娘惹廚房 (已結業)

以前在`娘惹廚房'食過三次醬燒骨. 今天是裝修後第一次去食醬燒骨, 一碟共四件, 兩件正常, 但其它兩件就得一層`骨衣'包着, 肉就完全起走, 得兩條光禿禿的骨, 真過份 價錢不變份量減半, 真是不裝修回到以前食物份量好過希望老闆能看到此問題改善

叫咗個四人餐，唔好講好唔好食先，每碟份量少得驚人，我哋四個女仔都食唔飽，碟燒魚話係倉魚嚟，但細到每人食一啖咋，仲要燒到干過條鹹魚，有渣嘅，印尼咖哩雞同巴東牛肉每碟得五舊，每人兩件都冇，半打串燒, 唔知係咪印尼特有既"迷你"辦, 短到未見過咁囉，海鮮湯每人一細碗都唔夠，味道又唔係特別好味，連杯飲品都大半杯冰，總括嚟講嘢食冇特別，又食唔飽。

以前同家人黎過一次食娘惹菜, 今次帶朋友黎食, 4個女仔真係開心我地叫左：　巴東牛、荷葉飯、黃彊鴨胸、牛／雞串燒各半打、炒雜菜、釀豆腐、仲有佢ＲＥＣＯＭＭＥＮＴ的唔辣的咖啡雞巴東牛；　好正。。。。好好食，　Ｄ牛切得岩岩好大細，　唔會太大唔會太細，　而且好香好ｌｕｍ荷葉飯；　好細，　哈哈～岩岩好一人兩啖。不過ｄ味就ｏｋ而且料多黃彊鴨胸：　鴨胸幾好食，　起碼唔會好硬，　不過感覺似西飯唔似娘惹，　如果同朋友食怕佢接受唔到ｉｎｄｏｎｅｓｉａ野可以叫呢個，　因為安全牛／雞串燒各半打；　好味，　仲有唔同既ｓａｕｃｅ比我地，ｄ肉幾有肉汁炒雜菜；幾清　ｇｏｏｄ釀豆腐；有６件大大件，　真係好味仲有佢ＲＥＣＯＭＭＥＮＴ的唔辣的咖啡雞：　ｏｋ啦～我中意食辣既多ｄ。不過幾香同埋可以就番我果ｄ唔食得辣的朋友咁多野食都係２６３ｊａｒ！好正好好味而且服務好好，　成日問你ｄ野會唔會岩口味～！！不過大家要早ｄ去拎位，　我地７時４０係直入，　不過８時已經要等～

令人驚喜的午飯，估唔到屯門都有間製作娘惹菜的餐廳。星期六的下午客人不多，環境很優靜，老闆娘很好服務又笑容滿面。先選擇加多加多沙律，沙爹醬加上一點點甜，很美味。原本想叫燒魚配特色辣醬，可惜無，惟有叫蕉葉香料燒鯖魚，一上枱以為咁大條兩個點食得晒，好彩老闆娘解話係d錫紙脹起咋不過打開條魚都唔細，要趁熱食，唔係變凍d肉會無咁易夾。然後係六日才有的什錦飯黃薑飯，七種配料，有牛肉，雞翼等。最後友人望到隔離枱的椰汁糕，可惜要時無晒，只好椰汁煎年糕，同一種外面甜內裏係未熟香蕉的菓子，先甜後酸的感覺很特別。今次得兩個人食，未能盡試其他菜式，下次一定要搵一班人來試

這店共光顧了數次，個人認為是值得推介的一間小店。屯門，實在沒啥好吃的，又或是價格與質素不成正比的。稍好的店，便成了長龍了，日子久了，只有口啤，質素卻推持不了。很久以前已發現這間小店，屯門唯一的印尼菜館，而且是娘惹菜。喜歡吃甜、濃味的我一直很喜歡印尼菜，當然捧場。將它與印尼餐廳、峇里餐廳去比是沒法比的，各有各的長處。此店給我的感覺是在屯門有特色的，水準比屯門一般的高，開飯感覺良好，價格合理因此，即使地點遠、地方細、食物不是全港最好，久不久便令我想再去吃一次的慾望先說昨天的開飯經驗：已是晚上九時，第一次出現等位情況，似乎愈來愈多人來了，當然不能與附近那小曼谷相比，還有很多人在等位，小曼谷我也去過，是好吃的可是環境較迫，服務也較差，不過也是難得便宜又質素不俗的，可是屯門好吃的泰菜也很多而此店呢？其實印尼菜並不普及，也因口味關係不似泰菜般受歡迎，有位伯母曾說不喜歡此店，因為印尼菜太甜，這可理解到為何此店不像鄰店那般火紅。老板娘(?)一貫的好笑容和有禮貌。嘴刁的男友最緊張便是那條燒鯖魚，他的最愛而我就很想吃那雞酒，一問才知要冬天才供應，真可惜此店有一部分的菜式食味近似，所以要小心不要重覆點菜於是

慶祝太太的生日紀念，看到這間餐廳的食評大多正面，最終決定試一試。依點其他食家的推介，點了醬燒骨、煙鴨胸黃薑炒飯、蒸烏頭和蝦醬炒通菜。醬燒骨味道很濃，吃前要加青檸汁，若不喜歡濃口味的別試，我自己和太太則甚為喜歡，會再試。烏頭魚那道菜忘了名稱，同樣加了很多香料，趁熱吃最好，冷了相信會有腥味。我自己頗喜歡那種酸酸的醬汁。可以一試。煙鴨胸黃薑炒飯最出色，飯乾身，而且味道好。據職員稱，配合醬燒骨一起吃會特別出色，一試果然所言非虛，正點！炒通菜...沒驚喜，而且太鹹。不試無妨

見到Openrice咁多好評, 星期六經過就想試下, 真係非常失望, 今次係第一次寫食評, 真係唔想大家山長水遠咁去食~.~. 其實我見到個MEUN得咁小選擇已經幾失望, 唯有叫住小小野試下先啦...燒雞: 賣相ok, 其實都係加左d沙爹醬同甜醬油, 唔覺有咩咁好食!!燒魚:差到爆..冇味道囉青檸梳打: 我真係未飲過咁難飲既青檸梳打囉!!各位, 真係唔好比佢d好評呃到囉!!

這家的娘惹菜由開店到現在，服務態度還是一樣的好。每次去也令人感到親切。是小數我老爸也會去的餐廳。(老人家喜歡酒樓 你懂的 - -+)食物方面，除了加多加多外，可以點他的醬燒骨，味濃，口味重人士的選擇。娘惹炸蝦(這次沒有點 )加有咖哩粉，現在改了沙律醬，總感覺以前的甜酸醬更好。

兩個人叫了最多人食的三樣食物巴東牛肉 : 個汁似係咸的沙嗲醬. 太咸. 但因為其他東西太淡, 所以我們用來點其他食物.雜錦黃彊飯 : 黃彊飯沒有什麼味道. 其他雜錦小食就更不值一提. 所有味道都是巴東牛肉汁的味道.醬燒鯖魚 : 又是淡而無味的, 完全沒有燒烤的香口野味感覺. 似是焗出來的. 埋單二百元,服務環鏡味道都 完全不值這個價錢. 好在我家住屯門, 否則真的不值得專程來吃呢.

好奇怪 今日雖然落雨 但係都好想出下街 可能因為天氣轉涼左少少最後決定上Openrice 睇下屯門有乜食 出去食返個飯見到 嘩 娘惹居然一個負面都冇 咁就一於去試下~去到 7點鍾左右 可能因為早啦 冇乜人 見到佢入面唔多枱 枱同枱之間都幾闊落 環境都幾乾淨 令到我可以好安心咁坐低 一坐低 就有位姐姐埋尼招呼 態度語氣都好好 比起其他食過既餐廳都熱心好多 滿意!睇餐牌 好多野我都想試 可惜我地得2個人.. 試唔到幾多最後叫左-加多加多可以話係必食之選 好食!-串燒 半打 雙拼(雙拼要加2蚊) 3支雞 3支豬串燒反而冇咩特色.. 味道麻麻 有點失色-沙薑海鮮炒飯炒飯 味道幾好 唔多油 唔會好似旁邊間小X谷咁食到成口油 幾乾身 正-巴東牛肉味道唔錯 好香椰奶味 牛肉比較林 唔韌 每件牛都連氣一塊比較大既肥膏 唔怕肥既我覺得好食! 怕肥人仕可以注意 其實叫既時候都已經覺得太多 我地2個人都唔係大食 但係最終都食得哂總括尼睇 除左串燒比較失色之外 食物質素好 服務 環境都好好 臨走埋單仲有薑糖食

在大快活餓著肚子又慶到火屎走出來後,天又開始下起雨來,感覺甚慘.無力返市中心搵食,就邊行邊搵,到置樂盡頭,11點半鐘食店大部份還未開門,本來想去茶餐廳食個飯就算啦,但裡頭很多麻甩先生Orz....隔離是小曼谷,未開門,再順勢(真係咁順?XD)望埋隔離間娘惹,剛好有一班人入去,我們都跟住入去了(又被神秘之力量所吸 XD)店子果真好細,只有六張檯,怪不得大家說晚市要等位了.我們坐了中間的四人檯,不久,有一位美麗的女子端水過來,相信是傳聞中那位有禮的老闆娘了吧清水有著香茅,青檸的清香,勁好喝啊和老友商量好後,因為我們想吃的都不在套餐中,最後不點餐,轉改散叫.頭盤是加多加多,有翠綠椰菜片,爽甜多汁青瓜件,香口蝦片,青豆,肥0都0都銀芽,粉雷雷薯仔和烚蛋,每樣份量雖不多,但集起上來都夠食的了面頭有沙爹汁加炸蒜.老闆娘見我們不知從何入手吧,便走過來,提示我們可以先材料和汁撈好才食,然後溫柔地笑說一句"會好好吃的哦."(噗噗@@///).我們撈好後,似是沙爹汁的味道甜甜地,有著很香花生味,本身我仲以為這樣撈法會令到個沙律油膩膩,點知沒有,因醬汁份量不多,只是輕輕包住食材,將本身清新怡人的瓜瓜菜菜,反

朋友介紹話好正,就去試下,店子細細,幾干凈舒適,個姐姐好好禮貌..叫左巴東牛肉味道幾特別,好香椰汁呆,有d咸...娘惹炒通菜,,,好惹味,少少咸左d..燒炒飯-幾清香,有幾款配料...串燒-細細串,一般,個汁幾正...值得一試,價錢合比例...

當晚高高興興一行十二人都這家舖頭吃飯，我仲帶埋印尼工人姐姐去，試下正唔正宗。當時都感覺服務態度非常良好，但食物就真係唔係所講咁美味。當我哋埋單GA時候，對單欠左一個餸未到，就同佢講。佢哋啲情緒就黎啦！仲死話黎左，我哋食左千幾蚊野。跟住佢哋話冇得取消，連廚房啲人都走埋出黎話我第一份就出呢個餸，仲話冇得取消，一定要做返比我哋，仲係到係咁嘈。我到未去過一間咁GA餐廳，我哋唔要錢唔要都唔得。一啲都唔係你哋所講。我唔會再去。

又幫娘惹做食評...做左8個月食評.我得一間心水餐廳.可見我選心水餐廳係好嚴謹計服務個待應100分...計環境...佈置到又有印尼色彩,又乾淨...這次我評玫瑰梳打.飲落口,不是太甜....但有濃濃玫瑰香味...而且沒有梳打的汽.飲落好順喉.又不會太甜...椰汁雞...食落口不覺得甜...雞肉鬆軟...入口先有椰汁香味...這間店絕對有誠意

食過印尼菜都覺得價錢比較貴,呢樹價錢都算同食物成正比.炸豆腐炸得香脆鬆軟,本人覺得個燒骨個醬汁味道好特別好惹味 不知道店舖成員係唔係一家,有種家庭FEEL