妖怪 (已結業)

今日老細請食飯，我地更系要食D好野慶祝下啦! 🥳🎊🎉我地揾幾個同事提早去拎位，所以老細來到就有位啦！💯呢間鋪裝修好有特色，令我地置身於日本動畫既世界裡面。🎃我地叫左刺身壽司Set大家share, 個set 每一個肉都系唔同既，🍣所以每一口都系驚喜，全部肉都好新鮮，壽司飯好開胃。😋🥳仲叫左個煎真花魚，因為我平時都怕腥，所以好少食魚，但系呢個真花魚一D都唔腥，😏好野味，配埋檸檬汁反而幾開胃。仲點左鎮店之寶之稱既稱草煙燻鰹魚 (5切)，😍😍第一次食已經停唔到口，肉質彈牙爽脆，高級野就系唔同D！💯💯🎊多謝老細請我地食到甘高質既壽司刺身店，有機會再來幫襯！

今個星期六和幾位姊妹到中環大館打卡，👭🏻玩到傍晚決定系附近呢間叫妖怪既餐廳食少少野。🍝🍜🍣🍤因為我地都算早入去，岩岩下午6點左右，所以都唔洗等位，好快有得入去。🌝🌞因為我地還有下場到蘭桂坊聚會，所以我地叫左幾個小食，🍤🍣留肚夜D再食。我地叫左鹽燒鰤魚鮫，富山螢火魷魚和特上雞腿肉。🤤古唔到食物質素有驚喜，個鰤魚鮫肉質鮮嫩彈牙，而且師傅話系用岩鹽燒，特別野味。✌️😊魷魚一D 都唔韌，配埋檸檬片好fresh,好滋味。最後，個雞腿肉好彈牙，而且去曬骨，岩曬無肉不歡的我，可以大快朵頤!🥳🥳總括而言，CP值幾高，歡迎姐妹們來打卡。🤭🤭🤭🤭

上星期過港島見完客，身心疲倦，🥲lunch 時間經過中環皇后大道中附近見到呢間叫妖怪既日本餐廳，即刻被它好有特色既《妖怪大圖鑑》外牆吸引，😍😍之後就決定入去探店。😎因為我本身是日本漫畫大師水木茂既fans，👻特別中意睇鬼太郎，所以就算未開始點野食💪🏻，都已經對呢間店印象加分。✌️我叫左Lunch 的燒雞定食，🍱貪區夠曬大份又足料，🍚岩曬果日超級累的我。😊個燒雞特別卷住來燒，將雞肉的肉質鎖在入面，✔️✔️所以吃起來不會很乾，而且卷住燒雞，🥘可以受熱更均勻，配埋獨有的醬汁簡直一流。個定食還配豆腐海帶味噌湯，唔會太濃味，但系個豆腐好鮮甜，吃完叉滿電可以繼續工作。💪🏻😜個人覺得真系極有特色，日本迷不妨一試。👏🏻👏🏻👏🏻

📍中環區都比較多餐廳, 今次食到一間質素好既日本料理, 食材新鮮😋打開個menu 真係好多樣野食都好靚好想食🤤但今次揀住兩個我最中意食既先, 豚肉流心蛋卷同埋鹽燒鰤魚鮫一上菜就即刻幫佢打咗個卡🤣🥢豚肉流心蛋卷🌟 呢款流心爆汁的流心蛋配豚肉係必食，因為佢係用日本蛋，蛋味好濃，再用軟嫩的豚肉包住燒，香濃到真係令人回味無窮。個醬汁同豚肉油脂好match！🥢鹽燒鰤魚鮫✨大廚以鹽將魚鮫簡單調味加埋少少蔥粒，但魚鮫燒得好香，肉質好嫩滑，配埋佢個汁甜甜地幾juicy下，唔會太dry超好味呀，我好快就清晒。

本身俾間餐廳吸引左我同朋友入去食飯, 佢有bar枱, 又有sofa位, 座位全坐得都好舒，咁岩佢俾張枱我地係對住佢d妖怪 background，我地邊傾計邊欣賞佢地都幾chill😊餐廳入面光線較昏暗但幾有氣氛打卡都靚啲🤪呢度嘅waiters都好nice好有禮貌💕 我地就睇下佢有咩係出名d, 我地就揀佐佢既sushi set 入面有齊我地中意食既中拖羅，牛鰍，赤身，金木鯛，深海池魚，真名鰹，昆布漬白蝦，北海道帶子，三文魚子，布甸蛋。最後呢個招牌燒鰻魚飯定食都要叫黎試下🤪睇落幾fancy條鰻魚真係幾有份量👍口感就都唔錯, 唔會好硬, 又多鰻魚汁, 佢既鰻魚香味都好重，完完全全滿足到我對鰻魚既要求🤣飯粒粒分明 份量亦唔少🤤係我中意食嘅日式料理！

餐廳裝修好靚，好有餐廳名妖怪feel🤩🤩打卡一流📷高質👍👍👍一定會再去❤️💗出餐效率又夠快，唔洗等太耐❤️ 一入到餐廳會見到好多以妖怪日作主題的background，聽餐廳員工講原來係日本漫畫大師水木茂既design，幾特別同吸引！ 呢到個燒鰻魚飯定食相當有水準, 價錢都有成正比👍基本上佢係有原條厚身蒲燒鰻魚係我地個定食, 啖啖肉之餘又唔會太乾身，甜美嫩滑, 食唔出有咩魚骨,係超值既鰻魚飯😊 我地仲叫咗個壽司set 🍣 - 一共有10件唔同款 ~ 中拖羅，牛鰍，赤身，金木鯛，深海池魚，真名鰹，昆布漬白蝦，北海道帶子，三文魚子，布甸蛋🤤 我最中意食既係金木鯛壽司，佢既油脂岩岩好，肉質細膩，味道鮮美！另外個布甸蛋，蛋味超濃厚，口感軟滑，味道甜美👍

今日試咗間CP值超高既日本餐廳🫣佢入面室內環境都幾靚，最緊要選擇多🤫我可以試哂唔同種類嘅野食😂免治雞肉 ~ 免治雞肉棒，超正，雞肉燒得好香雞肉好嫩滑, 口感好正, 好有雞味. 再配上醬汁同生雞蛋, 沾上蛋漿食更滑口👍雞頸鹽燒鰤魚鮫 ~ 超中意佢既鮮嫩口感，鰤魚肉質結實，味道鮮甜，魚鮫外層燒得香脆😊 萬緣寺青椒～ 青椒煮完都唔會好乾身，仲食到佢嘅juicy狀況😬雞腎～ 經過特製麻油大蔥醬汁調味而成的雞腎，肉質鮮味多汁，口感惹味🤤蘋果木煙燻特上大拖羅 (5切) ~ 拖羅油脂香濃，入口即溶，會有淡淡木煙燻香，嗅覺同味覺都有雙重享受💕

一直都好想食出色既日本餐廳，於是約咗朋友到中環妖怪呢間餐廳，因為呢到選擇多，同埋見到好多人黎打卡📷✨真花魚, 餐廳員工仲教我地如果唔怕酸, 記得要配上檸檬汁去食, 會令到到條魚既鮮味更出👍✨7款刺身拼盤😍成個刺身估唔到我最中意係蝦，以為佢唔算太大隻, 但係蝦身上竟然都有蝦膏同蝦子，我可以一口將隻蝦送到自己個嘴，係在嘴裡面個種鮮甜，感覺妙不可言🤣✨最後我仲order 咗另一個 $350既稱草煙燻鰹魚 (5切) ，佢既口感好正, 佢d魚肉感覺好似半生熟咁，而且食到佢嘅煙燻味岩岩好，又冇帶走魚嘅鮮味，超難得👍好明顯個廚師廚藝精湛！

餐廳位於中環皇后大道中，港鐵香港站行過去好近好快到，環境舒適❤️😍同朋友傾計好舒服👍👍 今次三人行，叫左2個丼 -- 油甘魚深海池魚丼, 雜錦魚生丼🍚~佢既雜錦魚生丼賣相非常吸引，色澤艷麗，而且用料堆到成座小山丘咁都好豐富。飯面鋪滿了唔同既魚生，旁邊仲有三文魚子、同海膽。另外佢既油甘魚深海池魚丼，每一口都食到魚生的鮮甜同特色！💗 試過佢地出色既丼飯，我地最後忍唔住order埋個壽司set👍果然無令我地失望，佢d剌生全部都厚切, 脂肪紋理好靚, 入口有魚香; 又帶鮮味; 北海道帶子完全同日式超巿買到既好唔同，唔會有急凍帶子味道,反而仲食到啖啖鮮甜, 味道新鮮, 唔會有腥味！

實在太近翻工位置, 所以今次已經知第幾次黎食😍真心recommend 👍好味lunch 日本餐廳。呢個價錢🈶️呢個質素份量食物真係好值👍🏻。我最常叫濃厚雞白湯雞湯 – 雞腿肉套餐, 雖然lunch set 有好多選擇,但係呢個太好食，值得去食, 同事們都不斷 encore 👍🏻 如果可以成碗湯都飲完一定會揀濃厚雞白湯雞湯雞，真的是一個超出色既選擇。❤️麵既口感偏軟，但還是有著麵粉香氣。但是呢一碗湯底算係我食咁多碗雞白湯，口感上最溫醇滑順的一碗由雞熬出來的綿密風味，令到雞湯底超鮮甜同香，唔會太膩，成碗飲完都好掂。另外叫左個豚肉流心蛋卷，微焦脆的白金豚肉包著原隻流心蛋, 流心蛋的蛋汁令白金豚肉口感更滑嫩🤩，超好食。

喺餐廳門口等位嘅時候偷睇到入邊有一個theme wall🤣勁吸引我想快啲入去影相，間餐廳嘅裝修都幾新，佢每個wall都會有唔同嘅妖怪🤪一坐低侍應就俾個餐牌我哋order, 餐牌上面都有圖俾我去參考吓係點，而侍應都好有耐性咁推介啲嘢食俾我哋，服務質素都算唔錯🥳咁我哋都聽咗佢推介，第一時間叫咗個壽司拼盤🍣拼盤入邊一共有10件，佢嘅質素同omakase有得揮🥰(中拖羅，牛鰍，赤身，金木鯛，深海池魚，真名鰹，昆布漬白蝦，北海道帶子，三文魚子，布甸蛋) 我最鍾意食佢嘅三文魚子粒粒都好大粒一咬就爆汁😍另外佢個深海池魚肉質軟腍又有啲爽既口感🧡魚味濃郁鮮甜😝另外再叫咗一碗濃厚雞白湯拉麵🍜本身比較鍾意食幼滑質感嘅雞湯底。碗拉麵一上枱就香氣四溢🙈完全勁濃同鮮美👍🏻入口完全唔覺膩😚

前2日有同事介紹呢間餐廳俾我哋🤭我哋決定今日Lunch過嚟食🥢因為公司喺附近, 一入到餐廳勁靚，勁有特色🥰完完全全係俾我哋可以打卡，同埋一入到去就知間餐廳嘅design完全match到佢哋嘅舖頭名~ 妖怪👻我哋就叫咗佢lunch special個餐牌上面嘅燒雞定食🍱同埋濃厚雞白湯拉麵🍜價錢💰都係二百幾三百蚊左右一樣，同平時中環其他餐廳價錢差唔多😆 我同同事就叫咗一個飯同埋拉麵share,諗住可以試吓唔同嘢食🤪佢嘅lunch定食會附送埋前菜味噌湯沙律同漬物，所以佢嘅份量都夠飽😂佢個燒雞定食勁多汁，佢啲雞燒到有少少脆，再加上佢側邊啲配料唔會食到好dry 👏🏻而另一個濃厚雞白湯拉麵超出色，冇諗過佢真係有雞煲出嘅濃湯做湯底，佢啲雞都好嫩滑🐔而麵底係我鍾意食嘅超級彈牙💛

今日諗住早放工就求其入咗間餐廳食飯，經過呢個門口覺得間餐廳幾特別，所以就走咗入去😂佢見我自己一個去食飯，所以都安排咗我坐梳化位☺️個環境都幾舒服。我見個Menu啲嘢食都幾吸引，可惜自己一個食所以唔可以嗌咁多嘢食🫣首先我叫咗兩串串燒~ 特上雞腿肉同埋雞翼🍗 我本身比較鍾意食雞所以兩樣都嗌咗🐣嗌咗兩樣份量都啱啱好嘅一個人食，食咗第一隻雞翼，啲皮超脆食得勁滋味🙈食完一隻自己食埋另一隻😂好彩唔使分享，另一個雞腿肉佢啲肉真係好特級，佢係串燒上邊加咗少少Wasabi，感覺都好match好好食😋 食完串燒都係唔夠飽，最後決定叫多個鹿兒島芥辣八爪魚🐙同埋蘋果木煙燻特上大拖羅 (5切)😛諗住佢細細份可以自己一個食晒都唔會好飽，佢個芥辣八爪魚唔算話好辣，完全係啱啱好個感覺🥰另外因為我太鍾意食拖羅所以我都要order, 5塊都勁厚切同埋佢個煙燻勁適合打卡📸 今日食到好滿足咁歸家

今日同朋友去咗一間喺中環嘅日本餐廳。間餐廳名叫做「妖怪」。因為我同朋友都好想食日本菜，所以咁我哋就去試吓啦！我同朋友都好鍾意食魚生，所以我哋就點咗兩個飯。一個係山幸拖羅三色丼，而另一個係雜錦魚生丼🤤啲食物嚟到我哋已經流晒口水啦🤤🤤完全被征服左！拖羅入口非常新鮮，完全入口即溶！好好食😋而雜錦魚生飯都同樣非常棒！有多新鮮嘅蝦，魚生海膽不特止，仲有大大隻帶子，成個5蚊更錦大，咬落去非常鮮甜彈牙！如果你都想體驗點俾「妖怪」征服，就快啲去試啦！

今日同男朋友拍拖去咗中環嘅妖怪餐廳度食飯。我哋叫咗個雞翼，寒鯖魚一夜干，同埋個稱草煙燻鰹魚☺️雞翼—外皮香脆，燒得脆卜卜！一口咬落去非常Juicy,雞肉非常嫩滑！寒鯖魚一夜干—同雞翼一樣非常出色都係脆卜卜，咬落去啲魚油散發晒出嚟🤤而魚肉同雞翼一樣都係非常嫩滑，唔會「鞋烚烚」！稱草煙燻鰹魚—雖然得五切，同埋成$350，睇落非常貴，但性完全價比非常之高！鰹魚大大件同厚切，咬落去非常新鮮，完全冇魚腥味！我同男朋友都非常滿意！