好運泰國美食 (已搬遷) 新店位置

次次同同事經過都話想試，見門口貼左好多明星相，好似有d 料😆。不過門面同環境其實感覺係有少少趕客，一來太細，二來有d 殘舊。今日四個人去到居然有位，不過原來入邊得4,5張枱，想堂食都唔容易🤔。叫咗個泰式炒鮮蝦金邊粉（$48),份量都OK,賣相都唔錯，面頭橙色既係類似菜甫黎。個粉味道偏酸，唔知係咪落青檸落得重手左。不過金邊粉幾有咬口，煙煙韌韌唔油膩。入邊仲有豆乾。不過我覺得芽菜，蛋可以再多d,因為d 蛋太碎。不過整體味道唔錯，幾開胃。另外同事叫咗飯同湯粉，份量就比較細。試咗啖青咖哩，個味唔錯好重椰汁味😍不過質地就較浠，遲啲再試吓其他先，不過要人少少先得。

今日一支公喺公司附近搵嘢食， 見到呢間舖頭細細，門口人頭湧湧就試下佢啦見到隔離枱三個學生哥都叫海南雞飯 所以我都叫咗一碟試下42蚊包餐飲喺呢一區已經算好平了海南雞飯皮薄爽肉嫩滑，皮與肉之間有層啫喱好正個湯都唔錯，飲得出冇落味精嘅到最重要嘅油飯啦佢嘅油飯應該黃薑粉比坊間落得多， 睇個顏色已經知道， 有油香 ， 亦聞得出有黃薑味 ，估唔到新蒲崗都有咁好食嘅海南雞飯 ，性價比好高 ，下次有機會試埋佢個香葉肉碎飯，個老闆同我推介嘅

呢間野之前聽過朋友介紹 ，終於有機會試到 鋪頭細細得四張枱 就好似九龍城泰國鋪咁細細間，裝飾都好有泰國風味今日我哋叫咗兩客螄蚶 ，一客泰式炒通菜， 同埋一碟炸蝦餅螄蚶好鮮甜好大隻， 最後嗌多咗一碟encore 蝦餅整到好似冬甩咁樣，好得意好彈牙 通菜好有鑊氣我哋唔食得辣所以叫咗小辣好惹味 價錢亦都好平民化，招呼服務態度都好好，食完獅蚶啲殼會主動幫我哋換碗朋友冇介紹錯絕對會再來幫襯

呢間小店～唔知有幾多人經過會留意到佢呢？一啲都唔起眼，係條暗暗地既街入面老闆耐唔耐就偷懶 早啲收鋪，都要睇好唔好彩先食到豬手半隻起，口感QQ彈牙，肥瘦岩岩好，汁留返黎送飯成日好快就賣晒架喇牛肉牛丸湯河：睇相都睇得到湯底濃郁粉分量同平時啲泰國鋪一樣好小不過就可以留返個肚試多幾樣野喇椰菜苗海南雞飯，雞有一半雞腿同雞胸肉 好公平喎！油飯好香大推既 仲有咖哩撈河，之前食過幾次好味，唔係好多地方有得食，必試包你有驚喜。

去九龍城不如試下呢間 ..............................推介個冬陰公～～～～～～～～～～～～ ～一個字爽又夠辣 食過幾次～～～～～～～～次次都好滿意 晏就都食過位置位停車又放便 老闆又好好人 真係要試下呀 價錢好 衛生 方便 好食 都已經滿足晒消息者要求啦 滿足既選擇------------------------------

冬陰公湯底夠濃夠辣。。。。。豬頸肉好薄 唔難咬！！！！黃咖哩唔辣，好有椰香。。。。洋蔥暑仔好冧好入味。。。。生菜包好爽！！上菜快，小店夠正宗！！！！泰國嘢唔需要再捱貴去九龍城食lu哈哈好好味呀！！！！價錢又合理

阿媽得閑冇嘢做，來新蒲崗搵我食飯，我路過間泰國餐廳有見無乜人，不如就試吓呢間，地方比較狹窄D，啲用具＂笠痴痴＂。叫了泰式炒粉，冬陰公海鮮粉和拼盤（炸蝦和鳳爪）。都好快。炒粉就油咗D，冬陰公好味👍🏽👍🏽拼盤都一流，我會再去食。

經過本身諗住入去食，不過見佢入面坐爆咗 ，我哋又唔想坐出面因為天氣太熱 ，所以就叫咗外賣 ，嗌咗一個豬手一個炒金邊粉，同埋見到佢原來有獅蚶賣，呢樣係我最愛，即刻叫左一客炒金邊粉甜甜酸酸同我喺泰國食嘅一樣咁好味螄蚶好乾淨，完全冇泥，好大隻好鮮甜好少地方有，配埋個泰式辣汁，食到我心心眼豬手原來半只有大分量 ，同埋佢個汁會分開上，唔會浸到淋晒，好窩心見佢地門口都有唔少明星相，估唔到呢區都有明星捧場客價錢亦都唔貴，值得再試

聽朋友介紹話呢間泰國嘢好平好抵食 經過兩次去都冇開門，以為已經冇開，但係見佢地facebook有update喎一問原來佢哋公眾假期同星期日都係休息嘅，如果大家去就記得留意喇，是日三個女仔嗌咗四碟嘢食嗌咗一個小嘅拼盤，老闆話呢個係3人份量，有三粒芝士蝦丸，豬頸肉同埋三隻雞翼 ，啱啱好夠我哋share 芝士蝦丸係蝦膠入面包住牛油同芝士，對住芝士控既我黎講係是日推介，香茅雞翼外脆內軟，豬頸肉有個酸酸辣辣嘅汁，味道好夾叫咗個冬陰功河粉，分量頗大，呢碗野真心抵食，有冬陰功湯，有河粉，有五隻蝦好足料嗌咗蝶泰式炒椰菜苗，之前未食過呢隻菜， 比平時食開嘅菜硬身少少，不過好好味飯就嗌咗個鹹魚炒飯，配菜有蛋，芥蘭，鹹魚等，好惹味整體而言，座位有d迫不過食物質素，服務都好好老闆又好好傾，好耐心答我地三把口不停問既問題價錢仲好平一定會再encore聽到隔離枱叫半隻海南雞不過賣晒，仲話成日都賣晒，我諗一定好正，下次一定要試下

以前喺新蒲崗做嘢成日都會幫襯呢間泰國嘢，雖然佢冇好豪華嘅裝潢，但係就有一份好似家庭式經營既感覺，當晚去到已經坐滿晒人，因為之後有約既關係，所以喺出面開枱食，好有泰國街頭風味今次叫左泰式豬手，炒金邊粉同埋生蝦炒金邊甜甜酸酸配上大蝦，豆腐干，芽菜九菜等材料好開胃泰式豬手好淋好入味份量都幾大，64蚊一客性價比一流生蝦亦好新鮮，72蚊有八隻比起出面起碼90蚊一碟黎講真係好抵食估唔到老細仲認得我，記得我之前食開肉碎飯中辣，呢種人情味喺周圍都係商場連鎖食店既情況下真係越黎越少一有時間一定會再來幫襯

今日好忙，惟有外賣飯盒，選了呢間，第一次食呢間外賣，即叫即做，算快，我點左豆角肉碎飯，一開盒，見倒無太陽蛋覺得應該吾會食哂，因為呢d有蛋汁撈飯係最好。結果我食哂盒飯，吾油，好食☺️$43加野飲，都係咁講啦，如果加隻蛋，我覺得值$45，會吸引好多囉

今日老闆生日，開大食會，因為我地公司都有三四十人，所以叫左幾間餐廳既野食，不過令到我最深刻就係呢間泰國菜，佢哋炸嘢炸得好出色 ，我分別試咗芝士蝦丸 ，蝦餅同埋香茅雞翼 ，三樣都炸得好香口又唔會太燶 ，蝦膠打得好彈牙 ，最令我回味就係芝士蝦丸， 入面有濃郁嘅芝士同埋牛油， 咬落去嘅時候 啲芝士同埋牛油喺口腔爆出嚟真係好過癮 ，另外試咗海鮮炒飯同埋乾炒牛河亦都好好味 ，以後食晏又多一個選擇啦價錢就唔清楚喇，因為老細請嘅，老細萬歲！！

我十分贊成標準工時，因為我就是其中一個「有返工冇放工」的打工仔，很多時候1小時的lunch time，也被無奈佔據！所以我很少在外吃午餐（有同事慶生或老闆out of town 除外），今次介紹的外賣是泰菜小廚，從前是由幾個泰籍aunties開的，現時由三個年輕人主理。吃過幾十次，都是外買餐，因為他們的堂食位置十分狹窄，看起來很油煙般的。今次的外買午餐盒是泰式海南雞飯配牛丸金邊粉。海南雞做得肉質嫩滑，好吃！牛肉丸是泰國製那款，不錯！他們會用紙杯把湯底分開，不用待時間久了，粉麵被湯浸得太淋，good 啦！（從前上手老闆沒有這樣的安排～）午餐送飲品，是次選了青萍果蜜，顏色十分artificial ，但味道ok！$43 泰式午餐set 連飲品， 只可以算是ok！三個sets以上才送外賣，今次是即點自取，製作得頗快！(註：算是ok：因該區尚有很多$30 左右的午餐盒連飲品賣啊！）

係膠簾既背後，有4張枱左右既迷你格局，如果五怕熱可以係店舖外圍既枱坐會闊落D。是日試左尼度既海南雞飯同炒金邊粉，野飲叫左蘋果茶同龍眼茶，除左金邊粉有d鑊氣，算五錯之外，其餘都麻麻地。食晏時間幫襯上菜會耐d，老闆對客人既態度算好，但服務欠缺(伙計好似幫五到手)。

平時去泰國餐廳食野閒閒地都要60幾至70幾蚊埋單，今日第一次去呢間餐廳食，見到佢D價錢都幾實惠，午市38-40蚊送野飲。然後我叫左個青咖哩牛肉飯，聽個老細講青咖哩係三種咖哩之中最辣(另外仲有中辣既紅咖哩同唔辣既黃咖喱)，因為我食潭仔不嬲都係食麻辣湯底大辣，所以我就叫左青咖哩。一般去到D餐廳叫完野都仲要等15-20分鐘先有野食。我叫完碟野之後2-3分鐘左右就出到黎，好似食快餐一樣咁快。野飲方面都係即叫就有。杯檸蜜好潤喉解渴，好岩食完辣野飲。咁平又咁快，食落一D都唔比貴價餐廳遜色。個汁好有椰子味，好CREAMY，所以我撈左好多落碟飯度。牛肉都幾滑幾大舊而且好JUICY，仲有D甘荀都好食，最主要係個汁搞到佢好好食。雖然對於我黎講青咖哩真係唔算辣，但係呢個桌上四寶真係幫左我唔少。因為佢，我可以自由咁落幾多辣粉(紅色)都得。我最中意都係青紅辣椒魚露，好有熱帶風情。中意食辣椒既我會係咁用魚露D辣椒送飯，索哂魚露既辣椒一咬就爆D魚露出黎，真係好正>_<黃色果隻酸汁令人愈食愈開胃。啡色果隻船河汁有D STICKY同酸酸地，仲有D類似芝麻蓉咁既野，都幾特別。其實令我食我最開心既都係因為呢