娜多歐陸餐廳 (已結業)

今晚又係同Mr.J喺將軍澳站附近食晚餐，見依間唔太多人，價錢又唔太貴，就入去食喇。今次叫咗兩個Set，另加兩杯野飲1)黑松露野菌芝士焗長通粉+蕃茄蔬菜湯配麵包+扭計薯(2)波士頓龍蝦芝士汁海鮮意粉+3.6牛乳忌廉濃湯配麵包+扭計薯(3)兩杯凍檸茶先講凍檸茶，跟Set叫冷熱都只係加$3，好抵飲，而且我都覺得幾大杯㗎。蕃茄蔬菜湯裡面有唔少蔬菜而且幾大碗，不過啲紅蘿蔔好似未夠淋，食落去仲係爽嘅。味道上一般，無咩特別，至少唔會好鹹 。反而跟湯嘅麵包幾好食，夠熱夠軟。3.6牛乳忌廉湯我淨係食到雞湯味，無牛乳味，根據佢嘅顏色應該係南瓜牛乳忌廉湯，但都係無南瓜味，唯一可取之處係佢好濃，無呃我。(落得太多雞湯，遮哂主角嘅味道)扭計薯好好食，夠熱夠脆，而且都有成4-5塊。(一塊都好大好厚)黑松露野菌芝士焗長通粉睇落去份量少，但其實都好飽肚。黑松露嘅味道比較缺乏，唔太食得出，另外醬汁比較杰，所以都幾漏。因為得野菌，食落都幾Dry。睇餐牌時無仔細睇，原來波士頓龍蝦芝士汁海鮮意粉只係波士頓龍蝦芝士汁，而唔係有波士頓龍蝦。不過Mr.J話個汁都唔夠味，好淡，要加茄汁食先好少少。海鮮方面有一隻大蝦，青口，蟹柳等，o

今日同老公即興黎到將軍澳popcorn, 因為諗起之前中銀信用卡儲分，換左2張Godiva 雪糕卷就黎過期，所以咋咋淋換左黎食。係食雪糕前，要先食左brunch ，睇左幾間，都冇岩心水，最後食返呢間，第二次食，因為唔錯，所以再食。呢款係3重選，我揀左忌廉湯配包（湯好濃郁creamy)，豬肋骨（少少地，過下癮），肉丸意粉（淡左少少，汁比較稀），$52，好抵食忌廉黑椒焗雞扒飯（$54）雞扒嫩滑，不過啲黑椒汁好重，老公話食到最後辣左少少。開頭問佢係咩汁，佢話係黑咖哩😂我心諗，甘特別？好少聽過有黑咖哩喎😂點知唔係😂特飲一般幾抵食，食到好飽

午市餐牌都有幾多選擇，有焗飯，意粉等等。今次叫左一份意式全餐，即係all day breakfast，有黑松露炒嫩蛋、法蘭克福腸、脆香煙肉、玉米、漢堡扒、煙火腿、燒野菌、燒蕃茄、扭計薯、茄汁焖豆、雜菜沙律、意式麵包。份量同種類黎講都都算唔多，價錢都比出面d cafè 都平唔少 (連飲品$56)，質素都算對得起個價錢。而值得一提的是扭計薯同炒蛋，個炒蛋口感嫩滑，有幾重黑松露味。另外個扭計薯都應該係即叫即炸，幾脆身。住將軍澳嘅朋友又多一個唔錯既選擇。

而家下午食野閑閑地都要＄70蚊，小妹今日就去咗新開嘅餐廳。八卦下好多唔同嘅選擇呀，叫咗一個pizza餐，正唔正先。講講Pizza先出奇地唔係好厚㡳。係做得唔錯外脆肉軟熟，仲熱吖！上邊嘅番茄汁雖然都係用現成嘅。但係甜味酸味好配合，加埋唔同嘅菜同芝士，好香濃，比著名嘅Pizza店仲好味呀但係咖啡就冇乜深度，好確口，行貨杯咖啡真係要扣分了

Happy Friday放工同朋友聚一聚，揀左呢一間餐廳，聽朋友講價錢平、份量足、質素高！所以決定黎試下！星期五晚上六點九到冇人排隊，但一到七點外面已經排滿人呢！好彩早到客人入座後店員會派張紙仔，客人需要到外面點餐，隨後會有店員將食物送到枱上。食物種類都算幾多，而且價錢合理唔算貴。同朋友share黎食，一個set一個薄餅已經食到好飽。環遊世界薄餅💰HKD58薄餅唔會太厚皮，材料都幾豐富。芝士味唔算重，勝在有好多蜜糖芥末籽，令整個薄餅都甜甜辣辣，好開胃。可惜我個人唔太中意生洋蔥，偏偏個薄餅好多生洋蔥，一食到就覺得好苦。另外，個薄餅亦唔係好夠熱。凱薩沙律配意式麵包+烤豬肋骨+波士頓龍蝦汁配海鮮意粉💰HKD66沙律就只有菜，比較乾身。麵包細細舊，香香地，尚算軟熟，幾好食。豬肋骨有兩條骨呢！肉質幾好唔係好靭，配上燒烤醬十分惹味。波士頓龍蝦汁配海鮮意粉，個汁方面都幾濃味，有少少杰身，甜甜地撈意粉十分不錯。海鮮份量都算多，普通未有特別。份量實在係好多，以66蚊嘅價錢食到呢個份量同質素，算係幾扺。有💰HKD8就有凍飲。總體上我對餐廳食物係十分滿意，原本我真係覺得呢間餐廳環境、價錢、服務都好好，但係食

為食脆什少在將軍澳食飯，一開openrice，呢間餐廳吸引到我，即刻相約友人一齊去食飯。餐廳有種三重奏套餐，即湯包+主食+小食。 我地點了 蕃茄湯配意式面包+脆炸魚柳+波士頓龍蝦汁配海鮮意粉份量多到嚇死人，意粉勁多汁，又多足料海鮮，勁好味！飽肚之選。另外也叫了一份 瀛格芝士牛肉旦漢堡漢堡勁多牛肉汁濺出，薯塊有種特別的口感。

今晚本想到超級市場旁邊的意大利餐廳晚餐，誰知有很多人在等候，3-4人枱需輪候三十多張。眼見情況不利，家人建議到其他餐廳等位，看看哪家最快可入座。直到家人通知已La Dolce入座了，這就是首次光顧這家歐陸餐廳。原來在入座後，職員會提供一張小咭紙，持有這咭紙，用於落單及付款，即是先付後食。全家人點了3個三重奏套餐，大家分享。在等待期間，看到職員十分忙碌，唯有自己去取清水及紙巾吧！ 套餐整齊地排在木盤上。 餐湯配餐包：意大利蕃茄雜菜湯 &　3.6牛乳忌廉濃湯　　　　餐包很鬆軟，但没有香草味。 小食：BBQ烤豬肋骨 只有1條肋骨的濶度。肉質有肥有瘦，當然無得輸。脆炸吉列魚柳　薄薄的魚柳，至少漿粉炸得不油膩　　　　　脆炸單骨雞　即是飛天臂。　意式香草醬肉丸忌廉意粉　　　綠色忌廉香草醬，香草醬質地較稀，有如忌廉湯。香草味不濃，肉丸質地很有彈性。　　　夏威夷蕃茄芝士焗豬扒飯　　只見圓圓的飯粒似珍珠米，無食到。　　　重量級芝士焗卡邦尼亞長通粉　三款之中，比較喜歡這個長通粉。配搭最簡單：面有一層芝士，配上煙肉及蘑菇。長通粉有咬口，煙肉味不太重，只是醬汁似是忌廉湯質地。　　　飲品: 香滑奶茶（加錢）及芒

將軍澳廣場aeon下面果層原來有幾間餐廳，今日行過先知。呢間餐廳環境唔錯，雖然無隔離間泰國舖頭咁多人食，不過呢間既特別之處係...平餐牌主要有3款，第一種係pizza；第二種係套餐，一共有3樣野，價錢都係hk52至68；第三樣係小食首先係搵左位坐先，跟著要記得枱號，行返出去點餐比錢，要講返個枱號出黎，之後就會有人將餐送上墨西哥火辣薄餅 hk62由落單到送上枱大概十分鐘時間，pizza係長方型厚批，上面有厚厚既芝士同辣肉腸，仲有幾多既配料。熱辣辣，好香既芝士味。不過雖然餸係多，但主要係舖係中間，兩邊留有幾多既空白位，對於鍾意食厚批既人就最啱。味道方面唔錯，一拉開件pizza, 條芝士仲係難捨難離。一咬落去好鬆軟，芝士味都幾濃厚，辣腸既味反而唔出，食唔到辣味，橄欖好多，帶出味道豐富。因為pizza較為厚身，亦做得鬆軟，咬落去既口感好好，熱辣辣，香濃既芝士味道唔錯，可惜覺得餸唔夠多總括黎講，pizza既味道還可，濃濃既芝士配合熱辣辣上枱。不過睇人地食另一款套餐，有3款茶，包括湯（連包），小食同埋main都係一樣價錢，下次一定要試試先得。呢間舖頭價錢算平，質素平均

「娜多意大利」之前看雜誌，知道是麻酸樂集團的西餐，這是意國菜，吸引人的地方是價錢相宜及年輕化菜式。食物方面配搭新穎，最低消費$50-$60，晚餐來說是大眾化價錢。 餐廳的年輕化見於食物配搭新穎，不主打傳統款式，今次點「夏威夷芝士焗豬扒飯」就是一個例子。看價錢，更是超級相宜，晚市套餐 52元就可吃到雜菜湯、沙律、主菜及飲品，市區難在尋得到。 今次晚餐我首度踏足將軍澳。將軍澳的餐廳選擇真多，朋友早已決定到「娜多歐陸餐廳」，並吩咐我提早入座，避免到了晚餐的黃金時間要等位。果然，六時後已滿座，如此受歡迎的原因何在呢？吃罷這頓晚餐，我終於明白娜多的賣點是「價格平、品質高、食物正」！是日餐「湯意大利蕃茄雜菜湯」「意式麵包」：餐湯十分稠，近似糊狀，適合沾在那有點硬的餐包，味道普通。BB烤豬肋骨：沒想到以這價錢可以食烤肋骨，一小正方塊，烤肉只是薄薄一層，烤得有點過火，小小焦黑，心想是脆卜卜，可能已經冷卻，沒有熱騰騰和脆口，倒有點失望。汁醤是焼烤汁，尚軟身，普普通通，沒有什麼驚喜。夏威夷芝士焗豬扒飯($52)：賣相吸引，紅紅黃黃，芝士加蕃茄混合體。藩茄是厚切一片片，十分完整的。再看看餐牌，實物和

5/2公眾假期，一個人早晨出門口已是11點2。一路上將軍澳的早餐店都大排長龍，La Dolce也不例外。在店門口攞飛等了約5分鐘等到位。這間店裡面比較寬敞，桌與桌之間空位還不錯（當然也有排得密的）我一個人店家還是給我了二人檯無搭檯。Nice！食物方面，我點的是6號餐輕盈芝士蘑菇奄列配法蘭克福腸和法包。奄列很不錯，一刀切下去介開奄列時，芝士還連成絲。幾乎每刀都是，說明店家有用真材實料。 奶茶值得一讚！絲滑、醇美，雖然我正在減肥但仍抵受不住魅力飲多幾啖。正呀！法包和法蘭克福腸則一般。但講真，$34早餐，有杯靚奶茶，有個好奄列，夫復何求！ 埋單$34無收加一。

記得之前去德國果陣，一直對佢既流心蛋黃火腿包念念不忘，番到黎一直想食番，點知竟然俾我喺度搵到有咁好水準嘅流心蛋黃漢堡按下直頭喊出來！呢個午餐都幾抵食，有沙律有湯有薯條同有嘢飲。係相入面，呢個角度你都睇到個蛋黃係又圓又大，同埋feel到係流心既！咬落去簡直係流晒啲蛋黃出嚟，仲要成手都係佢個漢堡都好味嘅，唔會太乾，再加上蛋黃流咗落去個漢堡上面就更加滋味啦我相信我下次再嚟食我都會嗌番呢一個餐的！

叫了個瀛格牛肉芝士漢堡，個包又多層又大大舊，芝士又大塊，牛肉足料juicy，可能我櫻桃小嘴關係，唔可以一啖咬晒咁多層，食到我有少少辛苦>~<!D蛋滑dodo仲會流心！係好食！上面d野食用晒木盤裝好high class，但這杯奶茶竟然係轉用紙杯.......？😳

一個人想靜靜地食野的話，呢到都係一個好地方！我點半黎到都吾算好多人，同埋佢都幾闊落，吾會將所有枱放到密密麻麻，所以一個人黎食都幾好，靜靜地，而且佢上菜都幾快！岩晒我呢d一個人想快d食完就走的人！我叫左呢個卡邦尼焗長通粉，成個餐加$8就有豬肋骨，本身有湯或沙律跟，我揀左沙律！長通粉芝士吾算多，白汁亦都吾太膩，所以食晒成碟都吾會好肥（自我感覺良好）豬肋骨就普普通通，味道淡左少少，應該醃得吾夠耐，所以冇乜滲到bbq味落舊肉到！呢一餐我食左半個鐘就走人！成件事都好快！趕時間的人想食野的話，呢間吾錯的

墨魚汁忌廉意粉，哩度唔係用墨魚麵，係墨魚汁就咁淋上去，個意粉無咩特別出眾，但d餸都幾足：大蝦、三色椒、蘑菇、洋蔥，隨餐仲有豬肋骨、軟包、沙律，咁優惠嘅價錢仲有咩好挑剔呀！豬肋骨反而係成個餐的點睛之作，豬肋骨絕對唔係食之無肉，個燒烤醬仲好yummy！👍娜歐多對我來講算係快餐，但環境寬敞無大家樂咁逼，又不趕人走，咁嘅價錢算係咁啦！會再來試埋其他餐！

將軍澳娜歐多新開張，今日去試一試。夏威夷蕃茄焗豬扒飯配單寧雞，豬扒幾好食，炸雞的麵粉有少少厚，但都香口。整體來講，以這樣的價錢，免加一，又有羅宋湯、炸雞，好飽肚，味道不錯之餘，而且環境寬敞，可以成為學生午餐另一新選擇，算挺優惠。