娘惹廚房 (已結業)

今日下午行到青善街找美食, 這條街各國食肆林立, 選擇繁多, 被它的紅黃的招牌吸引過去, 再看看二人餐亦非常吸引, 於是決定吃印尼菜。即是中國與印尼的Fusion菜, 菜館由印尼華僑打理。菜館裝修以紅色為主色, 牆上掛滿了一些富印尼色彩的裝飾物, 非常搶眼。侍應生非常有禮, 簡單介紹一下菜餚, 原來是家族生意, 廚房和樓面都是自己人, 所以特別落力。之前在門口看過了二人餐, 於是㸃選了2人B餐($198)加多加多: 是印尼特色沙律, 蝦片, 芽菜, 豆卜, 椰菜和雞蛋混入富花生香味醬汁, 是餐前醒胃的前菜。雞肉, 豬肉沙爹: 肉質燒得帶炭燒香味, 肉質微焦, 份量小巧, 蘸㸃帶甜且含花生香味的醬汁, 非常配搭。印尼咖哩雞: 咖哩色澤金黄濃稠, 辣味帶椰香並不算過辣, 咖哩味滲入雞肉裡, 配菜的薯仔粉腍, 若配與白飯或蒜蓉包更完美。印尼炒麵: 麵質不會太膩並有鑊氣, 豬扒煎得香脆肉質軟腍, 調味恰到好處, 配與清甜的椰菜和爽脆的甘荀更加健康。印尼咖啡: 比起一般的咖啡苦澀味略輕, 所以比較易入喉, 味道濃郁芳香。今天很滿足嚐到一餐美味的印尼菜, 特別欣賞其醬汁調配, 選用很多天然香料,

天雨路滑懶得行，就在家附近覓食，環境舒服好坐，侍應姐姐好有禮貌。每次都食沙嗲串燒配飯團嘅lunch set，有豬、牛、雞選擇，今次揀雞肉，表面略焦，但勝在夠嫩滑，飯團方面⋯⋯外圍有少少「削」，中間部分有少少生骨，今次做得麻麻地，沙嗲汁據稱係自家製，辣辣地好惹味，好在唔覺得有椰味，我仲要求要多碟醬添，配左杯印尼咖啡，似普通即磨咖啡，42蚊唔收加一咁又一餐

同家人去咗康景花園呢邊食晚餐，原本想食小曼谷，不過好多人等緊，於是就改咗去隔離間娘惹廚房。印尼雜錦黃薑飯，分別有雞件、炸粟米餅、魚仔乾、牛肉，黃薑飯啲味好香，都唔錯。巴東牛肉，同我之前晌某印尼菜餐廳食過嘅相比，呢個係完全唔辣嘅，不過就可以用啲汁嚟送飯。印尼椰汁雞飯團，成個汁都係偏甜，最特別嘅係嗰幾個圓柱形飯團，食起嚟幾煙韌，仲好似有少少班蘭味咁。沙爹醬炒豬頸肉，呢個都OK，不過就好港式feel。娘惹炒雜菜，純粹係想食吓菜咋，麻麻哋。牛奶玫瑰梳打、熱情果梳打、椰果玫瑰梳打，家人話牛奶玫瑰梳打同椰果玫瑰梳打好怪，好勁藥水味，我杯熱情果梳打就最正常。

Happy Mother's Day! We wanna try something new other than Italian, Japanese, Korean or western food. Therefore, I chose Indonesian restaurant for my family. But they didn't feel very contented with the food and maybe the taste didn't suit perfectly. For me, I think the dishes were normal but not spectacularly good.After we settled down in the restaurant, the staff gave us several menu including set menu, mother's day menu and main menu. We dicussed around 10 minutes for the dish choices and stug

晚飯時段黎幫襯，等左一陣就有位。叫左個荷葉燒鯖魚一打開好香荷葉味，入面有d辣辣地既醬汁包住條魚一齊燒，食落魚肉仲好滑好林，唔會燒到乾晒醬汁同魚味道好夾娘惹燒雞，上面有d甜甜地既醬汁，有少少椰香味雞肉燒得好嫰，同醬汁一齊食，甜甜地，好味另外試左個峇峇炒飯，炒飯入面有d好細粒既蝦仔，好香食落個個飯有d蝦乾味,幾得意個飯炒得好乾身，食落唔會覺得油淋淋

來過這裡好幾次，食物質素一直保持得很好，侍應生態度又親切，價錢亦算合理，至愛佢既生菜包，燒鯖魚同串燒，每次來都未食非常香口惹味，令人一試難忘，美中不足的是，這裡的啤酒不夠凍，有待改善！

踏入初冬，餐廳開始推出暖笠笠的菜式。這裡除了每年都有的煮雞酒外(因為小女子是這裡的常客)，今年還有新花款的"喇唦海鮮鍋"，所以毫不猶豫地order了一個，與至💖十吓十吓！！

偶然的機會接觸娘惹菜，從此愛上。不過以娘惹菜作主打的餐廳實在是少之又少。    這也難怪，「娘惹菜」是中國菜和印尼菜的結合，是華人與東南亞人通婚後所生的女兒(娘惹Nyonya)，將華人飲食文化融入本地菜系當中而成。兩地的香料食材互為結合，集甜酸、辛香、微辣於一身，創造出口味濃重的娘惹菜來。娘惹菜有中國菜的根基，較貼近華人口味，但味道濃重，未必人人受落的，因此本地的娘惹菜館並不多。    這家娘惹廚房，作為屯門居民的我已光顧多時。看着小店擴充至如今的規模，算是與它識於微時吧!這一帶本身是一條食街，聚集了不少卧虎藏龍的食店。像小曼谷、1981創作藝術餐廳、小曼谷、鮨亭，在屯門區也是小有名氣的。  這天老公想吃巴東牛肉，便來到娘惹廚房了。交通是有點不便，由智樂走來步程頗長，乘車前往也有點轉折。平日關係，店面約有六成滿，店面不少，可容廿多桌食客，且用餐環境甚為寬敞。以紅色作主調，佈置陳設甚具東南亞氣息，卻不嘩眾取寵，始終它走的是街坊路線吧!  翻開餐牌，多年來還是老樣子。集印尼菜和娘惹菜於一身，巴東牛肉、印尼燒雞、香葉燒魚都是水準之作。光顧多年餐牌變動不大，這次卻多了個手寫餐牌，都是新推菜式，

紀錄片《飲食男女》其中一個case, 最記得嘅bite係娘惹媽媽與一眾女廚師跟兒子在廚房煮餸，媽媽哈哈大笑地以印尼話指一般娘惹女士認為男士下廚會有臭腳味(這裡當然沒有)。娘惹是指嫁到東南亞的中國女子，而娘惹菜結合中菜及東南亞菜特色。中午落場時間嘗試打來訂位，一位男士很有禮貌指星期六日只有walk in. 八點左右到大若等了三張枱。樓面全是女士，其中位姐姐更是服務一流，處處溫柔細心，體現了娘惹姑娘的特質。 豬肉沙爹，$36半打，每串小小的，兩口吃完，這樣才正宗。充滿炭香，肉嫰，沙爹汁好味 牛肉沙爹，$36半打，用上美國安格斯牛肋肉，個汁同豬沙爹唔一樣，似燒汁，唔同汁夠細心有驚喜，但自己偏好豬多啲 粟米餅，hidden menu唔知幾錢，侍應姐姐特別叫廚房做嘅，但同我喺其他印尼餐廳食開嘅唔一樣，我出面食係大大塊似炸粟米洋蔥餅，好香脆，然後點個好好味嘅酸辣汁。呢度嘅似煎魚餅，唔知邊個先係正宗，但個人喜歡前者。加多加多，$48，即印尼沙律，有啲豆角、芽菜、椰菜、薯仔、青瓜、烚蛋、蝦片，其實件事有啲hea, 賣相有點難登餐廳之堂，侍應姐姐話平時個汁會淋上面，但佢見我哋同席有小朋友，擔心個汁有少辣

今次特意為了工人姐姐食印尼嘢。致電訂位時服務員很溫柔的告訴我星期五至日均不設訂座。揸車前往到達時間七點半左右，周圍附近有三個停車場及很多錶位但都全滿，等了半小時左右才幸運地泊到位。一行四人行入舖頭，不難找亦不是想像般多人，還有數張吉枱。此時店務員給我們一張枱，但看到隔離大枱有個牌寫住留座，真搞不懂。坐下後叫姐姐叫菜，她就叫了一個雞串燒、牛串燒、巴東牛肉（沒有跟白飯，最後我也是另外加一個）、雜錦黃薑飯、加多加多其實係沙律（甜飯條切一件件與芽菜、黃芽白等跟辣花生醬撈勻）--串燒每碟六串，每串跟一根手指般長，牛肉跟的是甜的醬、雞串跟的時甜辣花生醬。--黃薑飯裡面有很多香料，我個人頗喜愛，但不太適合小朋友。--巴東牛肉肉質不乾，汁頗惹味淋飯一流，小朋友都愛吃，但在這裡竟沒跟白飯，姐姐說這款餸在任何地方食都會跟飯的，但這裡要另叫。--加多加多，將所有撈埋一齊食頗特別，但甜飯太稔我不太喜歡。另外還叫了一杯玫瑰花椰果茶（不太記得實在名字）很特別味道不錯值得一試、椰汁紅豆冰紅豆夠稔但沒特別、珍多冰這個真的要試，這裡飲到的和泰國版或越南版不同，它是用椰奶沖出來，顏色是啡色的，味道似兒時喜愛那種椰子糖，感

忽然間想去遠點既地方搵食，Search Openrice 搵到 lee 個地方方便泊車，就膽粗粗星期日夜晚七點揸車出去搵食，諗住附近咁多咪標位又三個停車場唔會無位泊既，點知好既唔靈醜既靈，真係 full 曬。咁唯有兵分兩路，一邊去等車位，一邊去等飯位啦。好在都唔洗半個鐘就兩邊都排到，唔係一場來到都幾無癮。入正題：娘惹其實就係印尼 fusion 中菜，但個人感覺其實都係東西亞特色多點。由於大家都唔點食得辣，主要都點左唔辣唔菜式。椰汁雞幾香幾入味，可惜雞就少D。個汁送飯幾好。唔知乜乜沙律，精華就係個醬：唔係沙爹唔係咖哩，但係同香料十足，少少辣得來又夠惹味！唔單止點菜，點串燒一樣好食。推薦！炒飯，合乎期待。炒得唔油，幾乾身，唔過咸。串燒無乜特別，反正係點左沙律個醬之後好食左。本身個汁似係豉油醬之類。假日限定黃薑飯，乜配料都有，啱曬乜都心思思想試D既人。個飯本身好香，配料中最鐘意個牛肉。首先炆得好腍好入味，而且香料既配搭有自己既特色，同泰國/越南/印尼都好少少唔同，可惜就得得個一舊，下次再食要叫翻一碟先得！唔記得乜湯，個味幾特別。咸咸酸酸咁，個人無話特別鐘意。整體來講，食物質素幾好，環境都舒服

小弟係第一次寫食評既，大家多多包容是咁的，平日番工得星期日先得閒約朋友出去食好野，但發現想食50-100蚊既餐，多數都係日本野，所以就上openrice睇到有咩其他可以選擇，比我發現左哩間，同大家一校，上網睇係星馬菜，其實係印尼菜。星期日中午1點，去到唔洗等位就有得坐個侍應話星期日要食套餐或散叫，咁我就叫左個2人a餐加散叫串燒，份量好夠兩個人食既，每人約一百蚊走人環境舒適，服務態度好，值得去食多次！

今晚約左TUEN MUN的朋友 << -- 佢係地膽, 負責諗何處晚餐就係佢平時去開的娘惹菜館, 朋友擔心我接受唔到娘惹菜呢.(香港好少NYON YA餐館嫁!)提起NYON YA, 就諗起馬拉菜, 我的馬來西亞回憶返來啦!!!跟馬來西亞同學品嚐當地馬拉美食的歲月但係一看到餐廳MENU, 就覺得唔對路點解大部係印尼菜, 咁馬來西亞的娘惹NYON YA菜呢????既然係朋友介紹, 交比由佢發牌吧第1次食,醬汁唔太辣, 有種特別的香料, 几惹味好明顯係印尼菜, 第一次食, 又几好味喎原本以為係阿參喇沙,向職員查詢, 原來係椰汁底喇沙配料都係:豆卜, 蝦, 豆芽之類LAKSA湯底本應好重蝦味, 而呢碗湯有少少蝦味,有位朋友對蝦敏感, 都係叫佢小心各款燒得ARM ARM好, 仲保持到肉質嫩滑,醬汁就特別D: 唔知係咪黑豉油 + 沙嗲?雞肉尚算嫩滑, 但我覺得佢醬汁好味D特別叫左走辣,味道接近泰國餐館的肉碎生菜包, 但呢度多左D脆脆片,將脆片卜碎, 撈埋肉碎,肉碎不太鹹, 整體几好味長筒形的糯米飯團再切片, 綠色一舊舊的就係糯米飯團,醬汁較淡, 唔太杰, 可以點多D來配糯米飯團朋友

前一陣子,終於同 Mr.K 去了屯門食娘惹廚房食晚飯,之前間中去買外賣,有次店主說堂食會更加好味,因為更新鮮所以這天晚上就來試一試....這裡堂食是不收加一,不過就只收現金,當晚是閒日,明顯客人也不算太多,不需要訂位就直接入座了餐廳也有一張戶外的餐桌,適合吸煙或泊車人士....娘惹,其實是一個民族的名稱,是印尼人與中國人結婚後,生女兒就叫是了這兒的老闆娘正是一位娘惹,她是主廚也是老闆娘而娘惹菜,正是她們平時在家會吃到的菜式,傳統的印尼菜中加入了中國特式,味道上應更加適合香港人的口味家妹以前在這裡出入,也屬於常有幫襯,出發前已經告訴了我有什麼好吃的其中一個推介就是:十五夜飯團....入面有薯仔,雞肉,炸蝦片,半隻雞蛋,及幾件類似用糯米做的飯卷,糯米卷口感煙煙韌韌的,配合類似印尼咖哩的汁,咖哩味比較甜,沒太辛辣的感覺,雞肉也夠嫩滑, 整體也不錯只是奇怪,家妹是純素食者,怎會點這個菜式呢?參巴醬炒豬頸肉這個是店長介紹的,我也愛吃豬頸肉,就來一客好了參巴醬係少少甜,基本上是不辣的,豬頸肉輕輕烤過,有少少烤過的香味,口感也算是嫩滑,醬汁偏咸,不過不失之選本來想叫燒虎蝦,不過當日就沒貨,最後叫了

朋友受朋友既朋友影響…依家變左做一隻餵食鬼…不論天南地北…上山下海…都要不擇手段食到好野…>¤<今次朋友輕輕的揮一揮手…話咁快就到…搵都唔駛搵…一落的士就到門口啦…<娘惹>一詞…其實我都唔係好知係咩野黎…一直以來以為係近乎馬來西亞口味既咖哩食品…但原來係有解釋架…老闆好有心思咁將<娘惹>解釋左係餐紙上…大概係一種結合了甜酸，辛香，微辣等等多種風味既中國印尼菜式…印尼我就未去過哪…唔知呢度既佈置有幾多係屬於印尼風情呢？？佈置主要以紅色為主…是暗紅…並不會令人有刺眼既感覺…反而配上黑色副色…加上木製品同民族掛飾…帶點華麗而平實既感覺…由於menu太多選擇…二人餐又唔係好啱心水…我地都眼花撩亂…係呢個時候…親切既侍應小姐就發揮左好好既作用…結果>>餵食鬼向侍應講左幾句好好好…就得到以下答案…………這碟名為<加多加多>…是印尼沙律黎…有旦，青瓜，薯仔，豆，蝦片，椰菜，芽菜…再配沙爹汁…甜甜地又辣辣地…幾特別…印尼雜錦黃薑飯>>印尼習俗要係大時大節…例如大壽，添丁等…先會做黃薑飯…而呢度就係假期先有得