好食雲南米線

营业中

休息中

餐廳有曱甴好正常，但系今次爬左上隻腳😱😱😱然後我問員工，叫佢地幫手掃一掃我踩死果隻曱甴，又唔理唔睬，叫多兩次仲用掃把掃我😡想叫佢地比D紙巾我整下隻腳，就要我比3蚊😡認真態度、衛生都差。

涼拌酸辣 $34 熱食、米線、小辣味道配合得很好。有很多配料，雞絲、芽菜、青瓜絲、香菜、辣椒、花生及芝麻。非常豐富，多重口感。滷大腸 $22唯大腸內有很多肥膏，味道也偏咸。

同男友諗住求其搵間米線食黎左呢間好食雲南米線叫左碗魚腐，雞肉，黑椒牛丸原味功夫麵同咸腩肉，牛柏葉，滷蛋原味米線落單冇耐，個呀姐行埋黎問我地轉唔轉枱想俾個六人（有大有細）但未齊人既入枱坐4人卡位我都唔明，明明我地入枱先都要讓枱而唔係叫人等囉最後我地堅持唔俾佢轉兩碗麵到左，原味真係好清［冇味］相比起，功夫麵好食過米線既其他配料都係現成野 冇特別其他舖頭都好食過佢呢間野冇下次！

黎到荃灣搵食篇😊問問住荃灣既朋友，佢話佢食開lee 間😉lets go!有暖心鍋，雲南米線，涼麵等等選擇算幾多😎👍🏻👍🏻魚腐滷大腸（中酸辣）辣汁同米線好夾🤤乾濕度岩岩好唔會一夾起，條條分明☺️魚腐有咬口，唔會太粉，幾大粒，大腸係正常唔錯。皇牌炸醬撈（功夫麵）肉碎既份量比我想像中多，每一口既麵都滿滿肉碎☺️ 就算依到每後一口，都依然有得撈👍🏻😌炸醬小小辣，總體幾好☺️上菜速度夠快，係食lunch 精選☺️😍

涼拌酸辣米線(小辣) $33有天在荃灣路德圍，經過見到這間叫自己做“好食“的米線店，就試試是否店如其名吧！因為當日天氣有點熱，所以沒有叫湯米線，反而叫了款自稱“首家自創“的涼拌酸辣米線。這碟涼拌米線的賣相不俗的，份量也很大碟，見到有好多配料：雞絲，芽菜，青瓜絲，辣椒，芫茜，花生，芝麻，夾埋一齊食口感味道都幾好，食落幾開胃醒胃，米線也挺彈牙的，不同美中不足的是這個“涼拌“米線的溫度實在不算“涼“，只是不熱了吧，但整體都還可以的。

舊時去開荃灣，如果未食lunch 就一定會幫襯呢間，今日都吾例外。黎到3點鐘左右，岩岩避開高峰期，吾洗同幫學生爭食。落單必點麻辣米線配麻辣雞翼尖&竹笙，因為呢兩味餸係超抵食，同其他餸同價。配菜有韭菜，蘿蔔片，腐皮，豆卜。真心推介麻辣雞翼尖俾喜歡食辣既朋友，因為佢真係好入味。竹笙既份量又係好多同好大舊，吾似坊間其他米線店咁，碎濕濕。湯底我今次叫左5度辣，略嫌吾夠，下次可挑戰6或者7。食食下發現原來都幾多強國人幫襯，真心希望好食keep 住個水準同埋價錢。

午餐嚟到荃灣路德圍，同事推介食好食雲南米線，佢之前食過一個涼麵話幾好食，我哋就跟住佢去試下！餐廳裝修簡單，空間大，有多張檯，落單係用多項選擇紙，話明多項選擇，即係提供好多選擇，辣度由小辣到大都有得揀，不過有d令人花多眼亂！ 希望餐單可以再簡化一d會更理想！同事都叫左涼麵食，我就叫左個功夫麵，中酸辣，有酸菜，大腸，個湯味道略淡，酸多過辣，功夫麵煙軔，不過稍嫌份量少左d, 如果可以多返d會更好，大腸煮得稔，不過不太入味，酸菜幾醒神，另外同事叫左個炸醬一齊share , 咸咸地，都幾惹味，碗麵可以多返d味！

餐牌簡潔＿＿＿＿＿＿＿＿＿＿＿＿＿＿麻香雞：雞肉和芹菜偏老，但麻辣香口，味道搭救。麻辣米線：麻辣湯底很香，配著吸收了湯汁白蘿蔔薄片，果然是『好食』！炸豬扒：味道和口感是不錯的。外面香脆，肉質還算嫩滑多汁，不過以單點來說，這份量也太少了吧… 跟單牌上的圖片有明顯差距，而且有3-4塊都是邊邊的位置… ＿＿＿＿＿＿＿＿＿＿＿＿＿＿座位就是一般的小圓櫈，不算舒適，但也不太擠迫。冷氣機吹著頭頂，只能怱怱吃完就走。

今日午餐時間行過 諗住試下叫左酸辣功夫面(大辣) +豬潤+滷大腸 外賣$38佢個辣超堅 平時食到辣嘅我 都食到漂哂鼻水湯嘅味道吾錯 大大碗料亦好足 豬潤同豬腸分別起碼有6-7舊 仲大大舊豬潤吾硬有咬口亦無怪味 豬腸都尚算滷得入味 配料都好多 有蘿白薄片 豆卜等等 食極都仲有蘿白片爽脆 配辣功夫面 口感不錯不過略嫌d米線有d癡 有d淋 可能我無叫佢分湯啦服務方面 個姐姐都好好態度 細心問要吾要分開裝亦都好快手 等左5分鐘到就有呢個價錢 味道泥講絕對有下次

次次黎開荃灣都忍唔住要捉d friend 食呢間既手斯雞米線，唔單止唔洗等位，一去到就坐低有得食，廚房整得又快手，好快整完個麵上到枱。而講到不得不讚既就係好鐘意佢好多香料，香料包括有芫茜，香蔥，芝麻，醋，加埋佢地秘制既醬汁，食完唔會口乾，夠大碟，d 手斯雞又夠多，唔會食到最尾唔夠餸，要食剩麵，耐真係名附其實～好好食， 另外佢既蔬菜沙律都係另一推介，d 菜切到好幼細又夠新鮮，加埋d 汁又係一流， 夏天熱辣辣連埋米線食簡直一流！！！建議黎開荃灣既朋友一定要試⚠️

好食雲南米線，我見到呢個名咁有自信，二話不說就到走入去試一試，我見到收銀位置有“大家食“的樣，應該係同一個老闆喇。店內唔大，咁啱俾我見到有個卡位，就坐落去，睇一睇Menu都唔算太貴，正常價囉，又唔係好平，黎得一定係試一試佢個麻辣湯米線喇!!(雖然我唔係食得好辣，但係我好鍾意麻辣個種麻麻地嘅感覺)睇睇下發現原來麻辣底係要加2蚊架!!唔緊要喇，好食就得喇!!我叫左2小辣，配牛肉，魚腐同貢丸，每一款餸加6蚊，再加多一個凍奶茶先!!好快，有得食，我見佢寫附送韭菜、蘿蔔、腐皮同豆卜，原來配料的分量唔係好多，啲蘿蔔切得好薄，一啲口感都無，韭菜得幾條，都OK喇，唔洗錢，雖然有好多餐廳都唔會加咁少配料。我見個湯底色水唔差，我習慣先飲一飲個湯，唔太辣，正常呀，我叫嘅係小辣呀嗎，但都唔麻的確係有少少失望，米線，不夠軟滑，而且有一點"痴"住，好明顯係一早已煮好啲米線，唔係即叫即煮，而魚腐唔係我平常食到，一大塊的，而變成好似一粒魚旦狀，但唔係好淋，好滑的口感。講到咁，好似好差咁，不過最後牛肉唔太差，無筋，唔太硬，過得去喇。最後試埋杯凍奶茶，一般喇，無咩茶味，如果你問我會唔會再黎，我應該未必會。

麵身略嫌硬左dd，食落去有d難咬 5/10反而個味道幾開胃，食落唔錯 凍凍地幾過癮8/10價錢同普遍米線店都差不多，都係算大眾價錢去開附近唔想食x仔都可以一試。整體都有7/10

一個人下午唔知食咩好，依家天氣咁焗又咁熱，覺得食咩都唔開胃，甚至唔想食，不過唔食又唔得...於是喺路德圍行吓睇吓有咩可以食，行過見到呢一間米線，醒起之前有個朋友介紹我去食，見到佢有個涼拌米線，都幾開胃，啱晒呢啲天氣，咁就行咗入去食。呢間餐廳入咗去發現都幾闊落，唔會好擠迫，坐得幾舒服仲有卡位。落單方式係劃紙既方法，老實講米線來講佢嘅價錢唔算貴， 尤其係嘢飲，道地綠茶都只係加＄7每日限量發售麻香雞，夠凍夠麻😋涼拌功夫麵，驟眼睇以為係米線，但係望真啲顏色、質感都唔一樣。米線會比較容易斷同埋冧，功夫面有啲似幼版嘅油麵。酸酸辣辣，凍凍麻麻，加埋佢啲配菜有青瓜有花生撈埋一齊食，口感豐富買單＄50 ,食到好飽，但係唔會好膩，值得推介！

胃口不佳，故今天只叫了一（食送）芝心丸小酸辣米線全走。芝心丸只有两粒，好傷心哦。米線沒有咬口，偏淋，湯底酸香亦惹味，將米線整体的分數稍稍提高。價錢好像是三十多元。

我同朋友都好鍾意食米線，經常會去試一啲網上流傳話好味嘅米線今次知道荃灣開咗間新嘅好食米線於是就去試吓啦。呢間鋪頭11點半就開啦，已經係門口有四至五個人等緊，咁入到去呢就感覺都幾乾淨！食完12點3左右都唔算好多人價錢合適，一般食米線嘅鋪頭啦都比較齋，只有米線食，但係呢呢一間呢就會有埋沙律，好適合想減肥嘅女士去平時食米線都會叫雞翼尖嘅，呢一間呢嘅雞翼尖呢就都唔會太林啦又入味可以值得推介我就比較喜歡啊有湯嘅米線，但係呢個涼拌功夫面呢都比我好大驚喜，因為非常開胃同埋味道都好足。