好麵線

营业中

休息中

明明話食12點35 點知佢成1:22先送到啊之後仲要明明得一兩個人手，但係又要招呼咁多個學生，坐到逼到死！兩張兩張4人枱要坐11人坐錯位又要俾人鬧。。？超冇言，得8分鐘食。

從來都冇寫食評嘅習慣但食完呢間米線之後我覺得好需要叫大家避雷———————————————個日突然間好想食米線但係又唔想食啲連鎖店所以就想OpenRice度睇有冇啲小店可以試吓咁就見到呢間，見到佢都有人讚有人彈我覺得所有口味都好個人一定有人鍾意有人唔鍾意咁就諗住唔理啦，照試吓———————————————咁我就叫咗碗兩餸嘅酸辣米線因為個湯底太衝擊我啦所以我連我叫咗咩餸都唔記得個人習慣碗面一到會第一時間飲啖湯佢個湯底係 —> 黑醋+辣椒油+水完全唔可以話係湯底飲咗啖湯之後食咗幾嚿餸就走咗啦———————————————佢個湯底已經唔可以因為個人口味而去評論佢個所謂嘅”湯底”，都唔可以稱之為係湯底辣椒油唔辣但碗野好紅好油黑醋加落啲水，就好似潮州打冷炸豆腐點白醋入面稀釋咗嘅白醋飲落口咁成件事冇層次冇誠意冇烹調佢就好似煮熟咗之後將所有嘢倒埋一齊咁

第一次食到咁難食嘅米線首先唔講一入嚟就叫我哋搭枱明明仲有三四張空枱我哋嗌咗一碗麻辣米線配豬紅+麻辣米線配豬腩肉豬紅仲未熟豬腩肉冇調過味，食到豬嘅原汁原味真心未食過咁難食嘅米線凍奶茶，仲要冇茶底得奶…

再為一個廚師，我只可以喺平日三四點出嚟覓食今次食呢間嘢，唔經唔覺由中學開始食已經食咗十幾年有多…中間仲帶咗唔少朋友睇完戲過嚟食，係油麻地數一數二推薦米線，成個疫情冇嚟食過希望冇變啦個menu都係一模一樣，每日仲有一個特價餸，我第一次嚟食嘅時候個特價餸係鴨血，自此就發現呢度嘅鴨血真係好好食，出面嘅完全唔同，係一絲一絲非常嫩滑今次我嗌咗鴨血海帶米線中辣，對家就嗌咗酸辣粉…我個米線上到嚟非常之清寡，原來老闆娘以為我嗌全走，不過唔緊要啦個湯都係一樣嘅啫…點知一試個湯，淨係得酸同辣，一啲都唔鹹，極之無層次，好似屋企攞碗熱水加黑醋同辣油咁…就算之後佢畀返啲配料我，到完全彌補唔到…個鴨血係一模一樣好食，但係個海帶好似煲完湯係垃圾桶執返上嚟嘅湯渣…已經肉眼睇係啡綠色…煮到有少少爛同透明…至於對家個酸辣粉明明小辣仲辣過我個中辣，啲辣又好似唔使錢咁，一層超厚，個顏色紅得好奇怪，又完全冇辣椒嘅香味，個湯就一樣冇味…一句講曬十年情斷

今日推介我既私心選擇，好耐無食鴨血啦，呢間我之前成日都會幫襯，但因為近期要做占，需要更多的是蛋白質，所以少食左呢類型嘅食物，呢間米線店嘅鴨血，會被我稱之為世一，因為佢唔會好大塊，又唔會太薄，口感唔係實果種，係滑溜溜的啫喱口感，之所以會選擇鴨血粉絲湯，因為嗌米線嘅話，跟鴨血做餸無廿多，哈哈，之於湯底可以揀麻辣或者酸辣，正常發揮，麻辣湯底麻辣俱全。#鴨血 #鴨血粉絲湯 #油麻地美食 #油麻地 #麻辣 #好麵線 #小店 #hkfoodie #hongkongfoodie #hongkongrestaurant #spicy #foodie #foodiehk #foodinsta #foodporn #foodphotography #foodstagram #foodblogger

其貌不揚嘅米線，睇唔出我係佢嘅擁躉。開頭係朋友介紹之下，去呢間小店度食，試過一次之後，就經常性再幫襯。一定要推介嘅係佢嘅手工餃子，同平時喺出面食嗰啲好唔同，佢嘅用料調味都配搭得非常之好。同埋佢嘅麻辣，係真係好香同埋夠辣，雖然有陣時會食到流晒汗，但係鍾意食辣嘅人都知道，越流汗越爽皮另外，佢嘅飲品都係好足料，唔會好似出面啲餐廳咁都好求其俾少量嘅材料然後開好多嘅水。臨走嗰陣，店主話我知佢哋嚟緊會放假，放到去二月先再開，好彩林尾都識到多一次。同埋好彩係放假啫，近年咁多食肆執笠，佢哋都仲可以放個幾月假，應該都冇咁易執笠嘅，二月再返去食。

今日想食麵呢間好麵線係用紙仔自己畫配菜麵底 加咩汁既見到包心貢丸幾特別就試下加個豆腐紅薯粉煙刃 ok 既湯底豬骨湯幾香濃 唔錯丫但係一個麵兩個菜就已經46蚊了呢個價錢無野飲 真係貴左dd..所以試過就算 應該都唔會再來了😆😆

嗰日去開嗰頭做嘢，入去試吓，叫左四餸（豆腐丶冬菇丶餃子丶雞肉）酸辣米線，埋單連一杯凍檸茶，八十幾蚊💸💸💸最好笑係嗰日檸檬茶係做緊特價，我問佢點解收我正價，佢話因為我叫咗走甜，所以冇特價.......咁都得？再睇吓餐單佢哋一隻雞翼收$10一隻💸💸撇除價錢啲嘢食係可以嘅，不過真係貴咗啲

油麻地近駿發花園有一間好麵線常常經過只是沒有試過現時疫情影響，中午時分都不大多人客見到有人都係叫這個26元起的米線/薯粉條 小鍋可每樣餸外加附帶的配菜有芽菜，韮菜，甜酸菜和肉碎不另外費我們要了一個薯粉加14元鮮牛肉配肉碎麻辣（最少級）湯底另一個米線豬骨湯底加12元魚腐配韮菜魚腐外表不好看吃著也差強人意不鮮味，亦太咸反而韮菜正正常常我的鮮牛肉有些太實但個湯幾好早知應該多叫芽菜或甜酸菜這些都是免費的叫一個米線加7元 半價可要一奶茶奶茶也是正正常常的好味同意之前的食友意見小店掙扎求生值得支持

0係OPENRICE見呢間小店個評好好就黎一試呀雖然個位唔係叫好方便但唔算難搵可能我地早七點就黎到未算好多人呀點左生菜, 鴨血米線(酸辣少辣)個米線份量都唔係講少都幾大碗個質感略嫌UN左少少但索晒湯都好好味配料味道正常鴨血幾入味湯底都好濃酸酸地好開胃串燒茄子黎到見到相好吸引咁就試下呀佢個調味同平時串燒有D唔同其實都OK的唔食元西既朋友記得走呀

今日行行吓，見到小路入邊有一間米線店，雖然好細，但係入邊嘅氣氛好溫馨，所以就忍唔住入咗去。一入到去，見到入邊有好多學生，令我不禁想起以前嘅青春。嗌咗個薯粉，薯粉吸左啲湯汁，食落去味道好濃，會係一啖接一啖嘅味道！

因為疫情又再次爆發，所以餐廳食肆又少左好多人幫襯，其實都明嘅，依家都應該盡量留係屋企煮食，少ｄ出街，慎防感染，但餐廳生意真係一蹶不振，可以想像到經濟幾咁差。油麻地街坊小店，都立足左好幾年，而且選擇都幾多，又有米線又有串燒，價錢又大眾化。懶得諗就揀ｄ套餐，因為都平過散叫。我地叫左２人溫馨餐$155揀左傳統過橋配薯粉 (1鍋); 口水雞同2枝豆漿（可揀黑豆漿但冇貨）薯粉一般，應該食返米線會好ｄ；好多餸，有豬肉片、肥牛片、雞肉、火腿片、魚腐、冬菇、鵪鶉蛋、蕃茄、唐生菜、韮菜、金菇同甜酸菜。樣樣都冇欺場，因為真係堅多餸，鵪鶉蛋都有4粒，唔似出面個ｄ勁多芽菜係底。口水雞都有大半隻，唔同出面勁油個ｄ咁，酸酸辣辣，似泰式多ｄ，不過都好食嘅。食得勁飽都係$155，質素其實唔差嘅，又多選擇，希望疫情快ｄ緩和等食肆生意都回復返就好啦～

呢間米線舖係朋友介紹的， 佢同我講啲豬潤好食！ 食左一次之後就喜歡上了。 地址比夠偏僻，唔算多人流既地方 應該多數做街坊生意。 我次次想食清淡啲既米線就會揀呢間 佢既豬骨湯係新鮮煲既 唔會食完好口渴！好好味😋 都有食過辣既湯底 好夠辣。但個人都係中意食翻佢個豬骨湯🤤佢每日都會有唔同既特價野飲，小食，餸。我覺得都好抵食 所以差唔多次次都會叫佢既特價野黎食！麻油手撕雞拼海蜇 $40手撕雞既肉唔會好鞋，麻油都好香又唔會太油 除左有雞肉仲有甘筍，青瓜，海蜇。👍🏻燒茄子 $30佢會落好多蒜 好惹味架！ 不過食完個口會有啲臭😂🤭🤭 加辣都好好食 會更加錦上添花！每次都會同男朋友搶黎食👅口水雞（特價）麵有好多件雞 個辣汁調得好惹味 會想食完再食， 唔會太辣😌總括而言，每次去必食既係麻油手撕雞拼海蜇🐥，豬潤🐷，燒茄子🍆！

今天買了一份米線➕4個配菜，中麻辣，一份蠔油唐生菜。麻辣米線湯底就只是加了一些辣椒而已，沒什麼好不好吃的，我本身是被食評里提及鴨血吸引去買的，鴨血我拿回家已經四分五裂了，路程不超過3分鐘。我也嚐不出所謂的嫩滑口感。餃子，蘿蔔正常，腐皮好少，兩塊吧！蠔油唐生菜的蠔油跟醬油差不多，不像平常吃到的蠔油，死鹹，我還回家另外用水洗一次依然很鹹，多吃幾次可以洗腎了。但我最氣的是，熟客在我後面order，為什麼她的米線比我的快，飲料小菜都非常快上齊了，我去拿乾洗好的衣服回來還等了5分鐘吧！熟客的專利吧！味道不這麼樣，這樣的服務，我是不會去第二次了！

自從朋友帶過嚟食咗一次之後念念不忘。上星期放工即刻即刻去去點知餐廳休息一個禮拜。 今日去之前打電話發現正常營業好開心!呢度每日都有一款特價小食特價送同特價飲品。今日係口水雞滷水蛋同利賓納。我叫咗手工餃子滷水蛋中酸辣米線。手工餃子係菜肉餃，個味道甜甜地又唔會太鹹啲菜又爽脆。滷水蛋略為唔係好夠味，不過撈埋個湯底都搭救到。最鍾意食個酸辣湯底，佢係比較酸嘅。佢仲有好多唔同嘅菜式選擇，毛血旺好似好吸引可惜我只係得一個人，如果多人都可以試吓其他嘅小菜。