娜多歐陸餐廳 (已結業)

調景嶺站選擇唔多，加上接近12點，早餐無望了……難得見到有一間有All day breakfast, 價錢又唔算太貴，就膽粗粗入去試下！ 我叫左個意式全餐（盛惠$64），都算多野食（有：黑松露炒蛋，法蘭克福腸，煙肉2片，薯餅，茄汁豆，豬柳漢堡，煙火腿，沙律菜，法國面包，煎蕃茄）。黑松露炒蛋的蛋炒得過老質感偏鞋，黑松露味不夠，此乃意料之內，不過好過普通炒蛋，較有誠意。法蘭克福腸味道淡而且淋Bat bat，好似廚師腸好啲喎。煙肉2小片，沒有煎得過燶也不覺乾硬，好食。薯餅是街邊小販檔的那種，薄薄的，但沒有炸過火或者凍冰冰，合格啦茄汁豆，沙律菜煎蕃茄，煙火腿就正常貨式，冇特別。豬柳漢堡偏淋而法國面包過硬，水準之下熱奶茶不過不失，略嫌茶味不夠濃⋯⋯ 老公點了個輕盈芝士蘑菇奄列餐（盛惠$58），都唔少野食（有：半塊牛油多士，芝士蘑菇奄列，法蘭克福腸，煎蕃茄，薯餅，沙律菜，粟米，茄汁豆，煙肉）。牛油多士烘得鬆脆，可惜牛油是另上而不是預先搽落多士，有點失色。芝士蘑菇奄列雖然蘑菇不少且份量十足，但蘑菇味唔出，更加食唔出芝士味，十分普通。本來以為要加一，點知唔洗，都算合理。座位ok但餐具不夠乾淨算

第一次光顧，order了米蘭香蒜茄乾蜆肉意粉，湯，好酸，豬肋骨的醬都係好酸，意粉好dd冇味，要加鹽加芝士粉先好少少，係個香草包好少少，故此評分為40不合格第二款意粉：意式香草醬肉丸忌廉意粉，意粉都係林，冇忌廉味冇香草味，忌廉汁好杰好gel口，肉丸都係唔好味(ikea好食過佢) ，炸雞似肯德基，故此都係40分不合格第三款：意式全餐；磨菇味有，蛋冇味，其他冇驚喜，唯一ok的係杯咖啡，呢款稍為好d, 50分僅僅合格結論係：唔好食

今日放左學說朋友去到新開左既冇耐既娜多餐廳食下午餐😂呢間野我已經第三次食之後叫左卡邦尼長通粉之後再加多左$8要再單骨炸雞同加左$3飲可樂首先講個湯 我要左3.6牛乳忌廉湯 個湯好濃好好飲 之後個長通粉我略嫌加左太多胡椒粉之後變到個味比胡椒蓋過曬 所以建議少d胡椒粉淡d會好d d汁都可以多番少少因為宜加都幾dry之後個單骨炸骨好好食 睇得出係新鮮炸起所以個溫度保持到好暖 但係覺得太細舊 $8唔係好值👉👈 整體都覺得ok既 服務態度又好好

與甜心享受星期六早餐，朝早9点半要等位5分钟安排坐長梳化，不太舒服纽倫堡腸，腸味可，肉質冇乜3.6牛乳炒蛋，嫩質炒不錯，幾香滑麵包，太细，䁔䁔地還可火腿蕃茄通，茄味夠，份量可，但不夠熱見意出餐前加熱多點

2016第一擊食西餐! 見到將軍澳廣場角落開左間新野!見到自助買飛 心諗得唔得架 係咪又係大X樂D朋友?係門口睇下 有幾個電視show餐牌西餐 有d咖啡飲下 又似幾好三重奏 - 原來係湯/沙律+小食+主菜沙律 - 單骨雞 - 墨魚汁鮮蝦忌廉意粉凱撒沙律 菜新鮮 前菜黎講份量算大 麵包粒亦係脆 合格!單骨雞超級熱同脆意式包 煙煙韌韌好好咬 同埋好香個包絕對係好野可惜冇叫到餐湯最期待主菜 墨汁意粉墨汁1D都唔孤寒食完一咀都仲係果陣味好大隻蝦 不過成碟黑曬好難搵建議可以諗下有咩改善方法個人最中意就係隻雞槌 脆到想叫多份小食因為見到佢有個單骨雞加扭計薯小食不過食唔曬 下次啦飲埋杯熱檸水(跟餐加$6)作結 一個人都尚算滿足好欣賞用左小PAN仔去裝意粉尤其係冬天 唔熱真係冇得搞呢個PAN KEEP到溫度又靚仔 好好

This is a new restarant located in TKO plaza. The decor is neat and simple. We asked for a table of 2 and we were brought to our table. At this point everything seemed totally normal, except we noticed that the resturant was filled with a lot of scouts.We looked at the menu and decided that we would order an Italian Full Breakfast (never heard of that before so we gave it a try anyway), so we requested the waiter to come take our order. To our surprise, a scout came and said he wouldn't take ord

聽聞呢間平價版歐陸式快餐開到黎屋企附近，終於唔駛過去調景嶺食喇～而且裝修仲靚過調景嶺果間～就味道而言，呢個價錢都算係咁，兩個人食一百蚊有找，唔通拎去同酒店比咩，所以我不嬲都話係平民版既食物，食既時候唔好要求咁高～卡邦尼算係比較失望，佢只係一個白汁長通粉。。。不過加八蚊既炸魚柳就唔錯，有女仔既手板咁大件，唔太乾。墨西哥pizza呢，因為綠色果隻辣椒，所以係比較辣，唔係咁食得辣可以挑走佢黎食，未道都唔錯。至於個湯同通粉就同調景嶺果間差唔多，唔好咁大寄望。但個即磨咖啡就幾香滑，雖然無左之前同位置既cafe~ 但呢杯都係一個唔錯既選擇～應該會搶走唔少隔離日式西餅鋪唔少生意，始終呢面鋪位大，又多啲選擇。

朋友家附近新開的chain restaurant，價錢同茶餐廳差不多，不過要自己去counter落 order 同比錢。但係見新淨企理，所以都試下。當日order 咗個set, 好似叫trio, 可以選擇3個dishes.3.6牛乳忌廉濃湯-有牛奶味，調味ok, 而且濃度適中，不会水汪汪。不過湯是暖並不是熱。BBQ豬肋骨-仍然保持肉汁，D肉不会好dry,所以幾好食，但係都係暖嘅。夏威夷蕃茄焗豬扒飯-見到個飯時都有少少寄望，可惜是個汁是紅汁，沒有蕃茄味，菠萝就水浸的，沒有菠萝味，沒有甜和酸味，感覺怪怪的。好彩有足夠的芝士，同埋件豬扒的味道ok,否則都幾難食。個餐加12元可加咖啡，個榛子泡沫咖啡，冇影到相，但幾香同幾滑，唔錯。

將軍澳廣場有新野!即開即試!一入到去 可能第一日開所以都有小小混亂唔係好知道應該先入座後買飛不過先入座都好 起碼保證有位 又有人送餐買完飛就可以埋位等食 正!2個人下午茶 一個牛角包一個PIZZA 大滿足經典碎蛋沙律牛角包配煙火腿一擺上枱 包身夠熱夠脆 明顯即叫即焗碎蛋沙律夠凍 入口一凍一熱 一脆一軟 非常唔錯煙火腿負責吊味 整體好味!墨西哥火辣薄餅 配凱撒沙律沙律冇影 菜夠新鮮 不過不失值得一提係PIZZA底批底夠韌 有口感 唔油膩唔厚唔薄但我鍾意TOPPINGS就一般野 勝在辣椒夠辣 腸夠咸 芝士夠多飲左杯薄荷朱古力 不過不失好既食物質素配合平民化價錢 可以繼續支持!