妹記大排檔 (已搬遷) 新店位置

今晚經朋友介紹來了這裡，他說什麼很好吃，我們就嘗嘗吧。三、四個人卻叫了五個菜，完全吃不完，明明有很多男生一起吃。避風塘炸雞翼 - 炸得通透，再加上點點蒜粒，避風塘味道完全出來，不錯不錯。魚香茄子 - 普通吧，很香茄子很軟，其實沒有什麼店子連這麼普通的菜也可以煮得難吃的。個人嘗過最好吃的是上海婆婆，茄子的汁用來送白飯絕對是一流。咖哩XX肉 - 咖哩很香，但因為我媽媽經常煮，她煮得惹味一點辣一點，這個就一點都不辣，所以對我來說不算很吸引。黃金蝦 - 好好吃! 蛋黃永遠都是最好吃的，蝦也沾滿了蛋黃，每咬一口都是滿滿的蛋黃，不錯。

青紅蘿蔔茶樹菇湯，味道蠻不錯，真材實料不加味精，散發淡淡清爽菇味，有益健康的湯水。雖然第一次幫襯，但老闆娘親自過黎問我飲唔飲湯，免費送贈，真的十分 warm 啊！沙嗲牛肉即食麵配中式例湯，都係第一次，夠特別﹗內部格局似工廠區既飯堂，應該係佢地既特色。員工們都好殷勤招待，老闆娘特別親切，暖笠笠食得開心﹗沙嗲牛肉即食麵配炒滑蛋，即炒滑蛋熱辣辣，質感滑溜，不是老死的蛋皮，好滿意。清香的新鮮沙嗲牛肉不是罐頭貨，味甜不濁，原汁原味有咬口。麵條煮同一般，帶腍帶粉呢，不像即煮的感覺。老遠黎到尖咀又係食沙嗲牛麵，哈哈﹗琴晚飲到大醉，早餐食左個三味三文治，一陣去 BBQ，食少少打個底，不能太飽呢。見到 menu 菜色包羅萬有，還有特別出品好吸引，有機會真係要到探訪，原隻脆皮豬手、雞鍋、魚腸、等等。

同事們飯聚, 記得係舊舖時幫襯過佢, 便提議到來食炸豬手, 味道好似冇之前咁好食~!其他餸菜亦只屬一般, 炸子雞比醬蔥雞好食, 炸墨魚咀都幾有咬口, 但蠔餅﹑椒鹽鮮魷就唔合格了, 咬落去成口粉, 炸得太厚身....另外上湯豆苗就咸左啲, 不過都有風味的...!  整體雖然冇以前咁好食, 但尚可接受.  但到埋單, 居然唔收credit card而要收現金?!

早食飯唔洗等位,餐廳都未滿.就係因為咁我就更加覺得唔可以接受.4個人叫左5樣野焗魚腸,蠔餅,鐵鍋雞,飛天通菜&鴛鴦蒸烏頭.叫左十分鐘就上左4樣野,一開始都覺得幾好喎幾快,應該係因為未多人啦.聞落好香,第一啖幾好,但係再食覺得好似好油咁,食到底啲油多到呢,未計食左嗰啲呢.香味有嘅,但係煮到過火左,老老地.純粹懷舊,你可以話係食佢原味,都可以話佢冇味.個面嘅質感應該幾特別,有小小似腐竹咁,但係好可惜試唔到真身,因為冧曬,好似薄紙皮咁. 呢個蠔餅呢,蠔唔多,明嘅就當cost貴,咁但係點解個面都冧曬？唔係即炸嘅咩？忽然明白點解咁快上菜,應該係整定曬加熱等出菜啦.過左3-4個字條魚到喇鴛鴦蒸烏頭,一邊豆豉,一邊梅子 兩邊都落左好多糖,好甜,一啖咬落去...霉嘅😅應該唔會有下次喇

今日一行5人到尖沙咀食晚餐,友人提議到妹記大排檔。來到這裏果然很大,可以大顆兒在這裏飯局都無問題。看到餐牌,有很多款式的小菜,也有些特式小菜。我們點了煎蠔餅，蜜桃糖醋豬面燈,鹹魚茸通菜煲,口水雞。口水雞,份量有啲少,辣椒油浸住,但食落不覺好辣,雞很嫩滑煎蠔餅顏色有點黑,有點油,沒有咬口,因蠔的份量不夠。這個鹹魚茸通菜煲很辣,食了一條就沒吃了。但若喜歡辣的朋友就很惹味。蜜桃糖醋豬面燈覺得和豬面青無什麼特別。酸酸甜甜,好開胃。

今天跟同事在尖沙咀的分店吃晚飯，共有十三人，之前因聽聞這間舖頭的食物是不錯，而且在尖沙咀這樣黃金地段開得應該很有水準的，所以我們也懷著期待及興奮的心情入店。我們約了六點三十分，因我們在附近放工已可在6：15分左右到，但一到門口登記處已見到牌寫名人數齊人後方可入店，我們很擔心，因為只有我跟一位同事到，正疑慮我們應否去登記時，門口的小姐已告訴我們：你們的朋友已經到了～ 我們便入了去，發現另外有兩位同事已到，即不用齊人便可入去 ^^而到了後我們立刻點餸，都有點10多樣餸，點完後簡直令我們嘆為觀止， 因為大約十五到廿分鐘已有一整枱的食物，全部都是熱騰騰的，我們正想著食物的質素會否一樣令我們滿意，怎料。。。白菜仔（蒜茸炒）－ 跟普通的餐店抄出來的差不多，多了些油，但夠煱氣魚蝦蟹春卷－ 吃不到濃烈的海鮮味，只是因新鮮炸出來的口感不俗，但不感覺到自己在吃海鮮，跟在普通飲早茶的春卷感覺大致相同鬼馬油炸鬼－ 聽聞是這間店出名的餸菜之一，可惜口感及味道仍是沒有太特別咸魚通菜煲－ 太咸了，大家吃完後亦忍不住要喝多些水，及要跟飯一起吃才可金銀蒜粉絲蒸勝瓜－ 這是我們比較滿意的餸菜，勝瓜很清甜，味道不俗，不太油

一班人食飯，要嘈得，傾計唔使就住就住，就應該食大排檔。 但一班女，未必個個肯去好「地 」o既大排檔，呢度算係環境舒適版。南北杏菜乾燉豬肺湯 $138幾清甜，不過唔係好夠火候，但size算大，都有10碗湯。黃金蝦 $78ok 香，咸蛋黃味道唔太濃，唔會太搶，可惜太多油。鹹魚茸飛天通菜 $58好味，但都係太多油...海棠豆腐 $58第一眼望以為係蒸水蛋，原來係玉子豆腐！ 第一次咁食玉子豆腐，幾得意。味道唔錯。原隻脆皮豬手 $178呢個堅好味！ 係呢度招牌菜之一！ 送啤酒一流！啲皮真係好脆，點甜酸醬，又唔太膩，好好o既佐酒小菜。 不過份量都幾大，要幾個人 share 至得。沙拉骨 $65醬太多但唔特別好味。可以唔試。魚香茄子煲 $58好味，竟然唔算多油，送飯好好味！豉椒炒蜆 $78普通。 鑊氣唔係好夠。香麻小雞雞 $58必食推介！正！望個樣以為好似口水雞會好辣，但原來唔辣！ 啲乾辣椒係香，加上麻油，就更加香！ 又一個送酒食一流o既嘢食！ 差啲想叫多一碟！哈爾濱啤酒 $18@ x2呢度都係用戰鬥碗飲啤酒，梗係要影相呃 like 啦！白飯 $9@ x2總結：食物ok，埋單每人百幾蚊，尖沙咀呢區，

今日同同事一齊走左去妹記試佢出名既脆炸豬手，果然不負眾望，不但炸到鬆軟香脆金香，仲有一陣陣鮮豬肉香。此外，我地仲叫了豉椒炒聖子，除了有一青椒和豆豉味外，聖子那種鮮味都吸引我地即場叫多一碟。最後，我地還叫了椒鹽鮮尢，魷魚不但爽脆，還有香甜的海鮮味，不愧係必叫之選。總括來說，妹記價錢同份量在尖沙咀都算合理。

要食有香港風味嘅美食 大排檔絕對係選擇之一今晚就同老友們回味下香港風味😁一窩蠔仔粥 裡面有芫茜 肉碎 柴魚 蠔仔 材料十足粥底鮮甜 蠔仔味濃 米飯煲到開花👍🏼👍🏼👍🏼招牌炸豬手 骨肉分離 外層炸到脆卜卜 肉質彈牙 充滿骨胶原 食完唔覺太膩👍🏼沙嗲牛肉炒西蘭花 有菠蘿粒嘅沙嗲醬 微微嘅甜配上嫩滑嘅牛肉 爽口嘅西蘭花👍🏼魚香茄子煲 熱辣辣好香咸魚味 不過略嫌太油⋯ 可能係星期五嘅關係吧 有點被趕嘅感覺⋯😔😔😔

新年後, 結婚的朋友約出黎食飯派利是, so sweet大家就約起佢公司就近的飯堂晚上八點都好多人等位, 勁揪拎左飛仔, 叔叔話大約20分鐘, 咁起附近行左一圈番黎都仲要等多4張等到8.40pm先入座搬左過黎地庳後都食過3-4次, 大排檔就緊係食下小炒啦先點左枝哈爾濱啤酒, 侍應遞上"飲勝"酒碗, 好似拍緊古裝戲啤酒係勁冰凍, good~3個女仔, 每人揀左一個餸, 一個要蠔餅, 我就點左個菜煲, 另一個就要黃金蝦球d餸等左一陣好快就到蠔餅, 勁少蠔仔, 又鬆散, 好似唔夠蛋液咁大家都好失望, 以前我食過時唔係咁樣我食左幾舊, 先食到1-2隻蠔仔咋, 陰功最後呢碟食淨1/3, 唔掂好彩其餘2個都ok黃金蝦球, 有另一個連埋蝦殼, 平少少,不過我地懶得碌殼大約有7-8粒, 都幾大隻, 面頭係炸粉, 唔會好厚身, 仲係脆既再用大量咸旦王炒至金黃色, 好正朋友仲叫左飯同粥一齊食南乳齋菜煲, 比想像中大好夠味道! 入面既菜都有好幾款, 加埋勁入味既粉絲3個女人都食到好飽話哂都係"室內大排檔", 係會坐得迫少少同膠椅會有點唔舒服, 所以大部份客係食完就走人

新年後, 結婚的朋友約出黎食飯派利是, so sweet大家就約起佢公司就近的飯堂晚上八點都好多人等位, 勁揪拎左飛仔, 叔叔話大約20分鐘, 咁起附近行左一圈番黎都仲要等多4張等到8.40pm先入座搬左過黎地庳後都食過3-4次, 大排檔就緊係食下小炒啦先點左枝哈爾濱啤酒, 侍應遞上"飲勝"酒碗, 好似拍緊古裝戲啤酒係勁冰凍, good~3個女仔, 每人揀左一個餸, 一個要蠔餅, 我就點左個菜煲, 另一個就要黃金蝦球d餸等左一陣好快就到蠔餅, 勁少蠔仔, 又鬆散, 好似唔夠蛋液咁大家都好失望, 以前我食過時唔係咁樣我食左幾舊, 先食到1-2隻蠔仔咋, 陰功最後呢碟食淨1/3, 唔掂好彩其餘2個都ok黃金蝦球, 有另一個連埋蝦殼, 平少少,不過我地懶得碌殼大約有7-8粒, 都幾大隻, 面頭係炸粉, 唔會好厚身, 仲係脆既再用大量咸旦王炒至金黃色, 好正朋友仲叫左飯同粥一齊食南乳齋菜煲, 比想像中大好夠味道! 入面既菜都有好幾款, 加埋勁入味既粉絲3個女人都食到好飽話哂都係"室內大排檔", 係會坐得迫少少同膠椅會有點唔舒服, 所以大部份客係食完就走人

好耐無嚟, 今晚約了友人吹水, 差不多11時, 知道一定唔使等位, 於是都老遠行過來. 冰凍哈爾濱啤, 一個字: 淡! 哈哈...椒鹽豬手, 特多炸蒜泥, 好香口, 皮炸得半脆, 帶些煙韌, 膠狀肉質, 十分滿意.啫啫通菜煲, 上檯時, 唔係"煲", 應該係"鑊".... 唔緊要, 係煲係鑊都無所謂, 但沒有了那些熱爆的滋滋聲, 因為隻鑊沒有燒熱過...西蘭花牛肉, 西蘭花夠爽脆, 炒得剛好, 牛肉就唔太滿意, 醃粉太強, 略為偏淋, 無牛肉味.有貓貓陪食, 特別開心!

講係大排檔，不過同酒樓差不多啦，是在地下室的，人整天都很多，晚上食的話要等位哦！呢度D嘢都算好味，夠曬镬氣，就係覺得有DD貴喇。首先推薦企地嘅通菜，企地通菜真係正，新鮮爽口又入味，那脆脆的口感，真係讓人無法停口啊。油炸鬼一開始我仲以為就係早上食嘅油炸鬼，點知人地另有洞天，D麵粉裡邊仲包住D墨魚，應該係墨魚來加，外面脆脆的，裡面嫩嫩的，配著企地嘅戰斗碗飲黑妹啤酒，真係爽啊，加上企地嘅乾鍋雞，分量足，夠香氣，夠入味，真正的大啖飲酒大啖食肉啊、爽啊！

每次經過都可以聞到妹記大排檔好香噶炒菜味，好耐之前就想嚟試一次，今日終於有機會嚟一試味道 就連青菜都可以炒得咁好食，青菜噶色澤好靚，綠油油咁，而且味道適中，唔會太鹹，落噶油唔會好多，食落仲有蒜頭噶香味 炒花甲炒得好入味，醬汁好好味。不過花甲肉比較少，花甲殼有啲多 煲雞噶色澤真係好靚，啲雞好入味，我好鍾意食入面噶黑木耳，將一舊雞，木耳一齊擺落個口到，口感爆炸 煎蠔餅，好特別吖，口感香脆，再點翻少少花生醬，外酥內嫩，而且係熱辣辣

繼芒果窩夫彩虹梳打之後，由於厚福街唔太多好食店，我地決定轉陣，去妹記大排檔，姊妹們都話好味，所以唔需要考慮，行返上金巴利道~由於無訂枱關係，所以有少少怕要等好耐，好彩……去到好多人都係因為未齊人而唔入得，我地齊晒人就可以入~~店內裝修真似大排檔一樣，朋友建議大家飲啤油，但要用“戰鬥碗”可惜……無人想試XD南乳香蘇骨 - 炸得比較乾，另外有南乳汁跟上，可惜……太鹹豉椒炒蟶子 - 味道可以，有煙出，不過，其實絕對唔熱，何解﹖﹖鬼馬油炸鬼 - 炸得香脆，不過墨魚滑太實，唔彈牙青椒炒豬頸肉 - 奇怪配搭，不過出奇地味道唔錯，青椒味唔會太濃，香濃豆豉味黃金蝦球- 其實未試過食黃金蝦球會有蝦殼，外面比較多會去除蝦殼再做，所以有蝦殼……唔太欣賞，浪費鹹蛋黃~~黑椒羊鞍煲 - 叫羊柳粒比較貼切，羊鞍……感覺應該要有骨，味道……我覺得我老豆整得好味好多欖角炒四季豆 - 好難唔好食，所以好平常口味西蘭花炒帶子 - 西蘭花太硬，除硬之外，其實味道唔錯~~炸大腸 - 全晚最熱餸菜，不過……食一件己經足夠，因為……太肥XDXD