好運泰國美食 (已搬遷) 新店位置

新蒲崗泰國菜為數不多，但這件泰國菜的質素真不錯！尤其是冬陰功湯粉，我最愛吃了，自從第一次吃這家的冬陰功，本港其他地方的我都覺得沒得比，因為這家的酸度、辣度、濃稠度都恰到好處！湯粉配有五隻蝦，有蝦味，並非雪藏玻璃蝦！湯底落足料，泰國姜、香茅、青檸等都份量十足！小店還配有泰式調味料任加，為湯粉錦上添花，十分惹味。

點解標題我會咁打，因為宜家九龍城嘅平民泰國菜，價錢一D都唔平民囉唯有轉戰其他地方啦之前 Lunch 嚟呢度食過都唔錯，咁今晚就嚟試吓其他嘢啦！(因為 Lunch 都係食碗金邊炒)由於太肚餓食咗D先記得影相，豬手好焾好入味蛋唔知，因為我冇食(因為我只食炒蛋同煎蛋)香茅雞翼之前都食過，唔好睇個皮好似好黑好乾咁，但食落好香好滑仲有肉汁嘅(唔知係咪香茅嘅關係所以炸起好似好黑咁呢)椰汁沙冰，老闆話係新嘢叫我試吓！咁我諗住通常食泰國嘢都係飲椰青多，椰汁沙冰都可以一試嘅⋯⋯點知，一試愛上，唔知係呢排天氣太熱定新鮮感啦！真心覺得好飲，椰汁味好濃，沙冰勁透心涼，重點唔會甜到爆囉因為最憎飲品勁甜 ！總結：親民嘅服務態度，平民嘅價錢，地道嘅泰式味道

今日同bf去左捉小精靈，行過見到呢間泰國野好似唔錯喎，有幾枱喺度等位，行左成粒鐘累累地，就入去試下啦等左大約15分鐘先有位中途有人拎櫈比我地坐，亦有拎餐牌比我地睇住先，都好細心我地兩個叫左一客青咖哩豬頸肉飯，一客芝士蝦丸，一客泰式炒椰菜苖yummy，芝士蝦丸好味道，炸得金黃色入面有牛油，芝士，啱啱炸到半溶，好邪惡呀椰菜苗炒得夠惹味，小小辣，呢隻菜自己街市買唔到，正！！佢地個咖哩就煮得比較稀，不過個味道又幾ok喎，豬頸肉都好入味，肥瘦適中，因為做左半日精靈師，體力大降，竟然唔夠食，我叫老細加d飯，佢仲冇收我地錢添好有人情味，仲有同我地傾捉到咩小精靈，佢話舖頭有“周柏豪“捉，好多客捉到p.s.周柏豪係比比鳥

上次食完打冷見到原來隔離有間泰國野架喎，見佢都幾旺，啱啱要去新蒲崗又未食晚飯好！就入去試試佢舖頭細細，其實呢類型既小店先最吸引我，租金越黎越貴，用心既小店越黎越少，周圍都係一模一樣既連鎖店，有時真係好感嘆好喇，入番個正題講番食物先我叫左個檸檬葉豬頸肉飯，我本身唔太食得辣，所以叫左走辣佢應該係用檸檬葉，豆角，加d泰式香料炒既，配以白飯食起黎有淡淡檸檬葉既香味豬頸肉有口感，唔會太鹹，正又有d豆角，有菜有肉，營養均衡，估唔到呢兩樣野既配搭出奇地襯個白飯都煲得幾好，唔會太濕份量亦唔少，抵食野飲我叫左呢杯椰汁沙冰，老闆介紹既話啱啱推出，過癮喎，燈膽黎既！？整得好靚椰味好重，飲得出真材實料，亦唔會太甜我見到隔離兩枱都有叫呢個，其中有一隻會著光既，問老闆原來係青檸沙冰，個女仔拎住不停selfie,哈哈招呼，食物都好好價錢亦都平，希望香港唔會越黎越少呢類小店，因為絕對係我地市民既損失

呢間野晏晝都有食開既，通常都係食碟頭飯多，平靚正，今日晏左收工，見有位就去食個晚飯老細話有新野喎，咁就即管試下啦叫左杯青檸沙冰嘩，估唔到賣相真係好靚，靚過落bar飲嗰d cocktail隻杯係個燈泡黎，好過癮仲識變色架！雞翼拼蝦餅味道一流，好入味，不過略嫌炸得燶左少少！泰式豬頸肉切得好靚，個汁酸酸辣辣，正！火車炒飯炒得唔錯，亦好足料！讚！埋單兩個人每人都唔洗一舊水以泰國菜黎講絕對係超值！雖然舖頭小小，但無論食物質素同招呼都一流！

聽朋友講呢間泰國野好抵食，不過好少落新蒲崗，一直都冇試過，今日阿哥話不如揸車去試下幾好喎，出面可以泊車，連停車場錢都慳番兩個人叫左一個泰式通菜，一客咖哩軟殼蟹，兩客薄餅同埋一個椰青泰式通菜，炒得好有鑊氣，又唔會太老，少少辣，超正！咖哩軟殼蟹 110蚊有兩隻蟹，抵食咖哩煮得好香口，唔會太“希“薄餅點黎食一流，廚師亦唔孤寒，有好多汁最後encore叫多左一客黎點咖哩夏日首選！解渴叫左幾樣野都好食，不過舖頭就細d,得四張枱，所以都等左一陣，店員好主動比冰水我地亦好有耐性解釋，笑容滿面，讚！不過埋單先見到佢既“招牌菜“原來係“泰式船河“，不過已經太飽了，下次先再黎試

呢間泰國野行過幾次都見佢冇開，心諗“佢都幾唔休做架喎“今日又行過見到佢有開(菩薩庇佑呀)就入去試下佢先問左店員有咩招牌菜，當然佢講左好多樣啦，不過要推介一樣的話，佢就提議我食船河，話比較少泰國食店有得賣船河？遊船河？個名咁搞笑既！？佢話因為以前d泰國人喺船上賣呢個河粉既關係。。。上菜喇，聞起黎好香，試下個湯底先，味道比較濃，食到有金不換既味道，餸就有牛丸同埋牛肉好好味，絕對冇介紹錯，比起出面既鴨河湯底更有層次，泰式香料味道亦更突出價錢都係三十幾蚊，仲包野飲性價比好高見碗野咁正，就叫多客豬頸肉試下，切得好靚呀，好似朵花咁，未見個咁樣切豬頸肉，估唔到舖頭細細都咁有heart味道都唔錯，個汁都好味，不過唔洗點個汁已經好夠味了不過我好內疚呀，要做番多d運動先得喇最後，原來我口中既店員係老細黎既，因為我問點解佢地成日都冇開門傾開計知道既p.s. 原來佢地逢紅放假，唔怪得啦(我通常放假會落新蒲崗探婆婆)

聽朋友講呢間野好抵食，就去試下六點幾去到得一枱客我地兩個人叫左客椰菜苗，生菜包，同埋一個海鮮炒反椰菜苗好味，我第一次食生菜好fresh,肉碎酸酸辣辣好醒胃海鮮炒反掛住食唔記得影相舖子雖小，服務質素好好我第一次去都同我地好好傾老闆好friendly會介紹朋友黎食！

今日去完考試局交野十一點幾行過見到有間泰國野見有位就入去試下店子只得四張枱，小店風格睇menu有個火車炒飯，個名幾得意老闆話有蕃茄，豬肉，洋蔥，蛋就當佢係泰式西炒飯吧飲野梗係嗌番泰式野啦，雖然凍檸茶之類都係加兩蚊雞叫左杯龍眼冰 嘩！好足料，好好味，原來都係加8蚊，絕對值回票價！炒飯黎喇！炒炒得好香，有火侯，好味道食得出師傅既功夫因為炒一碟好既炒飯絕對唔易唯一美中不足係冷氣唔係好夠凍，一向大汗既我就辛苦d食飽飽見佢已經有幾個人等梗都係費事阻人做生意了

同女友去完新蒲崗買figure行過見到間泰國野即管入去試試我地兩個人叫左豬頸肉，無骨鳳爪，香葉肉碎飯，泰式炒通菜，同埋生蝦鳳爪個汁酸酸辣辣好入味豬頸肉都值得推介肉碎飯有豆角，香葉，配以豬肉碎，撈飯食一流店子雖小，但招呼同食物都好好

啱啱搬左去新蒲崗番工，聽過同事介紹呢間野，行過幾次都因為太多人唔想等而放棄今日實在太多野做成兩點半先放lunch,見到入面有位喎就試一試佢佢舖頭細細，得四張枱不過我見平時舖頭外面都開左好多張枱佢安排我坐左喺張對住牆既二人枱，哈哈，要面壁思過試泰國菜當然要叫 pad thai試下正唔正宗啦仲叫左杯泰式凍粉紅奶，聽個名好吸引，哈上菜喇，望起黎同聞起黎同我喺泰國食嘅都差不多，有蝦，豆腐乾，菜甫碎，花生碎，芽菜，韮菜，好足料味道比我食開既甜少少，不過我好鍾意，好好味幾分鐘就比我掃清光杯野飲就同泰式奶茶一樣比較甜既，個樣好靚！我見餐牌有幾樣野都只係晚市供應，下次一定黎試下晚飯

i will come this restaurant twice a week....the food was very good,my favorite item is minced pork with rice,i usually orderd medium spicy,the owner said i can order extra rice and its free,its very nice.he speak really good english and make me feel like home hereU can see thats some green beans and some minced pork,they put it on the side,then we mix it ourself,Its  always full on the lunch time and i'll usually sit at the outdoorprice is cheap coz it come with a hot drink as well, food is awes

今日吾想煮飯，所以去左公司附近買泰菜買外賣，其實平時都係食午餐都吾錯。佢話想食青瓜沙律，但原來這間沒有，所以叫左3款餸外賣返去。結帳都＄180，即每人＄90都幾抵的泰國菜。豬手煮得好淋，好大片皮以為好油，但原來食落去一點都吾油仲口感十足，豬手肉都好淋入味，不用沾汁我地都覺吾錯。蛋有一隻，已經有少少啡色，仲以為好咸，但原來沒有味道有點失望，但幸好有一點蛋香味。醬汁方面比左十分多，根本吃不完。但太杰身同甜，最後一大半就扔了。炒椰菜苗好香口同加左辣好野味，炒得到不錯吾會太硬，但菜曲太細同份量不是很多，有點失望。豬肉生菜包份量不多，幸好味道香同肉吾實，加了辣好香挾住生菜食都吾錯味道。底部偏多油，但份量太少原因，生菜留了一半已沒有用包住黎食了。

今日中午經過，見都幾多人食，於是食左泰式黃咖喱雞飯(＄40)，一d都唔好食😓😓系我食過最唔好食既泰國野，d咖喱稀溜溜，d雞得幾舊，仲要雞皮仲多過肉😠，對於唔食雞皮既人黎講，完全系食飯飽😫。我朋友食左泰式牛丸金邊粉($38)，我試左一啖，完全冇驚喜，佢話寧願食魚蛋河咯😂😂，總之一句，下次唔會再去。極度中伏！大家慎去，可惜冇影相，如果唔系可以比大家睇下佢d咖喱。。。我都知欠缺說服力😂😂，因為依間野專登上黎打食評😅。

今日去到新期蒲崗，左找右找吾知食咩好，男人突然話不如訖泰國菜，而聽同事講話好運吾錯，因而我地去試試..但大約1點鐘已經爆晒人，連戶外都沒 有位置。心諗再找，點知剛走了2個人，我地可以即時入去。但入去到勁細同坐得吾舒服，要貼都好近才可以食到和對住牆。海南雞飯：雞都滑但好少，醬汁不多只有2款（但味道久奉）。飯份量很多和好味，有點香料但吾油。湯只係一個香茜湯，味道濃濃的香茜味，蘿白沒有有 點失望。冬陰公海鮮金邊粉（中辣）：冬陰公味夠辣又夠濃，驚喜地好味道。蝦有5隻，吾叫淋有少少口感。但配料不多，睇落湯水咁....金邊粉都份量夠又吸 晒冬陰公湯味都好正！龍眼冰：龍眼勁多又甜，龍眼水好濃龍眼味，好味道。總結每人＄50都好抵食，味道質素都好。但位置真係坐得吾舒服，如果空間好多點更好。