好運泰國美食 (已搬遷) 新店位置

今日一行四人做完空中瑜伽就去咗試呢間泰國嘢，之前有幾次行過見佢都好旺，一直都想試但係一個人又唔食得多嘢，今日終於集齊四朵金花可以一齊去試下啦我哋叫咗一客芝士蝦丸，一份炸皮蛋，泰式鳳爪沙律，炒金邊粉同埋獅蚶鳳爪沙律好入味配菜有啲洋蔥芹菜芫茜，酸酸辣辣好開胃芝士蝦丸有六粒分量都唔少，金黃色嘅外表入面包住半溶嘅芝士同埋牛油，好邪惡呀炒金邊粉酸酸甜甜，配上韭菜，花生碎，菜脯，豆腐乾，大蝦等材料，眨下眼就畀我哋清曬喇見到佢牆上面餐牌有獅蚶，呢樣係我其中一樣好鍾意食嘅嘢，但係好多朋友都聽到都怕怕，嗌咗一碟試下連之前唔敢食嘅朋友都話好正，好鮮，配上店家嘅泰式酸辣醬真係好食到不得了， 螄蚶表面上嘅泥同埋沙都清潔得好乾淨，呢樣嘢真係抵讚而炸皮蛋球，蝦味好濃嘅蝦膠包住皮蛋，炸得啱啱好唔會過熟，皮蛋個心仲係半溶嘅，好好味好似流心蛋咁,yummy鋪頭老細都好好傾好樂意同我哋介紹菜式,亦都有同我哋講下笑,感覺好似識咗好耐嘅朋友咁,為呢一餐飯增添咗好多搞笑氣氛最後埋單每人都係夾幾十蚊，真係十個超值，連一向淨係睇唔會寫食評幾我都專登寫一個讚揚下佢

今日去開新蒲崗做嘢，見到呢間泰國野都幾多好評，同埋之前亦有朋友介紹過所以一行三人就入去試下， 食泰國嘢就梗係要嗌生蝦啦，佢哋價錢都算好公道，一客有八隻蝦都只係賣76蚊 ，我哋又叫咗半隻豬手，原來半隻份量都好多，豬手炆得啱啱好，唔會太淋，隻鹵水蛋亦都好入味，送飯真係一流，菜我哋當日就叫咗泰式炒通菜，炒得好有火候好惹味，最後嗌咗個黃咖哩雞飯，果然夠正宗 泰國嘅咖哩應該係比較稀，椰香味好重，份量都唔少抵食最後埋單每人都唔使80蚊，食物質素同服務都好好，價錢以泰國菜嚟講真係超平，不過鋪頭就細咗啲，不過呢樣就冇所謂啦，咁先有風味㗎嘛

我諗大部分人去食泰國嘢都會選擇去九龍城 ，諗以後大家會多一個選擇，今日試過新蒲崗呢間泰國小店，門口冇乜裝潢，舖面亦不起眼，鋪頭細細，但係見到門口有啲明星合照，同埋有雜誌介紹就入去試下晚飯時段七點幾好快已經坐滿咗人，店主問我哋介唔介意坐出面開枱，呢排天氣都幾涼有啲風同埋我個人係唔鍾意等位嘅，正合我意因為啱啱食完下午茶無耐嘅關係， 兩個人都唔算好有胃口，只係點左一個炸蝦餅一杯龍眼冰同埋一個黃咖哩雞飯，蝦餅炸得好香口，蝦味好濃，外脆內軟金黃色好吸引，黃咖哩雞飯配料有薯仔同埋洋蔥等咖哩比較稀，因為工作關係我都住過泰國一年，以我食過幾間佢哋地道嘅咖哩都係比較稀，所以呢樣嘢更加令我加分，有泰國風味，感覺正宗龍眼冰好好味唔會過甜，粒粒龍眼肉唔會好似出面咁得兩三粒，價錢方面亦都好抵食招呼周到，服務都幾殷勤，老闆同我哋有講有笑所以絕對會再幫襯

喺facebook某美食group見到有谷友介紹呢間餐廳,本身好少去新蒲崗呢一區,因為呢頭真係冇乜嘢行，咁啱今日要過考評局，立即去試試我哋叫左咖哩軟殼蟹，生菜包，炸蝦餅，同埋一客薄餅點咖哩，軟殼蟹分量有兩隻，咖哩煮得好香，椰香味好濃，薄餅點呢個咖哩真係好正， 炸蝦餅外脆內軟， 佢哋做法做到好似冬甩咁好好味， 另外印象最深刻就係個生菜包，因為同我喺其他地方食嘅有唔同， 我見老細都好好傾，所以就捉住佢問佢有咩秘方，佢同我哋講佢地嘅青檸汁就係生菜包嘅靈魂，因為佢哋真係逐粒逐粒新鮮青檸搾出嚟，唔同其他餐廳用現成支裝青檸汁，所以個酸味係食得出唔同㗎，同埋佢話咁樣做成本會高好多，但聽到有食客識欣賞好開心

新蒲崗工廠區的一間泰國菜小店，沒有光鮮亮麗的門面，店內位置十分少，但食物質素和價錢十分滿意。海南雞飯 $44無骨雞肉超嫩滑，雞油飯很香且粒粒分明，有淡淡的姜味。酸辣醬汁十分開胃。有湯有熱飲，這個價錢真的很超值！

今日去開新蒲崗做野，咁餓餓地就上網搵下有乜好食喇，見到呢間都幾多好評，咁就去試下喇去到見佢入面已經坐full晒，好彩啱啱有張枱埋單，等左一陣就有枱lu一行三人食左一個肉碎飯小辣，一碗冬陰公湯金邊粉，加多半隻海南雞去骨海南雞好嫩滑，半隻原來已經好多，都只係$86蚊，抵食另外嗰兩樣都煮得好正宗，冬陰公湯粉好正，仲有五隻大蝦，48蚊真係超值肉碎飯我本身以為有煎蛋嘅，後來先知要加5蚊，不過$44蚊仲想點丫，加上飽飽地所以冇加到lu埋單竟然每人都唔洗60蚊，我諗都冇乜泰國菜可以做到呢個價錢喇，性價比真係好高😍服務方面見佢得一個應該係老細嘅走黎走去招呼，好鬼忙，不過招呼都好殷勤，好好笑容，有耐性同我地介紹菜式不過舖頭就細d,得四張枱我見佢地門口都有開枱嘅，唔介意坐街邊食就冇問題，我自己反而就鍾意坐outdoor,感覺仲有風味，好似泰國食街邊檔咁，正👍

新蒲崗是一個具發展潛力的地區。於是，趁放工後有時間就到新蒲崗探索一下。雖然仲未有地鐵直達新蒲崗，但是在鑽石山地鐵站A出口一出，一直向前走，就能夠發現這片“世外桃源”。附近有MIKIKI商場，又有不少美食，中西美食應有盡有。我同朋友偏愛泰國菜，於是嘗試了“好運泰國美食“！ 揀呢間店的原因莫過於門面貼上了很多藝人明星與老闆的合照！ 咁出名，點可以唔試！ 睇過下餐牌，價錢平民貼地，難怪座無虛席，麻雀雖小，但五臟俱全！ 今次點了鮮蝦金邊粉，鮮蝦非常鮮甜，金邊粉炒得有大師級水準；招牌船河，牛肉和牛丸都非常鮮，河粉配合湯底十分濃郁；香酥薄餅，脆薄香酥；小食雙拼（炸蝦餅+香茅雞中翼）蝦餅彈牙，雞中翼十分入味；和泰式龍眼黑珍珠冰，柚子果纎蜜。

上網群組見到唔少人都介紹呢間泰國嘢，今日去開新蒲崗所以特登過去試下， 大約七點半去到見到佢入面都坐滿客 ，不過大約等咗15分鐘就有颱了， 我哋叫咗一客豬頸肉， 一個炒金邊粉， 泰式螄蚶同埋一個小食雙併， 鳳爪拼蝦餅螄蚶好新鮮 ，份量亦唔少 ，小食雙拼鳳爪好入味蝦餅，炸到脆卜卜熱辣辣， 正！豬頸肉好香口 ，炒金邊粉酸酸甜甜好開胃，有五隻大蝦，芽菜韮菜，花生碎，菜脯， 好正宗，老公好鍾意食咁多樣嘢食加埋都係每人一百蚊多少少 ，超級抵食 ，啲人果然冇介紹錯

一貫街坊小店風格，門口只有兩塊膠簾，鋪頭細細得四張枱， 不過見佢門口貼左唔少明星相，所以入去再試下老闆介紹咗我試佢地嘅海南雞飯， 雞肉嫩滑，油飯亦都好香雞油味，份量亦都唔少，海南雞飯兩個汁醬調教得好好味我地亦叫咗一個豬肉丸湯河， 豬肉丸細細粒好似有啲豬筋咁樣 ，老闆話泰國搭飛機過嚟㗎，好好味， 最緊要係佢檯面嗰四兜調味料， 有辣椒魚露，辣椒粉，酸辣汁， 客人可以調教出最啱自己嘅口味， 有酸辣，有鹹辣，有齋辣之後仲嗌咗一碟炒通菜 太肚餓所以唔記得影相，炒得好有火候，四十幾蚊好抵食， 招呼好殷勤 老闆都好好傾，絕對會再次幫襯

周末同女友拍拖，去完荷里活廣場就去左新蒲崗揾食，本來諗住轉入康強街擺抵架車再去揾食，不過見到附近有間泰國小店門外坐滿幾檯客，野食應該幾好，所以同女友就決定去光顧！ 最後發現呢次決定非常正確！入到餐廳都坐滿客人，剛好有人埋單，我哋都即刻有位坐，餐廳佈置得幾似泰國d餐廳！簡簡單單！餐廳提供既食品種類都幾多，小小店鋪估唔到可以做到咁多款食物，我都覺得幾利害！最重要係價錢都幾抵食！餐廳主打正宗泰式船河同豬手，我哋都點左嚟食！小店既效率都幾快，飲品無耐就到，椰青青甜！另一杯係泰式龍眼黑珍珠冰，好有泰國風味，甜度適中，無喺泰國飲泰式飲品甜到苦既感覺！黑珍珠有咬口，龍眼爽口，杯飲品感覺幾滋潤！另外要讚下餐廳都提供左同泰式餐廳一樣既調味架，咸酸辣一應俱全！除左飲品嚟得快，豬手都好快上檯，豬手做得爽口唔會過份軟稔，有咬口， 豬手非常入味，滷水汁徹底滲晒入d豬手度，記住要連埋d肥肉一齊食！而今晚既主菜亦都好快送到嚟，先嚟有賣相不俗的海南雞飯，黃薑飯聞落幾香，食落有淡淡的黃薑味，飯亦都做得似泰國地道餐廳咁比較乾身，跟埋碗有少少咸既雞湯一乾一濕，非常匹配！ 雞肉嫩滑，醬汁亦出色，一個薑味較濃，一個辣度較重，兩

約了朋友在新蒲崗，他介紹了附近一間吃泰國菜的小店。舖頭並不起眼,但見門口貼了很多明星相。坐下看看menu, 價錢大眾化。點了3個菜：泰式乾炒海鮮河炒河夠火候， 河粉乾身不油膩，海鮮夠足料，有蝦、青口、鮮尤等等, 蝦夠大隻、已去腸，抵讚👍！泰式豬手豬手半隻夠份量，好淋、很好味😍, 而且夠彈牙，肥瘦剛剛好👍。泰式牛丸船河我們選了金邊粉，湯底味道不錯, 加上金不換及我喜愛的莞茜，更為香口。牛肉很淋，讚！椰青 飲品點了椰青，很清甜。雖然店舗比較細小，但食物質素很好，服務態度也非常好，價錢又合理，朋友果然沒有介紹錯。

點解我嘅標題會叫不起眼的美食呢 ？？？首先佢哋舖頭細細真係一啲都唔起眼 ，其次佢哋個名叫好運泰國美食 ，以食物質素而言佢哋亦絕對配得上叫做美食........呢次叫咗一客豬頸肉，一客蝦餅， 同埋一個乾炒牛河 ，乾炒牛河太肚餓唔記得咗影相 ，哈哈，蝦餅外脆內軟，炸到金黃色好好味，好似冬甩咁一開二 ，大件夾抵食，豬頸肉醃醃得好入味 ，加埋個微辣嘅醬汁 係一流嘅配搭 ，乾炒牛河炒得好有火喉，兩個人埋單每人都係幾十蚊 ，值得推介

昨天到黃埔花園探望親友後，親友帶我到康強街間泰國餐廳。踏說已經去過好幾次，真覺得便靚正。我們這次點餐不小心叫了兩個菜，其實忘記了已經叫了個，重複叫了個。不過還好，我們都很喜歡吃菜，而這家店做的菜都很夠火候，味道很香。結果，我們最後都能KO芥蘭和通菜了。我們還點了冬陰功米粉、炭燒豬頸肉、泰式炒河。都很好吃，特別是豬頸肉，好嫩呀~~~，又很爽口。我們一共三個人，最後加埋飲品，才一共$250左右。超級抵！！！！會再有下次！！！讃！！！

我向老婆大人提議黎呢間小店食晚飯，先旨聲明環境一般，估唔到佢肯食，仲大讚添！呢度店面細細，環境麻麻，不過服務幾殷勤。價錢唔貴，簡直可以用相宜去形容。泰式海南雞飯（$42）可惜油飯賣晒，要食白飯（碟上）；雞肉份量唔多，好嫩滑，點個泰式醬簡直係精髓所在添！香茅雞中翼湯金邊粉（$35），轉冬陰功湯底（另加$10）就係呢碗湯河令老婆大人對呢度刮目相看喇！湯底酸酸辣辣（叫左小辣，辣度還可以），金邊粉夠幼容易索湯，炸雞翼香脆入味！值得推介！泰式炒椰菜苗（$50）再整碟炒菜！睇黎我下次屋企唔煮飯，就要黎呢度買外賣了，哈哈。

夏天就想食泰國野😆第一次去新蒲崗出job 上網search下咐近有咩食🤤就搵到lee間泰國餐廳 餐廳好細 得4張4人抬🤔Lee區小店好似特別多🤣午餐時段去食 都幾full😌午餐係包熱飲👍🏻我叫左海南雞冬陰公金邊粉 又想食海南雞又想食冬陰公粉 一次過滿足兩個願望❤️$45海南雞冬陰公金邊粉冬陰公好好食👍🏻好濃味👍🏻真料實料😆🤤叫左小辣 唔太辣可以接受🤣海南雞都好食 好滑👍🏻午餐包熱飲❤️另外，餐廳效率超快 5mins內有得食🤤