娜多歐陸餐廳 (已結業)

我食娜多咁多次，而家先知呢個鐵圈係用黎做咩🙈🙈🙈（如果吾係聽到前面果枱人講起，我肯定以為呢個只係扶手方便俾員工清潔XD）原來就係放電話俾你睇戲 估佢吾到 不過大mon電話吾可以打橫放，吾太夠位放我阿媽嗌呢個豬肋骨的配菜都幾惹味，個醬係bbq, 吾會太咸，而且有兩舊豬肋骨，一人一件，吾錯 我就叫左呢個芝士肉丸意粉，黑椒味重左少少，但係個肉丸幾好味，個餡係實肉，而且肉質都彈牙，最正就係夠多粒，一碟有5，6粒，我同媽媽偷食左一粒

放學後，跟三個同學仔，一行四人前來食下午茶。四個人叫了三個餐，有兩個餐都加了八元配魚柳、炸雞，份量都挺多，四個人食仍然飽肚，但重點是，我們四個人除開，每人三十六元，好抵食、好高cp值！芝士焗卡邦尼意粉都挺creamy。三個餐中，認為最好食是這個夏威夷蕃茄芝士焗豬扒飯，蕃茄醬濃郁，配上菠蘿，酸甜酸甜，豬扒厚切，好快就被我們四個人清空。本以爲Pizza會如餐牌上寫般火辣，卻沒有，Pizza相當大塊，切成四塊，份量充足，每人一塊，剛剛好。

瀛格芝士牛肉蛋漢堡個蛋會流心架！牛肉漢堡重磅又juicy，芝士又多，煙肉不太鹹，首推之選！扭計薯好盞鬼，以為會好似menu畫的，成個扭計骰咁，但出來竟然是一塊塊，熱辣辣、夠晒厚，點埋茄醬，意外地好好食！墨西哥火辣薄餅不太辣，但值得一讚的是，好大塊pizza，餅底雖厚，但我們掛住傾計擺耐左少少，依然鬆軟，配料又多，食到我倆好滿足！😋總括：這裡烤焗香口又大大件，口味好岩學生，最緊要是，澱粉質多易飽肚，兩個女仔share來食都沒問題，幫學生荷包慳不少！

不愧係辣薄餅，今日同男朋友黎食下午茶，叫左個墨西哥「火辣」薄餅！我男朋友好中意，愈食愈與奮不過對於我黎講就辣左少少，但係幾惹味而且個餅底好好味！好鬆軟！如果可以再多d芝士就正了下次可以試埋另外一款pizza

娜多三重奏：凱撒沙律、墨魚汁鮮蝦忌廉意粉、BBQ豬肋骨 墨魚麵個忌廉汁幾香幾重忌廉味，但食落吾膩既，不過如果鮮蝦可去埋殼就會好d！佢既配料都煮得幾香，有洋蔥、三色椒、蘑菇，所有野煮埋一齊都幾match不過個豬肋骨相對地失色左少少，多肉既，不過肉冇吸收bbq醬的味，淡口左少少，但係個醬幾惹味！

突然好想食焗飯，和朋友去了將軍澳廣場的娜多歐食lunch。一望menu，娜多歐都幾多選擇！但小妹好鐘意食肉醬，所以點了個肉醬馬可孛羅焗飯，芝士一點都無偷工減料，不過肉醬味再濃點就更惹味！而竟然估唔到配餐個包——意式軟包軟綿綿、好鬆化！做配包都做到咁出色👍不用點個湯，都好好食！$52有薯片、意式軟包、湯，真係好抵好抵！就算係為食小妹如我，都食不完個餐！下次可以和女仔朋友share來食～

呢個瀛格芝士牛肉漢堡真係不得了！個流心蛋流晒汁出黎 證明冇煮得過火，而且個芝士仲拉到絲出黎 好好味 呢個牛肉漢堡仲配埋薯皇，不過$68一個下午茶餐就好似貴左少少，如果佢平少少就緊加perfect了！ 有圖有真相！流心蛋黃好正！

近年將軍澳開咗好多新餐廳，呢間係其中一間唔錯嘅餐廳。 我地兩個人叫咗兩個餐: 娜多三重奏，有前菜，主菜及飲品。我地叫咗個肉醬焗飯餐(約$60)，配羅宋湯意式麵包，脆炸單骨雞。肉醬焗飯中醬同飯的比例剛剛好，唔會太多醬。羅宋湯亦好足料，有雜菜但較為稀。 香蒜蕃茄蜆肉意粉配凱撒沙律餐(約$66)，bbq烤豬肋骨，蜆肉乾身無沙，但意粉分量較少。凱撒沙律中嘅蜜糖芥末醬甜甜地配上新鮮生菜係前菜嘅最佳選擇。另外bbq烤豬肋骨肉嫩易入口，醬料甜身。 整體套餐分量豐富，有兩份前菜，一份主菜及一杯飲品，都算抵食。

冇諗過下午茶有燒豬肋骨食！味道仲唔錯！有骨又有肉！肉汁甜甜酸酸好想ENCORE，如果大舊D就好喇！卡邦尼白汁長通粉正正常常，芝士味好香，連埋沙律食感覺即刻唔肥！沙律份量仲好多TIM～不過以下午茶黎講真係飽左D，要係商場行下消化下XDDDD

食下午茶但又唔想食飯同意粉，就叫左個PIZZA！有驚喜！因為個人本身中意食辣野，個PIZZA辣辣地好開胃！成個PIZZA好足料，肉腸咸咸香香，元埋芝士就係正囉！一個女仔食其實所幾飽，下午茶可能HEAVY左D，當LUNCH食會幾好，不過好食就冇所謂喇XDDDD

難得約左幾個豬朋狗友出黎聚下，又吾想頹食個麥當勞，就入左黎呢到食了！ 閒日冇乜人所以吾洗排隊，裡面又吾多人，所以今餐由2點幾傾到5點幾都冇人趕，吾錯吾錯 說真的佢的下午茶餐都算多選擇，不過我就要食佢既飯或意粉先夠飽，而且相對地抵食d! 蕃茄濃湯一般啦，炸雞吾錯，個餐送到黎都仲係熱辣辣，不過加$8得一件就少左d啦。個豬扒飯都幾好味，蕃茄汁夠酸，幾開胃！豬扒件數都多，抵食！總括黎講，呢個價錢係抵食既，而且可以坐咁耐又冇人趕你俾個like!

食物內容：卡邦尼亞長通粉、羅宋湯、單骨雞味道：卡邦尼亞長通粉係creamy，單骨雞本身有少少乾，雖然有茄汁點下，但茄汁點雞怪怪地雞，都係想要泰式辣醬配！份量：女仔食應該會好飽，男仔就差唔多。價錢：唔太似下午茶價，但份量同午餐差不多。感想：將軍澳廣場呢D大型廣場要搵D平價得來又坐得舒服的西餐廳買少見少，呢間娜歐多份量足又多款式揀，價錢都幾經濟，算有誠意之作，可以一去再去！

嘩嘩嘩，將軍澳廣場開了間娜多歐，放學即刻去試下。 牛肉蛋漢堡的脆薯好好食！又脆又大舊又有肉！😋漢堡多layer：芝士、煙肉、漢堡肉juicy，蛋會漏汁，食到一手都係，建議加多張紙，畀人包住來食！又抵食又飽！會再來！😋👍

將廣不嬲都多野食，今日難得放假，同女朋友嘆番個下午茶，我叫左個蕃茄芝士焗豬扒飯，加＄8有個豬肋骨，賣相幾靚！蕃茄味濃，豬扒夠嫩！真係幾抵食！唯一不足的係餐飲竟然係用外賣杯，吾夠環保！其實我係堂食既，點解要用膠杯呢？睇吾明，睇吾透！

套餐配有凱撒沙津，但沙律上的芝士粉欠奉，只見少量蛋黃醬。麵包烘焗時間不夠火候，顏色略白，但是食起來卻十分鬆軟。焗豬排飯的分量十分充足，雞蛋炒飯底夠乾身。套餐還配有豬肋骨，雖然只是小件，但以套餐整體來說，已經非常足夠。另一套餐配以3.6牛乳忌廉湯，黃色的湯充滿牛乳味，略加黑椒粒，更可帶出香味。意粉較淋身，平時的肉醬意粉只有肉碎及醬汁，但今次吃的卻有磨菇，而辣肉腸件數亦不少，值得一讚。