉🦀飲落有啲似龍蝦湯不過少咗嗰種濃郁嘅質感，唔會過於油膩反而清澈又甘鮮嘅感覺麵條有掛汁嘅效果整體食得出係精心炮製誠意之作，令人難忘🫶

同事日講夜講依間舖既湯麵真係好好食，終於有機會試到啦!我地試左蠔皇豬豬同餐廳推薦既海龍皇湯，一試我係冇失望，都係我第一次食完碗麵會飲埋碗湯，飲完都唔口渴，唔油唔鹹冇乜味精，4個人隻碗都見底，好湯!蠔皇豬豬既龍蝦牛油湯味好香，未飲都聞到好濃牛油味，而海龍皇湯係用蝦頭油熬，有海鮮鮮甜味而不漏，所以大家都好積極飲湯lol 餐廳麵食以陽春麵.扁陽春麵為主，麵條唔太淋唔太硬都好掛汁，好麵!至於配料呢，我覺得不過不失，希望好湯好麵之餘有更好既料，帶來更多驚喜啦~蠔皇豬豬既豚肉有4塊到，肉質軟淋帶油脂，鳳尾蝦普通鮮蝦海龍皇湯既海鮮配料，刺身帶子係新鮮，藍蟹肉量可以，北海道魷魚海蝦尾冇乜特別試埋個小食，涼拌麻辣手工豆腐，豆腐夠凍，麻辣醬夠辣而醬汁量唔算多，食唔到辣既朋友可以撥走d醬

平時出街都會選擇食麵，因為份量適中唔會過多，食落又唔會有罪惡感，夜晚食比較輕盈。星期日到銅鑼灣行街，買完一輪衫換季，身心疲累，經過好湯好麵既店見到麻雀雖小，入面客人滿滿。聽朋友講大圍好湯好麵 再上榜《香港澳門米芝蓮指南 2022》，而家係銅鑼灣再開分店實在太好了。平時出街都好少入大圍咁遠，而家不用特別排隊就可以入去食。我就點左海龍皇湯麵。賣相已經好有食欲，望落個湯好濃味，加上有海蝦、帶子、蠔同蟹肉等，十分足料。飲落個湯濃郁鮮甜，唔會油膩又唔會過咸，連埋個上海麵全碗清哂，飲後無感覺到落左味精既口渴。佢地揀上海麵做麵底好夾個湯，唔會滯之餘又唔會搶左個味，下次一定會回頭再試其他湯底！

「好湯好麵」獲得必比登推介後由大圍開到去銅鑼灣，上年七月銅鑼灣店已經開幕，一直未有機會試，次次眼見大排長龍就會放棄排隊嘅念頭😹 今次經過居然唔洗排隊，梗係即刻入去啦😆主廚大有來頭，曾經喺四季酒店Caprice做過副主廚👨🏻‍🍳 湯麵有12款選擇，款款都吸引🙊 價錢由$74-178不等，同食拉麵差唔多價錢💰 選擇困難症嘅我坐喺度諗咗好耐食邊款好，結果就揀咗「棉花雞」🐓 條佬就揀咗限量供應嘅「好頭好尾」🐂♥ 棉花雞 $100湯底好濃好正，唔會過鹹，煮到膠質出哂嚟，飲得出係足料靚老火湯，我最後連湯都飲哂，好yeah🤙🏻雞肉選用日本鹿兒島地雞肉，連皮嘅，肉質有彈性🐔 雲腿絲唔算多，北菇煮到腍身，同魚肚一樣索哂湯汁，掂👍🏻扁陽春麵煙韌掛汁，浸耐咗都唔會過腍🍜♥ 好頭好尾 $110牛骨湯帶有少少辣同香料味，有牛香🐂 本來都擔心川味會唔會好辣，佢呢隻辣度我又接受到喎🌶 入面有川味和牛面頰肉同法式燴牛尾，撈兩撈仲發現有啲牛舌喺嗰底😂 可見擺盤好隨心～澳洲和牛面頰肉同法式燴牛尾都好軟腍入味，不過呢碗整體表現就無咁突出，無飲哂啲湯😗餐廳推薦度：7.5/10會再回頭，會想試埋其他湯麵👍🏻 用料係足料有誠意，

不多說 超級好飲的湯底，勁用心熬製，想試好耐啦，終於喺銅鑼灣開咗分店唔使專登入大圍去試，今次喊左海龍王湯，果然10分出色，淨係個樣已經俘虜咗我個心，湯底用心擺盤都好用心，好足料兩隻大大隻海蝦，帶子，仲有好幾款海鮮全部都好新鮮好好味，面底似上海麵個湯係可以飲晒，沒味精，好好飲，超級鮮，飽到傻，可能係因為新開啲人未知，lunch time竟然都冇乜人，仲有好多款湯底都好想試，下次再嚟食，雖然價錢唔平，但其實係超值，自己煲未必可以咁好飲，仲要煲咁耐，真心推薦！！大圍店係長期都好長條隊，銅鑼灣返工人士有口福了！快啲來食！係咁。

早前喺恆隆商戶購物滿$5,000，會員登記後送$50餐飲優惠券，可以喺名店坊指定食肆使用。朋友食過好湯好麵話好味，咁啱喺到期前一日諗起有優惠券，一於就用嚟試吓好湯好麵😋假期完結前，食返碗招牌🦑黑口黑麵 ($90)應吓景🌚墨魚濃湯味道鮮甜，飲埋湯底都唔會好鹹，墨魚滑彈牙，北海道魷魚亦爽口，扁陽春麵口感不硬不淋，仲可以撈埋表面嘅蔥、薑絲同芽菜絲一齊食，別有一番風味😋 店員好貼心提供圍裙，亦時常添水，服務很好

好湯好麵由大圍開到黎銅鑼灣，呢間看似普通既麵舖其實大有來頭，其中一位老闆係四季酒店米芝蓮三星法國餐廳Caprice前副主廚黎德榮，店舖既12款湯麵都是由黎師傅精心打造，每款湯麵都各具特色銅鑼灣店唔算大，整個格局同裝修都帶有港式麵店既影子，枱放得好密，就好似平時去雲吞麵店咁，所以唔算得上係坐得舒服海龍皇湯海龍皇湯係其中一款人氣湯底，湯底用上魚、蝦、蜆、龍蝦頭等等既海鮮熬製，再加入熬足17小時既高湯而成，最後仲會淋上蝦油先飲啖湯，飲到好鮮甜既海鮮，加左蝦油令到個湯味更加濃，但整碗既湯係好清一d都唔油，麵就選用老字號粉麵廠張榮記既陽春麵，麵質彈牙唔會黏住一餅野咁，不過d海鮮就相對失色，食得出係急凍既海鮮，沒有鮮味可言，最後我真的飲晒成碗海龍皇湯雖然d海鮮比較失色同價錢都唔平，但無可否認湯底真係造得非常出色，呢度侍應都好有禮貌，會不停幫你加茶，下次再黎會試下其餘既11款湯麵😋

蠔皇豬豬🍜扁陽春麵，麵質不算有咬口，應該話唔太喜歡呢個麵質，唔夠掛湯🍜湯係高湯base 加 蠔湯，味道好像不太夾，好分離，第一啖好重蠔味，但食食下感覺好 plain🍜配料: 廣島蠔x2 肉質爽爽地，生熟度不錯。蝦x2 爽口但無味。豬腩肉幾片，都係無乜味。🍜份量偏小🤔食食下啲伙記好好服務係咁加茶，心唸，間野都幾好招呼，到埋單發現，原來有收加一服務費嘅，唔怪之得啦。😟食過 4個口味，唯一呢個唔好食，感覺個豬同蠔無乜啦Lun，如果我第一次就食呢個味應該都幾失望。