娘惹廚房 (已結業)

在香港，娘惹菜並不是好多間，而大間的餐館更只有屯門一間，而本人本著今年目標，是帶那位可愛又有趣的友人試全香港特色菜，美食為目標，當然要去試下，其實什麼叫娘惹，好簡單，即是東南亞人加華人的後代女子做出來的菜式，既有東南亞特色，又有華人風味一起，地方好大，因為早，仍未有客人入座牆上有不同的畫裝飾餐牌內每一樣都好吸引，一位好友善的店員常常都詳細解釋，給我們意見，我地就聽了意見，點了一些招牌菜，和等(小)朋友到處參觀，拍照第一道菜，加多加多上桌先，又稱娘惹沙律，店員話其實是日常小食來，不算沙律，呢味菜，十分好味，甜得來帶少辣，真係想食完再叫多次，有蝦片，芽菜，同其他雜菜混合而成的第二道菜就是的星期日，同假日先有的什錦黃疆飯，店員話，如不是當地大節日，都未必日得食，必試，好豐富的材料。有雞，蝦片，牛，同類似蝦餅，飯本身有椰香，加埋黃疆，好開胃，店員教我地等埋巴東牛肉一起食，味覺會更上一層，我地當然等埋第三道菜，巴東牛肉，肉牛選用美國肥牛，每一件大大件，夠淋，汁料都是遍向椰香加甜，少辣，可能當地很愛椰香味，試了拌黃疆隻吃，果然味道很夾第四道菜是娘惹串燒，有雞，牛，豬可選，我地選了豬，雞，同市面的串

在大㰖郊野公園探險後，終於都回到有人煙的地方，總算有驚無險。在深山走了幾小時，寒冷警告生效，還下起雨，這個時候，吃個美味的晚餐，最幸福不過。上了往屯門的巴士，想起不久前去過的小曼谷，旁邊有間印尼菜，又可以試新野！星期四的晚上，連小曼谷都不用等位。推門而進，深色玻璃門後，原來是光猛整潔的餐廳。紅色作主調，感覺又暖又辣。娘惹背後的意思，解開了我心中的疑問。餐牌的選擇很多，拿不定主意。加多加多有點像甜版沙嗲的醬，配上蔬菜。選用的蔬菜都跟醬汁很夾，特別喜歡薯仔，少少腍的口感好好食。雞肉沙嗲店員推介的小食。串燒比想像中少，但bite size的肉反而更好，可以醮上更多的沙嗲。肉的燒烤味很香，沙嗲也不錯。娘惹醬炒芥蘭紙上介紹娘惹結合了甜酸，辛香，微辣等多種風味，很期待。芥蘭炒得剛好，微硬，爽口，汁都不錯，淡淡的，但吃完還是不知道娘惹是甚麼味道。娘惹小炒皇為了試真娘惹的味道，滿足好奇心，加單點了小炒皇。味道，甚至顏色，都截然不同。深啡色的茨汁，很重冬菇和蠔油味，沒有甜酸，辛香，微辣的蹤影。豬頸肉切成薄片，肉味鮮香。洋蔥也很爽口，沾滿茨汁，味道都不錯。爪哇炒飯被餐牌上的圖片吸引，見到黃色還以為是黃薑炒

由於住在這一區，近水樓台，不用千里迢迢過來，所以一放假就來食飯，感受一吓異國風情，不用食連鎖店的餐廳酒樓！因為這裡有"家"的味道，廚房正是老闆娘親自下廚處理多款住家菜，無花無假的"娘惹"菜！D

第一次食印尼菜俾左呢度 見價錢合理，侍應又好殷勤招待我地入去，就試吓啦！假日限定既黃薑飯 黃薑飯好香，但薑味唔重，啱晒我呢d唔食薑既人！飯粒乾身唔油膩，粒粒分明配菜有香脆蝦片、煮到好淋同入味既腩肉、粟米餅、無乜味同少少鞋既雞扒、少辣但香口既蝦仁等等。另外叫左個印尼海鮮湯麵，但唔記得影相 湯底黃色既，酸酸地好開胃！不過飲多左覺得鹹。麵底似油麵，份量都多，有少少魷魚同蝦咁。呢味普普通通啦。再炒多個娘惹通菜 娘惹有好少好少辣，食落少少似馬拉盞，同通菜好夾！香口得黎又唔會太濃味。食完已係七點，出面好多人等緊位喇。呢個價錢有咁既質素，係屯門區總算為唔錯既選擇。

有朋友來屯門, 問我屯門有咩好食......真係r爆頭! 哈哈諗起之前排小曼谷時見到呢間餐廳, 今次就一於去呢到試下!!入到黎, 先知"娘惹"既意思, 原來係印尼同中國人通婚後生的女兒,. 而娘惹菜, 就集合左印尼同中國菜既特色! 幾特別!! 我地一行4人, 唔記得左係叫2個二人餐定係一個4人餐了~~ 梳多海鮮湯.....係幾好飲既! 但唔覺有海鮮.....芽菜最多!同埋有d味精湯既感覺! 一大碗for2個人, 飲完又飽左1/3.加多加多, 即係印尼沙律, 少少辣, 一般. 同平時食既沙律好唔同! 串燒! 好味! d醬好好食, 不過略嫌細串左少少!巴東牛肉, 極力推介!!! 個汁好好味!!! 超好送飯既一個餸!!! 而且牛肉好"淋", 又冇筋, 好正!仲叫左"羅什雞", 見佢個名幾得意, 就試下. 但掛住食, 都唔記得影相喇! 一個辣辣地既汁, 加上雞件, 都幾好味架! 不過唔食辣既朋友就唔係好頂得順了~ 

第一次食印尼菜, 雖然賣相不甚討好但原來味道可以不錯呢!!而且店鋪只收現金,不收加一; 價錢相當化算.價錢: $68 /2隻秘制醬汁, 用荷葉及鍚紙包再焗醬汁帶點辣, 肉質彈牙及有蝦膏散發著濃郁蝦味, 很不錯!價錢: $58 /條做法: 跟虎蝦一樣味道: 需要配以醬汁一併食用才能食出魚中帶醋的味道價錢: $58 /碟牛肉很林滑; 醬汁味道濃郁而不膩 (如配以飯一併食用會更滋味)一碟份量太少; 每人一碟就差不多了味道帶甜很好吃, 如單一食就沒什特色.如配以巴東牛肉汁就超級好味... 結括: 價廉物美, 可以再次惠顧 (讚!!) 

今晚到屯門睇戲，睇戲之前打算食d野先。屯門一向比我既感覺係有好多食肆，但好食既地方又好似冇乜咁，係openrice見到呢間印尼菜都幾多好評，於是打算試一試。因為去既時候只係六點多，所以一入去就有位！因為我地懶唔想諗食咩既關係，見到佢有個二人餐都幾抵食，於是就叫左！首先係印尼梳多海鮮湯，個名都幾特別，未試過，味道都唔錯，裏面有d粉絲，芽菜，魷魚粒，蜆肉粒咁！第二樣味菜係娘惹印尼燒雞,佢地既娘惹醬係自家製既,幾野味,送飯一流!另外食既時候要唧少少青檸汁,會好食D既!(呢樣係個度既店員提醒我地既!)最後一味我地揀左娘惹炒通菜(Haha 繼續娘惹!),都唔錯,幾有獲氣!如果嫌普通左D既,套餐其實都可以揀加多加多(印尼沙律),不過個人來講因為係其他地方食過就覺得一般,所以就冇揀到!另外套餐仲包大碗白飯同飲品,個人來講$158 都幾抵食,仲要唔洗加一tim!順帶一提,呢度既SERVICE都唔錯,臨走埋單時幾個店員都異口同聲咁同我講"多謝晒你呀小姐!",食個百幾蚊野都咁好口,真係好難得呢!

朋友仔睇完小儀金剛介紹之後, 就話想試下呢間印尼菜。加上之前試過其他印尼菜感覺吾錯, 所以就一行4人去試下喇!!~小店晚上營業時間系18:00-22:30, 我地6點多去到吾洗等位~入去叫左個4人餐~~碟野本身吾系甘少既, 不過朋友夾左2舊肉出黎已經甘既樣咯...我諗佢系想俾大家每人食到一舊, 點到即止掛!!~一人一舊都算, 重點系吾覺特別好食, 似食緊普通牛腩甘。4人餐系有2大碗海鮮湯, 但碗湯最多既系芽菜, 有數粒mini size既"海鮮", 味道好淡下, 試左少少都吾想再飲了。我覺得成餐飯最好味既系呢碟"馬拉盞炒通菜"...呢碟既汁吾錯既, 雞肉就普普通通, 吾難食咯。呢個我吾知咩名堂喇, d肉望落去似"東坡肉"甘架...好肥美咯, 我揀左瘦少少既部份試下, 好"鞋"口!!!~串燒雙併要加$4, 黎到見到個size真系O左咀...似系正常2串街邊食到既串燒分成6小串甘...(請真我吾知佢加埋有冇街邊2串串燒既份量甘)飲品冇咩想講, 但朋友點左個"牛奶玫瑰梳打", 的確好甜!!!~丫~~想補充一下呢度D白飯系偏"硬身"架...

上星期五同舊同學食飯,入左去置樂食印尼菜,朋友話食過幾好味,所以提議嚟呢度,餐廳唔算大,我地坐正係上菜枱前面,睇下有咩食先,跟住我地就叫左幾樣嘢一齊食啦雞,牛,豬串燒各半打,串燒係細細串的,味道都幾好,加埋D沙嗲醬一齊食,好味,肉質幾淋及香口,幾惹味梳多海鮮湯叫左兩碗一齊SHARE,個湯係黃黃地色的,入面有一些粉絲及芽菜,唔記得有咩海鮮,都幾好飲喎,有少少香料味道,唔會好濃,幾開胃的羅什雞朋友話呢個好味,用嚟送飯都好好,雞肉OK滑,個汁幾香,有四五件左右十五飯團這個名字都幾特別,以為係飯啦,但係原來係好似湯咁,入面有些雞蛋,肉,菇等,仲有主解係飯團,飯團都幾好味喎,煙煙煙韌韌咁,吸左D湯既味道,GOOD香芧南薑燒鱸魚係特別推介見到,條魚好滑呀,加埋個香芧汁一齊食好入味,好好味馬拉盞炒通菜個菜都好香,好惹味炒飯係牛栢葉炒飯,個汁甜甜地好得意,份量都好大份,上面有隻雞蛋的,個飯唔係乾身的,濕濕地的,不過都幾好味.我另外叫左一杯三色冰,佢話即係等於珍多冰,但係唔係我飲開的喎,仲要勁多奶勁甜,NO GOOD WOR!!!!因為我地坐得好近上菜,所以D嘢嚟得好快,不過仕應成日企係我地附近,感覺又

昨晚與朋友去屯門彩華花園娘惹廚房食晚飯, 四個人, 叫咗個$288四人餐, 換來一肚子氣, 份量少得驚人, 串燒又短, 只得半打, 單一味道(雞或牛或豬), 想改為雙併要加錢, 印尼特式菜 " 加多加多 " , 是蝦片小食等加醬汁, 真係要加多加多再加多, 因為四人份量, 只夠一人享用, 椰汁雞及巴東牛肉, 味道很好, 最失敗是海鮮湯, 每人一細碗都唔夠, 向老細作出投訴, 不聞不理, 最後(因為我們決定罷飲湯及遲遲未埋單)出來解釋 :[], 嚴格來說, 湯的份量夠二人享用[], 實則是碗仔及不足2/3碗[], 其實湯是水汪汪冇乜料, 唔好味奶茶等更是淡而無味今次幫襯滿肚子氣, 最反感是老細們(家族式生意)態度差, 不接受批評

總覺得屯門市廣場的食店也是集團式，對於偶然來一次的我沒什麼特別，決定試試這間娘惹！點了加多加多👍特別，沙嗲醬好味，再加上清新蔬菜;巴東牛肉👍汁惹味，肉入味，但頗多油; 海鮮湯，多料不錯;串燒，一般般;爪哇炒飯，一般般牛奶玫瑰梳打，對我來說太甜了會再來，因為還有很多菜式想試！另外老闆娘很可愛很親切呢

開業多年，擴充多一個舖位，但人氣依然遠不及毗鄰的泰菜，或許始終不多人知曉娘惹菜是啥? 又或是泰菜口味始終較大眾化?周末Peak Hour的時候，這邊可能等10個，那邊可能等70個，最後還是安座於娘惹的舖內，舖大了，開揚得多，點一個周末假期限定的黃薑飯還有加多加多，還有蕉葉烏頭等。黃薑飯在大家眼中就是一個sampler的形式，以一個合理價錢多試幾款，當中以巴東牛肉甚為綿軟入味。而印尼沙律在很多人眼中不算沙律，都是一堆烚了的食材配沙嗲醬，但在印尼確實常見地道，可配飯吃，淡味的蔬菜配沙嗲醬，還有自家蝦片，一道好分享的菜服務多年來都是一等一，因為老闆娘的六星級態度百年如一，員工自然也學到足。

周末想出外用餐，只見小曼谷排晒長龍，又不想等，就試一試隔壁的娘惹廚房。到過馬來西亞的人都應聽過, 娘惹，是指中國人和馬來西亞人通婚的女性後代。早期馬來西亞人與華人通婚的後代，男性稱為巴巴（Baba），女性稱為娘惹（Nonya）。這些峇峇人，主要是在中國明朝或以前移民到東南亞，大部分的原籍是中國福建或廣東潮州地區，小部分是廣府和客家籍，很多都與馬來人混血。所以煮出來的食品，有著中國及馬來西亞的fusion特色，味道很是不俗~今次有機會在屯門看到開宗明義是娘惹食品，即管一試。我們2人不是很餓，故只點了三樣東西:海鮮湯: 料不算很豐富，但加上青檸汁，恰到好處地作了提鮮效果，味道相當特別及好味，值得一讚~雞咖哩: 味道算是中規中舉，椰汁味可以更濃更香一些，但比起很多香港食肆的咖哩，這裡算是令人吃得開心~ 串燒: 乍看沒啥特別，一吃卻是令人有驚喜，比起黃金海岸的食肆，這裡的肉質juicy得多，且沾醬亦是有特色，加了洋蔥碎，再伴以青瓜片進食，一點都不覺油膩，反而令人吃得很有滋味~下次，到屯門又有多一個供選擇的好地方~

朋友打電話去book枱, 承讚好禮貌老闆娘很好人, 為我們推介各種食物加多加多, 很惹味, 本人第一次食, 感覺很新奇, 亦很好吃巴東牛肉, 之前喺東大街食過, 但這裡做法應該傳統啲, 用左牛腩, 東大街就用左牛蹍, 各有風味, 但個人比較喜歡牛腩, 好淋, 汁好好食牛肉和雞肉沙爹, 醬汁不夠惹味, 牛肉太靭爪哇炒飯, 蛋黃還是流質的, 和炒飯mix 埋一齊幾好食, 可以再mix 巴東牛肉的汁, 惹味爪哇爆炸豆腐, 真的很爆炸, 汁很辣, 老闆娘教我們將芽菜等釀入豆腐中, 但真的很辣牛奶玫瑰梳打, 印尼特飲, 老闆娘話要成杯變粉紅色才好喝的, 因為吃完辣豆腐, 感覺好細杯, 不夠解辣呵追加豬頸肉, 好juicy, 又有青瓜同菜, 同埋啲醬汁一齊食, 很清新, 一點也不油膩可以再來呵~

娘惹廚房 Nyonya Indocook House 食物一流,碟碟美食服務ok,接待者介紹美食和配合方法下午6:00開店我一開始等,所以唔知等位時間不過我食完見到好多人,等位時間一定好長連外國人也吸引到來醬燒骨:用一些黑色特別醤計(甜的)串燒:一般,平平穩穩加多加多:好像沙嗲汁一樣地方比較少,不過環境和衛生好高唔鍾意地方環境差的人適合d野唔難食,不過同客食飯可能有d野食唔適合(小心)有d野食有酒精(燸米酒),不過做火鍋湯底所以酒精唔高,還可適合駕駛人士(小心不要飲太多)d汁開飯一流,不過d汁多油例如:加多加多汁腸胃差的人小心肚子不適香港第一間的娘惹菜,一試無妨