好食雲南米線

营业中

休息中

有一次想要吃夜宵就跟朋友來了這裡嘗了第一次，結果就成了這裡的常客。這裏的裝潢跟譚仔三哥很相似，食物相似，價錢一樣。我喜歡這裏的酸辣雞肉米線（$28）。它的湯跟譚仔的三哥酸辣或是普通酸辣不同，比較濃，沒有三哥酸辣的一種藥材味。它的雞肉滑嫩，另外它也有豆卜，吸了湯汁挺好吃。米線硬度偏硬，我喜歡比較硬的米線，所以覺得挺好吃。這裏加飲料要加$7，檸底和凍飲要再加錢，所以還是不加飲料比較實惠。

呢間野都開左一排，諗唔到食咩好就入左去點左個酸辣豬潤麵，再加一個麻香雞麵來了，一聞就知出事，點解咁臭既？ 臭味來源自豬潤，又羶又臭，真係好難頂湯底原本都OK，麵都正常，但都比D豬潤搞到臭哂...... 果下真係好後悔點解唔去食譚仔.....無耐麻香雞到，雞絲份量少一點但可以接受啦配埋香芹同荽茜，起初食幾啖都無乜野不過愈食愈覺得雞絲有陣雪味，而且愈食愈重，就算是辣味都掩蓋不了要伴著大量香芹同荽茜，先勉強入到口比較正常的，就只有素菜涼拌米線麵的份量多，還有不少蔬菜佐料，都幾FRESH麻辣青瓜廿蚊得幾舊，麻辣汁同麻香雞的一樣切法同其他舖頭的不同，不過都爽口

經過呢度門口好多次，但見佢個名叫"好食"，心諗係咪咁浮誇加上這裡用綠色做主題，好搶眼，今次黎試一試先。我要了腩肉+魚腐米線，$31+$2(麻辣湯小辣)呢度唔似平時過橋米線般油，亦都沒有肉碎，但濃濃的湯底令我飲完再飲。腩肉咸咸地，肥瘦適中。魚腐係真係魚做的炸魚腐，不過只得兩粒，唔夠喉******************************哥要了雞肉腩肉麻辣米線，雞肉好滑!!******************************媽要了魚腐清湯米線，清湯味道很清甜，媽就讚因為不是味精湯。******************************另外叫了麻香雞，唔太辣，很香麻油味，雖然細碟，不過$15有呢個味道算係咁啦!!******************************從店面設計﹑餐牌﹑上菜外貌都係簡單為主，但係好味既!!以我食的兩款加辣湯要$33，沒有餐飲，希望可以增加啲份量啦，哥哥食完投訴唔夠飽，要買番甜品安撫佢

荃灣福來村有好多間米線, 都已經試左好多間, 無乜驚喜, 呢間新開,比出面張宣傳彩圖,以為有正宗的過橋米線, 入到去中伏, 原來都係一般的米線店. 唉, 算啦, 照試 米線好似一般小窩米線, 選湯,選餸咸腩肉米線酸中辣湯底 - 湯底一般, 不夠酸, 也不夠辣. 也不夠鮮味, 腩肉偏肥, 也不夠咸味, 米線一般炸醬米線酸BB辣湯底 - 可能因有炸醬關係, 所以湯底較濃味, 米線一般小食: 幾出色卥牛展 - 幾入味, 不會過唸, 有一點咬口, 好入味麻香雞- 麻油香味好濃, 雞肉幾爽脆.有一點麻辣香味,不會過辣, $15幾底食 

由大家食開設既好食一直都好想去試,只係每只路經都未開門.今次中午12點始終見到佢開鋪,一於沖入去霸番個卡位.不過食之前諗起大家食個招牌,真係好過癮,老闆好型想食咩自己圈,仲可以圈走依樣走O個樣.但係我明明圈左都無走到.唔緊要,我就叫左個功夫麵加麻辣,配料要咸腩肉,海帶和雞肉,凍檸茶走甜TOTAL$44蚊份量都不少,每飲一口湯,香料味適中,都係類似四川麻辣火鍋湯底味,雖不特別但算美味.配料雞肉具彈性而不鞋,因用了雞脾肉.海帶就切絲,但就無咩口感.咸腩肉比一般腩肉咸少少而已,味略為單調.功夫麵就當佢係手打麵,麵質彈力不算好強,但都幾索湯.無想像中咁煙韌,但好過食米線既.味道上係不差,但配料既質素和選擇的確一般